ມອບ-ຮັບ ຕຳແໜ່ງຜູ້ອຳນວຍການ ສະໜາມກິລາແຫ່ງຊາດ ຫຼັກ 16 ຜູ້ເກົ່າ-ຜູ້ໃໝ່ ຢ່າງເປັນທາງການ

ພິທີມອບ-ຮັບຕຳແໜ່ງດັ່ງກ່າວ ໄດ້ຈັດຂຶ້ນໃນວັນທີ 16 ກຸມພາ ຜ່ານມາ ທີ່ສະໜາມກິລາແຫ່ງຊາດ (ຫຼັກ 16) ນະຄອນຫຼວງວຽງຈັນ, ລະຫວ່າງ ທ່ານ ສີທາ ຈູຢາປະເສີດ ຮັກສາການຜູ້ອຳນວຍການສະໜາມກິລາແຫ່ງຊາດ ທີ່ຮັກສາການແທນ ທ່ານ ຄູນເພັງ ຄຳມັງ ຜູ້ອຳນວຍການສະໜາມກິລາແຫ່ງຊາດ ຄົນເກົ່າ ທີ່ເຂົ້າຮັບເບ້ຍບຳນານໄປແລ້ວ ແລະ ທ່ານ ສຸລິວັນ ເຊີນວິໄລ ຮອງຫົວໜ້າກົມກິລາລະດັບສູງ ທີ່ຍ້າຍໄປເປັນຜູ້ອຳນວຍການສະໜາມກິລາແຫ່ງຊາດ ຜູ້ໃໝ່ ໂດຍໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ບົວລານ ສິລິປັນຍາ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ແລະ ທ່ານ ນາງ ບົວຄຳ ດາວສະຫວັນ ຮອງຫົວໜ້າກົມຈັດຕັ້ງ ແລະ ພະນັກງານ ກະຊວງສຶກສາທິການ ແລະ ກິລາ, ມີຮອງຫົວໜ້າກົມ, ຫົວໜ້າພະແນກ, ຄະນະອຳນວຍການ, ຫົວໜ້າຂະແໜງ, ພະນັກງານ ແລະ ພາກສ່ວນທີ່ກ່ຽວຂ້ອງ.


ໂອກາດດັ່ງກ່າວ, ທ່ານ ສີທາ ຈູຢາປະເສີດ ໄດ້ກ່າວອຳລາຕຳແໜ່ງ ແລະ ຜ່ານບົດສະຫຼຸບຫຍໍ້ການຈັດຕັ້ງເຄື່ອນໄຫວໄລຍະຜ່ານມາໃຫ້ຮູວ່າ: ສະໜາມກິລາແຫ່ງຊາດ (ຫຼັກ 16) ແມ່ນໄດ້ເລີ່ມກໍ່ສ້າງຂຶ້ນໃນວັນທີ 3 ເມສາ 2007 ເປັນຕົ້ນມາ ດ້ວຍທຶນຂອງລັດຖະບານ ສປປ ລາວ ໂດຍມອບໃຫ້ກຸ່ມບໍລິສັດ ວິສາວະກຳ ຢູນນານ ສປ ຈີນ ເປັນຜູ້ຮັບຜິດຊອບ ໂຄງການກໍ່ສ້າງທັງໝົດ ແລະ ໄດ້ສຳເລັດລົງພ້ອມມອບ-ຮັບ ນຳໃຊ້ຢ່າງເປັນທາງການ ໃນວັນທີ 22 ກັນຍາ 2009 ໂດຍພາຍໃຕ້ການຄຸ້ມຄອງຂອງຄະນະກຳມະການກິລາ-ກາຍະກຳແຫ່ງຊາດ (ຄກຊ) ໃນເມື່ອກ່ອນ ເພື່ອກະກຽມ ແລະ ຮອງຮັບໃຫ້ແກ່ງານມະຫາກຳກິລາຊີເກມ ຄັ້ງທີ 25 ປີ 2009 ທີ່ສປປ ລາວເຮົາ ໄດ້ຮັບກຽດເປັນເຈົ້າພາບ ເຊິ່ງລວມມີເນື້ອທີ່ທັງໝົດ 125 ເຮັກຕາ ປະກອບມີສະໜາມແຂ່ງຂັນກິລາປະເພດຕ່າງໆ ປະກອບມີ: ສະໜາມກິລາບານເຕະ 2 ສະໜາມ, ສະໜາມກິລາລອຍນ້ຳ 3 ສະໜາມ, ສະໜາມກິລາເທັນນິສ 1 ສະໜາມ, ສະໜາມກິລາໃນຮົ່ມ I ສະໜາມ (ດອກປີກໄກ່) 1 ສະໜາມ, ສະໜາມກິລາໃນຮົ່ມ II (ບານສົ່ງໃນຮົ່ມ) 1 ສະໜາມ, ສະໜາມກິລາບານສົ່ງຫາດຊາຍ 1 ສະໜາມ, ສະໜາມກິລາຍິງປືນ 1 ສະໜາມ ແລະ ສະໝາມກິລາຍິງທະນູ 1 ສະໜາມ. ສ່ວນການເຄື່ອນໄຫວໄລຍະຜ່ານມາ ພາຍຫຼັງສິ້ນສຸດງານແຂ່ງຂັນກິລາຊີເກມ ຄັ້ງທີ 25 ປີ 2009 ສະໜາມກິລາແຫ່ງຊາດ ໄດ້ຮອງຮັບໃຫ້ແກ່ງານສະເຫຼີມສະຫຼອງນະຄອນຫຼວງວຽງຈັນ ຄົບຮອບ 450 ປີ ໃນປີ 2010 ແລະ ມາຮອດເດືອນມີນາ ປີ 2011 ໄດ້ມີບົດບັນທຶກການມອບ-ຮັບການຄຸ້ມຄອງນຳໃຊ້ສະໜາມກິລາປະເພດຕ່າງໆ ລະຫວ່າງ ຄກຊ ແລະ ບັນດາສະຫະພັນກິລາແຫ່ງຊາດ ປະເພດຕ່າງໆ ເຂົ້າມາຄຸ້ມຄອງ ແລະ ນຳໃຊ້ສະໜາມ, ພ້ອມທັງປົກປັກຮັກສາຊັບສິນຂອງພັກ-ລັດ ທີ່ໄດ້ປະກອບໄວ້ໃຫ້ ຢູ່ໃນແຕ່ສະໜາມ ໃຫ້ຢູ່ໃນສະພາບປົກກະຕິ, ຫຼັກເວັ້ນການຕົກເຮ່ຍເສຍຫາຍ ແລະ ຮັບຜິດຊອບຕໍ່ຄ່າໃຊ້ຈ່າຍບໍລິຫານຕ່າງໆ, ຕະຫຼອດໄລຍະທີ່ໄດ້ມອບໃຫ້ບັນດາສະຫະພັນກິລາແຫ່ງຊາດ ເຂົ້າມາຄຸ້ມຄອງ ແລະ ນຳໃຊ້ສະໜາມ ພວກເຮົາສັງເກດເຫັນວ່າ ບັນດາສະຫະພັນກິລາດັ່ງກ່າວ ແມ່ນບໍ່ສາມາດຮັບພາລະ ໃນການຊຳລະສະສາງຄ່າໄຟຟ້າ, ຄ່ານ້ຳປະປາ, ການປົກປັກຮັກສາ, ການບູລະນະສ້ອມແປງ ຕະຫຼອດຮອດການອະນາໄມຕຶກອາຄານສະຖານທີ່ຕ່າງໆ ເວົ້າລວມ, ເວົ້ສະເພາະແມ່ນເຮັດບໍ່ໄດ້ເທົ່າທີ່ຄວນ ຊ້ຳພັດເປັນການສ້າງໜີ້ສິນຄຸມເຄືອແກ່ຍາວ ຄ້າງຈ່າຍໄວ້ເປັນຈຳນວນຫຼວງຫຼາຍ ໂດຍສະເພາະຄ່າໄຟຟ້າ ແລະ ນ້ຳປະປາ ຈົນມາຮອດປັດຈຸບັນນີ້.


