ລັດຖະບານ ຈະເນັ້ນໃສ່ 8 ວຽກຈຸດສຸມໃນເດືອນມີນາ ໂດຍສະເພາະສືບຕໍ່ຄຸ້ມຄອງລາຄາສິນຄ້າ ແລະ ຕິດຕາມສະພາບການເໜັງຕິງຂອງລາຄານໍ້າມັນ ຢ່າງໃກ້ສິ

ກອງປະຊຸມລັດຖະບານ ສະໄໝສາມັນ ປະຈໍາເດືອນ ກຸມພາ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 20 ກຸມພາ 2018 ຢູ່ທີ່ ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ ແລະ ສະມາຊິກລັດຖະບານ ເຂົ້າຮ່ວມຢ່າງພ້ອມພຽງ.


ກ່ຽວກັບວຽກງານຈຸດສຸ
1. ສຸມໃສ່ການເກັບລາຍຮັບງົບປະມານໃຫ້ໄດ້ຕາມຄາດໝາຍ ແຕ່ຫົວທີ ໂດຍພະຍາຍາມປິດຊ່ອງວ່າງການຮົ່ວໄຫຼຂອງລາຍຮັບງົບປະມານຜ່ານມາ ພວກເຮົາຍັງບໍ່ທັນເຂັ້ມງວດແທ້ ຕໍ່ການເກັບລາຍຮັບເຂົ້າງົບປະມານ ແລະ ຍັງມີຊ່ອງຫວ່າງໃຫ້ພະນັກງານ ແລະ ຜູ້ປະກອບການສວຍໂອກາດ ຫຼື ລົບຫຼີກການຈ່າຍພາສີອາກອນ ຫຼື ມອບພັນທະງົບປະມານ. ດັ່ງນັ້ນ, ຕ້ອງໄດ້ຫັນເຂົ້າສູ່ການເກັບລາຍຮັບດ້ວຍລະບົບທັນສະໄໝໃຫ້ໄວ ແລະ ຮັດກຸມ.


2. ສືບຕໍ່ຄຸ້ມຄອງ ແລະ ຮັກສາສະຖຽນລະພາບທາງດ້ານເສດຖະກິດມະຫາພາກ, ຄຸ້ມຄອງອັດຕາເງິນເພີ້ ແລະ ອັດຕາແລກປ່ຽນໃຫ້ຢູ່ໃນເກນປົກກະຕິ; ຕິດຕາມ ແລະ ຄຸ້ມຄອງການເຄື່ອນໄຫວຂອງທະນາຄານທຸລະກິດ ແລະ ບັນດາສະຖາບັນການເງິນ ໃຫ້ຖືກຕ້ອງຕາມກົດໝາຍ ແລະ ລະບຽບການ; ຮີບຮ້ອນຄົ້ນຄວ້ານະໂຍບາຍອັດ ຕາດອກເບ້ຍເງິນກູ້ ແລະ ກົນໄກການສະໜອງທຶນ ເພື່ອຊຸກຍູ້ສົ່ງເສີມການຜະລິດພາຍໃນ ໂດຍສະເພາະໃນສະ ພາບເງື່ອນໄຂທີ່ພາກທຸລະກິດພາຍໃນ ມີຄວາມຫຍຸ້ງຍາກທາງດ້ານການເຂົ້າເຖິງແຫຼ່ງທຶນ; ພ້ອມນີ້, ກໍ່ສືບຕໍ່ປັບປຸງລະບຽບການ ແລະ ກົນໄກ ເພື່ອອຳ ນວຍຄວາມສະດວກໃຫ້ແກ່ການດຳເນີນທຸລະກິດ ແລະ ສົ່ງເສີມການລົງທຶນຂອງຕ່າງປະເທດ ເພື່ອເປັນມາດຕະການໜຶ່ງໃນການກະຕຸ້ນເສດຖະກິດ.


3. ສືບຕໍ່ຄຸ້ມຄອງລາຄາສິນຄ້າ ແລະ ຕິດຕາມສະພາບການເໜັງຕິງຂອງລາຄານໍ້າມັນ ຢ່າງໃກ້ສິດ. ພ້ອມກັນນີ້ກໍ່ແຈ້ງໃຫ້ທົ່ວສັງຄົມຮັບຊາບ ຕໍ່ກັບການປັບຂຶ້ນ-ລົງລາຄານໍ້າມັນແຕ່ລະໄລຍະ ເພື່ອຫຼີ້ກລ້ຽງການເຂົ້າໃຈຜິດ ຫຼື ຕຳນິວິຈານ ຢ່າງບໍ່ສົມເຫດສົມຜົນ. ໃຫ້ສືບຕໍ່ຕິດຕາມລາຄາສິນຄ້າຕາມທ້ອງຕະຫຼາດຕື່ມ ເນື່ອງຈາກເຫັນວ່າ ລາຄາສິນຄ້າແພງຂຶ້ນຫລາຍ ແລະ ໄດ້ສົ່ງຜົນກະທົບຕໍ່ການດໍາລົງຊີວິດຂອງປະຊາຊົນ.


4. ເອົາໃຈໃສ່ຕິດຕາມ, ກວດກາ ແລະ ສະກັດກັ້ນການດຳເນີນທຸລະກິດ, ຄ້າຂາຍ, ນຳເຂົ້າ-ສົ່ງອອກ ທີ່ບໍ່ຖືກກົດໝາຍ ແລະ ລະບຽບການ ເປັນຕົ້ນແມ່ນການຫຼັກລອບ ນຳເຂົ້າ-ສົ່ງອອກສິນຄ້າ ທີ່ຜິດກົດໝາຍ, ການລົບຫຼີກພາສີ-ອາກອນ ຕະຫຼອດຮອດການລັກລອບ ຊື້ຂາຍ ຫຼື ສົ່ງອອກໄມ້ ແລະ ເຄື່ອງປ່າຂອງດົງ ທີ່ຂັດກັບຄຳສັ່ງເລກທີ 15 ແລະ ນິຕິກຳກ່ຽວຂ້ອງ.


5. ສຸມໃສ່ການກະກຽມກອງປະຊຸມລັດຖະບານເປີດກວ້າງ ເຊິ່ງຈະດຳ ເນີນໃນລະຫວ່າງວັນທີ 22-23 ມີນາ (ພໍດີຖືກກັບວັນສ້າງຕັ້ງພັກ ຄົບຮອບ 63 ປີ). ໃນກອງປະຊຸມລັດຖະບານເປີດກວ້າງຄັ້ງນີ້, ພວກເຮົາຈະສຸມໃສ່ການເຜີຍແຜ່, ແນະນຳ ແລະ ຊຸກຍູ້ແຕ່ຫົວທີການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ສົກປີ 2018. ກອງປະຊຸມຄັ້ງນີ້ ຍັງຖືເປັນການກະກຽມ ໃຫ້ແກ່ການລາຍງານຕໍ່ກອງປະຊຸມຄົບຄະນະຂອງຄະນະບໍລິຫານງານສູນກາງພັກ ແລະ ກອງປະຊຸມສະພາແຫ່ງຊາດ ທີ່ຈະໄຂຂຶ້ນໃນເດືອນເມສານີ້. ດັ່ງນັ້ນ, ຈຶ່ງມອບໃຫ້ຫ້ອງວ່າການສຳນັກ ງານນາຍົກລັດຖະມົນຕີ ເປັນເຈົ້າການປະສານກັບຂະແໜງການ ແລະ ທ້ອງ ຖິ່ນ ໃຫ້ລະອຽດ ເພື່ອກະກຽມດຳເນີນກອງປະຊຸມເປີດກວ້າງຄັ້ງນີ້ ໄດ້ຮັບໝາກຮັບຜົນເປັນຢ່າງດີ. ພ້ອມນີ້ກໍ່ອາດຈະກະກຽມກິດຈະກຳໃດໜຶ່ງ ເພື່ອລະ ນຶກເຖິງວັນສ້າງຕັ້ງພັກ ຄົບຮອບ 63 ປີ ໄປນຳເລີຍ.


6. ຮີບຮ້ອນປັບປຸງ ແລະ ຈັດສົ່ງບັນດາຮ່າງກົດໝາຍ ທີ່ຈະສະເໜີຕໍ່ກອງປະຊຸມສະພາແຫ່ງຊາດ ສະໄໝສາມັນ ເທື່ອທີ 5 ໃຫ້ທັນຕາມກຳນົດເວລາ. ພ້ອມກັນນີ້, ກໍ່ໃຫ້ກະກຽມການລາຍງານ ແລະ ຊີ້ແຈງກ່ຽວກັບບັນ ຫາຕ່າງໆ, ທີ່ສະມາຊິກສະພາອາດຈະຍົກຂຶ້ນໃນກອງປະຊຸມ ຖ້າບັນຫາໃດຍັງບໍ່ເຫັນເປັນເອກະພາບພາຍໃນສະມາຊິກລັດຖະບານ ກໍ່ໃຫ້ຮີບຮ້ອນປຶກສາຫາລື ແລະ ໃຫ້ມີຂໍ້ສະຫຼຸບ ເພື່ອຫຼີກລ້ຽງຄຳເຫັນທີ່ຂັດແຍ່ງກັນເອງຢູ່ສະພາ.
7. ສືບຕໍ່ຕິດຕາມຢ່າງໃກ້ຊິດ ສະພາບການພາກພື້ນ ແລະ ສາກົນ ໂດຍມີການວິເຄາະວິໃຈຢ່າງລະອຽດ, ເລີກເຊິ່ງ ກ່ຽວກັບຄວາມສ່ຽງ ແລະ ທ່າອ່ຽງຜົນກະທົບ ທາງດ້ານການ ເມືອງ, ເສດຖະກິດ ແລະ ສັງຄົມ ທີ່ອາດມີຕໍ່ປະເທດເຮົາ. ພ້ອມນີ້, ກໍ່ສືບຕໍ່ການເຄື່ອນ ໄຫວວຽກງານຕ່າງປະເທດ ຢ່າງເປັນເຈົ້າການ. ໃຫ້ເອົາໃຈໃສ່ກະກຽມແຜນການເຄື່ອນ ໄຫວວຽກງານຕ່າງປະ ເທດຂອງການນໍາພັກ-ລັດ ໂດຍສະເພາະການກະກຽມໃຫ້ແກ່ຄະນະຜູ້ແທນຂອງລັດຖະບານໄປເຄື່ອນໄຫວຢ້ຽມຢາມຢູ່ປະເທດນິວຊີແລນ ຢ່າງເປັນທາງການ ແລະ ເຂົ້າຮ່ວມກອງປະຊຸມສຸດຍອດອາຊຽນ-ອົດສະຕຣາລີ ໃຫ້ມີເນື້ອໃນ ແລະ ໄດ້ຮັບຜົນສໍາເລັດດີ.


