ລົດເກັງຕຳແລ້ວໜີ ຜູ້ປະສົບເຫດເສຍຊີວິດຄາທີ່

ລົດເກັງຕຳແລ້ວໜີຜູ້ປະສົບເຫດເສຍຊີວິດ 26/10/2017 ເວລາ 20:30 ນາທີ ໄດ້ຮັບແຈ້ງງເຫດ ຢູ່ບ້ານດົງນາທອງ ເມືອງສີໂຄດຕະບອງ ນະຄອນຫຼວງວຽງຈັນ ຂໍ້ມູນເບື້ອງຕົ້ນລົດໃຫຍ່ຕຳຄົນຍ່າງໄດ້ຮັບບາດເຈັບສາຫັດ

ຫຼັງຈາກໄປເຖິງທີ່ເກີດເຫດກໍ່ພົບກັບຄວາມເສົ້າສະຫຼົດໃຈ ຜູ້ປະສົບເຫດໄດ້ເສຍຊີວິດໃນເວລາຕໍ່ມາ ອາສາສະໝັກໄດ້ພະຍາຍາມຊ່ວຍຢ່າງເຕັມທີ ແຕ່ເນື່ອງຈາກຜູ້ປະສົບເຫດນັ້ນໄດ້ຮັບບາດເຈັບສາຫັດ ຫົວຖືກກະທົຍຢ່າງຮຸນແຮງ ຈຶ່ງໄດ້ເສຍຊີວິດໃນ້ວລາຕໍ່ມາ

ຈາກການບອກເລົ່າຈາກຜູ້ເຫັນເຫດການໄດ້ບອກວ່າ ຜູ້ປະສົບເຫດເປັນພະນັກງານຮັກສາຄວາມປອດໄພຢູ່ບໍລິເວນນັ້ນ ແລະ ກຳລັງຂ້າມທາງ ໃນເວລາທີ່ກຳລັງຈະຂ້າມທາງວິດແລ້ວ ລົດເກັງທີ່ຂັບມາດ້ວຍຄວາມໄວຕຳຟົ້ງກະເດັນກະທົບຂອບທາງ ຫຼັງເກີດເຫດລົດໃຫຍ່ຄູ່ກໍລະນີໄດ້ຂັບຫຼົບໜີ ແຕ່ມີພົນລະເມືອງດີທີ່ເຫັນເຫດການທັນນຳບັນທຶກລັກສະນະປ້າຍລົດຄັນດັ່ງກ່າວໄວ້ໄດ້ ແລະ ບໍລິເວນດັ່ງກ່າວກໍ່ມີກ້ອງວົງຈອນປິດ ຊຶ່ງສາມາດບັນທຶກພາບລົດຄັນດັ່ງກ່າວໄວ້

ທາງຍາດພີ່ນ້ອງຜູ້ເສຍຊີວິດຈຶ່ງຢາກຂໍຮ້ອງໃຫ້ຄູ່ກໍລະນີມາຮັບຜິດຊອບກັບເຫດການທີ່ເກີດຂຶ້ນ ການຫຼົບໜີບໍ່ວ່າຈະດ້ວຍຄວາມຕັ້ງໃຈ ຫຼື ບໍ່ຕັ້ງໃຈກໍ່ຕາມ ເມື່ອເຫດການເກີດຂຶ້ນແລ້ວກໍ່ຕ້ອງຮັບຜິດຊອບ ຜິດຖືກນັ້ນຈຶ່ງຄ່ອຍໄກ່ເກ່ຍພາຍຫຼັງ

ຂໍສະແດງຄວາມເສຍໃຈກັບເຫດການທີ່ເກີດຂຶ້ນ ແລະ ຂໍໃຫ້ຄູ່ກໍລະນີມີຈິດສຳນຶກ ເຫັນໃຈຜູ້ໄດ້ຮັບຄວາມສູນເສຍ

ທີ່ມາ: ນາທີຊີວິດ

ຄ່າໃຊ້​ຈ່າຍສູງ​ເປັນສາເຫດ​ສຳຄັນ​ປະການ​ນຶ່ງ ທີ່​ເກີດ​ໃຫ້​ນັກ​ທ່ອງ​ທ່ຽວ​ຊາ​ວຕ່າງ​ຊາດ ​ເດີນທາງ​ເຂົ້າ​ມາ​ໃນ​ລາວ​ລຸດ​ລົງ​ຢ່າງ​ຕໍ່​ເນື່ອງ

ຄ່າໃຊ້​ຈ່າຍສູງ​ເປັນສາເຫດ​ສຳຄັນ​ປະການ​ນຶ່ງ ທີ່​ເກີດ​ໃຫ້​ນັກ​ທ່ອງ​ທ່ຽວ​ຊາ​ວຕ່າງ​ຊາດ​ເດີນທາງ​ເຂົ້າ​ມາ​ໃນ​ລາວ​ລົດ​ລົງ​ຢ່າງ​ຕໍ່​ເນື່ອງ ທັງ​ຍັງ​ເປັນ​ຄ່າ​ໃຊ້​ຈ່າຍ​ທີ​ສູງ​ກວ່າ​ທຸກ​
ປະ​ເທດ​ໃນ​ເຂດ​ລຸ່ມ​ແມ່​ນໍ້າ​ຂອງ​ອີກ​ດ້ວຍ.


ທ່ານ​ສູນ ມະນີ​ວົງ ຫົວໜ້າ​ກົມ​ໂຄສະນາ ​ແລະ​ສົ່ງ​ເສີມ​ການທ່ອງທ່ຽວ​ ໃນສັງກັດ​ກະຊວງຖະ​ແຫລ​ງຂ່າວ ວັດທະນາ​ທຳ ​ແລະ​ທ່ອງ​ທ່ຽວ ​ໃຫ້ການ​ຢືນຢັນ​ວ່າການ​ມີຄ່າ​ໃຊ້​ຈ່າຍ​ຕ່າງໆ
ທີ່​ສູງ​ກວ່າທຸກ​ປະ​ເທດ​ທີ່ຢູ່ໃນ​ເຂດ​ລຸ່ມ​ແມ່​ນໍ້າຂອງ​ດ້ວຍກັນ ​ເປັນສາ​ເຫດ​ທີ່​ສຳຄັນປະກນນຶ່ງທີ່​ເຮັດໃຫ້​ນັກ​ທ່ອງ​ທ່ຽວ​ຊາວ​ຕ່າງຊາດ ​ເດີນທາງ​ເຂົ້້າມາໃນ​ລາວ​ລົດ​ລົງ​ຢ່າງ​ຕໍ່​ເນື່ອງ​ໂດຍ​ສະ​ເພ​າະ ຄ່າ​ຄອງ​ຊີບ ຄ່າ​ເດີນທາງ ຄ່າທຳ​ນຽມ ​ແລະ​ຄ່າ​ບໍລິການ​ຕ່າງໆ​ນັ້ນ


ທ່ານ​ສູນ ​ໄດ້​ໃຫ້ການ​ຢືນຢັນ​ວ່າ.