ຂະນະທີ່, ທ່ານ ສຸລິວັນ ເຊີນວິໄລ ກ່າວວ່າ: ສຳລັບແຜນການຈັດຕັ້ງປະຕິບັດວຽກງານໃນຕໍ່ໜ້າ ກໍ່ຄື ແຜນງານ ແລະ ໂຄງການ ແຕ່ນີ້ເຖິງປີ 2022 ໂດຍສະເພາະແຜນວຽກຈຸດສຸມປະຈຳປີ 2018 ທີ່ຈະເລັ່ງໃຫ້ສຳເລັດ ປະກອບມີ: ການອະນາໄມອາຄານສະລອຍນ້ຳ, ສະນ້ຳທັງໝົດ ແລະ ບຳບັດນ້ຳ ໃຫ້ສາມາດນຳໃຊ້ໄດ້ ພ້ອມທັງເປີດບໍລິການໃນເດືອນມີນາ 2018, ຮັບໃຊ້ງານແຂ່ງຂັນກິລາແຫ່ງຊາດ ຄັ້ງ 11 ໃນເດືອນພະຈິກ 2018 ແລະ ການເຝິກສອນນັກກິລາລອຍນ້ຳເຍົາວະຊົນ ພ້ອມທັງຮັບໃຊ້ການເຝິກແອບນັກກິລາທີມຊາດ, ສ້ອມແປງແກ້ໄຂ ລະບົບນ້ຳປະປາ ທີ່ເປ່ເສຍຫາຍ ເພື່ອຮັບປະກັນການໃຊ້ຈ່າຍຄ່າໃຫ້ປະຢັດ ແລະ ໄຟຟ້າແສງສະຫວ່າງພາຍໃນສະໜາມກິລາຈຳນວນໜຶ່ງ, ຕັດຫຍ້າສະໜາມກິລາທັງໝົດ ບົວລະບັດສະໜາມຫຍ້າ ແລະ ສວນດອກໄມ້ໃຫ້ມີສີຂຽວກາຍເປັນສວນສຸຂະພາບ ພ້ອມທັງສາມາດຈັດກິດຈະກຳຕ່າງໆດ້ານກິລາ ເພື່ອສ້າງລາຍຮັບວິຊາການອີກດ້ານໜຶ່ງ ແລະ ຂຶ້ນແຜນປັບປຸງອາຄານສະໜາມກິລາສ່ວນທີ່ເປ່ເພໃຫ້ສາມາດນຳໃຊ້ໄດ້.


ນອກຈາກນັ້ນ, ຍັງມີໂຄງການບຸລິມະສິດ ທີ່ຈະເລັ່ງໄດ້ພ້ອມກັນ ປະກອບມີ ສ້ອມແປງແກ້ໄຂ ລະບົບໄຟຟ້າພາຍໃນສະໜາມກິລາທັງໝົດໃຫ້ມີແສງສະຫວ່າງງາມຕາ ແລະ ປອດໄພ, ສົມທົບກັບບັນດາສະຫະພັນກິລາແຫ່ງຊາດ ທີ່ມີສະໜາມກິລາປະເພດຕ່າງໆ ຮ່ວມສ້າງກິດຈະກຳຈັດການແຂ່ງຂັນເພື່ອພັດທະນາກິລາຂອງຕົນ ແລະ ນຳໃຊ້ສະໜາມໃຫ້ເກີດປະໂຫຍດສູງສຸດ ແລະ ເປີດກ້ວາງການບໍລິການສັງຄົມໃນການສ້າງກິດຈະກຳຕ່າງໆ ເພື່ອສ້າງລາຍຮັບດ້ານວິຊາການໃຫ້ໄດ້ 40 ເປີເຊັນຂອງແຜນງົບປະມານທີ່ໄດ້ຮັບ. ພ້ອມກັບຈະສຸມໃສ່ວຽກງານໃໝ່ຢ່າງຕັ້ງໜ້າ ແລະ ໃຫ້ປະສົບຜົນສຳເລັດ.


ຂ່າວຈາກ: ອໍາໄພວັນ ສູນໂຄສະນາຂ່າວສານ ການສຶກສາ ແລະ ກິລາ

ກະຊວງແຮງງານ ເປີດເຜີຍ! ຄົນລາວເຮັດວຽກຢູ່ໄທ 46 ພັນຄົນ ຕ້ອງຂຶ້ນທະບຽນໃຫ້ແລ້ວໃນເດືອນນີ້

ກະຊວງແຮງງານ ແລະ ສະຫວັດດີການສັງຄົມ (ຮສສ) ຈັດກອງປະຊຸມຂຶ້ນທີ່ຫ້ອງປະຊຸມໃຫຍ່ ຂອງກະຊວງດັ່ງກ່າວໃນວັນທີ 20 ກຸມພາ ຜ່ານມາ ພາຍໃຕ້ການເປັນປະທານຂອງທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໂດຍມີຮອງລັດຖະມົນຕີກະຊວງການຕ່າງປະເທດ, ຮອງລັດຖະມົນຕີກະຊວງປ້ອງກັນຄວາມສະຫງົບ, ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ພ້ອມດ້ວຍບັນດາຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.


ໃນກອງປະຊຸມໄດ້ມີການລາຍງານໃຫ້ຮູ້ວ່າ: ຫຼັງຈາກທາງການລາວໄດ້ສົ່ງພະນັກງານເຂົ້າໄປປັບສະຖານະພາບໃຫ້ແກ່ແຮງງານລາວ (ກຸ່ມບັດສີຊົມພູ) ທີ່ຍັງເຫຼືອຈຳນວນ 71 ພັນກວ່າຄົນຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ, ສະບັບເລກທີ 448/ຫສນຍ,ກສວ, ລົງວັນທີ 23 ມີນາ 2017 ຊຶ່ງໜ່ວຍງານປັບສະຖານະພາບແຮງງານລາວໄດ້ຕັ້ງຢູ່ຫ້າງ IT Square ເຂດຫຼັກ 4 ກຸງເທບມະຫານະຄອນປະເທດໄທ.

ຜ່ານການຈັດຕັ້ງປະຕິບັດວຽງານ ແຕ່ວັນທີ 28 ສິງຫາ 2017 ຮອດວັນທີ 31 ມັງກອນ 2018 (5 ເດືອນ) ສາມາດອອກໜັງສືຢັ້ງຢືນສະຖານະພາບບຸກຄົນ (CI) ແລະ ບັດອະນຸຍາດເຮັດວຽກໃຫ້ແຮງງານຜູ້ທີ່ມີບັດສີບົວ ໄດ້ຈຳນວນທັງໝົດ 24,684 ຄົນ, ໃນນັ້ນ ເປັນແຮງງານ ຈຳນວນ 22,422 ຄົນ( ຍິງ 11,525 ຄົນ), ຜູ້ຕິດຕາມ 2,262 ຄົນ( ຍິງ 1,062 ຄົນ), ຍັງອີກຈໍານວນ 46 ພັນກວ່າຄົນທີ່ຕ້ອງໄດ້ປະຕິບັດໃຫ້ສຳເລັດພາຍໃນວັນທີ 31 ມີນາ 2018.
ທ່ານ  ຄຳແພງ ໄຊສົມແພງ ກ່າວວ່າ: ອີງໃສ່ຂໍ້ມູນ ປີ 2016 ທີ່ຝ່າຍໄທໄດ້ແຈ້ງໃຫ້ຝ່າຍລາວຮູ້ວ່າ ມີແຮງງານທີ່ມີບັດສີຊົມພູປະມານ 71 ພັນກວ່າຄົນ ຊຶ່ງຈະໝົດອາຍຸ ວັນທີ 31 ມີນາ 2018 ໃຫ້ຝ່າຍລາວຮີບຮ້ອນເຂົ້າມາດຳເນີນການປັບສະຖານະພາບໃຫ້ຖືກຕ້ອງ


ນອກນີ້ ລັດຖະບານໄທ ຍັງໄດ້ອອກຂໍ້ກຳນົດການບໍລິຫານຈັດການການເຮັດວຽກຂອງຄົນຕ່າງດ້າວປີ 2017 ຊຶ່ງໄດ້ຕັ້ງສູນຮັບແຈ້ງແຮງງານຕ່າງດ້າວ 3 ສັນຊາດ ກຳນົດ 15 ວັນ ໃຫ້ຂຶ້ນທະບຽນມີແຮງງານລາວມາຂຶ້ນທະບຽນກັບຄູ່ນາຍຈ້າງ ກັບ ລູກຈ້າງ ມີທັງ ໝົດ 100,740 ຄົນ, ໃນນັ້ນ ແຮງງານລາວທີ່ໄດ້ຮັບການຢັ້ງຢືນວ່າເປັນຄົນລາວທີ່ທາງການໄທອອກໃບຈັບຄູ່ໃຫ້ຈຳນວນ 87,442 ຄົນ ມີກຳນົດຮອດວັນທີ 31 ທັນວາ 2017 ຊຶ່ງບໍ່ສາມາດຈັດຕັ້ງປະຕິບັດຕາມກຳນົດເວລາໄດ້. ສະນັ້ນ ມີແຮງງານລາວສອງກຸ່ມນີ້ຕົກຄ້າງປະມານ 130,000 ພັນກວ່າຄົນ.

ເປັນຫຍັງຈຶ່ງມີການປັບລາຄານ້ຳມັນເຊື້ອໄຟຕື່ມ?