8. ໃຫ້ບັນດາສະມາຊິກລັດຖະບານ ເອົາໃຈໃສ່ຊີ້ນຳ, ຕິດຕາມ, ຊຸກຍູ້ ແລະ ກວດກາການຈັດຕັ້ງປະຕິບັດ ບັນດາວຽກງານຈຸດສຸມພາຍໃຕ້ຄວາມຮັບຜິດຊອບຂອງຕົນໃຫ້ມີປະສິດທິຜົນສູງ.
ໃນໂອກາດນີ້, ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ພະນັກງານ, ສະມາຊິກພັກ-ລັດຖະກອນ, ທະຫານ, ຕຳຫຼວດ, ນັກຮຽນຮູ້ປັນຍາຊົນ, ນັກ ທຸລະກິດ ທັງພາກລັດ ແລະ ເອກະຊົນ ແລະ ປະຊາຊົນ ບັນດາເຜົ່າ ຈົ່ງພ້ອມກັນຍົກສູງນ້ຳໃຈເປັນເຈົ້າປະເທດ, ຕັ້ງໜ້າເຂົ້າຮ່ວມຈັດຕັ້ງປະຕິບັດ ແຜນພັດ ທະນາເສດຖະກິດ-ສັງຄົມຂອງລັດຖະບານ, ປະຕິບັດກົດໝາຍໃຫ້ເປັນຈິງ.
ແຫລ່ງ: ຫ້ອງວ່າການສຳນັກງານນາຍົກລັດຖະມົນຕີ

ຊາວກະສິກອນບ້ານແກ້ງແປ ສ້າງລາຍຮັບໃຫ້ແກ່ຄອບຄົວ ດ້ວຍການປູກໝາກແຕງ

ການສ້າງລາຍຮັບເຂົ້າສູ່ຄອບຄົວແມ່ນມີຫຼາຍວິທີທາງ ແຕ່ຕ້ອງບວກກັບຄວາມດຸໝັ່ນຂະຫຍັນພຽນ, ມີຄວາມຮູ້ທາງດ້ານວິຊາການ, ບວກກັບໃຈມັກ, ການຊອກຮູ້ສະແຫວງຫາ ແລະ ສິ່ງທີ່ສໍາຄັນແມ່ນຕ້ອງມີເງື່ອນໄຂ ໃນການທີ່ຈະປະກອບອາຊີບດັ່ງກ່າວເຊັ່ນ: ການສ້າງລາຍຮັບເຂົ້າສູ່ຄອບຄົວດ້ວຍການປູກໝາກແຕງຍີ່ປຸ່ນ ຂອງຊາວກະສິກອນບ້ານແກ້ງແປ ເມືອງ ເຊບັ້ງໄຟ ແຂວງຄຳມ່ວນ ເພື່ອສະໜອງໃຫ້ແກ່ການປ້ອນໂຮງງານຂອງບໍລິສັດ KP ເປັນບໍລິສັດເອກະຊົນຈາກປະເທດຍີປຸ່ນ. ເຊິ່ງບ້ານແກ້ງແປ ແມ່ນບ້ານໜຶ່ງທີ່ຂຶ້ນກັບເມືອງເຊບັ້ງໄຟ. ບ້ານດັ່ງກ່າວປະກອບມີທັງໝົດ 115 ຫຼັງຄາເຮືອນ, ມີຈໍານວນ 135 ຄອບຄົວ, ພົນລະເມືອງ 564 ຄົນ, ປະຊາຊົນພາຍໃນບ້ານໄດ້ມີມູນເຊື້ອດຸໝັ່ນຂະຫຍັນພຽນໃນການສ້າງສາທຳມາຫາກິນ ເປັນຕົ້ນແມ່ນການປູກຝັງ-ລ້ຽງສັດ, ຄ້າຂາຍ ແລະ ອຶ່ນໆ. ພາຍໃນບ້ານໄດ້ມີລະບົບການຈັດຕັ້ງຢ່າງຄົບຊຸດ ໂດຍໄດ້ຮັບການຊີ້ນໍາ-ນໍາພາຈາກທາງອຳນາດການປົກຄອງເມືອງ ເຮັດໃຫ້ວຽກງານຕ່າງໆ ພາຍໃນບ້ານໄດ້ຮັບການຈັດຕັ້ງປະຕິບັດດ້ວຍຜົນສຳເລັດ ເຊິ່ງມັນສະແດງອອກຄື: ບ້ານແກ້ງແປ ໄດ້ຖືກປະກາດຮັບຮອງເປັນບ້ານປອດຄະດີ, ບ້ານແມ່ຍິງສາມດີ, ບ້ານສາທາລະນະສຸກ, ບ້ານວັດທະນະທຳ ແລະ ໄດ້ຮັບການຢັ້ງຢືນເປັນບ້ານພັດທະນາ. ດ້ານການຜະລິດໃນທົ່ວບ້ານມີເນື້ອທີ່ນາແຊງ ປີ 2017-2018 ມີ 12 ເຮັກຕາ, ມີ 26 ຄອບຄົວທີ່ໄດ້ທໍາການຜະລິດ. ນອກຈາກນີ້ແລ້ວ ຍັງໄດ້ປູກພືດເປັນສິນຄ້າ ໂດຍສະເພາະແມ່ນໝາກແຕງຍີ່ປຸ່ນ ເຊິ່ງເນື້ອທີ່ 5 ເຮັກຕາ, ມີ 30 ຄອບຄົວທີ່ໄດ້ທຳການຜະລິດ. ການປູກໝາກແຕງຍີ່ປຸ່ນ ແມ່ນໄດ້ເລີ່ມມາແຕ່ປີ 2014 ໂດຍມີທາງບໍລິສັດ KP ໄດ້ຕອບສະໜອງຕົ້ນທຶນໃນການປູກ ເປັນຕົ້ນແມ່ນທາງດ້ານແນວພັນ, ປຸ໋ຍ, ອຸປະກອນ ແລະ ເຕັກນິກທາງດ້ານວິຊາການ ພ້ອມທັງຮັບຊື້ຜົນຜະລິດຈາກຊາວກະສິກອນ ໃນລາຄາກິໂລໜຶ່ງ 1.400 ກີບ.

ທ່ານ ກົມມະລີ ກອງປະດິດ ນາຍບ້ານໆແກ້ງແປ ທັງເປັນຫົວໜ້າກຸ່ມປູກໝາກແຕງໄດ້ໃຫ້ການຢັ້ງຢືນວ່າ: ສໍາລັບການປູກໝາກແຕງຍີ່ປຸ່ນຂອງຊາວກະສິກອນບ້ານແກ້ງແປ ແມ່ນໄດ້ເລີ່ມຕົ້ນໃນເດືອນມັງກອນ ເນື່ອງຈາກຊ່ວງໄລຍະດັ່ງກ່າວຈະມີອາກາດເຢັນເໝາະສົມໃນການປູກພືດຜັກຕ່າງໆ.  ເຊິ່ງການປູກແມ່ນຈະບໍ່ມີຂັ້ນຕອນທີ່ຫຍຸ້ງຍາກພໍປານໃດ ພຽງແຕ່ໂພນດິນໃຫ້ເປັນຄັນຄູຫ່າງກັນປະມານ 50 ຊັງຕີແມັດ, ປະສົມປຸ໋ຍໃສ່ກັບດິນທີ່ເຮັດເປັນຄັນຄູເພື່ອຮອງພື້ນ ຫຼັງຈາກນັ້ນກໍ່ນຳເອົາເບ້ຍໝາກແຕງທີ່ກ້າໄວ້ມາປູກ ເຊິ່ງແຕ່ລະເບ້ຍຈະປູກໃຫ້ຫ່າງກັນປະມານ 30 ຊັງຕີແມັດ, ນຳເອົາເຟືອງທີ່ໄດ້ມາຈາກຕໍເຂົ້າທີ່ກ່ຽວແລ້ວມາປົກເພື່ອຮັກສາຄວາມຊຸ່ມຊື່ນຂອງໜ້າດິນ ຫຼັງຈາກນັ້ນກໍ່ຫົດນໍ້າຕາມປົກກະຕິ ໂດຍໃຊ້ເວລາປະມານ 30 ວັນເລີ່ມແຕ່ມື້ປູກ ແມ່ນສາມາດເກັບກ່ຽວຜົນຜະລິດ (ໂດຍສາມາດການເກັບກູ້ໄດ້ທຸກວັນ ບາງເທື່ອກໍ່ເກັບກູ້ໄດ້ ເຊົ້າ-ແລງ ອີງຕາມຂະໜາດຂອງໝາກແຕງ) ຕະຫຼອດລະດູການເກັບກ່ຽວຈະໃຊ້ເວລາປະມານ 45 ວັນ   ຫຼັງຈາກນັ້ນເຄືອໝາກແຕງກໍ່ຈະເລີ່ມຮ້ວຍ, ເລີ່ມແກ່, ບໍ່ອອກໝາກ ແລະ ໝາກທີ່ມີກໍ່ຈະບໍ່ໄດ້ຕາມເກດ ຫຼື ມາດຕະຖານທີ່ທາງບໍລິສັດກຳນົດໄວ້. ເຊິ່ງໃນປີ 2018 ນີ້ ຄາດຄະເນຈະໄດ້ຮັບຜົນຜະລິດທັງໝົດ 225 ໂຕນ, ຄິດເປັນມູນຄ່າ 315 ລ້ານກີບ, ໂດຍຫັກຕົ້ນທຶນໃນການນຳໃຊ້ເຂົ້າໃນການຜະລິດທັງໝົດຈຳນວນ 75 ລ້ານກີບ, ຍັງເຫຼືອຜົນກຳໄລ 240 ລ້ານກີບ, ສະເລ່ຍລາຍຮັບ 8-10 ລ້ານກີບ/ຄອບຄົວ.