“ລາຍການ​ທ່ອງ​ທ່ຽວ​ຄັນແມ່ນ​ໄປ​ທ່ອງ​ທ່ຽວຫວຽດນາມ​ໄດ້ 4 ວັນ 5 ຄືນ ມາ​ທ່ຽວ​ບ້ານ​ເຮົາ​ໄດ້​ແຕ່ 2 ວັນ 3 ຄືນ ອາຫານ​ກະ​ແພງ ​ເຝີ​ຖ້ວຍ​ນຶ່ງ​ບ້ານ​ເຮົາ 20,000 ຫລື​ວ່າ
25,000 ບາດ​ເຝີ​ຢູ່​ໄທ​ມີ 30 ບາດ ນອກຈາກ​ນັ້ນ​ຄັນ​ໄປ​ເຂົ້າ​ຮ້ານອາ​ຫານ​ແພງ ອັນ​ທີ​2 ມາ​ຄ່າ​ຂົນ​ສົ່ງ ຫລາຍ​ຄົນ​ເຂົາ​ກະ​ເວົ້າ​ປີ້​ຍົນ​ໄປ​ວຽງ​ຈັນ ບາ​ງກອກ​ມີ​ແຕ່ 2,000 ບາດ
ບາດ​ໄປ​ວຽງ​ຈັນ​ຫລວງ​ພະ​ບາງ​ຂຶ້ນ​ 6 ​ແສນ​ປາຍ ຄັນ​ໄປ​ປາກ​ເຊ​ກໍລ້ານ​ປາຍ ບາດ​ນີ້​ຖ້າ​ເຂົ້າ​ແຫ​ລ່ງທ່ອງ​ທ່ຽວ​ເປັນ​ບັນຫາ​ນຶ່ງ​ຄື​ກັນ ບັນດາ​ນັກ​ທ່ອງ​ທ່ຽວ​ທີ່​ມາລາ​ວ​ເຂົາ​
ມາ​ເຈີບັນ​ຫາ ​ໄປ​ວັດ​ພູ​ກໍ່ແພງ ​ແລະ​ຄອນ​ພະ​ເພັງ​ກໍ​່ແພງ​ຄ່າ​ເຂົ້າຊົມ ກະທົບ​ອີ​ກຫລື​ຕົວນີ້​ເດ້ ​ເຂົາ​ຕ້ອງ​ຮັບຮູ້ຄວາມ​ເປັນ​ຈິງ​ເອົາ​ເອງ ເຮົາ​ສິ​ແກ້​ໄຂ​ກັນແນວ​ໃດ.”

​ໂດຍ​ໃນ​ລະຍະ 6 ​ເດືອນ​ທຳ​ອິດ​ຂອງ​ປີ 2017 ຊາວ​ຕ່າງ​ຊາດ​ໄດ້​ເດີນທາງ​ເຂົ້າ​ມາ​ທ່ອງທ່ຽວ​ໃນ​ລາວ​ຫລຸດ​ລົງ​ເຖິງ 12% ທຽບໃສ່ລະຍະ​ດຽວ​ກັນ​ໃນ​ປີ 2016 ​ໂດຍ​ສະ​ເພາະ​ແມ່ນນັກ​ທ່ອງ​ທ່ຽວ​ຈາກ​ປະ​ເທດ​ສະມາຊິກ​ໃນ​ອາ​ຊຽນດ້ວຍ​ກັນນັ້ນ​ຖື​ເປັນ​ກຸ່ມນັກທ່ອງ​ທ່ຽວທີ່​ເດີນທາງ​ເຂົ້າ​ມາ​ໃນລາວຫລຸດ​ລົງ​ຫລາຍ​ທີ່​ສຸດ ​ແລະ​ຖ້າ​ຫາກ​ວ່າ​ສະພາບ​ການ​ຍັງ​ຄົງ​ດຳ​ເນີນ​ໄປ​ໃນ​ທິດ​ດັ່ງກ່າວ​ນີຕໍ່​ໄປ​ຍັງ​ເຮັດ​ໃຫຄາດ ໝາຍ​ໄດ້​ວ່າ​ຈຳນວນ​ນັກ​ທ່ອງ​ທ່ຽວ​ຊາວຕ່າງ​ຊາດ ທີ່​ຈະ​ເດີນທາງ​ເຂົ້າ​ມາ​ໃນລາວໃນ​ຕະຫລອດ​ປີ 2017 ນີ້ຈະ​ໜ້ອຍ​ກວ່າ​ໃນ
​ຊ່ວງ​ປີ 2016 ຢ່າງ​ແນ່ນອນ.

ທັ້ງນີ້​ເພື່ອ​ຫລຸດຜ່ອນ​ຜົນ​ກະທົບ​ທີ​ຈະ​ເກີດ​ຂຶ້ນ​ດັ່ງກ່າວ ທ່ານ​ບໍ່​ແສງ​ຄຳ ວົງ​ດາຣາ ລັດຖະມົນຕີ​ວ່າການ​ກະຊວງ​ຖະ​ແຫລ​ງຂ່າວ ວັດທະ​ນາ​ທຳ ​ແລະ​ທ່ອງ​ທ່ຽວ ຢືນຢັນ​ວ່າ ລັດຖະບານ​ລາວ​ ຈະ​ປະກາດ​ເ​ປິດ ​ແລະ​ເລີ່ມ​ການຈັດ​ຕັ້ງ​ປະຕິບັດ​ປີ​ການທ່ອງ​ທ່ຽງວລາ​ວປີ 2018 ໃນ​ໂອກາດ​ດຽວ​ກັນ​ກັບ​ງານ​ບຸນ​ນະມັດ​ສະການ​ພະທາດ​ຫລວງ​ປີ 2017 ທີ່​ຈະ​ເລີ່ມ​ຂຶ້ນຢ່າງ​ເປັນ​ທາງ​ການ​ໃນ​ວັນ​ທີ 28 ຕຸລາ ​ນີ້ ໂດຍ​ຈະ​ເຊີນ​ບັນດາ​ສື່​ມວນ​ຊົນ ​ແລະ​ແຂກ​ຕ່າງປະ​ເທດ​ທັງ​ໃນ​ອາ​ຊຽນ ​ແລະ​ພູມີພາກ​ອື່ນໆ ຈາກ​ທົ່ວ​ໂລກ​ເພື່​ອ​ເຂົ້າ​ຮ່ວມ​ໃນ​ພິທີ​ດ້ວຍ ຊຶ່ງ​ຕໍ່​ກໍລະ​ນີດັ່ງກ່າວນີ້ ທາງ​ການ​ລາວ​ກໍ​ໄດ້​ຮຽກຮ້ອງ​ຕໍ່​ລັດຖະບານ​ຂອງ​ບັນດາ​ປະ​ເທດ​ໃນ​ອ​າ​ຊຽນດ້ວຍ​ກັນ ​ເພື່ອຂໍ​ໃຫ້​ມີ​ການ​ສົ່ງ​ເສີມພົນລະ​ເມືອງ​ໃນປະ​ເທດຂອງ​ຕົນ​ໃຫ້ເດີນທາງເຂົ້າ​ມາ​ທ່ອງ​ທ່ຽວ​ໃນ​ລາວ​ເພີ່ມຂຶ້ນ ​ໂດຍ​ສະ​ເພາະ​ແມ່ນ​ປະ​ເທດ​ທີ່ຢູ່​ໃນ​ລຸ່ມ​ແມ່​ນໍ້າຂອງ​ດ້ວຍ​ກັນ​ນັ້ນ.