ກົມການຄ້າພາຍໃນ ໄດ້ເຜີຍເຖິງເຫດຜົນຂອງການປັບລາຄານໍ້າມັນເພື່ອໃຫ້ປະຊາຊົນໄດ້ຮັບຮູ້ ແລະ ເຂົ້າໃຈ ພ້ອມທັງຮຽກຮ້ອງໃຫ້ເປັນເຈົ້າການຕິດຕາມການຂາຍນ້ຳມັນເຊື້ອໄຟບໍ່ຖືກກັບລາຄາທີ່ລັດກຳນົດ ສາມາດແຈ້ງມາຍັງສາຍດ່ວນທັນທີ.
ສະພາບລາຄານ້ຳມັນຢູ່ຕະຫຼາດໂລກ ເວົ້າສະເພາະລາຄານ້ຳມັນສຳເລັດຮູບເໜັງຕີງປັບເພີ່ມຂຶ້ນຢ່າງຕໍ່ເນື່ອງເມື່ອສົມທຽບລາຄາສະເລ່ຍຕະຫຼາດໂລກ ລະຫວ່າງວັນທີ 29/1 – 2/2/2018 ກັບລາຄານຳເຂົ້າ ( CIF ) ປະຕິບັດຄັ້ງວັນທີ 27/1/2018 ເຫັນວ່າລາຄາສະເລ່ຍຕະຫຼາດໂລກຍັງມີລາຄາສູງກວ່າລາຄາປະຕິບັດຄັ້ງວັນທີ 27/1/2018 ຄື: ລາຄານ້ຳມັນແອັດຊັງ ( 95 ) ເພີ່ມຂຶ້ນ 0.0191$/ລິດ ( 159 ກີບ/ລິດ ), ນ້ຳມັນແອັດຊັງ ( 92 ) ເພີ່ມຂຶ້ນ 0.0305 $/ລິດ ( 253 ກີບ/ລິດ ) ແລະ ກາຊວນ ( 0.05 ) ເພີ່ມຂື້ນ 0.0426 $/ລິດ ( 354 ກີບ/ລິດ ).
ຕໍ່ສະພາບການເໜັງຕີງເພີ່ມຂຶ້ນຂອງລາຄານ້ຳມັນເຊື້ອໄຟຢູ່ຕະຫຼາດໂລກ ດັ່ງທີ່ກ່າວມາຂ້າງເທິງຈຶ່ງເຮັດໃຫ້ລາຄາຂາຍຍ່ອຍໜ້າປ້ຳ ( ເວົ້າສະເພາະນະຄອນຫຼວງວຽງຈັນ ) ເໜັງຕີງເພີ່ມຂຶ້ນຈາກລາຄາປະຕິບັດຄັ້ງວັນທີ 27/1/2018 ສູງສົມຄວນ ແລະ ສູງເກີນ 5% ໂດຍສະເພາະນ້ຳມັນແອັດຊັງ ( 92 ) ແລະ ກາຊວນ ( 0.05 ) ເຊິ່ງຈະສົ່ງຜົນກະທົບຕໍ່ພື້ນຖານເສດຖະກິດ.
ດ້ວຍເຫດນັ້ນກະຊວງອຸດສາຫະກຳ ແລະ ການຄ້າ, ກະຊວງການເງິນ ແລະ ສະມາຄົມນ້ຳມັນເຊື້ອໄຟ ແລະ ອາຍແກ໊ສ ຈຶ່ງໄດ້ຄົ້ນຄວ້າເອກະພາບກັນປັບຂຶ້ນລາຄາຂາຍຍ່ອຍໃນຄັ້ງວັນທີ 13/02/2018 ຢູ່ນະຄອນຫຼວງວຽງຈັນ ແອັດຊັງພິເສດ = 12,210 ກີບ/ລິດ, ແອັດຊັງທຳມະດາ = 9,120 ກີບ/ລິດ ແລະ ກາຊວນ = 8,100 ກີບ/ລິດ ຫຼື ເພີ່ມຂຶ້ນ 200,180 ແລະ 200 ກີບ/ລິດ ຕາມລຳດັບ.
ເນື່ອງຈາກເຮົາເປັນປະເທດທີ່ນຳເຂົ້ານ້ຳມັນເຊື້ອໄຟ 100%, ແຕ່ລະປີລັດຖະບານໄດ້ນຳໃຊ້ເງິນຕາຈຳນວນມະຫາສານເພື່ອສະໜອງໃຫ້ຜູ້ປະກອບການຊຳລະຄ່ານ້ຳມັນເຊື້ອໄຟ. ສະນັ້ນ, ກົມການຄ້າພາຍໃນ ກໍ່ຄືກະຊວງອຸດສາຫະກຳ ແລະ ການຄ້າ ຈຶ່ງຮຽກຮ້ອງມາຍັງພໍ່ແມ່ປະຊາຊົນ, ທະຫານ ແລະ ຕຳຫຼວດ ຈົ່ງຊົມໃຊ້ນ້ຳມັນເຊື້ອໄຟຢ່າງປະຢັດ.
ພ້ອມນັ້ນ, ກໍ່ຮຽກຮ້ອງມາຍັງບັນດາທ່ານທີ່ພົບເຫັນການຂາຍນ້ຳມັນເຊື້ອໄຟບໍ່ຖືກກັບລາຄາທີ່ລັດກຳນົດ ຫຼື ມີເບາະແສການສວຍໂອກາດຂຶ້ນລາຄາສິນຄ້າ ແລະ ຄ່າບໍລິການປະເພດນ້ຳມັນເຊື້ອໄຟ ຫຼື ສິນຄ້າປະເພດອື່ນ ສາມາດແຈ້ງມາຍັງສາຍດ່ວນ 1510 ເພື່ອປົກປ້ອງສິດຜົນປະໂຫຍດຂອງຜູ້ຊົມໃຊ້ ກໍ່ຄືຂອງທ່ານເອງ.
ຂອບໃຈຂໍ້ມູນຈາກ: © ເສດຖະກິດ ການຄ້າ

ຮອງນາຍົກ ຢ້ຽມຢາມ ແລະ ເຮັດວຽກ ທີ່ແຂວງບໍ່ແກ້ວ

ທ່ານ ສົມດີ ດວງດີ ຮອງ ນາຍົກລັດຖະມົນຕີ ລັດຖະມົນ ຕີ ກະຊວງການເງິນ, ພ້ອມດ້ວຍ ຄະນະໄດ້ເດີນທາງໄປຢ້ຽມ ຢາມ ແລະ ເຮັດວຽກຢູ່ແຂວງ ບໍ່ແກ້ວ ໃນເມື່ອບໍ່ດົນມານີ້ໂດຍ ການຕ້ອນຮັບຂອງທ່ານ ສຸວັນ ທອງ ບົວລັງສີ ກຳມະການ ພັກແຂວງ ຫົວໜ້າພະແນກ ການເງິນແຂວງບໍ່ແກ້ວ ພ້ອມ ດ້ວຍຄະນະ. ຫຼັງຈາກນັ້ນ ທ່ານ ຮອງນາຍົກລັດຖະມົນຕີ ພ້ອມ ດ້ວຍຄະນະໄປພົບປະເຮັດ ວຽກກັບ ທ່ານ ຄຳພັນ ເຜີຍ ຍະວົງ ເຈົ້າແຂວງບໍ່ແກ້ວ, ມີທ່ານ ຮອງເຈົ້າແຂວງ, ພະນັກງານວິ ຊາການຈຳນວນໜຶ່ງເຂົ້າຮ່ວມ. ໂອກາດດັ່ງກ່າວ ທ່ານ ຄຳພັນ ເຜີຍຍະວົງ ໄດ້ລາຍງານ ສະພາບ ໂດຍລວມການພັດທະນາເສດ ຖະກິດ-ສັງຄົມພາຍໃນແຂວງ ໃນໄລຍະຜ່ານມາແມ່ນມີບັນ ຍາກາດທີ່ດີ ໂດຍສະເພາະ ແມ່ນສາມາດດຶງດູດນັກລົງທຶນ ທັງພາຍໃນ ແລະ ຕ່າງປະ ເທດ, ລວມຜະລິດຕະພັນພາຍ ໃນ (GDP) ແມ່ນເພີ່ມຂຶ້ນ ຢ່າງຕໍ່ເນື່ອງ, ຊີວິດການເປັນ ຢູ່ຂອງປະຊາຊົນດີຂຶ້ນເທື່ອລະ ກ້າວ, ແຕ່ແຂວງບໍ່ແກ້ວຍັງຈະ ສູ້ຊົນໃນຫຼາຍດ້ານໂດຍສະ ເພາະການເກັບລາຍຮັບເຂົ້າ ງົບປະມານແຫ່ງລັດເຖິງແມ່ນ ວ່າ ໃນປີ 2017 ຈະສາມາດ ເກັບລາຍຮັບລື່ນແຜນການກໍ ຕາມແຕ່ທາງແຂວງຍັງຈະສືບ ຕໍ່ຄຸ້ມຄອງເສດຖະກິດພາຍ ໃນແຂວງໃຫ້ມີການຂະຫຍາຍ ຕົວຢ່າງຕໍ່ເນື່ອງ ແລະ ໝັ້ນ ທ່ຽງ, ສືບຕໍ່ເຂັ້ມງວດການປະ ຕິບັດວິໄນທາງດ້ານການເງິນ ໃຫ້ເປັນຮູບປະທຳ, ສົ່ງເສີມ ການທ່ອງທ່ຽວຕິດພັນກັບການ ບໍລິການໃຫ້ເປັນການກະຕຸ້ນ ເສດຖະກິດ, ສ້າງລາຍຮັບໃຫ້ ປະຊາຊົນ, ສົ່ງເສີມການລົງ ທຶນທັງພາຍໃນ ແລະ ຕ່າງປະ ເທດ, ການເກັບພາສີອາກອນ ນຳບັນດາຫົວໜ່ວຍທຸລະກິດ ແລະ ບັນຫາອື່ນໆອີກຈຳນວນ ໜຶ່ງ. ໂອກາດນີ້ ທ່ານຮອງນາ ຍົກລັດຖະມົນຕີ, ລັດຖະມົນຕີ ກະຊວງການເງິນໄດ້ມີຄຳເຫັນ ສະແດງຄວາມຊົມເຊີຍຕໍ່ທ່ານ ເຈົ້າແຂວງບໍ່ແກ້ວ ທີ່ໄດ້ເອົາໃຈ ໃສ່ຊີ້ນຳຕິດຕາມຢ່າງໃກ້ຊິດ ເຮັດໃຫ້ການພັດທະນາເສດ ຖະກິດ-ສັງຄົມພາຍໃນແຂວງ ຂະຫຍາຍຕົວຢ່າງຕໍ່ເນື່ອງ ແລະ ເຮັດໃຫ້ການຈັດເກັບການລາຍ ຮັບເຂົ້າງົບປະມານລື່ນແຜນ ການທີ່ວາງໄວ້ ແລະ ບັນຫາ ອື່ນໆທີ່ຕິດພັນກັບຈັດເກັບ ລາຍຮັບເຂົ້າງົບປະມານແຫ່ງ ລັດ. (ຂ່າວ: ກະຊວງການເງິນ)