ທ່ານ ກົມມະລີ ກອງປະດິດ ນາຍບ້ານໆແກ້ງແປ ກ່າວຕື່ມວ່າ: ການປູກໝາກແຕງຍີ່ປຸ່ນຂອງຊາວກະສິກອນບ້ານແກ້ງແປ ໃນໄລຍະຜ່ານມາແມ່ນໄດ້ຮັບການຊຸກຍູ້ສົ່ງເສີມຈາກທາງອໍານາດການປົກຄອງເມືອງ ໂດຍສະເພາະແມ່ນຫ້ອງການກະສກຳ ແລະ ປ່າໄມ້ເມືອງ ໄດ້ເອົາໃຈໃສ່ລົງໃກ້ສິດຕິດຕາມ ຊຸກຍູ້ທາງດ້ານເຕັກນິກ ແລະ ເອື້ອອໍານວຍຄວາມສະດວກທາງດ້ານຊົນລະປະທານ ໃນການຕອບສະໜອງນໍ້າໃຫ້ແກ່ກຸ່ມຜະລິດຢ່າງພຽງພໍກັບຄວາມຕ້ອງການ. ໄປພ້ອມໆ ກັນນັ້ນທາງອໍານາດການປົກເມືອງຍັງໄດ້ເອົາໃຈໃສ່ຊຸກຍູ້ຂະບວນການຜະລິດຂອງຊາວກະສິກອນ ເຊິ່ງມາຮອດປະຈຸບັນ ເຂົາເຈົ້າໄດ້ມີຄວາມຕື່ນຕົວຫັນຈາກແນວຄິດທີ່ຕິດພັນກັບທໍາມະຊາດ ເຂົ້າສູ່ການຜະລິດເປັນສິນຄ້າແບບມີເຕັກນິກ ສາມາດເພີ່ມຜົນຜະລິດຂຶ້ນສູງກ່ວາເກົ່າ ແລະ ສ້າງລາຍຮັບໃຫ້ແກ່ຄອບຄົວເພີ່ມຂຶ້ນ. ຂ່າວ: ແຂວງຄຳມ່ວນ

ອີທີແອລ ໃຊ້ງົບ 880 ຕື້ກີບ ພັດທະນາເຄືອຄ່າຍ

ບໍລິສັດ ອີ​ທີ​ແອລ ຈຳກັດ ລົງ​ນາມ​ຮ່ວມ​ກັບບໍລິສັດ ຄອມບາເທ​ເລ​ຄອມຊິສ​ເຕັມ (ປະເທດຈີນ) ຈຳກັດ ໃນ​ການ​ອອກ​ແບບ ຈັດ​ຊື້ ກໍ່ສ້າງ ແລະ ຕິດ​ຕັ້ງ ໂຄງການ​ພັດທະນາ​ລະບົບ​ເຄືອ​ຄ່າຍ FTTH ໂທລະສັບ​ມື​ຖື 2G ແລະ 4G ຫຼື EPC (Engineering, Procurement, Construction) ເຊິ່ງ​ໃຊ້​ງົບ​ປະມານ​ເຖິງ 110 ລ້ານ​ໂດ​ລາ​ສະຫະລັດ ຫຼື ປະມານ 880 ຕື້​ກີບ.

ການ​ລົງ​ນາມ​ຄັ້ງ​ນີ້ ແມ່ນ​ຂີດໝາຍ​ສຳຄັນ​ໃນ​ການ​ພັດທະນາລະບົບ​ເຄືອ​ຄ່າຍ ແລະ ການ​ບໍ​ລິການ​ດ້ານ​ໂທລະ​ຄົມ​ຂອງ​ບໍລິສັດ ອີ​ທີ​ແອລ ຈຳກັດ ພາຍຫຼັງ​ທີ່​ໂຄງການ​ດັ່ງກ່າວສຳເລັດ ຈະ​ເຮັດ​ໃຫ້ບັນດາ​ລູກ​ຄ້າ ກໍ່​ຄືສັງຄົມ​ໄດ້​ສຳຜັດ​ກັບ​ການ​ບໍລິການ​ໃໝ່ ຄຸ​ນະພາບ​ທີ່​ດີ​ຕາມ​ມາດຕະຖານ​ສາກົນ ລວມ​ທັງ​ລະບົບ​ສຽງການຮັບ-ສົ່ງ​ຂໍ້​ມູນ ແລະ ໂທລະສັບ​ມື​ຖື 4G ຂອງ​ບໍລິສັດ.

ທ່ານ ຫວູ ຈ້ຽນ ເຊິນ ຜູ້​ອຳນວຍ​ການ​ໃຫຍ່ ບໍລິສັດ ອີ​ທີ​ແອລ ຈຳກັດ ກ່າວ​ວ່າ: ນັບ​ແຕ່​ວັນ​ທີ 8 ສິງຫາ 2017 ເປັນ​ມື້​ສ້າງຕັ້ງບໍ​ລິສັດ ອີ​ທີ​ແອລ ຈຳກັດ ເປັນຕົ້ນ​ມາ ໂດຍ​ພາຍ​ໃຕ້​ການ​ນຳພາ ຄະນະອຳນວຍ​ການ​ຊຸດ​ໃໝ່ ພະນັກງານຂອງອີ​ທີ​ແອລ ໄດ້​ເອົາໃຈໃສ່​ໃນວຽກ​ງານ​ໂຄງການ​ກໍ່ສ້າງ EPC ຜ່ານ​ການ​ສຸມ​ໃສ່​ຈັດ​ຕັ້ງ​ປະຕິບັດວຽກ​ງານ ເຮັດ​ໃຫ້​ໂຄງການ​ດັ່ງກ່າວ​ໄດ້​ເປັນ​ຮູບ​ເປັນ​ຮ່າງ​ຂຶ້ນ​ມາ ພ້ອມ​ທັງ​ໄດ້​ຮັບ​ອະນຸມັດ​ຈາກ​ສະພາ​ບໍລິຫານ​ບໍລິສັດ​ເປັນ​ທີ່​ຮຽບຮ້ອຍ​ແລ້ວ ເຊິ່ງ​ໃນ​ໄລຍະ​ເລີ່ມ​ຕົ້ນ ໂຄງການ ອີ​ທີ​ແອລ ໄດ້​ຮັບ​ການຮ່ວມ​ມື​ຈາກ​ບໍລິສັດ ຄອມ​ບາ ຈົນເຮັດ​ໃຫ້​ທັງ​ສອງ​ຝ່າຍ​ເຫັນ​ດີ​ລົງນາມ​ໃນ​ສັນຍາ​ສະບັບ​ນີ້ ເຊິ່ງແມ່ນ​ປະກອບສ່ວນ​ສຳຄັນ​ເຂົ້າ​ໃນການ​ພັດທະນາ​ລະບົບ​ເຄືອ​ຄ່າຍ ເພື່ອ​ເຮັດ​ໃຫ້ ອີ​ທິ​ແອລ ກາຍເປັນບໍລິສັດ​ນຳ​ໜ້າດ້ານ​ໂທລະ​ຄົມ.