ທ່ານ​ບໍ່​ແສງ​ຄຳ​ ຢືນຢັນ​ດ້ວຍວ່າ​ເປັນ​ເປົ້າ​ໝາຍ​ສຳຄັນ​ໃນ​ການ​ພັດທະນາ​ການທ່ອງທ່ຽວລາວ​ໃນ​ປັດ​ຈຸບັນ ​ຄື​ການ​ປະກອບສ່ວນ​ເຂົ້າໃນ​ການຈັດ​ຕັ້ງ​ປະຕິບັດ​ວຽກ​ງານ​ທຸກ​ດ້ານເພື່ອ​ເຮັດ​ໃຫ້​ອາ​ຊຽນ​ເປັນ​ຈຸ​ດໝາຍປາຍທາງ​ດຽວ​ກັນ​ສຳລັບ​ບັນດາ​ນັກ​ທ່ອງ​ທ່ຽວ​ຈາກ​ພູມີພາກ​ອື່ນໆ​ໃຫ້​ໄດ້​ຢ່າງ​ເປັນ​ຮູບ​ປະກອບ​ພາຍ​ໃນ​ປີ 2025 ດ້ວຍ​ການ​ເສີມຂະຫຍາຍ​ການ​ຮ່ວມ​ມື່ຢ່າງ​ເຂັ້ມ​ແຂງ ​ແລະ​ໃກ້ຊິດ.

ທາງ​ດ້ານສະມາຄົມ​ວິ​ໃຈ​ການທ່ອງທ່ຽວ​ອາ​ຊຽນ (ATRA) ລາຍ​ງານ​ວ່າ​ລາຍ​ຮັບ​ໃນ​ການທ່ອງທ່ຽວ​ຂອງ​ລາວ​ໃນ​ປັດຈຸບັນ​ຍັງ​ມີ​ລາຍ​ຮັບ​ຕໍ່າ​ກວ່າ​ອັດຕາ​ສະ​ເຫລ່ຍ​ໃນ​ກຸ່ມອາ​ຊຽນດ້ວຍກັນ ກໍ​ຄື​ໃນ​ຂະນະ​ທີ່​ລາຍ​ຮັບ​ການທ່ອງທ່ຽວ​ຂອງ​ອາ​ຊຽນຢູ່​ທີ່​ອັດຕາ​ສະ​ເຫລ່ຍ 12% ຂອງ​ຈີດີພີພາຍ​ໃນ (GDP) ຫາກ​ແຕ່​ວ່າ​ລາຍ​ຮັບໃນພາກ ການທ່ອງທ່ຽວຂອວງລາວ​ກັບ​ຄິດ​ເປັນ​ອັດຕາ​ສະ​ເລ່ຍພຽງ 7% ຂອງ (GDP) ​ເທົ່ານັ້ນ.

​ໂດຍ​ພາຍ​ໃຕ້ສະພາບ​ການ​ດັ່ງກ່າວ​ຈຶ່ງ​ເຮັດໃຫ້​ລັດຖະບານລາວ​ໄດ້​ກຳໜົດແນວທາງ​ແກ້​ໄຂ​ບັນຫາ​ດ້ວຍການ​ນຳ​ເອົາແຜນ​ຍຸດທະສາດ​ການ​ພັດທະນາ​ດ້ານ​ການທ່ອງທ່ຽວ​ຂອງ​
ອາ​ຊຽນ​ແຕ່​ປີ 2016-2025 ມາ​ປັບ​ໃຊ້​ໃນ​ລາວ​ທັງ​ໃນ​ພາກສ່ວນ​ກ່ຽວ​ກັບ​ການ​ຈັດ​ກິດຈະການ​ທ່ອງ​ທ່ຽວ ​ແລະ​ການ​ສົ່ງ​ເສີມ​ການ​ລົງທືນ​ໃນ​ການ​ບໍລິການ ​ແລະ​ທ່ອງ​ທ່ຽວ​ຢ່າງ​ຄົບ​ວົງ​ຈອນ.

ທັ້ງນີ້​ເປົ້າ​ໝາຍ​ ສຳຄັນ​ຂອງປີ​ການທ່ອງທ່ຽວ​ລາວ 2018 ກໍ​ຄື​ການ​ດືງດູດ​ນັກ​ທ່ອງ​ທ່ຽວຊາວ​ຕ່າງ​ຊາດ​ໃຫ້​ໃດ້ 5 ລ້ານ​ຄົນ ​ໂດຍ​ການ​ຈັດ​ກິດຈະກຳ ​ຕ່າງໆ ທັງ​ໃນ ​ແລະ​ຕ່າງປະ​
ເທດ​ເຊັ່ນ ງານ​ບຸນ​ປະ​ເພນີ​ຕ່າງໆ​ໃນ 18 ແຂວງ​ທົ່​ວປະ​ເທດ​ການ​ຈັດ​ຂະ​ບວນຄາ​ລະວານ​ລົດ​ທ່ອງ​ທ່ຽວ​ແຕ່​ເໜືອ​ຕະຮອດ​ໃຕ້ ບຸນມ​ະ​ໂຫລານ ​ການສະ​ແດງ​ສິນ​ລະ​ປະວັດ​ທະ​ນາ​
ທຳພື້ນ​ເມືອງບັນດາ​ເຜົ່າ ການແຂ່ງລົດວິ​ບາກ ກິດຈະກຳ​ປີນ​ໜ້າຜາ ການ​ຈັດ​ງານ​ວັນບຸນລາວ​ໃນ​ຕ່າງປະ​ເທດ​ເຊັ່ນ ປະ​ເທດ​ໄທ ຫວຽດນາມ ຍີ​ປຸ່ນ ​ເຢຍຣະມັນ ​ແລະຝຣັ່ງ ​ແລະ
ອັງກິດ​ເປັນ​ຕົ້ນ.

ຜັກອີ່ຕູ່ (Hoary Basil) ສັບພະຄຸນທີ່ທ່ານຍັງບໍ່ຮູ້ມາກ່ອນ

ຜັກອີ່ຕູ່ (Hoary Basil) ເປັນຜັກພື້ນບ້ານທີ່ທຸກຄອບຄົວຮູ້ຈັກ ແລະ ກິນກັນເປັນປະຈໍາ ແຕ່ສ່ວນຫລາຍບໍ່ມີໃຜຮູ້ແລະ ໃສ່ໃຈວ່າມັນມີປະໂຫຍດຫລາຍສໍ່າໃດ ເຊິ່ງສັບພະຄຸນຂອງມັນບໍ່ພຽງແຕ່ຊ່ວຍຫລຸດນໍ້າຫນັກ ມັນຍັງມີປະໂຫຍດມະຫາສານທີ່ແຝງຢູ່ຂ້າງໃນ ບໍ່ວ່າຈະຢູ່ໃສໃບ ແລະ ໃນ.

1 ໃບຜັກອີ່ຕູ່ໃຫ້ພະລັງງານນ້ອຍ ຕ່ມີສານອາຫານຫລາຍ

ມີຂໍ້ມູນທີ່ເຊື່ອຖືໄດ້ວ່າໃບຂອງຜັກອີ່ຕູ່ ທີ່ເຮົາກິນເຂົ້າໄປຄັ້ງຫນຶ່ງ (ໃສ່ໃນອາຫານຕາມຄວາມຕ້ອງການ)ຈະໃຫ້ພະລັງງານ 32 ກິໂລແຄລໍຣີ ແລະ ຍັງມີພວກແຮ່ທາດອີກຫລາຍຢ່າງເຊັ່ນ ວິຕາມິນ B1, ວິຕາມິນ B2, ວິຕາມິນ C, ແຄລຊ້ຽມ, ຟອສຟໍຣັສ, ທາດເຫລັກ, ຄາໂບໄຮເດຣດ, ໂປຣຕີນ, ໄຂມັນ, ນໍ້າ ແລະ ໄຟເບີ້ຕ່າງໆຈໍານວນຫລາຍ.