ພະຍາກອນອາກາດປະຈຳວັນທີ 07 ກຸມພາ 2018

ມວນອາກາດໜາວເຢັນຈາກປະເທດຈີນໄດ້ສືບຕໍ່ອ່ອນກຳລັງລົງ ຍັງແຜ່ລົງມາລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ, ສົມທົບກັບກະແສລົມຕາເວັນອອກສ່ຽງເໜືອຍັງພັດປົກຄຸມ. ຊຶ່ງຈະເຮັດໃຫ້ອາກາດອຸ່ນຂື້ນເລັກນ້ອຍ ແຕ່ສະພາບອາກາດໂດຍທົ່ວໄປຍັງເຢັນ ຫາ ໜາວເຢັນຢູ່ໃນແຕ່ລະພາກຕື່ມອີກ ແລະ ອາກາດຍັງໜາວເຢັນຫຼາຍ ຢູ່ແຂວງພາກເໜືອ, ແຂວງ ໄຊສົມບູນ ແລະ ເຂດພູພຽງບໍລະເວນ ພ້ອມມີລົມພັດແຮງຢູ່ທົ່ວໄປ.

ເລື່ອນຊັ້ນໃຫ້ ນາຍທະຫານຂັ້ນສູງຂອງກະ ຊວງປ້ອງກັນປະເທດ

ພິທີປະກາດເລື່ອນຊັ້ນໃຫ້ ນາຍທະຫານຂັ້ນສູງຂອງກະ ຊວງປ້ອງກັນປະເທດ ຈັດຂຶ້ນໃນ ຕອນເຊົ້າວັນທີ 19 ມັງກອນ 2018 ນີ້, ຢູ່ທີ່ກະຊວງປ້ອງກັນ ປະເທດ ໂດຍເປັນກຽດເຂົ້າຮ່ວມ ຂອງທ່ານ ພົນໂທ ຈັນສະໝອນ ຈັນຍາລາດ ກຳມະການກົມການ ເມືອງສູນກາງພັກ ລັດຖະມົນຕີ ກະຊວງປ້ອງກັນປະເທດ, ມີ ຮອງລັດຖະມົນຕີ, ຫົວໜ້າກົມ, ຮອງກົມ, ຫ້ອງວ່າການກະຊວງ, ບັນດາວິທະຍາຄານ ແລະ ຄະນະ ຈັດຕັ້ງສູນກາງພັກເຂົ້າຮ່ວມ.

ໃນພິທີ ທ່ານ ນາງ ບຸດສະດີ ທະນະເມືອງ ຫົວໜ້າກົມຄຸ້ມຄອງພະນັກງານ ຕາງໜ້າໃຫ້ຄະນະຈັດຕັ້ງສູນກາງພັກ ໄດ້ຂຶ້ນຜ່ານຂໍ້ຕົກ ລົງຂອງປະທານປະເທດ ວ່າ ດ້ວຍການເລື່ອນຊັ້ນໃຫ້ນາຍທະ ຫານຂັ້ນ ພົນຕີ ເຊິ່ງປະກອບມີ: ທ່ານ ພົນຈັດຕະວາ ທອງວັນ ຈັນ ທະວົງ ຫົວໜ້າກົມ 213 ແລະ ທ່ານ ພົນຈັດຕະວາ ສະຫວ່າງໄຊ ສີນນະວົງ ຫົວໜ້າ ປກຊ-ປກສ. ທ່ານ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ, ຮອງ ລັດຖະມົນຕີກະຊວງປ້ອງກັນປະ ເທດ, ຫົວໜ້າກົມໃຫຍ່ການເມືອງ ກອງທັບ ໄດ້ອ່ານຂໍ້ຕົກລົງຂອງ ປະທານປະເທດວ່າດ້ວຍການ ເລື່ອນຊັ້ນໃຫ້ນາຍທະຫານຂັ້ນ ພົນຈັດຕະວາ ເຊິ່ງປະກອບມີ: ສະຫາຍ ພັນເອກ ວົງສອນ ອິນ ປານພີມ, ສະຫາຍ ພັນເອກ ບຸນ ເຈື້ອ ຕຽນແສງດາວ, ສະຫາຍ ພັນເອກ ວຽງໄຊ ສົມວິຈິດ, ສະ ຫາຍ ພັນເອກ ພູວຽງ ຫຼ່ຽມມະ ວົງສາ, ສະຫາຍ ພັນເອກ ສີທາ ດວງມາລາ, ສະຫາຍ ພັນເອກ ໄພລັດ ພີມມະສັກ, ສະຫາຍ ພັນ ເອກ ບຸນຍົງ ດາດົງໄຊ, ສະຫາຍ ພັນເອກ ສົມທອງ ດອນກັນນ້ອຍ, ສະຫາຍ ພັນເອກ ຄຳມ່ວນ ເລືອງວັນຫຼ້າ ແລະ ສະຫາຍ ພັນເອກ ບົວສິງ ອິນທະວົງ.