ພິທີ​ລົງ​ນາມ​ການ​ຮ່ວມ​ມື ຈັດຂຶ້ນ​ໃນ​ວັນ​ທີ 29 ມັງກອນ 2018 ທີ່​ສຳນັກງານ​ໃຫຍ່ ບໍລິສັດ ອີ​ທີແອລ ຈຳກັດ ລະຫວ່າງທ່ານ ຫວູ ຈ້ຽນ ເຊິນ ຜູ້ອຳນວຍການໃຫຍ່ ບໍລິສັດ ອີ​ທີ​ແອລ ຈຳກັດ ແລະ ທ່ານ ຈາງ ເຢ ຈູນ ຜູ້​ອຳນວຍ​ການ​ໃຫຍ່ ບໍລິສັດ ຄອມ​ບາເທ​ເລ​ຄອມຊິສ​ເຕັມ (ປະເທດຈີນ) ຈຳກັດ ໂດຍ​ມີ​ທ່ານ ບຸນ​ສະເຫຼີມ​ໄຊ ເຄນ​ນາ​ວົງ ຮອງ​ລັດ​ຖະມົນຕີ ກະຊວງ​ໄປສະນີ ໂທລະ​ຄົມມະ​ນາ​ຄົມ ແລະ ການ​ສື່ສານ ທັງເປັນ​ປະທານ​ສະພາ​ບໍລິຫານບໍ​ລິສັດ ອີ​ທີ​ແອລ ໂດຍ​ມີ​ພາກສ່ວນກ່ຽວຂ້ອງ​ເຂົ້າ​ຮ່ວມ. ຂ່າວ: ນສພ ວຽງຈັນໃຫ່ມ

ທ້າຍປີ2019ເຂື່ອນໄຟຟ້ານໍ້າຂອງໄຊຍະບູລີຈະເປີດນໍາໃຊ້ຢ່າງເປັນທາງການ

ໂຄງການກໍ່ສ້າງເຂື່ອນໄຟຟ້າພະລັງງານນໍ້າ-ນໍ້າຂອງ ແຂວງ ໄຊຍະບູລີ ໄດ້ເລີ່ມລົງມືກໍ່ສ້າງມາແຕ່ປີ 2012 ປະຈຸບັນສໍາເລັດແລ້ວ 85 ກວ່າ%, ຄາດວ່າຮອດທ້າຍປີ 2019 ຈະໃຫ້ສໍາເລັດ ແລະ ເປີດເຄື່ອງຜະລິດໄຟຟ້າຈຳໜ່າຍຂາຍໃຫ້ຣາສະອານາຈັກໄທ ແລະ ຈຳນວນໜຶ່ງໃຊ້ພາຍໃນປະເທດ

,ຮັບເໝົາກໍ່ສ້າງໂຄງການໄຟຟ້າພະລັງນໍ້າໄຊຍະບູລີໂດຍບໍລິສັດຊໍການຊ່າງຈາກຣາສະອານາຈັກໄທ ແລະ ໄດ້ຮັບການອອກແບບ ໂດຍໃຊ້ວິສະວະກຳຊັ້ນນຳຊາວເອັນຈິເນຍຣິງ, ດ້ານໄຟຟ້າພະລັງນໍ້າ, ໂດຍວິສະວະກອນທີ່ປຶກສາທີ່ມີປະສົບການ ແລະ ຄວາມຊ່ຽວຊານສູງໃນລະດັບສາກົນ, ລັກສະນະຂອງເຂື່ອນເປັນເຂື່ອນນໍ້າໄຫຼໂດຍສະເລ່ຍການໄຫຼຂອງນໍ້າແມ່ນ 4.000ແມັດກ້ອນ ຕໍ່ວິນາທີ, ມີຄວາມສູງ 28,5 ແມັດ, ຄວາມກ້ວາງຂອງສັນເຂື່ອນ 820 ແມັດ, ມີບານປະຕູລະບາຍນໍ້າ 7 ປ່ອງ ແລະ ບານປະຕູລະບາຍຕະກອນ 4 ປ່ອງ, ມີຊ່ອງທາງເຮືອຂືນນລ່ອງກວ້າງ 12 ແມັດ,

ຍາວ 700 ແມັດ, ສາມາດຮັບຮອງເຮືອຂົນສົ່ງສິນຄ້າໄດ້ 500 ໂຕນ, ເຂື່ອນດັ່ງກ່າວມີກຳລັງຕິດຕັ້ງໄຟຟ້າທັງໝົດ 1.285 ເມກາວັດ, ໃນນີ້ມີເຄື່ອງກຳເນີດໄຟຟ້າຂະໜາດ 175 ເມກາວັດ 7 ຊຸດ ສົ່ງໄຟຟ້າຜ່ານລະບົບສາຍສົ່ງ 500 ກິໂລໂວນ ຂາຍໃຫ້ການໄຟຟ້າຜະລິດແຫ່ງ ຣາສະອານາຈັກໄທ ດ້ວຍລາຄາ 500 ກີບຕໍ່ກິໂລວັດໂມງ ແລະ ເຄື່ອງກຳເນີດໄຟຟ້າ 60 ເມກາວັດຈຳນວນ 1 ຊຸດ ແມ່ນຈະໄດ້ສົ່ງຜ່ານສາຍສົ່ງ 115 ກິໂລໂວນ ເພື່ອຮັບໃຊ້ໃນ ສປປລາວ. ລວມມູນຄ່າການກໍ່ສ້າງທັງໝົດ 4 ຕື້ໂດລາສະຫະລັດ

ເມື່ອຮອດທ້າຍປີ 2019 ຈະໄດ້ເປີດນຳໃຊ້ຢ່າງເປັນທາງການ, ແລ້ວເຂື່ອນດັ່ງກ່າວຈະນຳຜົນປະໂຫຍດ ໂດຍສະເພາະແມ່ນຜົນໄດ້ຮັບການເສຍອາກອນ, ເສຍຄ່າສຳປະທານ ແລະ ຫຸ້ນຂອງລາວ ທີ່ມີຢູ່ໃນໂຄງການນີ້ສະເລ່ຍແລ້ວກຳໄລປີໜຶ່ງຈະໄດ້ 135 ລ້ານໂດລາສະຫະລັດ, ໄລຍະສໍາປະທານໂຄງການແມ່ນແຕ່ປີ 2019 ຫາປີ 2048 ກຳນົດ
ຂ່າວ: ໄຊຍະບູລີ

ຜະລິດຢາງພາລາ ແລະ ປຸ໋ຍຊີວະພາບ ສ້າງລາຍຮັບປີໜຶ່ງ 370 ລ້ານກວ່າກີບ

ດ້ວຍການເຊື່ອມ​ຊຶມ​ຢ່າງ​ເລິກ​ເຊິ່ງ​ໃນ​ການ​ປະຕິບັດ​ແນວທາງ​ນະ​ໂຍບາຍ​ຂອງ​ພັກ, ​ແຜນ​ພັດທະນາ​ເສດຖະກິດ-ສັງຄົມ​ຂອງ​ລັດ​ ແລະ ການຖອດຖອນບົດຮຽນຈາກຄົນອື່ນນຳມາໝູນໃຊ້ເຂົ້າໃນ​​ການ​ຜະລິດ​ກະສິກຳ​​ ເພື່ອນໍາໄປ​ສູ່​ການ​ຜະລິດ​ເປັນ​ສິນຄ້າ​ ໂດຍ​ນຳ​ໃຊ້​ເຕັກນິກ​ວິທະຍາສາດ ​ເພື່ອ​ເຮັດ​ໃຫ້ຊີວິດ​ການ​ເປັນ​ຢູ່​ຂອງ​ຄອບຄົວ​ດີ​ຂຶ້ນ, ສ້າງລາຍຮັບທີ່ໝັ້ນຄົງ ແລະ ກາຍ​ເປັນ​ຄອບຄົວຕົວແບບທາງດ້ານກະສິກຳ. ດັ່ງຄອບຄົວຂອງທ່ານ ຄຳຜັນ ລັດຕະນະວົງ ອາຍຸ 56 ປີ, ຢູ່ບ້ານປຸ່ງເໜືອ ເມືອງຫີນບູນ ແຂວງຄຳມ່ວນ. ທີ່ຖືອາຊີບປູກຢາງພາລາ ແລະ ຜະລິດປຸ໋ຍຊີວະພາບ ສ້າງລາຍຮັບໄດ້ເກືອບ 400 ລ້ານກີບຕໍ່ປີ. ຄອບຄົວທ່ານ ຄຳຜັນມີສະມາຊິກພາຍໃນຄອບຄົວ 6 ຄົນ. ອາຊີບໃນເມື່ອກ່ອນແມ່ນເຮັດນາ, ປູກພືດຜັກ ແລະ ລ້ຽງສັດ ລາຍຮັບແມ່ນພໍແຕ່ກຸ້ມຢູ່ກຸ້ມກິນພາຍໃນຄອບຄົວເທົ່ານັ້ນຍັງບໍ່ເປັນລາຍຮັບທີ່ໜ້າເພິ່ງພໍໃຈ. ເວລາຕໍ່ມາໂດຍ ໄດ້ບົດຮຽນ, ຄວາມຮູ້ ແລະ ເຕັກນິກຕ່າງໆໃນການປູກຢາງພາລາຈາກພໍ່ຕູ້ ອຸ້ຍຕີ ສິມມະລາ ທີ່ອາໃສຢູ່ບ້ານດຽວກັນ. ຄອບຄົວຂອງທ່ານ ຄຳຜັນ ຈຶ່ງໄດ້ເລີ່ມລົງມືປູກຢາງພາລາໃນປີ 2004 ໃນເນື້ອທີ່ເບື້ອງຕົ້ນ 7 ເຮັກຕາ. ໃນຊ່ວງເວລາ 3 ປີທຳອິດທີ່ປູກແມ່ນໄດ້ນຳໃຊ້ປຸ໋ຍເຄມີເຂົ້າໃນການຜະລິດ. ແຕ່ລາຄາຂອງປຸ໋ຍເຄມີແມ່ນມີລາຄາແພງຫຼາຍ ບວກກັບຕົ້ນທຶນຂອງຕົນເອງມີໜ້ອຍຈຶ່ງໄດ້ທົດລອງຜະລິດຝຸ່ນຊີວະພາບ ທີ່ຜະລິດຈາກມູນສັດ, ດິນດຳ ຫຼືດິນກົ້ນໜອງ, ສາກເສດເຫຼືອຈາກມັນຕົ້ນທີ່ເປັນສ່ວນປະສົມຫຼັກ ເພື່ອເຮັດໃຫ້ຕົ້ນທຶນການຜະລິດຕໍ່າລົງ ທັງແນໃສ່ເຮັດໃຫ້ສະພາບຂອງດິນມີຄວາມອຸດົມສົມບູນ ປາສະຈາກສານເຄມີຕົກຄ້າງໃນໜ້າດິນ. ຫຼັງຈາກໄດ້ຜະລິດປຸ໋ຍຊີວະພາບທົດລອງໃຊ້ມາໄດ້ໄລຍະໜຶ່ງ ແລ້ວສັງເກດເຫັນໄດ້ວ່າສະພາບດິນແມ່ນມີຄວາມແຕກຕ່າງເຊັ່ນ: ດິນທີ່ໃຊ້ປຸ໋ຍຊີວະພາບຈະອ່ອນກວ່າດິນທີ່ນຳໃຊ້ປຸ໋ຍເຄມີຫຼາຍ, ຕົ້ນຢາງຈະເລີນເຕີບໂຕໄວ ແລະ ມີຕົ້ນທຶນຕໍ່າກວ່າ. ຫຼັງຈາກໄດ້ໃຊ້ປຸ໋ຍທີ່ຕົນເອງຜະລິດມາໄດ້ເກືອບ 10 ປີ ທີ່ເຫັນໄດ້ວ່າມີຜົນຕອບຮັບທີ່ດີ ຈຶ່ງໄດ້ປຶກສາຫາລື ແລະ ຂໍຄຳເຫັນຈາກຂະແໜງການກ່ຽວຂ້ອງ ໂດຍສະເພາະແມ່ນຂະແໜງກະສິກຳ ແລະ ປ່າໄມ້ເມືອງ, ແຂວງ ແລະ ອຳນາດການປົກຄອງແຕ່ລະຂັ້ນ ເພື່ອຂໍອະນຸຍາດສ້າງຕັ້ງໂຮງບົ່ມຝຸ່ນ ໃນປີ 2015 ເຊິ່ງໄດ້ໃສ່ຊື່ຜະລິດຕະພັນວ່າ: ປຸ່ຍຊີວະພາບ ໄລອອນວັນ ເພື່ອຈຳໜ່າຍໃຫ້ແກ່ຊາວກະສິກອນຜູ້ທີ່ມີຄວາມສົນໃຈ ໂດຍສະເພາະແມ່ນຊາວສວນຢາງໃນບໍລິເວນພື້ນທີ່ໃກ້ຄຽງ.