2 ຮັກສາອາການເປັນຫວັດໄດ້

ສໍາລັບຜູ້ໃດທີ່ມັກເປັນຫວັດຕະຫລອດ ຄວນຈະຕ້ອງປູກຜັກອີ່ຕູ່ອີ່ຕູ່ໄວ້ໃນບ້ານເລີຍກໍ່ໄດ້ ເພາະຜັກອີ່ຕູ່ເປັນຢາລົດຄວາມຮ້ອນໄດ້ຢ່າງດີ, ໃບສົດຂອງຜັກອີ່ຕູ່ຍັງມີສັບພະຄຸນເປັນຢາດີຫວັດ, ຫລຸດອາການຫລອດລົມອັກເສບ ແລະ ສາມາດຂັບເຫື່ອອອກໄດ້.

3 ເຮັດໃຫ້ແມ່ລູກອ່ອນມີນໍ້ານົມຫລາຍ

ໃບຜັກອີ່ຕູ່ ເປັນສະຫມຸນໄພຣທີ່ຊ່ວຍເອີ້ນນໍ້ານົມໄດ້ດີຫລາຍ, ເຫມາະສໍາັລແມ່ລູກອ່ອນ, ການກິນຜັກອີ່ຕູ່ປະຈໍາຈະຊ່ວຍເພີ່ມປະລິມານນໍ້ານົມ, ເພີ່ມປະລິມານສານອາຫານໃນນໍ້ານົມ ທີ່ເວລາລູກນ້ອຍກິນເຂົ້າໄປ ແລະ ຊ່ວຍແກ້ອາການນົມຄັດອີກ.

4 ຊ່ວຍຂັບຄໍເລສເຕີຣອລທີ່ບໍ່ມີປະໂຫຍດອອກຈາກຮ່າງກາຍ>

ທຸກໆຄາບອາຫານທີ່ເຮົາກິນເຂົ້າໄປ ມີທັງຄໍເລສເຕີຣອລທີ່ດີ (HDL) ແລະ ຄໍເລສເຕີຣອລທີ່ບໍ່ດີ (LDL) ແຕ່ວ່າໃນຂອງຜັກອີ່ຕູ່ຈະຊ່ວຍໃນການຂັບໄລ່ຄໍເລສເຕີຣອລທີ່ບໍ່ດີອອກຈາກຮ່າງກາຍຂອງເຮົາ ເພາະເສ້ນໄຍອາຫານທີ່ມາຈາກຜັກອີ່ຕູ່ສາມາດດູດຊັບໄຂມັນໄດ້ ເມື່ອຮ່າງກາຍຂອງເຮົາບໍ່ສາມາດຍ່ອຍສະຫລາຍກາກໄຍພວກນີ້, ໄຂມັນ
ສ່ວນທີ່ບໍ່ດີກໍ່ຈະຖືກຂັບອອກມາພ້ອມເສ້ນໄຍຂອງຜັກອີ່ຕູ່ ແຕ່ຈະບໍ່ສົ່ງຜົນໃດໆຕໍ່ໄຂມັນທີ່ມີປະໂຫຍດ ເມື່ອຜັກອີ່ຕູ່ສາມາດກໍາຈັດຄໍເລສເຕີຣອລອອກໄປຈາກຮ່າງກາຍ ເຮົາກໍ່ຈະຫລຸດຄວາມສ່ຽງທີ່ຈະເປັນໂລກຫົວໃຈຫລຸດລົງ.
5 ສາມາດຊ່ວຍຄວບຄຸມນໍ້າຫນັກໄດ້ດີສຸດ

ບັນດາກູຣູດ້ານການຫລຸດນໍ້າຫນັກຫລາຍໆທ່ານ ໄດ້ມີການແນະນໍາໃຫ້ກິນໃນຜັກຕູ່ກ່ອນກິນອາຫານ ເຊິ່ງຈະຊ່ວຍໃນການຄວບຄຸມນໍ້າຫນັກໄດ້ ເພາະໃນຜັກອີ່ຕູ່ບໍ່ກໍ່ໃຫ້ເກີດພະລັງງານ, ແຖມຍັງສາມາດພອງໂຕເອງໄດ້ເຖິງ 45 ເທົ່າ ຫາກນໍາໄປແຊ່ໃນນໍ້າ ແລ້ວນໍາມາກິນເປັນອາຫານກໍ່ຈະຊ່ວຍໃຫ້ເຮົາຮູ້ສຶກອິ່ມທ້ອງ ຊ່ວຍໃນການຢາກອາຫານນ້ອຍລົງ ເຊິ່ງຈະເຮັດໃຫ້ເຮົາຄຸມນໍ້າຫນັກໄດ້, ແຕ່ຂໍເຕືອນວ່າ ຢ່າພາກັນກິນແຕ່ໃນຜັກອີ່ຕູ່, ຄວນກິນພຽງແຕ່ມື້ລະຄັ້ງເທົ່ານັ້ນ.
6.ໃຊ້ເປັນຢາແກ້ເຈັບຖືກຈຸກ, ຖ່າຍບໍ່ອກກ ແລະ ເປັນຢາລະບາຍ
ດ້ວຍເຫດທີ່ເປືອກດ້ານນອກສາມາດພອງໂຕໄດ້ເຖິງ 45 ເທົ່າ ເຊິ່ງຈະຊ່ວຍເພີ່ມກາກໄຍ ແລະ ຊ່ວຍຫລໍ່ລື່ນ ເຮັດໃຫ້ອາຈົມບໍ່ເກາະຕິດຕລໍາໃສ້, ສາມາດຂັບຖ່າຍໄດ້ຢ່າງສະດວກ ເພາະໃນຂອງຜັກອີ່ຕູ່ຈະເຂົ້າໄປຊ່ວຍກະຕຸ້ນປະສາດທີ່ຢູ່ອ້ອມຮອບລໍາໃສ້ໃຫຍ່ ເຊິ່ງເຮົາຄວນເອົາໃນຜັກອີ່ຕູ່ມາແຊ່ນໍ້າໃຫ້ພຸ ແລ້ວດື່ມກ່ອນນອນເປັນປະຈໍາ ເທ່ອລະ 1 – 2 ບ່າງຊາ.
7.ແກ້ໂລກເບົາຫວານໄດ້ດີ
ການທີ່ໃນຜັກອີ່ຕູ່ພອງໂຕເອງໄດ້ຂະຫນາດນັ້ນ ຈິ່ງເຮັດໃຫ້ຮ່າງກາຍດູດຊຶມສານອາຫານໄດ້ຊ້າລົງ ຈິ່ງເຫມາະສົມກັບຜູ້ປ່ວຍໂຣກເບົາຫວານ ທີ່ຕ້ອງການໃຫ້ຮ່າງກາຍດູດຊຄ້ມນໍ້າຕານໄດ້ນ້ອຍລົງ.
8.ກ່ອນຈະກິນໃນຜັກອີ່ຕູ່ ຕ້ອງໄດ້ນໍາໄປແຊ່ນໍ້າ