ໂອກາດນີ້, ທ່ານລັດຖະມົນຕີ ກະຊວງປ້ອງກັນປະເທດ ກໍໄດ້ ໂອ້ລົມຕໍ່ນາຍທະຫານຂັ້ນສູງທີ່ ໄດ້ຮັບການເລື່ອນຊັ້ນໃໝ່ ແລະ ຜູ້ເຂົ້າຮ່ວມ ເຊິ່ງທ່ານໄດ້ກ່າວ ບາງຕອນວ່າ: ພາລະບົດບາດ, ໜ້າທີ່ ແລະ ຄວາມສຳຄັນຂອງ ວຽກງານປ້ອງກັນຊາດໃນຊຸມປີ ຜ່ານມາ ພັກ-ລັດ ໄດ້ເອົາໃຈໃສ່ ຢ່າງຕັ້ງໜ້າໃນການປັບປຸງກໍ່ ສ້າງກຳລັງປະກອບອາວຸດປ້ອງ ກັນຊາດທັງ 3 ປະເພດໃຫ້ເຂັ້ມ ແຂງໜັກແໜ້ນ ໂດຍສະເພາະ ແມ່ນການປັບປຸງໂຄງປະກອບ ການຈັດຕັ້ງ ແລະ ບຸກຄະລາ ກອນຂອງກອງທັບປະຊາຊົນ ລາວ ເວົ້າສະເພາະແມ່ນຕໍ່ພະນັກ ງານຫຼັກແຫຼ່ງເພື່ອຮັບປະກັນ ເຮັດສຳເລັດໜ້າທີ່ການເມືອງ ຂອງຕົນໃນໄລຍະໃໝ່, ຕໍ່ໜ້າ ເງື່ອນໄຂສະພາບແວດລ້ອມ ຂອງໂລກ ແລະ ຄວາມຮຽກ ຮ້ອງຕ້ອງການຂອງສະພາບ ການໃໝ່ຢູ່ປະເທດເຮົາ ກົມການ ເມືອງສູນກາງພັກ ກໍຄືລັດຖະ ບານຈຶ່ງໄດ້ຕົກລົງຍົກລະດັບຂັ້ນ ບຸກຄະລາກອນທີ່ເປັນພະນັກ ງານຫຼັກແຫຼ່ງຂັ້ນສູງຂອງກອງ ທັບ ແນໃສ່ເຮັດໃຫ້ການຊີ້ນຳ-ນຳພາຂັ້ນມະຫາພາກຂອງກະ ຊວງປ້ອງກັນປະເທດມີຄວາມ ໜັກແໜ້ນ, ເຂັ້ມແຂງ, ຮັບປະກັນ ເຮັດໃຫ້ກອງທັບເຮັດສຳເລັດໜ້າ ທີ່ການເມືອງຂອງຕົນໃນການ ປົກປັກຮັກສາປະເທດຊາດໄວ້ ໃຫ້ໝັ້ນຄົງ, ສ້າງເງື່ອນໄຂໃຫ້ແກ່ ການສ້າງສາພັດທະນາປະເທດ ຊາດ, ສືບຕໍ່ກໍ່ສ້າງກອງທັບປະ ຊາຊົນລາວເປັນກອງທັບປະຕິ ວັດ, ມີແບບແຜນ ແລະ ທັນສະ ໄໝ. ທ່ານລັດຖະມົນຕີກະຊວງ ປ້ອງກັນປະເທດໄດ້ເນັ້ນໜັກໃຫ້ ເອົາໃຈໃສ່ເຮັດວຽກງານການ ເມືອງແນວຄິດ, ຄົ້ນຄວ້າຮໍ່າ ຮຽນທິດສະດີມາກ-ເລນິນແນວ ທາງນະໂຍບາຍຂອງພັກ ຕິດພັນ ມະຕິກອງປະຊຸມໃຫຍ່ຄັ້ງທີ X ຂອງພັກ ກໍຄື 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນ ປະເທດວາງອອກ, ຕັ້ງໜ້າປັບ ປຸງກໍ່ສ້າງກຳລັງປະກອບອາວຸດ ປ້ອງກັນຊາດທັງ 3 ປະເພດກຳ ລັງໃຫ້ໜັກແໜ້ນທາງດ້ານການ ເມືອງແນວຄິດ ແລະ ເຂັ້ມແຂງ ທາງດ້ານການຈັດຕັ້ງ, ມີຄວາມ ຈົງຮັກພັກດີຕໍ່ປະເທດຊາດ, ເປັນ ເສົາຄໍ້າອັນໜັກແໜ້ນໃຫ້ແກ່ພາ ລະກິດປົກປັກຮັກສາ ແລະ ສ້າງ ສາພັດທະນາປະເທດຊາດ, ເອົາ ໃຈໃສ່ປັບປຸງແບບແຜນວິທີເຮັດ ວຽກໃຫ້ມີວິທະຍາສາດ, ປະຕິ ບັດຫຼັກການລວມສູນປະຊາທິປະ ໄຕ ເຮັດວຽກເປັນໝູ່ຄະນະ ແບ່ງ ວຽກໃຫ້ບຸກຄົນຮັບຜິດຊອບ, ສ້າງແບບແຜນດຳລົງຊີວິດປອດ ໃສ, ຂາວສະອາດ ແລະ ມີວິໄນ ເຂັ້ມງວດ.

ຂ່າວ: ນສພ ກອງທັບ

ຫວຽດນາມ ຊ່ວຍກໍ່ສ້າງໂຮງຮຽນທິດສະດີ ການເມືອງໃຫ້ແກ່ກອງທັບ

ກົມໃຫຍ່ການເມືອງກອງ ທັບ ກະຊວງປ້ອງກັນປະເທດ ໄດ້ຈັດພິທີວາງສີລາລືກໂຄງ ການກໍ່ສ້າງ ໂຮງຮຽນທິດສະດີ ການເມືອງ ກອງທັບປະຊາຊົນ ລາວ ຂຶ້ນເມື່ອວັນທີ 19 ມັງ ກອນຜ່ານມາ, ທີ່ຖະໜົນ 450 ປີ (ເຂດບ້ານນາຄວາຍ ເມືອງ ໄຊເສດຖາ ນະຄອນຫຼວງວຽງ ຈັນ) ໂດຍພາຍໃຕ້ການເປັນ ປະທານຂອງສະຫາຍ ພົນໂທ ຈັນສະໝອນ ຈັນຍາລາດ ກຳ ມະການກົມການເມືອງສູນກາງ ພັກ ລັດຖະມົນຕີກະຊວງປ້ອງ ກັນປະເທດ, ມີສະຫາຍ ຫງວຽນ ບ່າຮຸ່ງ ເອກອັກຄະລັດຖະທູດ ສສ ຫວຽດນາມ ປະຈຳລາວ, ທີ່ປຶກສາທູດທະຫານຫວຽດ ນາມ, ຄະນະອຳນວຍການກຸ່ມ ບໍລິສັດ ເລກທີ 36 ກະຊວງ ປ້ອງກັນປະເທດ ສສ ຫວຽດ ນາມ ພ້ອມດ້ວຍແຂກຖືກເຊີນ ເຂົ້າຮ່ວມ.

ໃນພິທີ, ສະຫາຍ ພົນໂທ ວິໄລ ຫຼ້າຄຳຟອງ ເລຂາທິການ ສູນກາງພັກ ຮອງລັດຖະມົນຕີ ກະຊວງປ້ອງກັນປະເທດ ທັງ ເປັນຫົວໜ້າກົມໃຫຍ່ການເມືອງ ກອງທັບ ຂຶ້ນລາຍງານເຖິງ ໂຄງການກໍ່ສ້າງໂຮງຮຽນດັ່ງ ກ່າວວ່າເປັນໂຄງການຊ່ວຍ ເຫຼືອຈາກກອງທັບ ສສ ຫວຽດ ນາມ ມອບເປັນຂອງຂວັນໃຫ້ ແກ່ກອງທັບປະຊາຊົນລາວ ເນື່ອງໃນໂອກາດວັນສ້າງຕັ້ງ ກອງທັບປະຊາຊົນລາວ ຄົບ ຮອບ 69 ປີ ຊຶ່ງເປັນໂຄງການ ກໍ່ສ້າງໄລຍະທີ 1 ໄດ້ອອກ ແບບກໍ່ສ້າງ ລວມມີ 17 ກິດ ຈະກຳ, ມີຕຶກອຳນວຍການ ແລະ ຫ້ອງການ 3 ຊັ້ນ 1 ຫຼັງ, ຕຶກໂຮງຮຽນ 2 ຊັ້ນ 2 ຫຼັງ, ຕຶກ ສະໂມສອນ 1 ຫຼັງ, ຕຶກຫ້ອງ ອາຫານ ແລະ ເຮືອນຄົວ 1 ຫຼັງ, ຫໍພັກນັກຮຽນ 3 ຊັ້ນ 2 ຫຼັງ, ຕຶກຫໍພັກຄູໂສດ, ຫໍພັກຄອບ ຄົວຄູ, ຕຶກໂຮງໝໍ, ຫ້ອງນ້ຳ, ລະບົບທາງເດີນພາຍໃນ, ລະ ບົບນ້ຳ-ໄຟ, ລວມມູນຄ່າການ ກໍ່ສ້າງສຳເລັດປະມານ 270 ຕື້ ດົງ ແລະ ສາມາດນຳໃຊ້ເປັນ ບ່ອນສຶກສາບຳລຸງໃຫ້ແກ່ນັກ ຮຽນ-ພະນັກງານປະມານ 400 ຄົນ, ໂຄງການກໍ່ສ້າງດັ່ງກ່າວ ໄດ້ອອກແບບສະແດງເຖິງວັດ ທະນະທຳແບບລາວເຮົາປະ ສົມກັບແບບທັນສະໄໝມີຄວາມ ເໝາະສົມ ແລະ ສະດວກສວຍ ງາມ ໂດຍແມ່ນກຸ່ມບໍລິສັດ ເລກທີ 36 ຊຶ່ງເປັນບໍລິສັດວິລະ ຊົນຂອງກະຊວງປ້ອງກັນປະ ເທດ ສສ ຫວຽດນາມ ເປັນຜູ້ ຮັບເໝົາກໍ່ສ້າງ, ໃຊ້ເວລາກໍ່ ສ້າງທັງໝົດ 1 ປີ. ໃນໂອກາດດຽວກັນນີ້, ສະຫາຍ ພົນໂທ ຈັນສະໝອນ ຈັນຍາລາດ ແລະ ສະຫາຍ ຫງວຽນບ່າຮຸ່ງ ພ້ອມດ້ວຍແຂກ ຖືກເຊີນທີ່ເຂົ້າຮ່ວມ ໄດ້ພ້ອມ ກັນເປີດພິທີວາງສີລາລືກໂຄງ ການກໍ່ສ້າງໂຮງຮຽນທິດສະດີ ການເມືອງກອງທັບປະຊາຊົນ ລາວ ຂຶ້ນຢ່າງເປັນທາງການ. (ຂ່າວ: ນ. ພູວັນ)