ທ່ານ ຄຳຜັນ ໄດ້ໃຫ້ການຢັ້ງຢືນວ່າ: ການຜະລິດປຸ໋ຍຊີວະພາບຂອງຕົນແມ່ນຍັງບໍ່ມີຕະຫຼາດຮອງຮັບ ສ່ວນຫຼາຍ ແມ່ນຈະຜະລິດຕາມຈຳນວນທີ່ລູກຄ້າສັ່ງ ສະເລ່ຍໃນປະຈຸບັນແມ່ນຜະລິດປະມານ 150 ໂຕ່ນຕໍ່ປີ ແລະ ຄວາມອາດສາມາດຂອງໂຮງງານແມ່ນສາມາດຜະລິດໄດ້ເຖິງ 2 ໂຕ່ນຕໍ່ມື້. ນອກຈາກການຈຳໜ່າຍທົ່ວໄປແລ້ວ ປຸ໋ຍໄລອອນວັນ ຍັງໄດ້ສະໜອງໃຫ້ແກ່ສະມາຊິກກຸ່ມປູກຢາງພາລາ ຜູ້ທີ່ຍັງຂາດເຂີນທາງດ້ານທຶນຮອນພາຍໃນບໍລິເວນນັ້ນ ແມ່ນໄດ້ໃຫ້ ເຂົາເຈົ້ານຳເອົາປຸ໋ຍໄປນຳໃຊ້ກ່ອນ ພາຍຫຼັງທີ່ໄດ້ຂາຍຢາງພາລາແລ້ວຈຶ່ງໃຫ້ເຂົາເຈົ້າມາຊຳລະພາຍຫຼັງ. ນະໂຍບາຍດັ່ງກ່າວ ແມ່ນໄດ້ເຮັດໃຫ້ມີຄວາມສົນໃຈ ແລະ ເຮັດໃຫ້ຊາວສວນຢາງຫັນມານຳໃຊ້ປຸ໋ຍຊີວະພາບຫຼາຍຂຶ້ນ. ເຊິ່ງໃນ 1 ປີ ສາມາດ ສ້າງລາຍຮັບຈາກປຸ໋ຍຊີວະພາບຈຳນວນ 187 ລ້ານກວ່າກີບ. ບວກກັບການຂາຍຢາງພາລາແລ້ວສາມາດສ້າງລາຍຮັບໄດ້ ທັງໝົດ ປະມານ 376 ລ້ານກີບຕໍ່ປີ. ທ່ານ ຄຳຜັນ ກ່າວອີກວ່າ: ນອກຈາກນຳໃຊ້ເຂົ້າໃນການປູກຢາງ ພາລາແລ້ວປຸ໋ຍ ໄລອອນວັນແມ່ນຍັງສາມາດນຳໃຊ້ໄດ້ໃນພືດຜັກທົ່ວໄປ ໂດຍສະເພາະແມ່ນນຳໃຊ້ເຂົ້າໃນການປູກເຂົ້າ, ຕົ້ນໄມ້ໃຫ້ໝາກ ແລະ ພືດຜັກອື່ນໆກໍ່ໄດ້ຮັບປະສິດທິຜົນດີເຊັ່ນກັນ. ປະຈຸບັນຂະແໜງການ ກ່ຽວຂ້ອງຂອງແຂວງແມ່ນໄດ້ນຳເອົາປຸ໋ຍ ດັ່ງກ່າວໄປວິໃຈ ເພື່ອຢັ້ງຢືນເຖິງລະດັບມາດຕະຖານການຜະລິດຄຸນນະພາບຂອງປຸ໋ຍ ແລະ ແຜນການໃນຕໍ່ໜ້າແມ່ນ ຈະຂະຫຍາຍໂຮງງານຜະລິດປຸ໋ຍ ພ້ອມປັບປຸງຄຸນນະພາບໃຫ້ດີຂຶ້ນກວ່າເກົ່າ ແນໃສ່ເຮັດໃຫ້ປຸ໋ຍໄລອອນວັນ ໄດ້ຮັບການ ຢັ້ງຢືນລະດັບມາດຕະຖານການຜະລິດ ເພື່ອສະໜອງປຸ໋ຍທີ່ມີຄຸນນະພາບ ໃຫ້ແກ່ຊາວກະສິກອນຢາງພາລາ, ເຂົ້າ ແລະ ພືດສະນິດອື່ນໆໃນຂອບເຂດດັ່ງກ່າວໄດ້ຢ່າງພຽງພໍ.

ຂ່າວ: ແຂວງຄຳມ່ວນ

ກຽມເດີນສຳຫຼວດຫົວໜ່ວຍທຸລະກິດ 4 ເມືອງໃນນະຄອນຫຼວງ

ເພື່ອ​ເປັນ​ການ​ສືບຕໍ່​ຈັດ​ຕັ້ງ​ຜັນຂະຫຍາຍ ​ຄຳ​ສັ່ງ​ຂອງ​ນາຍົກ​ລັດຖະ​ມົນຕີ​ ກ່ຽວ​ກັບ​ການ​ລົງ​ເກັບ​ກຳ ແລະ ສຳ​ຫຼວດ​ຖານ​ລາຍ​ຮັບ​ງົບປະມານ​ຄືນໃໝ່ ​ໃນ​ຂອບ​ເຂດ​ທົ່ວປະເທດ​ໃຫ້​ສຳເລັດ​ຜົນ ດັ່ງນັ້ນ ກະຊວງ​ການ​ເງິນ ​ໄດ້​ຮ່ວມ​ກັບ​ສູນສະຖິຕິ​ແຫ່ງ​ຊາດ ກຽມ​ເດີນ​ສຳຫຼວດ​ບັນດາ​ຫົວໜ່ວຍ​ທຸລະ​ກິດ​ຢູ່ 4 ເມືອງ ໃນ​ນະຄອນຫຼວງ​ວຽງຈັນ​ຄືນໃໝ່ (ນວ) ເຊິ່ງ​ຈະ​ເລີ່ມການ​ສຳ​ຫຼວດ​ຕົວ​ຈິງ​ໃນ​ກາງເດືອນ​ມັງກອນ ຫາທ້າຍ​ເດືອນກຸມພາ 2018.

ວັນ​ທີ 8 ມັງກອນ 2018 ທີ່​ກະຊວງ​ການ​ເງິນ ໄດ້​ຈັດ​ກອງ​ປະຊຸມຊີ້​ນຳ​ການ​ເດີນ​ສຳ​ຫຼວດ​ຫົວໜ່ວຍທຸລະ​ກິດ​ຢູ່ 4 ເມືອງ​ໃນ ນວ ໂດຍເປັນ​ປະທານຂອງ​ທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ ລັດຖະ​ມົນຕີ​ກະຊວງ​ການ​ເງິນ ມີຫົວໜ້າ​ສູນ​ສະຖິຕິ​ແຫ່ງ​ຊາດ ຮອງ​ລັດຖະມົນຕີ​ກະຊວງ​ການເງິນ ຮອງ​ເຈົ້າ​ຄອງ ນວ ຫົວໜ້າກົມ ຫົວໜ້າ​ພະແນກການ​ເງິນ ເຈົ້າເມືອງ ຮອງ​ເຈົ້າເມືອງ ແລະ ພະນັກງານ​ທີ່​ກ່ຽວຂ້ອງ​ເຂົ້າ​ຮ່ວມ.