ຖ້າເຮົາກິນໃນຜັກອີ່ຕູ່ເຂົ້າໄປ ໂດຍທີ່ບໍ່ພອງໂຕ ຫລື ບໍ່ໄດ້ມີການແຊ່ນໍ້າ ເມື່ອໃນຜັກອີ່ຕູ່ລົງໄປຢູ່ໃນທ້ອງແລ້ວມັນກໍ່ຈະດູດເອົານໍ້າພາຍໃນຊ່ອງທາງໄຫລຂອງອາຫານ ເຮັດໃຫ້ໃນຜັກອີ່ຕູ່ຈັບໂຕເປັນກ້ອນແຂງ ແລະ ຕັນຢູ່ໃນລໍາໃສ້ ຈົນເຮັດໃຫ້ເກີດເຈັບຈຸກທ້ອງ.
9.ຫ້າມກິນຢາພ້ອມໃນຜັກອີ່ຕູ່
ການກິນໃນຜັກອີ່ຕູ່ພ້ອມກັບຢາຊະນິດອື່ນ ຈະມີຜົນເຮັດໃຫ້ຮ່າງກາຍດູດຊຶມຢາໄດ້ນ້ອຍລົງ. ດັ່ງນັ້ນ, ຈິ່ງຄວນຫາວິທີຫລີກລ່ຽງບໍ່ຄວນກິນຢາພ້ອມກັນ, ຄວນຈະກິນຢາກ່ອນຢ່າງນ້ອຍ 15 ນາທີ.

ປະຫວັດພະທາດຫລວງວຽງຈັນ

ປະຫວັດ ພະທາດຫຼວງ ພະທາດຫຼວງວຽງຈັນຕັ້ງຢູ່ສົ້ນສຸດທາງທິດຕາເວັນອອກຂອງຖະໜົນທາດຫຼວງ ບ້ານ ທາດຫຼວງ ເມືອງໄຊເສດຖາ ນະຄອນຫຼວງວຽງຈັນ. ເປັນປູຊະນິຍະສະຖານບູຮານອັນເປັນສັນ ຍະລັກຂອງປະເທດລາວ ແລະ ເປັນມິ່ງຂວັນຂອງປະຊາຊົນລາວກໍຄືຊາວພຸດທັງສອງຟາກຝັ່ງ ແມ່ນ້ຳຂອງ.


ຕາມຕຳນານອຸລັງຄະທາດ ພະທາດຫຼວງຖືກສ້າງຂຶ້ນເທື່ອທີໜຶ່ງໃນປີພສ 236 (ກ່ອນ ຄສ 307 ປີ) ສະໄໝສ້າງເມືອງວຽງຈັນ, ໂດຍພຣະເຈົ້າ ຈັນທະບຸຣີ ປະສິດທິຈັກ ພ້ອມດ້ວຍພຣະ ອໍຣະຫັນຫ້າອົງ (ພຣະສົງລາວ) ທີ່ກັບມາຈາກການສຶກສາທຳມະ ແລະ ໄດ້ນຳເອົາພຣະບໍຣົມມະ ທາດ(ກະດູກ)ຂອງພຣະພຸດທະເຈົ້າມາຈາກປະເທດອິນເດຍ. ການສ້າງພະທາດຫຼວງເທື່ອທຳ ອິດນັ້ນພຽງແຕ່ກໍ່ເປັນອຸມຸງຫິນກວມພຣະບໍຣົມມະທາດເທົ່ານັ້ນ ແລະ ມີຮູບສີ່ລ່ຽມ, ກວ້າງດ້ານ ລະຫ້າວາ, ໜາສອງວາ ແລະ ສູງສີ່ວາສາມສອກ.

ປີຄສ 1566 ພາຍຫຼັງການຍ້າຍນະຄອນຫຼວງຈາກຫຼວງພະບາງລົງມາຕັ້ງຢູ່ວຽງຈັນ(ຄສ 1560) ພຣະເຈົ້າໄຊຍະເສດຖາທິລາດ ໄດ້ກໍ່ສ້າງພະທາດຫຼວງເປັນເທື່ອທີສອງ ແລະ ໄດ້ສ້າງ ເປັນທາດໃຫຍ່ກວມອຸມຸງຫິນອັນເກົ່າ ເຊິ່ງມີພະທາດນ້ອຍສາມສິບອົງອ້ອມພຣະທາດໃຫຍ່ ເປັນບໍລິວານ ພ້ອມດ້ວຍກົມມະລຽນ ແລະ ຫໍໄຫວ້ທັງສີ່ທິດ. ໃນທາດນ້ອຍແຕ່ລະອົງນັ້ນເພິ່ນ ໄດ້ເອົາຄຳໜັກສີ່ບາດຫຼໍ່ເປັນທາດນ້ອຍໆບັນຈຸໄວ້ເຊິ່ງມີໃບລານທີ່ເຮັດດ້ວຍຄຳຍາວສອກປາຍ(ສອກກຳ) ແລະ ຈາລຶກພາສາບາລີດ້ວຍອັກສອນທຳຮອງໄວ້ທຸກອົງ. ເມື່ອກໍ່ສ້າງສຳເລັດເພິ່ນໄດ້ ໃສ່ຊື່ພຣະທາດວ່າ”ພະເຈດີໂລກະຈຸລາມະນີ” ແຕ່ຄົນສ່ວນຫຼາຍມັກເອິ້ນວ່າທາດຫຼວງ ເຊິ່ງມີ ຄວາມໝາຍວ່າທາດທີ່ໃຫຍ່. ພາຍຫຼັງສ້າງສຳເລັດລົງໃນປີຄສ 1570 ຍັງບໍ່ທັນໄດ້ສະຫຼອງ ພຣະເຈົ້າໄຊຍະເສດຖາທິລາດໄດ້ເດິນທາງລົງໄປເມືອງອັດຕະປືແລ້ວຫາຍສາບສູນໄປໃນ ປີ ຄສ1571.

 

ປີຄສ 1827ສະໄໝຂອງພຣະເຈົ້າອະນຸວົງ(ວິລະກະສັດ), ນະຄອນຫຼວງວຽງຈັນຖືກສັກດິ ນາຕ່າງດ້າວທຳລາຍລົງຢ່າງຮາບກ້ຽງ, ກຳແພງນະຄອນຖືກມ້າງເພ, ຫໍໂຮງ ແລະ ວັດວາອາຮາມ ນັບເປັນຮ້ອຍໆວັດຖືກຈູດເຜົາເປັນເທົ່າຖ່ານ, ອົງພະທາດຫຼວງທີ່ສະຫງ່າງາມມາແຕ່ບູຮານນະ ການຈຶ່ງກາຍເປັນທາດຮ້າງຢູ່ກາງປ່າ.

ປີຄສ 1876 ໂຈນຫໍ້ໄດ້ມາມ້າງເພພະທາດນ້ອຍອ້ອມພະທາດໃຫຍ່ນັ້ນເພື່ອຊອກຫາ ເງິນຄຳ ແລະ ວັດຖຸມີຄ່າທີ່ຝັງຢູ່ໃນພະທາດ ຈຶ່ງເຮັດໃຫ້ພະທາດຫຼວງທີ່ເປ່ເພຢູ່ແລ້ວນັ້ນຍິ່ງເປ່ ເພລົງຕື່ມອີກ.