ກອງປະຊຸມວຽກງານກວດກາທົ່ວປະເທດ ປະຈຳປີ 2017

ເພື່ອເປັນການສະຫຼຸຸບ ຖອດຖອນບົດຮຽນການຈັດຕັ້ງ ປະຕິບັດວຽກງານກວດກາ ປະ ຈຳປີ 2017 ຄະນະກວດກາສູນ ກາງພັກ-ອົງການກວດກາລັດ ຖະບານ ໄດ້ເປີດກອງປະຊຸມ ວຽກງານກວດກາທົ່ວປະເທດ ປະຈຳປີ 2017 ຂຶ້ນໃນວັນທີ 10 ມັງກອນນີ້ ທີ່ສະໂມສອນ ຄະນະກວດກາສູນກາງພັກ ພາຍໃຕ້ການເປັນປະທານຂອງ ທ່ານ ບຸນທອງ ຈິດມະນີ ຮອງ ນາຍົກລັດຖະມົນຕີ ປະທານ ຄະນະກວດກາສູນກາງພັກ- ອົງການກວດກາລັດຖະບານ ຫົວໜ້າອົງການຕ້ານການສໍ້ ລາດບັງຫຼວງຂັ້ນສູນກາງ, ມີ ພາກສ່ວນກ່ຽວຂອງເຂົ້າຮ່ວມ. ທ່ານ ບຸນທອງ ຈິດມະນີໄດ້ກ່າວວ່າ: ກອງປະຊຸມຄັ້ງນີ້ ໄດ້ພ້ອມກັນສະຫຼຸຸບຕີລາຄາ ແລະ ປະກອບຄຳເຫັນຕໍ່ການ ເຄື່ອນໄຫວປະຕິບັດວຽກງານ ຕິດຕາມ-ກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ ໃນໜຶ່ງປີຜ່ານມາ, ໂດຍສົມ ທຽບໃສ່ທິດທາງ, ຄາດໝາຍທີ່ ກອງປະຊຸມໃຫຍ່ ຄັ້ງທີ X ຂອງ ພັກ ກອງປະຊຸມວຽກງານກວດ ກາທົ່ວປະເທດ ຄັ້ງທີ III, ແຜນ ການປະຈຳປີ 2017 ຜ່ານມາ ພ້ອມກັນປຶກສາຫາລືທິດທາງ ແຜນການວຽກງານກວດກາ ປີ 2018 ແລະ ຄົ້ນຄວ້າປະກອບ ຄຳເຫັນຕໍ່ບົດລາຍງານ ແລະ ເອກະສານແນະນຳຕ່າງໆ ທີ່ ສະເໜີຕໍ່ກອງປະຊຸມ. ສຳລັບວຽກງານກວດກາ ໃນໜຶ່ງປີຜ່ານມາຄະນະພັກ, ອົງການປົກຄອງ ແລະ ຄະນະ ກວດກາແຕ່ລະຂັ້ນ ໄດ້ພ້ອມ ກັນຕັ້ງໜ້າບຸກບືນປະຕິບັດ ວຽກງານຕິດຕາມ-ກວດກາສະ ກັດກັ້ນ ແລະ ຕ້ານການສໍ້ລາດ ບັງຫຼວງ, ຄົ້ນຄວ້າແກ້ໄຂຄຳ ຮ້ອງ-ຄຳສະເໜີ ແລະ ປັບປຸງ ການຈັດຕັ້ງຢູ່ຂັ້ນຂອງຕົນມີຜົນ ສຳເລັດຫຼາຍດ້ານ, ແຕ່ພ້ອມ ກັນນັ້ນ ພວກເຮົາກໍຍັງມີດ້ານ ອ່ອນ ແລະ ຂໍ້ຄົງຄ້າງຫຼາຍປະ ການ ສະນັ້ນ ກອງປະຊຸມພວກ ເຮົາເທື່ອນີ້ ຈະໄດ້ພ້ອມກັນຄົ້ນ ຄວ້າຍົກໃຫ້ເຫັນດ້ານດີ, ບົດ ຮຽນທີ່ຕ້ອງເສີມຂະຫຍາຍ, ຊອກໃຫ້ເຫັນດ້ານອ່ອນ, ຂໍ້ຄົງ ຄ້າງ, ສາເຫດ ເພື່ອປັບປຸງແກ້ ໄຂໃນຕໍ່ໜ້າເປັນຕົ້ນແມ່ນວຽກ ງານຕິດຕາມ-ກວດກາໃນພັກ, ສະກັດກັ້ນ ແລະ ຕ້ານການສໍ້ ລາດບັງຫຼວງ ພ້ອມກັນນັ້ນ ຕ້ອງ ຄົ້ນຄວ້າປະກອບຄວາມຄິດ ເຫັນໃຫ້ເລິກເຊິ່ງ, ເປັນເອກະ ພາບຕໍ່ທິດທາງ, ໜ້າທີ່ ແລະ ບັນດາວຽກທີ່ຈະຕ້ອງສຸມໃສ່ ຈັດຕັ້ງປະຕິບັດໃນປີ 2018, ແນໃສ່ເຮັດໃຫ້ວຽກງານຕິດ ຕາມ-ກວດກາ ສະກັດກັ້ນ ແລະ ຕ້ານການສໍ້ລາດບັງຫຼວງ ທັງຢູ່ ສູນກາງ ແລະ ທ້ອງຖິ່ນໄດ້ຮັບ ການຈັດຕັ້ງປະຕິບັດຢ່າງຕັ້ງ ໜ້າ ແລະ ມີການຫັນປ່ຽນດີຂຶ້ນ ກວ່າເກົ່າ, ປະກອບສ່ວນເຮັດ ໃຫ້ການຄຸ້ມຄອງລັດດ້ວຍກົດ ໝາຍມີຄວາມສັກສິດ, ການ ພັດທະນາເສດຖະກິດ-ສັງຄົມ ມີການຂະຫຍາຍຕົວ, ບັນລຸ ຕາມລະດັບຄາດໝາຍທີ່ວາງ ໄວ້, ການກໍ່ສ້າງພັກ, ພະນັກ ງານໃຫ້ມີຄວາມປອດໃສ, ເຂັ້ມ ແຂງ ແລະ ໜັກແໜ້ນຕາມທິດ ທີ່ມະຕິກອງປະຊຸມໃຫຍ່ ຄັ້ງທີ X ຂອງພັກໄດ້ກຳນົດໄວ້. ໃນກອງປະຊຸມຄັ້ງນີ້ ທ່ານ ສີໃນ ມຽງລາວັນ ຮອງປະທານ ຄະນະກວດກາສູນກາງພັກ ຮອງປະທານອົງການກວດກາ ລັດຖະບານ ຮອງຫົວໜ້າອົງ ການຕ້ານການສໍ້ລາດບັງຫຼວງ ຂັ້ນສູນກາງ ໄດ້ຂຶ້ນຜ່ານຮ່າງ ບົດສະຫຼຸຸບຕີລາຄາການເຄື່ອນ ໄຫວວຽກງານຕິດຕາມ-ກວດ ກາ ແລະ ສະກັດກັ້ນຕ້ານການ ສໍ້ລາດບັງຫຼວງໄລຍະ 1 ປີ ຜ່ານ ມາ 2017 ທິດທາງແຜນການ ວຽກງານກວດກາປີ 2018.

ກອງປະຊຸມຜູ້ນໍາ ແມ່ນໍ້າຂອງ-ແມ່ນໍ້າລ້ານຊ້າງ ເອກະພາບກັນ ແລະ ຮັບຮອງເອົາ 4 ເອກະສານສໍາຄັນ

ໃນວັນທີ 10-11 ມັງກອນ 2018, ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ, ໄດ້ນໍາພາ ຄະນະຜູ້ແທນ ເຂົ້າຮ່ວມກອງປະຊຸມຜູ້ນໍາ ແມ່ນໍ້າຂອງ-ແມ່ນນໍ້າລ້ານຊ້າງ ຄັ້ງທີ 2 ຈັດຂຶ້ນທີ່ນະຄອນຫລວງພະນົມເປັນ ລາຊະອານາຈັກ ກໍາປູເຈຍ, ພ້ອມທັງຮັບການເປັນປະທານຮ່ວມ ຈາກ ກໍາປູເຈຍ ໃນສົກປີ 2018-2020 ຢ່າງເປັນທາງການ.