ໂຄງການ​ເດີນ​ສຳຫຼວດ​ຫົວໜ່ວຍ​ທຸລະ​ກິດຢູ່ 4 ເມືອງ​ໃນ ຄື: ເມືອງ​ຈັນທະ​ບູ​ລີ ສີສັດຕະ​ນາກ ສີ​ໂຄດ​ຕະບອງ ແລະ ເມືອງ​ໄຊ​ເຊດ​ຖາ ແມ່ນ​ໂຄງການສຳ​ຫຼວດ​ເກັບ​ກຳ​ຂໍ້​ມູນ​ທີ່​ສຳຄັນ ແລະ ຖື​ເປັນ​ໂຄງການ​ໂຕ​ແບບຂອງ​ລັດຖະບານ ​ໃນ​ການ​ເພີ່ມຄວາມ​ໂປ່ງ​ໃສ ແລະ ອັດ​ການ​ຮົ່ວໄຫຼ​ຂອງ​ລາຍ​ຮັບ ​ຫັນ​ເອົາ​ລະບົບ​ຂໍ້ມູນ​ຖານ​ລາຍ​ຮັບ​ເຂົ້າ​ສູ່​ການ​ຄຸ້ມຄອງ​ດ້ວຍ​ເຄື່ອງມື​ທັນ​ສະໄໝ ສາມາດ​ເຊື່ອມ​ໂຍງ​ກັນ​ໄດ້​ໃນ​ຂອບເຂດ​ທົ່ວ​ປະເທດ ແລະ ຫັນ​ເອົາການ​ຊຳລະ​ພັນທະ​ພາສີ-ອາກອນ ແລະ ຄ່າ​ທຳນຽມ​ຕ່າງໆ​ຜ່ານ​ລະບົບ​ທະນາຄານ.

ສຳລັບ​ການ​ເດີນ​ສຳ​ຫຼວດ​ຕົວຈິງ​ຄາດ​ວ່າ ຈະ​ໄດ້​ເລີ່ມ​ຈັດ​ຕັ້ງ​ປະຕິ​ບັດ​ໃນ​ກາງ​ເດືອນ​ມັງກອນ ຫາທ້າຍ​ເດືອນ​ກຸມພາ 2018 ໂດຍຈະ​ມີ​ຄະນະ​ຮັບຜິດຊອບ​ເດີນ​ສຳຫຼວດ​ທີ່​ມາ​ຈາກ​ພາກສ່ວນ​ຕ່າງໆທີ່​ກ່ຽວຂ້ອງ. ຂ່າວ: ນສພ ວຽງຈັນໃຫ່ມ

ບໍ່ຄຳເຊໂປນ ຢຸດຜະລິດຄຳ ສົ່ງຜົນໃຫ້ລາຍຮັບສະຫວັນນະເຂດບໍ່ບັນລຸເປົ້າ

ໜັງສີພຶມ ເສດຖະກິດ-ສັງຄົມ ລາຍງານວ່າ: ປີຜ່ານມາແຂວງສະຫວັນນະເຂດ ໄດ້ມີຄວາມພະຍາຍາມສຸດຂີດນຳໃຊ້ກົນໄກຕ່າງໆ ເພື່ອເຮັດໃຫ້ການເກັບລາຍຮັບເຂົ້າງົບປະ ມານໄດ້ຕາມແຜນທີ່ສະພາປະຊາຊົນຮັບຮອງຈຳນວນ 1,251.2 ຕື້ກີບ, ແຕ່ຜ່ານການປະຕິບັດຕົວຈິງເກັບໄດ້ທັງໝົດ 1,212.8 ຕື້ກີບ ເທົ່າກັບ 96.98% ຂອງແຜນການ. ໃນນັ້ນ, ພູດຂອງສູນກາງເກັບໄດ້ລື່ນແຜນການ 7.9% ສ່ວນພູດຂອງແຂວງຫຼຸດແຜນການ 13.8% ທັງນີ້ການຢຸດຜະລິດຄໍາຂອງບໍ່ຄຳເຊໂປນ ແມ່ນອີກສ່ວນໜຶ່ງທີ່ເຮັດໃຫ້ການເກັບລາຍຂອງແຂວງດັ່ງກ່າວບໍ່ບັນລຸຕາມເປົ້າໝາຍ.

ໃນບົດລາຍງານຂອງ ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ຕໍ່ກອງປະຊຸມສະໄໝສາມັນເທື່ອທີ 4 ສະພາປະຊາ ຊົນແຂວງສະຫວັນນະເຂດໃນທ້າຍເດືອນທັນວາຜ່ານມານີ້ວ່າ: ຕາມຄວາມເປັນຈິງແລ້ວໝົດປີ 2017 ແຂວງສະຫວັນນະເຂດຈະເກັບລາຍຮັບໄດ້ທັງໝົດ 1.212,8 ຕື້ກີບ, ເທົ່າກັບ 96,98% ຂອງແຜນການຈຳນວນ 1.251,2 ຕື້ກີບ. ໃນນັ້ນ ພູດຂອງສູນກາງປະຕິບັດໄດ້ 665 ຕື້ກີບ, ເທົ່າກັບ 107.9% ຂອງແຜນການ 616.06 ຕື້ກີບ, ພູດຂອງແຂວງຄາດຈະເກັບໄດ້ 547.8 ຕື້ກີບ, ເທົ່າກັບ 86,2% ຂອງແຜນການ 635,1 ຕື້ກີບ ໃນເມື່ອທຽບໃສ່ກັບປີທີ່ຜ່ານມາແມ່ນຫຼຸດລົງ 10.5%.

ທ່ານ ສັນຕິພາບ ກ່າວຕື່ມວ່າ: ການທີ່ແຂວງສະຫວັນນະເຂດເກັບລາຍຮັບບໍ່ໄດ້ຕາມແຜນການ ກໍ່ສືບເນື່ອງມາຈາກຫຼາຍສາເຫດອັນສຳຄັນແມ່ນລາຍຮັບຈາກຫົວໜ່ວຍທຸລະກິດການຜະລິດ ໂດຍສະເພາະແມ່ນບໍລິສັດລ້ານຊ້າງມິເນໂຣສ ມີແຕ່ຜະລິດທອງ ແລະ ການຜະລິດຄຳແມ່ນໄດ້ຢຸດຕິໄປຫຼາຍປີແລ້ວ, ສ່ວນການຂຸດຄົ້ນແຮ່ທາດອື່ນໆກໍ່ຫຼຸດຕາມໆກັນໄປ.

ຂະນະທີ່ ລາຍຮັບຈາກທຸລະກິດໂຮງແຮມ-ເຮືອນພັກ, ຫ້າງຮ້ານບັນເທີງ, ບໍລິການຂົນສົ່ງໂດຍສານ ແລະ ທຸລະກິດກໍ່ສ້າງເຄຫາສະຖານກໍ່ຫຼຸດລົງຫຼາຍ, ສ່ວນລາຍຮັບຈາກທຸລະກິດໄມ້ ໂດຍສະເພາະແມ່ນລາຍຮັບຈາກການຂາຍໄມ້ຢຶດ ແລະ ລາຍຮັບຄ່າປັບໄໝໄມ້ຜິດກົດໝາຍແມ່ນຍັງບໍ່ສາມາດຈັດເກັບໄດ້ເທື່ອ ແລະ ອີກບັນຫາສືບເນື່ອງມາຫຼາຍປີກໍ່ ແມ່ນລາຍຮັບຈາກການເກັບພາສີທີ່ດິນ ທີ່ເປັນຖານລາຍຮັບສຳຄັນກໍ່ຍັງບໍ່ສາມາດປະຕິບັດໄດ້ຄົບຖ້ວນ ອັນເນື່ອງຈາກວ່າຖານຂໍ້ມູນກ່ຽວກັບທີ່ດິນແມ່ນຍັງບໍ່ຊັດ ເຈນ, ການແບ່ງຄວາມຮັບຜິດຊອບລະຫວ່າງພະແນກຊັບພະຍາກອນທຳມະຊາດ ແລະສິ່ງແວດລ້ອມກັບພະແນກການເງິນແຂວງກໍ່ຍັງບໍ່ທັນຈະແຈ້ງຖືກແກ່ຍາວມາຫຼາຍປີ ທ່ານ ສັນຕິພາບ ພົມວິຫານ ກ່າວ.

ຂ່າວຈາກ: ເສດຖະກິດສັງຄົມ

IMF ສະແດງ​ຄວາມ​ເປັນ​ຫ່ວງ​ຕໍ່ການ​ຂະຫຍາຍຕົວ​ຂອງ​ເສດ​ຖະກິດ​ຂອງ​ລາວ ທີ່​ເຫັນ​ວ່າຍັງ​ບໍ່​ທັນທົ່ວ​ເຖິງ​ເທົ່າ​ທີ່​ຄວນ ແລະ ຍັງ​ມີຄວາມ​ແຕກ​ໂຕນ​ກັນ​ໃນ​ລະດັບສູງ​ທາງ​ດ້ານ​ລາຍ​ຮັບ ລະຫວ່າງປະຊາຊົນ​ໃນ​ຕົວ​ເມືອງ ແລະ ໃນຂົງເຂດ​ຊົນນະບົດ

ຄະນະ​ປະ​ເມີນ​ຜົນ​ເສດຖະກິດ ມະຫາ​ພາກ​ຂອງ​ກອງ​ທຶນ​ການເງິນ​ສາກົນ (IMF) ເຊິ່ງ​ນຳ​ໂດຍທ່ານ ແຈັບ​ຟີ້ ບັນ​ນິດ​ເຕີ້ ໄດ້​ເຂົ້າຢ້ຽມ​ຄຳນັບ​ພົບ​ປະ​ກັບ​ທ່ານ ສົມພາວ ໄຟ​ສິດ ຜູ້​ວ່າການ​ທະ​ນາຄານ ແຫ່ງ ​ສປປ ລາວ (​ທຫລ) ທີ່ ​ທຫລ ໃນ​ກາງ​ເດືອນ​ທັນວາ ຜ່ານ​ມາ​ນີ້ ເພື່ອ​ແຈ້ງ ແລະ ຮັບຟັງ​ການ​ປະ​ເມີນ​ເສດຖະກິດ​ຂອງລາວ ໂດຍ​ຄະນະ​ໄດ້​ເລີ່ມ​ເຮັດວຽກ​ຮ່ວມ​ກັບ​ເສດຖະກິດ​ມະຫາພາກ​ຂອງ​ລາວ ​ນັບ​ແຕ່​ທ້າຍ​ເດືອນພະຈິກ 2017 ເປັນຕົ້ນ​ມາ.