ປີຄສ 1900 ເມື່ອຝຣັ່ງໄດ້ປະເທດລາວແລ້ວພວກເຂົາໄດ້ທຳການສ້ອມແປງສ່ວນຍອດ ຂອງພະທາດ ແຕ່ມີຮູບຊົງແຕກຕ່າງຈາກຮູບເກົ່າ ແລະ ໃນເທື່ອນີ້ ມີຜູ້ເຖົ້າເລົ່າວ່າຜູ້ສ້ອມແປງ ໄດ້ເອົາຄຳຈາກຍອດພະທາດໄປ.

ອີກຕໍ່ມາ ປີຄສ 1929 ລາຊະການຝຣັ່ງໄດ້ມີການສ້ອມແປງ ຄັ້ງໃຫຍ່ຈົນຮອດປີຄສ 1935 ຈຶ່ງສຳເລັດ. ການສ້ອມແປງເທື່ອນີ້ແມ່ນໄດ້ສ້ອມແປງຍອດພະທາດ, ສ້ອມແປງກົມມະລຽນ, ຫໍໄຫວ້ທາງຕາເວັນຕົກ ແລະ ທາດນ້ອຍທີ່ເພພັງໃຫ້ມີຮູບ ຊົງຄື ເກົ່າ.

ປີຄສ 1957 ເມື່ອປະເທດລາວໄດ້ຮັບອິດສະລະພາບເປັນເອກະລາດສົມບູນ ລັດຖະ ບານລາວພາຍໄຕ້ພະບໍລົມມະຊູປະຖຳຂອງພຣະເຈົ້າສີສະຫວ່າງວົງ ໄດ້ນຳພາປະຊາຊົນເຮັດ ບຸນສະເຫຼີມສະຫຼອງອາຍຸພຣະພຸດທະສາດສະໜາຄົບຮອບ 2500ປີ (ພສ 2500) ຈຶ່ງໄດ້ທຳການ ຟອກຄຳແຕ່ສ່ວນກາງຂຶ້ນໄປ ແລະ ໄດ້ປັ້ນພຣະບໍລົມມະຮູບ ຂອງພຣະເຈົ້າໄຊຍະເສດຖາທິລາດ ປະດິດສະຖານໄວ້ທາງດ້ານຕາເວັນຕົກ ຊື່ກັບປະຕູເຂົ້າກົມມະລຽນ ເພື່ອເປັນອະນຸສາວະລີ ທີ່ ພຣະອົງໄດ້ຊົງສ້າງພະທາດຫຼວງຂຶ້ນໃຫ້ເປັນທີ່ສັກກະລະບູຊາຕໍ່ມາ.

ພະທາດຫຼວງສູງ 45 ແມັດ, ມີໃບສີມາອ້ອມ 228ໃບ, ມີບໍລິວານ(ທາດນ້ອຍ) 30ອົງ ອ້ອມຮອບ ເອິ້ນວ່າປາລະມີສາມສິບທັດ, ຕີນພະທາດແຕ່ດ້ານຕາເວັນອອກຫາດ້ານຕາເວັນ ຕົກຍາວ 69 ແມັດ, ແຕ່ດ້ານເໜືອເຖິງດ້ານໃຕ້ຍາວ 68 ແມັດ ແລະ ກົມມະລຽນດ້ານນອກອ້ອມ ພະທາດຫຼວງແຕ່ລະດ້ານຍາວ 91.75 ແມັດ.
ຂໍ້ມູນຮູບພາບຈາກ:ມໍລະດົກລ້ານຊ້າງ
Cr:wikipedia
ໂດຍ:ນາງ ສາຍວາລິນ ບໍລະວົງ

ລັດຖະມົນຕີກະຊວງປ້ອງກັນປະເທດ ອາເມລິກາ ຢືນຢັນບໍ່ຄິດເຮັດສົງຄວາມກັບເກົາຫລີເໜືອ

ລັດຖະມົນຕີກະຊວງປ້ອງກັນປະເທດ ອາເມລິກາ ເດີນທາງຢ້ຽມຢາມປະເທດພັນ ທະມິດໃນອາຊີ ລວມເຖິງເຂດປອດທະຫານໃນເກົາຫລີໃຕ້ ເພື່ອຫາລືແນວທາງຢຸດຕິ ຄວາມຂັດແຍ່ງດ້ານນິວເຄຣຍໃນແຫລມເກົາຫລີ

ສຳນັກຂ່າວຣອຍເຕີລາຍງານວ່າ: ທ່ານ ເຈມ ແມທທິສ ລັດຖະມົນຕີກະຊວງ ປ້ອງກັນ ປະເທດ ອາເມລິກາ ເດີນທາງຢ້ຽມຢາມປະເທດໃນເຂດອາຊີຕັ້ງແຕ່ວັນທີ 23 ຕຸລາເປັນຕົ້ນມາ ເພື່ອເຈລະຈາແນວທາງຄວາມຮ່ວມມື ກັບປະເທດພັນທະມິດ ແລະປະຕິ ບັດພາລະກິດທາງການທູດຕ່າງໆ ຫລັງຈາກທີ່ຜູ້ນຳ ອາເມລິກາ ແລະເກົາຫລີເໜືອຕອບໂຕ້ ກັນໄປມາທາງວາຈາວ່າຈະໂຈມຕີອີກຝ່າຍດ້ວຍກຳລັງ ເນື່ອງຈາກເກົາຫລີເໜືອທົດສອບ ລະເບີດນິວເຄຣຍ ແລະຍິງຂີປະນາວຸດຫລາຍຄັ້ງ ໃນຊ່ວງທີ່ຜ່ານມາ ເຂົ້າຂ່າຍລະເມີດມະຕິ ຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ນຳໄປສູ່ການອອກມາດຕະການ ຄວ່ຳ ບາດເກົາຫລີເໜືອເພີ່ມເຕີມ ເຮັດໃຫ້ສະຖານະການໃນແຫລມເກົາຫລີເຄັ່ງຕຶງຂື້ນ

ດ້ານທ່ານ ຊົງຍັງມູ ລັດຖະມົນຕີກະຊວງປ້ອງກັນປະເທດເກົາຫລີໃຕ້ໄດ້ນຳຄະນະຂອງ ທ່ານ ແມທທິສ ໄປຢ້ຽມຢາມເຂດປອດທະຫານ (DMZ) ຊຶ່ງເປັນແນວກັ້ນຊາຍແດນລະຫວ່າງ ເກົາຫລີເໜືອ ແລະເກົາຫລີໃຕ້ ໃນວັນທີ (27 ຕຸລາ) ແລະທ່ານ ແມທທິສ ຍັງຢ້ຳວ່າ ເປົ້າໝາຍຂອງອາເມລິກາບໍ່ແມ່ນການເຮັດສົງຄາມກັບເກົາຫລີເໜືອ ແຕ່ຈະເປັນການ ກະຕຸ້ນເງື່ອນໄຂການຫລຸດອາວຸດນິວເຄຣຍໃນແຫລມເກົາຫລີ ຊຶ່ງຈະຕ້ອງສົມບູນ ກວດສອບໄດ້ ແລະບໍ່ປ່ຽນແປງ