ກອງປະຊຸມໄດ້ດໍາເນີນພາຍໃຕ້ຫົວຂໍ້ “ແມ່ນໍ້າແຫ່ງສັນຕິພາບຂອງພວກເຮົາ ແລະ ການພັດທະນາແບບຍືນຍົງ (Our River of Peace and Sustainable Development)”, ໂດຍການເປັນປະທານຮ່ວມຂອງ ທ່ານ ລີ ເຄີ້ສຽງ, ນາຍົກລັດຖະມົນຕີ ແຫ່ງ ສປ ຈີນ ແລະ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ, ນາຍົກລັດຖະມົນຕີ ແຫ່ງ ລາຊະອານາຈັກ ກໍາປູເຈຍ, ມີບັນດາການນໍາຂັ້ນສູງ ພ້ອມດ້ວຍຄະນະຜູ້ແທນ ຈາກປະເທດສະມາຊິກຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 6 ປະເທດ ຄື: ລາຊະອານາຈັກ ກໍາປູເຈຍ, ສປ ຈີນ, ສປປ ລາວ, ສສ. ມຽນມາ, ລາຊະອານາຈັກ ໄທ ແລະ ສສ ຫວຽດນາມ ເຂົ້າຮ່ວມຢ່າງພ້ອມພຽງ.


ໃນກອງປະຊຸມຄັ້ງນີ້, ບັນດາຜູ້ນໍາ 6 ປະເທດສະມາຊິກ ໄດ້ພ້ອມກັນແລກປ່ຽນຄໍາຄິດເຫັນ ແລະ ໃຫ້ທັດສະນະຮ່ວມ ຕໍ່ກັບຜົນຂອງການຜັນຂະຫຍາຍການຈັດຕັ້ງປະຕິບັດບັນດາວຽກງານຕ່າງໆຕາມຖະແຫລງການຊັນຢາ ທີ່ໄດ້ຮັບຮອງເອົາໃນກອງປະຊຸມຜູ້ນໍາຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 1, ທີ່ເມືອງຊັນຢາ, ແຂວງໄຫໜານ ສປ ຈີນແລະ ກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 2 ແລະ 3. ພ້ອມນີ້, ກອງປະຊຸມຍັງໄດ້ທົບທວນຄືນຄວາມຄືບໜ້າ ແລະ ໝາກຜົນຂອງການຈັດຕັ້ງປະຕິບັດບັນດາແຜນວຽກ ແລະໂຄງການຕ່າງໆ, ພາຍໃຕ້ຂອບການຮ່ວມມືດັ່ງກ່າວໃນໄລຍະຜ່ານມາ, ພ້ອມທັງຮ່ວມກັນປຶກສາຫາລື ກ່ຽວກັບ ທິດທາງຮ່ວມມືໃນຕໍ່ໜ້າ ເພື່ອແນໃສ່ເຮັດໃຫ້ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ເປັນຂອບການຮ່ວມມືທີ່ນໍາເອົາຜົນປະໂຫຍດ ອັນເປັນຮູບປະທໍາ ມາສູ່ 6 ປະເທດສະມາຊິກ ກໍຄືພາກພື້ນຢ່າງແທ້ຈິງ.


ກອງປະຊຸມຍັງໄດ້ພ້ອມກັນຊົມເຊີຍຕໍ່ຜົນສໍາເລັດຂອງການສ້າງຕັ້ງ ກອງເລຂາແຫ່ງຊາດຂອງບັນດາປະເທດສະມາ ຊິກ, ເຊິ່ງເປັນຈຸດປະສານງານຫລັກທີ່ອໍານວຍຄວາມສະດວກໃນການປະສານງານ ແລະ ເຮັດວຽກຮ່ວມກັນ ໃຫ້ມີປະສິດທິພາບ ແລະ ປະສິດທິຜົນດີຂຶ້ນໄປເລື້ອຍໆ. ພ້ອມນີ້, ຍັງພ້ອມກັນສະແດງຄວາມຊົມເຊີຍຕໍ່ ສປ ຈີນ ທີ່ໄດ້ສໍາເລັດການສ້າງຕັ້ງສູນການຮ່ວມມືຊັບພະຍາກອນນໍ້າ ແມ່ນໍ້າຂອງ-ແມ່ນໍ້າລ້ານຊ້າງ, ສູນການຮ່ວມມືສິ່ງແວດລ້ອມ ແມ່ນໍ້າຂອງ-ແມ່ນໍ້າລ້ານຊ້າງ, ສູນສາກົນ ເພື່ອສຶກສາຄົ້ນຄ້ວາແມ່ນໍ້າຂອງ ແລະ ການອະນຸມັດນໍາໃຊ້ກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ ສໍາລັບໂຄງການຮ່ວມຕ່າງໆ.


ໃນກອງປະຊຸມ, ບັນດາຜູ້ນໍາທັງ 6 ປະເທດ ໄດ້ເປັນເອກະພາບກັນ ແລະ ຮັບຮອງເອົາ 4 ເອກະສານສໍາຄັນ ຄື:

1. ຖະແຫລງການພະນົມເປັນ ວ່າດ້ວຍ “ແມ່ນໍ້າແຫ່ງສັນຕິພາບຂອງພວກເຮົາ ແລະ ການພັດທະນາແບບຍືນຍົງ”, ຊຶ່ງຖະແຫລງການດັ່ງກ່າວ ປະກອບມີ 4 ພາກສ່ວນໃຫຍ່ຄື: ການຮ່ວມມືດ້ານການເມືອງ ແລະ ຄວາມໝັ້ນຄົງ, ການຮ່ວມມືດ້ານເສດຖະກິດ ແລະ ການພັດທະນາແບບຍືນຍົງ, ການຮ່ວມມືດ້ານສັງຄົມ, ວັດທະນະທໍາ ແລະ ການແລກປ່ຽນລະຫວ່າງ ປະຊາຊົນ ກັບ ປະຊາຊົນ ແລະ ການຮ່ວມມືດ້ານການສະໜັບສະໜູນການຮ່ວມມື;

2. ແຜນປະຕິບັດງານ 5 ປີ ຂອງຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ປີ 2018-2022, ຊຶ່ງປະກອບມີ 5 ພາກສ່ວນໃຫຍ່ຄື: ເປົ້າໝາຍການພັດທະນາ, ຫລັກການພື້ນຖານ, ໂຄງສ້າງການເຮັດວຽກ, ການຮ່ວມມືວຽກງານຕົວຈິງ ແລະ ລະບົບການສະໜັບສະໜູນ;

3. ບັນຊີໂຄງການທີ່ໄດ້ຮັບການສະໜັບສະໜູນຈາກ ສປ ຈີນ ໄລຍະທີ 2, ຊຶ່ງບັນຊີໂຄງການດັ່ງກ່າວແມ່ນບັນດາ 6 ປະເທດສະມາຊິກ ເປັນຜູ້ສະເໜີຕໍ່ ສປ ຈີນ, ໃນນັ້ນ ສປປ ລາວ ໄດ້ສະເໜີ 26 ໂຄງການ ແລະ

4. ບົດລາຍງານຂອງ 6 ໜ່ວຍງານວິຊາການຮ່ວມຂອງ 5 ຂະແໜງການບຸລິມະສິດຂອງຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ, ຊຶ່ງ 6 ໜ່ວຍງານວິຊາການຮ່ວມ ປະກອບມີ: ໜ່ວຍງານການເຊື່ອມຈອດ, ໜ່ວຍງານການຮ່ວມມືຄວາມອາດສາມາດດ້ານການຜະລິດ, ໜ່ວຍງານການຮ່ວມມືເສດຖະກິດຂ້າມຊາຍແດນ, ໜ່ວຍງານການຮ່ວມມືຊັບພະຍາກອນນໍ້າ, ໜ່ວຍງານກະສິກໍາ ແລະ ໜ່ວຍງານຫລຸດຜ່ອນຄວາມທຸກຍາກ.


ຫລັງຈາກສໍາເລັດກອງປະຊຸມ, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ຂຶ້ນຮັບຕໍາແໜ່ງການເປັນປະທານຮ່ວມຂອງ ສປປ ລາວ ກັບ ສປ ຈີນ ສໍາລັບຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ສົກປີ 2018-2020 ຄັ້ງຕໍ່ໄປ ຈາກ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ ນາຍົກລັດຖະມົນຕີ ກໍາປູເຈຍ. ໃນໂອກາດດັ່ງກ່າວ, ທ່ານ ທອງລຸນ ສີສຸລິດ ໄດ້ສະແດງຄວາມຊົມເຊີຍ ຕໍ່ຜົນສໍາເລັດຢ່າງຈົບງາມໃນການເປັນປະທານຮ່ວມຂອງ ສປ ຈີນ ແລະ ກໍາປູເຈຍ ໃນສົກປີ 2015-2017 ຜ່ານມາ ແລະ ຊົມເຊີຍຜົນສໍາເລັດຂອງກອງປະຊຸມຜູ້ນໍາແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 2 ໃນຄັ້ງນີ້.