ທ່ານ​ຫົວໜ້າ​ຄະນະ IMF ໄດ້ກ່າວ​ວ່າ: ສຳລັບ​ຂະແໜງ​ທະ​ນາຄານ IMF ເຫັນ​ວ່າ ​ທຫລ ສາມາດ​ຮັກສາ​ສະ​ເຖຍ​ລະ​ພາບ ​ໄດ້ໃນ​ລະດັບ​ທີ່​ໝັ້ນ​ທ່ຽງ ອັດຕາ​ເງິນເຟີ້​ຢູ່​ໃນ​ລະດັບ​ຕ່ຳ ອັດຕາ​ແລກປ່ຽນ​ຢູ່​ໃນ​ຄວາມ​ສະຫງົບ ແລະ ການ​ຂະຫຍາຍຕົວ​ຂອງ​ສິນ​ເຊື່ອ ​ກໍ່ສອດຄ່ອງ​ກັບ​ຈັງຫວະ​ການ​ຂະຫຍາຍ​ຕົວ​ຂອງ​ເສດຖະກິດ​ໃນ​ລະດັບ​ດີ ແຕ່​ເຖິງ​ຢ່າງໃດ​ກໍ່​ດີ IMF ຍັງ​ໄດ້​ສະແດງ​ຄວາມ​ເປັນ​ຫ່ວງ​ຕໍ່ການ​ຂະຫຍາຍຕົວ​ຂອງ​ເສດ​ຖະກິດ​ຂອງ​ລາວ ທີ່​ເຫັນ​ວ່າຍັງ​ບໍ່​ທັນທົ່ວ​ເຖິງ​ເທົ່າ​ທີ່​ຄວນ ແລະ ຍັງ​ມີຄວາມ​ແຕກ​ໂຕນ​ກັນ​ໃນ​ລະດັບສູງ​ທາງ​ດ້ານ​ລາຍ​ຮັບ ລະຫວ່າງປະຊາຊົນ​ໃນ​ຕົວ​ເມືອງ ແລະ ໃນຂົງເຂດ​ຊົນນະບົດ ສຳລັບ​ຂະແໜງ​ການ​ທະນາຄານ ກໍ່​ຍັງ​ມີຄວາມ​ບໍ່​ເຂັ້ມແຂງ​ໃນ​ບາງ​ດ້ານ ເນື່ອງ​ຈາກ​ມີ​ການ​ນຳ​ໃຊ້​ເງິນຕາຕ່າງປະເທດ​ ໃນ​ລະບົບ​ທະ​ນາຄານ​ໃນ​ລະດັບ​ທີ່​ສູງ​ພໍ​ສົມຄວນ.

ໂອກາດ​ນີ້ ທ່ານ​ຜູ້​ວ່າການ ​ທຫລ ໄດ້​ສະແດງ​ຄວາມ​ຊົມເຊີຍຕໍ່​ຜົນສຳເລັດ​ ຂອງ​ການ​ມາ​ເຮັດວຽກ​ຂອງ​ຄະນະ​ດັ່ງກ່າວ ພ້ອມທັງ​ຕີ​ລາຄາ​ສູງ​ຕໍ່​ການ​ຮ່ວມ​ມື​ທີ່​ດີລະຫວ່າງ IMF ແລະ ສປປ ລາວ ຕະຫຼອດ​ໄລຍະ​ຜ່ານ​ມາ ໂດຍ​ຜ່ານ​ການ​ປະ​ເມີນ​ເສດ​ຖະກິດ​ມະຫາ​ພາກ​ໃນ​ແຕ່​ລະ​ຄັ້ງ ​ສປປ ລາວ ກໍ່​ໄດ້​ຮັບ​ຄຳ​ແນະນຳທີ່​ເປັນ​ປະໂຫຍດ​ເຂົ້າ​ໃນ​ການ​ພັດທະ​ນາ ແລະ ຮັກສາ​ຄວາມ​ສະເຖຍ​ລະ​ພາບ​ທາງ​ດ້ານ​ການ​ເງິນ-ເງິນຕາ ແລະ IMF ເອງ​ກໍ່​ໄດ້ ເຜີຍແຜ່​ບົດ​ລາຍ​ງານ​ຜົນ​ການປະ​ເມີນ​ດັ່ງກ່າວ ເພື່ອ​ຊ່ວຍ​ດຶງ​ດູດການ​ລົງທຶນ​ຈາກ​ຕ່າງປະເທດ ພ້ອມ​ທັງ​ໄດ້​ຮຽກຮ້ອງ​ໃຫ້ IMF ຈົ່ງ​ໃຫ້​ຄວາມ​ເຊື່ອ​ໝັ້ນ​ຕໍ່​ການ​ຊີ້ນຳ-ນຳພາ​ຂອງ​ລັດຖະບານລາວ ເວົ້າ​ລວມ ເວົ້າ​ສະເພາະ ກໍ່​ຄື ​ທຫລ ໃນ​ການ​ແກ້​ໄຂ​ບັນຫາ​ຄວາມ​ຫຍຸ້ງຍາກ​ຕ່າງໆ ແລະ ທຫລ ກໍ່​ຈະ​ສືບຕໍ່​ຢ່າງ​ຕັ້ງໜ້າ​ໃນການ​ປະກອບສ່ວນ​ຊຸກຍູ້ ໃຫ້​ຂະແໜງ​ການ​ທະນາຄານ ກໍ່​ຄືເສດຖະ​ກິດ​ຂອງ​ລາວ​ ໄດ້​ຮັບ​ການ​ພັດທະ​ນາ​ຢ່າງ​ເຂັ້ມແຂງ​ຕໍ່​ໄປ. ຂ່າວ: ນສພ ວຽງຈັນໃຫ່ມ

ກະຊວງການຄ້າ ອອກຄຳສັ່ງຫ້າມຂຶ້ນລາຄາສິນຄ້າໃນໄລຍະປີໃໝ່ສາກົນ.

ອີງຕາມຄຳສັ່ງຂອງລັດຖະມົນຕີ ກະຊວງອຸດສາຫະກຳ ແລະ ການຄ້າ (ອຄ) ເລກທີ 2072/ອຄ.ກຄພນ ລົງວັນທີ 22 ທັນວາ 2017 ເລື່ອງໃຫ້ເອົາໃຈໃສ່ຕິດຕາມ, ກວດກາ ແລະ ຄຸ້ມຄອງລາຄາສິນຄ້າພາຍໃນແຂວງຂອງຕົນ ເພື່ອບໍ່ໃຫ້ສວຍໂອກາດກັກຕຸນສິນຄ້າໃນວັນບຸນສຳຄັນ ແລະ ເທດສະການໆປະຈຳປີ 2018 ເຊິ່ງຄຳສັ່ງດັ່ງກ່າວມີດັ່ງນີ້:
1. ໃຫ້ພະແນກ ອຄ ແຂວງ, ນະຄອນຫຼວງ ເປັນເຈົ້າການປະສານສົມທົບກັບຂະແໜງການກ່ຽວຂ້ອງພາຍໃນແຂວງ, ເອົາໃຈໃສ່ຄຸ້ມຄອງ ແລະ ຕິດຕາມສະພາບການເໜັງຕີງຂອງລາຄາສິນຄ້າຕົ້ນຕໍໃນທ້ອງຕະຫຼາດຢ່າງເປັນປົກກະຕິ, ໂດຍສະເພາະແມ່ນສິນຄ້າທີ່ມີຜົນກະທົບໄວຕໍ່ຊີວິດ ການເປັນຢູ່ຂອງປະຊາຊົນ ບໍ່ໃຫ້ມີການສວຍໂອກາດຂຶ້ນລາຄາຕາມລຳພັງໃຈ.


2. ເອົາໃຈໃສ່ຄຸ້ມຄອງ, ຕິດຕາມສິນຄ້າສະບຽງອາຫານປະເພດເຂົ້າກິນ, ຊີ້ນ (ໝູ,ງົວ, ຄວາຍ, ໄກ່, ປາ) ແລະ ພືດຜັກຕ່າງໆ ຢູ່ພາຍໃນແຂວງຂອງຕົນໃຫ້ເປັນໄປຕາມກົນໄກຕະຫຼາດໃນແຕ່ລະໄລຍະບົນພື້ນຖານ ດຳລັດ 474/ນຍ ແລະ ຕາມລະບຽບການກ່ຽວຂ້ອງ ແລະ ໃຫ້ຄິດໄລ່ໂຄງປະກອບລາຄາໃນແຕ່ລະຂອດ ຢ່າງຊັດເຈນ (ຂອດຕົ້ນທຶນການຜະລິດ, ຂາຍຍົກ ແລະ ຂາຍຍ່ອຍ).
– ສະເພາະສິນຄ້າປະເພດເຂົ້າກິນ ແມ່ນໃຫ້ເອົາໃຈໃສ່ຄຸ້ມຄອງຂອດເກັບຊື້ຈາກຊາວນາ, ຂອດໂຮງສີ, ຂອດຂາຍຍົກ ແລະ ຂາຍຍ່ອຍຕາມທ້ອງຕະຫຼາດ.
– ສະເພາະສິນຄ້າປະເພດຊີ້ນ, ປາ ແມ່ນໃຫ້ເອົາໃຈໃສ່ຄຸ້ມຄອງຂອດລ້ຽງ, ຂອດນາຍຮ້ອຍ (ຂາຍຍົກ) ແລະ ຂອດລູກຂຽງ (ຂາຍຍ່ອຍ).
– ສ່ວນປະເພດພືດຜັກ ແລະ ສະບຽງອາຫານຕ່າງໆ ແມ່ນໃຫ້ເອົາໃຈໃສ່ຄຸ້ມຄອງ ແລະ ຕິດຕາມຂອດເກັບຊື້ຈາກຊາວກະສິກອນ ແລະ ຂອດຂາຍຍ່ອຍ ເພື່ອຫຼີກເວັ້ນການສວຍໂອກາດຂຶ້ນລາຄາ.