ການເດີນທາງຢ້ຽມຢາມເກົາຫລີໃຕ້ໃນຄັ້ງນີ້ຂອງລັດຖະມົນຕີ ປ້ອງກັນປະເທດອາເມລິກາ ເກີດຂື້ນກ່ອນທີ່ທ່ານ ໂດນັນ ທຣັມ ຈະເດີນທາງມາຢ້ຽມຢາມເກົາຫລີໃຕ້ດ້ວຍຕົນເອງໃນ ເດືອນພະຈິກທີ່ຈະເຖິງນີ້ ແລະເປັນຊ່ວງດຽວກັນກັບທີ່ລັດຖະບານເກົາຫລີເໜືອ ຍອມປ່ອຍລູກເຮືອປະມົງເກົາຫລີໃຕ້ ຊຶ່ງຖືກຄວບຄຸມໄວ້ເກືອບອາທິດ ໂດຍເກົາຫລີເໜືອ ອ້າງວ່າ ເຮືອປະມົງດັ່ງກ່າວ ລ່ວງລ້ຳນ່ານນ້ຳເກົາຫລີເໜືອ ແຕ່ເມື່ອລູກເຮືອຍອມຮັບສາ ລະພາບຈຶ່ງໄດ້ປ່ອຍຕົວ

ທ່າທີຂອງທ່ານ ແມທທິສ ເປັນການສະແດງຈຸດຢືນດ້ານນະໂຍບາຍຄວາມໝັ້ນຄົງ ແລະການທູດທີ່ແຕກຕ່າງຈາກທ່ານໂດນັນ ທຣັມ ປະທານາທິບໍດີອາເມລິກາ ເນື່ອງຈາກທີ່ຜ່ານມາທ່ານ ທຣັມ ໄດ້ເຜີຍແຜ່ຂໍ້ຄວາມລົງໃນສັງຄົມອອນລາຍທະວິດເຕີ ໂຈມຕີຜູ້ນຳເກົາຫລີເໜືອຫລາຍຄັ້ງ ແລະທ່ານຄິມ ຈອງ ອຶນ ຜູ້ນຳເກົາຫລີເໜືອກໍ່ໄດ້ຕອບ ໂຕ້ຢ່າງແຂງແຮງວ່າຈະໂຈມຕີອາເມລິກາ ແລະຂູ່ວ່າຖ້ານານາປະເທດບໍ່ຢາກເດືອດຮ້ອນ ກໍ່ຕ້ອງເຊົາກ່ຽວຂ້ອງກັບອາເມລິກາ

ສໍາເລັດກອງປະຊຸມຄົບຄະນະບໍລິຫານງານພັກ ແຂວງ ໄຊຍະບູລີ ຄັ້ງທີ 8 ສະໄໝທີ 6

ກອງປະຊຸມຄົບຄະນະບໍລິຫານງານພັກ ແຂວງ ໄຊຍະບູລີ ຄັ້ງທີ 8 ສະໄໝທີ 6. ໄດ້ດໍາເນີນມາເປັນເວລາ 3 ວັນ ແລະ ໄດ້ສໍາເລັດລົງດ້ວຍໝາກຜົນອັນຈົບງາມໃນຕອນເຊົ້າ ຂອງວັນທີ 27 ຕຸລາ 2017 ນີ້. ຢູ່ທີ່ຫ້ອງປະຊຸມຫ້ອງວ່າການແຂວງໄຊຍະບູລີ, ໂດຍການເປັນປະທານຂອງ ສະຫາຍ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ. ມີບັນດາສະຫາຍຮອງເລຂາພັກແຂວງ, ມີຄະນະປະຈຳພັກແຂວງ, ກຳມະການພັກແຂວງ, ເຈົ້າເມືອງ 11 ເມືອງ, ມີຫົວໜ້າພະແນກການອ້ອມຂ້າງແຂວງ ເຂົ້າຮ່ວມ 100 ກວ່າສະຫາຍ.


ຕະຫຼອດໄລຍະ 3 ວັນທີ່ດໍາເນີນກອງປະຊຸມ ຜູ້ເຂົ້າຮ່ວມແມ່ນໄດ້ພ້ອມກັນຄົ້ນຄົ້ວ, ປະກອບຄໍາຄິດ-ຄໍາເຫັນຢ່າງກົງໄປກົງມາ ແລະ ໄດ້ເປັນເອກະພາບຮັບຮອງເອົາບັນດາເນື້ອໃນທີ່ສໍາຄັນເຊັ່ນ: ບົດສະຫຼຸບສັງເກດຕີລາຄາການຈັດຕັ້ງປະຕິບັດກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 7 (ສະໄໝທີ VI) ແລະ ວຽກງານຈຸດສຸມຂອງຄະນະປະຈຳພັກແຂວງ ໃນ 3 ເດືອນຕໍ່ໜ້າປີ 2017, ລົງເລິກວຽກງານວຽກງານ ປກຊ -ປກສ ກ່ຽວກັບຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ການແກ້ໄຂປະກົດການຫຍໍ້ທໍ້ໃນສັງຄົມ, ສະຫຼຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ-ເງິນຕາ ໃນໄລຍະ 9 ເດືອນຜ່ານມາ, ທິດທາງແຜນການ 3 ເດືອນທ້າຍປີ 2017 ແລະ ແຜນຄາດຄະເນ ປີ 2018


ບົດສະຫຼຸບຕີລາຄາການຈັດຕັ້ງປະຕິບັດວຽກງານຈັດສັນທີ່ດິນ ແລະ ຄຸ້ມຄອງການນຳໃຊ້ທີ່ດິນ ຕິດພັນກັບການຄຸ້ມຄອງອ່າງໂຕ່ງ, ບົດສະຫຼຸບຕີລາຄາກ່ຽວກັບການຈັດສັນ ແລະ ຄຸ້ມຄອງການນຳໃຊ້ທີ່ດິນ 3 ປະເພດປ່າ ໃນນີ້ລົງເລີກການຄຸ້ມຄອງນໍາໃຊ້ທີ່ດິນປ່າຜະລິດທີ່ໄດ້ຮັບທຶນສະໜັບສະໜູນ ຈາກໂຄງການ ຄຸ້ຄອງປ່າໄມ້ແບບຍືນນານ ແລະ ການຈັດຕັ້ງປະຕິບັດຄໍາສັ່ງ ເລກທີ 15 /ນຍ ໃນໄລຍະຜ່ານມາ, ແຜນການທ່ອງທ່ຽວຂອງແຂວງປະຈຳປີ 2018 ແລະຍຸດທະສາດການທ່ອງທ່ຽວ ແຕ່ນີ້ຮອດປີ 2025, ປຶກສາຫາລືກະກຽມການກວດກາໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ຕິດພັນກັບການດໍາເນີນກອງປະຊຸມໃຫຍ່ 3 ຂັ້ນ, ກອງປະຊຸມໄດ້ຮັບຮອງເອົາແຜນວຽກງານຈຸດສຸມໃນ 3 ເດືອນທ້າຍປີ 2017 ຂອງຄະນະບໍລິຫານງານພັກແຂວງ ຄັ້ງທີ 8 (ສະໄໝທີ VI), ເວົ້າລວມແລ້ວ ທົ່ວແຂວງຍັງສືບຕໍ່ຮັກສາໄດ້ສະຖຽນລະພາບດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບ – ປອດໄພໂດຍພື້ນຖານ, ສະພາບຄວາມບໍ່ສະຫງົບ, ບັນຫາຊາຍແດນ ແລະ ບັນດາປະກົດການຫຍໍ້ທໍ້ໄດ້ຮັບການແກ້ໄຂຢ່າງທັນການ, ໂອກາດດັ່ງກ່າວ ສະຫາຍ ພົງສະຫວັນ ສິດທະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ ຍັງໄດ້ຮຽກຮ້ອງໃຫ້ບັນດາຜູ້ເຂົ້າຮ່ວມກອງປະຊຸມຄັ້ງນີ້ຈົ່ງພ້ອມກັນນໍາເອົາເນື້ອໃນຈິດໃຈຂອງກອງປະຊຸມໄປເຜີຍແຜ່ ແລະ ຈັດຕັ້ງປະຕິບັດໃຫ້ເກີດດອກອອກຜົນ, ສຶບຕໍ່ເອົາໃຈໃສ່ສຶກສາອົບຮົມການເມືອງ – ແນວຄິດໃຫ້ສະມາຊິກພັກ, ພະນັກງານ, ທະຫານ, ຕຳ ຫຼວດ ແລະ ປະຊາຊົນບັນ ດາເຜົ່າໃຫ້ເລິກເຊີ່ງ ແລະ ຖືກເປົ້າໝາຍ, ເອົາໃຈໃສ່ປຸກລະດົມຂົນຂວາຍທົ່ວສັງຄົມປະກອບສ່ວນເຂົ້າໃນວຽກງານ ປກຊ – ປກສ ເຮັດໃຫ້ວຽກງານດັ່ງກ່າວກາຍເປັນຂອງທົ່ວປວງຊົນ