ພ້ອມກັນນັ້ນ, ຍັງໄດ້ແຈ້ງໜ້າວຽກບຸລິມະສິດ ການເປັນປະທານຮ່ວມຂອງ ສປປ ລາວ ຄື: ການສ້າງ ແລະ ພັດທະນາພື້ນຖານໂຄງບົນ ແລະ ພື້ນຖານໂຄງລ່າງໃນການເຊື່ອມຈອດ ລະຫວ່າງ ບັນດາປະເທດສະມາຊິກ. ພ້ອມດຽວກັນນັ້ນກໍ່ເອົາໃຈໃສ່ຈັດຕັ້ງປະຕິບັດບັນດາມາດຕະການຕ່າງໆ ເພື່ອອໍານວຍຄວາມສະດວກ ແລະ ສົ່ງເສີມການຄ້າ, ການລົງທຶນ ແລະ ການທ່ອງທ່ຽວ ຢູ່ໃນບັນດາອະນຸພາກພື້ນ 6 ປະເທດ ສະມາຊິກ.
ໃນໂອກາດເຂົ້າຮ່ວມກອງປະຊຸມຄັ້ງນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ຍັງໄດ້ພົບປະສອງຝ່າຍກັບ ທ່ານ ຫງວຽນ ຊັວນ ຟຸກ, ນາຍົກລັດຖະມົນຕີ ແຫ່ງ ສສ ຫວຽດນາມ; ທ່ານ ລີ ເຄີ້ສຽງ,ນາຍົກລັດຖະມົນຕີ ແຫ່ງ ສປ ຈີນ ແລະ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ ນາຍົກລັດຖະມົນຕີ ແຫ່ງ ລາຊະອານາຈັກ ກໍາປູເຈຍ ເພື່ອປຶກສາຫາລື ກ່ຽວກັບ ການຊຸກຍູ້ສົ່ງເສີມການພົວພັນຮ່ວມມືສອງຝ່າຍ ໃຫ້ນັບມື້ນັບໄດ້ຮັບຜົນດີຍິ່ງໆຂຶ້ນ.

ປະທານສະພາແຫ່ງຊາດເຄື່ອນໄຫວຢ້ຽມຢາມ ແລະ ພົບປະ ປະຊາຊົນກຸ່ມຊົ່ງຈ່າ

ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ ພ້ອມ ດ້ວຍຄະນະໄດ້ລົງເຄື່ອນໄຫວ ຢ້ຽມຢາມ ແລະ ພົບປະ ປະຊາ ຊົນກຸ່ມຊົ່ງຈ່າ ເມືອງນ້ຳບາກ ແຂວງຫຼວງພະບາງ ໃນວັນທີ 8 ມັງກອນຜ່ານມານີ້ ໂດຍການ ຕ້ອນຮັບຂອງ ທ່ານ ຄຳວອນ ແກ້ວລຸນໜູນ ຮອງເຈົ້າເມືອງ ນ້ຳບາກ, ມີບັນດາຫົວໜ້າ-ຮອງຫົວໜ້າກຸ່ມ, ອົງການຈັດຕັ້ງ ບ້ານ ຕະຫຼອດຮອດປະຊາຊົນ ພາຍໃນກຸ່ມຊົ່ງຈ່າເຂົ້າຮ່ວມ. ໂອກາດນີ້ ທ່ານ ຕົ່ງເຢັ່ງວື່ ຫົວໜ້າກຸ່ມຊົ່ງຈ່າ ໄດ້ລາຍງານ ສະພາບການພັດທະນາເສດ ຖະກິດ-ສັງຄົມ ຂອງກຸ່ມໃຫ້ ທ່ານປະທານສະພາແຫ່ງຊາດ ໄດ້ຮັບຮູ້ ກຸ່ມຊົ່ງຈ່າ ຕັ້ງຢູ່ຫ່າງ ຈາກເມືອງນ້ຳບາກ 36 ກິໂລ ແມັດ. ປັດຈຸບັນທົ່ວກຸ່ມປະ ກອບມີ 2 ຊົນເຜົ່າຄື: ເຜົ່າມົ້ງ ແລະ ກຶມມຸ ມີ 7 ບ້ານ, 684 ຄອບ ຄົວ, ພົນລະເມືອງ 4.527 ຄົນ, ຍິງ 2.250 ຄົນ ໃນນັ້ນ ເຜົ່າມົ້ງກວມເອົາ 70%, ມີສຸກ ສາລາ 1 ແຫ່ງ, ໂຮງຮຽນມັດ ທະຍົມຕອນຕົ້ນ 1 ແຫ່ງ, ປະ ຖົມ 7 ແຫ່ງ. ທົ່ວກຸ່ມມີເສັ້ນທາງ ເຂົ້າເຖິງ, ອາຊີບສ່ວນໃຫຍ່ຂອງ ປະຊາຊົນແມ່ນຢຶດຖືອາຊີບ ປູກຝັງ ແລະ ລ້ຽງສັດໃຫຍ່ເປັນ ຕົ້ນຕໍ ປັດຈຸບັນ ມີເຕົາຂ້າໝູ 2 ແຫ່ງ, ເຕົາອົບຊາແບບປະຖົມ ປະຖານ 3 ແຫ່ງ, ປະຊາຊົນ ບັນດາເຜົ່າພາຍໃນກຸ່ມແມ່ນມີ ຄວາມສາມັກຄີເປັນປຶກແຜ່ນ. ຊຶຶ່ງຜ່ານມາກຸ່ມຊົ່ງຈ່າໄດ້ຮັບ ການຊ່ວຍເຫຼືອ 2 ໂຄງການຄື: ໂຄງການ ຕາບີ ແລະ ໂຄງການ ກອງທຶນຫຼຸຸດຜ່ອນຄວາມທຸກ ຍາກ. ຈາກສິ່ງທີ່ເອື້ອອຳນວຍ ໄດ້ເຮັດໃຫ້ຊີວິດການເປັນຢູ່ ຂອງປະຊາຊົນພາຍໃນກຸ່ມນັບ ມື້ນັບດີຂຶ້ນເປັນກ້າວໆ. ໂອກາດນີ້ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ ໄດ້ມີຄຳເຫັນໂອ້ລົມຕໍ່ ການນຳຂອງເມືອງ ແລະ ປະ ຊາຊົນພາຍໃນກຸ່ມຊົ່ງຈ່າ ໂດຍ ໄດ້ເນັ້ນໜັກອຳນາດການປົກ ຄອງເມືອງນ້ຳບາກ ເປັນເຈົ້າ ການສືບຕໍ່ຫັນລົງກໍ່ສ້າງຮາກ ຖານການເມືອງແນໃສ່ເຮັດໃຫ້ ປະຊາຊົນບັນດາເຜົ່າຮັບຮູ້ເຂົ້າ ໃຈຕໍ່ແນວທາງນະໂຍບາຍຂອງ ພັກ – ລະບຽບກົດໝາຍຂອງ ລັດ, ສືບຕໍ່ຊຸກຍູ້ສົ່ງເສີມການ ປູກ-ການລ້ຽງ ຂອງປະຊາຊົນ ພາຍໃນກຸ່ມໃຫ້ຫຼາຍຂຶ້ນ, ເອົາ ໃຈໃສ່ແກ້ໄຂບັນຫາຢາເສບ ຕິດ, ບັນຫາການສຶກສາ, ສາ ສະໜາ ແລະ ອື່ນໆຢ່າງເຂັ້ມ ງວດ. ພ້ອມນີ້ຕ້ອງເປັນເຈົ້າ ການເຕົ້າໂຮມຄວາມສາມັກຄີ ຕິດພັນກັບການແກ້ໄຂ ແລະ ຊຸກຍູ້ສົ່ງເສີມຄອບຄົວທຸກຍາກ ໃຫ້ຫຼຸຸດພົ້ນອອກຈາກຄວາມ ທຸກຍາກເທື່ອລະກ້າວ. ເວລາຕໍ່ ມາປະທານສະພາກໍໄດ້ໄປ ຢ້ຽມຢາມເຮືອນເຕົາອົບຊາຂອງ ປະ ຊາຊົນ ແລະ ສຸກສາລາບ້ານ ຊົ່ງຈ່າ ໃນນີ້ ທ່ານ ນາງ ປານີ ຢາທໍ່ຕູ້ ກໍໄດ້ເນັ້ນໃຫ້ເອົາໃຈໃສ່ ສຸຂະພາບຂອງປະຊາຊົນເປັນ ຫຼັກ ພ້ອມທັງປັບປຸງອຸປະກອນ ການແພດ ແລະ ສະຖານທີ່ໃຫ້ ສະອາດຢູ່ສະເໝີ. (ຂ່າວ: ເພັດສາຄອນ ສິມ ມະວົງ)