3. ເປັນເຈົ້າການໃນການຕິດຕາມ, ກວດກາ, ຄຸ້ມຄອງຢ່າງເປັນປະຈຳ ໃນທ້ອງຕະຫຼາດຫຼັກໆ ພາຍໃນທ້ອງຖິ່ນຂອງຕົນດ້ວຍການແຕ່ງຕັ້ງພະນັກງານໝູນວຽນກັນລົງສົມທົບກັບຫ້ອງການ ອຸດສາຫະກຳ ແລະ ການຄ້າເມືອງ ແລະ ຄະນະຄຸ້ມຄອງຈັດສັນຕະຫຼາດ ເພື່ອພ້ອມກັນຈັດຕັ້ງປະຕິບັດ.
4. ໃຫ້ປະສານສົມທົບ ເພື່ອຂໍຄວາມຮ່ວມມືຈາກຜູ້ປະກອບການເຊັ່ນ: ຜູ້ຜະລິດ, ຜູ້ນຳເຂົ້າ, ຜູ້ສົ່ງອອກ ແລະ ຜູ້ຈຳໜ່າຍບໍ່ໃຫ້ສວຍໂອກາດຂຶ້ນລາຄາສິນຄ້າໃນຊ່ວງເທດສະການ ແລະ ງານບຸນສຳຄັນຕ່າງໆປະຈຳປີ 2018 (ບຸນປີໃໝ່ສາກົນ, ປີໃໝ່ຂອງປະເທດເພື່ອນບ້ານ, ບຸນປີໃໝ່ລາວ).
ນອກຈາກນັ້ນ, ລັດຍັງປະກາດປັບຫຼຸດລາຄາຂາຍຊີ້ນໝູຈາກ 35,000 ກີບຕໍ່ກິໂລ ໃຫ້ເຫຼືອ 33,000 ກິີບຕໍ່ກິໂລ ຖ້າຫາກພົບເຫັນຂາຍເກີນໃຫ້ແຈ້ງເຈົ້າໜ້າທີ່ການຄ້າ ເຊິ່ງຈັດຕັ້ງປະຕິບັດ ໃນ 9 ຕົວເມືອງ ໃນນະຄອນຫຼວງວຽງຈັນ ແຈ້ງການເລກທີ 2199/ອຄ.ນວ.ຄພນ ລົງວັນທີ 31 ສິງຫາ 2017 ເລື່ອງ ກຳນົດລາຄາຂາຍົກ – ຂາຍຍ່ອຍຊີ້ນໝູ ເພື່ອແນໃສ່ຊຸກຍູ້ສົ່ງເສີມ ຜູ້ດໍາເນີນທຸລະກິດການຜະລິດ, ຜູ້ຊື້, ຜູ້ຂາຍ ແລະ ເປັນການປົກປ້ອງສິດຜົນປະໂຫຍດຜູ້ຊົມໃຊ້ໃຫ້ມີຄວາມຍຸຕິທຳບົນຟື້ນຖານກົນໄກການຕະຫຼາດ ຫຼີກລຽງການເອົາລັດເອົາປຽບລະຫວ່າງຜູ້ຊື້ ແລະ ຜູ້ຂາຍ ທັງຮັບປະກັນໃຫ້ສັງຄົມມີຄວາມສະຫງົບ.
ສຳລັບນະຄອນຫຼວງວຽງຈັນ ທ່ານຫົວໜ້າພະແນກອຸດສາຫະກຳ ແລະ ການຄ້ານະຄອນຫຼວງ ຈຶ່ງອອກແຈ້ງການຄື:
5. ລາຄາໝູໜ້າຟາມ ຊື້ – ຂາຍ ລາຄາສູງສຸດບໍ່ເກີນ 18,000 ກີບຕໍ່ກິໂລ.
6. ລາຄາຂາຍຍົກໝູ ທີ່ໄດ້ຂ້າຄົວ ແລະ ຊໍາແຫຼະເປັນຊີ້ນລວມ ລາຄາສູງສຸດບໍ່ເກີນ 21,000 ກີບຕໍ່ກິໂລ, ລາຄານີ້ແມ່ນລາຄານາຍຮ້ອຍສົ່ງໃຫ້ລູກຂຽງຮອດຕະຫຼາດ.
7. ລາຄາຂາຍຍ່ອຍຂອງລູກຂຽງໃຫ້ຜູ້ບໍລິໂພກຢູ່ຕະຫຼາດມີດັ່ງນີ້:
– ຊີ້ນໝູ ປະເພດ 1 (ຊີ້ນກ້ອນ, ດູກຂ້າງ, ຊີ້ນສາມຊັ້ນ) ຂາຍສູງສຸດ 33,000 ກີບຕໍ່ກິໂລ
– ຊີ້ນໝູ ປະເພດ 2 ສູງສຸດບໍ່ເກີນ 30,000 ກີບຕໍ່ກິໂລ.

ທີ່ມາ: ເສດຖະກິດ-ສັງຄົມ

ປີ 2017 ເສດຖະກິດແຂວງ ຈຳປາສັກຂະຫຍາຍຕົວກວ່າ 8%

ນັບວ່າເປັນຄວາມພາກ ພູມໃຈ. ໃນປີ 2017 ນີ້ເສດຖະ ກິດ ແຂວງຈຳປາສັກຂະຫຍາຍ ຕົວຫລາຍກວ່າ 8%, ສະເລ່ຍ ລາຍຮັບຂອງພົນລະເມືອງ ເພີ່ມ ຂຶ້ນສູງເຖິງ 2.220 ໂດລາສະ ຫະລັດຕໍ່ຄົນຕໍ່ປີ ແລະ ໃນສົກ ປີ 2015-2016 ເຖິງວ່າການ ຈັດເກັບລາຍຮັບເຂົ້າງົບປະມານ ຈະມີຄວາມຫຍຸ້ງຍາກຢູ່ບໍ່ໜ້ອຍ ແຕ່ກໍສາມາດຈັດຕັ້ງປະຕິບັດໄດ້ ຫລາຍກວ່າ 1.200 ຕື້ກີບເທົາ ກັບ 81% ຂອງຕົວເລກແຜນ ການ ແລະ ສະເພາະ 5 ເດືອນ ຕົ້ນປີ 2017 ນີ້ ສາມາດປະຕິ ບັດໄດ້ແລ້ວຫລາຍກວ່າ 520 ຕື້ ກີບເທົ່າກັບ 38% ຂອງແຜນ ການປີ. ເຊິ່ງຕົວເລກດັ່ງກ່າວ ໄດ້ຮັບການເປີດເຜີຍ ຈາກຄະ ນະປົກຄອງແຂວງ ດັ່ງກ່າວ ເມື່ອມໍ່ໆມານີ້.

ທ່ານ ເຈົ້າແຂວງໃຫ້ຮູ້ວ່າ: ຄຽງຄູ່ກັບການເອົາໃຈໃສ່ວຽກ ງານພັດທະນາເສດຖະກິດ ຂອງແຂວງໃຫ້ເຕີບໃຫຍ່ຂະ ຫຍາຍຕົວແລ້ວ, ແຂວງຍັງໄດ້ ສຸມໃສ່ແກ້ໄຂຄວາມທຸກຍາກ ຂອງປະຊາຊົນຢ່າງມີຜົນສຳ ເລັດ, ເຊິ່ງມາຮອດປັດຈຸບັນທົ່ວ ແຂວງຍັງມີຄອບຄົວທຸກຍາກ ເຫລືອຢູ່ພຽງ 743 ຄອບຄົວ, ເທົ່າກັບ 0,6% ແລະ ສາມາດ ລຶບລ້າງເມືອງທຸກຍາກໄດ້ 100%, ດ້ວຍການສົ່ງເສີມໃຫ້ ເຂົາເຈົ້າມີຄວາມຕັ້ງໜ້າເຂົ້າສູ່ ການຜະລິດຄື: ການປູກເຂົ້ານາ ປີໃນປີນີ້ບັນລຸໄດ້ຫລາຍກວ່າ 150.000 ເຮັກຕາ, ສ່ວນ ການປູກພືດເປັນສິນຄ້າບັນລຸ ໄດ້ ເກືອບ 40.000 ເຮັກຕາ, ໂດຍສະເພາະແມ່ນພືດຜັກ ແລະ ໄມ້ໃຫ້ໝາກ ແລະ ພົ້ນ ເດັ່ນກວ່າໝູ່ແມ່ນຂະບວນການ ປູກກາເຟລວມມີເນື້ອທີ່ຫລາຍ ກວ່າ 50.000 ເຮັກຕາຄືໃນ 5 ເດືອນຕົ້ນປີນີ້ຈຳປາສັກສາ ມາດສົ່ງອອກກາເຟມີມູນຄ່າ ສູງເຖິງ 61 ລ້ານກວ່າໂດລາ ສະຫະລັດທຽບໃສ່ໄລຍະດຽວ ກັນຂອງປີຜ່ານມາເພີ່ມຂຶ້ນ 19%.