ພ້ອມກັນນັ້ນ, ກໍ່ຕ້ອງເພີ່ມທະວີຄວາມຮັບຜິດຊອບ ແລະ ເປັນເຈົ້າການໃນການຕ້ານ, ສະກັດກັ້ນ ແລະ ແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນສັງຄົມເປັນຕົ້ນ: ບັນຫາຢາເສດຕິດ, ບັນຫາການຫຼິ້ນການພະນັນ, ການຫຼິ້ນກິນຟຸມເຟື້ອຍຂອງພະນັກງານ, ຊາວໜຸ່ມ, ໄວໜຸ່ມ ແລະ ບັນຫາອື່ນໆ, ສຸມໃສ່ຍູ້ແຮງເສດຖະກິດໃຫ້ມີການຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງ, ເອົາໃຈໃສ່ອຳໂນຍຄວາມສະດວກ ແລະ ປັບປຸງຂອດບໍລິການ ເພື່ອສົ່ງເສີມ ແລະ ດຶງດູດການລົງທຶນຂອງຕ່າງປະເທດໃຫ້ເພີ່ມຂຶ້ນ, ເອົາໃຈໃສ່ຂຸດຄົ້ນແຫຼ່ງລາຍຮັບເຂົ້າງົບປະມານໃຫ້ບັນລຸຕາມແຜນການ, ຊຸກຍູ້ການການເກັບກູ້ຜົນຜະລິດລະດູປີ ຂອງປະຊາຊົນໃຫ້ທັນເວລາ ແລະ ບັນລຸຕາມແຜນການທີ່ວາງໄວ້.

ຂ່າວ: ແຂວງໄຊຍະບູລີ

ເຫດລົດຈັກລົ້ມເອງມີຄົນບາດເຈັບ1ຄົນ

ເຫດລົດຈັກລົ້ມເອງ

ໃນວັນທີ 27/10/2017 ເວລາປະມານ22:32 ນາທີ ໄດ້ຮັບແຈ້ງເຫດສຸກເສີນ 1624 ວ່າມີລົດຈັກລົ້ມ ບ້ານ ຕານມີໄຊ ເມືອງ ໄຊທານີ ນະຄອນຫຼວງວຽງຈັນ.ດັ່ງນັ້ນໜ່ວຍກູ້ຊີບ-ກູ້ໄພນະຄອນຫຼວງຈຶ່ງອອກກວດສອບເຫດ ພົບເຫັນຜູ້ບາດເຈັບ 1 ຄົນ ເປັນເພດຍິງ ເຊິ່ງມີອາການແຜທະລອກຕາມຕົ້ນຕົວແລະຫາຍໃຈບໍ່ອອກ ດັ່ງນັ້ນ ໜ່ວຍກູ້ໄພນະຄອນຫຼວງຈຶ່ງປະຖົມພະຍາບານເບື້ອງຕົ້ນແລ້ວນຳສົ່ງໂຮງໝໍມິດຕະພາບ 150 ຕຽງ. ພົບເຫດສຸກເສີນແຈ້ງ 1624 ເບີດຽວໃນນະຄອນຫຼວງວຽງຈັນ. ທ່ານສາມາດບໍລິຈາກເຂົ້າບັນຊີ ສະມາຄົມອາສາກູ້ໄພນະຄອນຫຼວງວຽງຈັນ ໂດຍລະບຸການບໍລິຈາກ ທະນາຄານ ການຄ້າຕ່າງປະເທດລາວ ມະຫາຊົນ ບັນຊີ; THE ASSOCIATION OF VOLUNTARY RESCUE VIENTIANE ເລກບັນຊີ: LAK0101200າ00993902001 ເບີໂທຕິດຕໍ່ 020 2244 1624

 

ຄະນະກອງປະຕິບັດງານ 214 ປະຈຳກໍ່ສ້າງຮາກຖານກຸ່ມທອງສີລົງເຄືອນໄຫວເປີດກອງປະຊຸມເຜີຍແຜ່ເອກະສານຄໍາສັ່ງແນະນໍາເລກທີ03ຢູ່2ບ້ານກຸ່ມທອງສີເມືອງໂພນທອງ.

ວັນທີ 25-26 ເດືອນຕຸລາ ປີ 2017 ນີ້ຢູ່ທີໂຮງຮຽນປະຖົມສົມບູນບ້ານກິ່ວດອກແຄແລະບ້ານທອງສີຄະນະກອງປະຕິບັດງານ214ໄດ້ເປີດກອງປະຊຸມເຜີຍແຜາເອກະສານຄໍາສັ່ງແນະນໍາເລກທີ03 ,ໃຫ້ກຽດເຂົ້າຮ່ວມເປັນປະທານຂອງ ສະຫາຍ ພັຕ ສົມສະນິດ ປັນຍາສິດ ຫົວໜ້າກອງປະຕິງານ 214 ,ສະຫາຍ ຮອ ສິດທອງດີ ວອນສົມໄຈ ຮອງຫົວໜ້າກອງປະຕິບັດງານ214 ,ເລຂາພັກບ້ານທັງສອງບ້ານ ມີບັນດາຄະນະຮາກຖານກຸ່ມທອງສີ , ຄະນະກອງປະຕິບັດງານ 214 ,ຕະຫລອດຮອດພໍ່-ແມ່ປະຊາຊົນເຂົ້າຮ່ວມຢ່າງພ້ອມພຽງ.


ສະຫາຍ ຮຕ ໄຊພອນ ວິໄລຈັນ ກໍ່ໄດ້ຂື້ນຜ່ານບົດສະຫລຸບໂດຍຫຍໍ້ໃນການຈັດຕັ້ງປະຕິບັດແຕ່ລະໄລຍະໂດຍປະຕິບັດຕາມຄຳສັ່ງແນະນຳຂອງກົມການເມືອງສູນກາງພັກສະບັບທີ 03/ກມສພ ວ່າດ້ວຍການສ້າງບ້ານໃຫ້ເປັນຫົວໜ່ວຍພັດທະນາສ້າງບ້ານໃຫຍ່ໃຫ້ເປັນຕົວເມືອງນ້ອຍໃນຊົນນະບົດຂໍ້ຕົກລົງຂອງລັດຖະມົນຕີກະຊວງປອງກັນປະເທດສະບັບເລກທີ 768/ກປທ ວ່າດ້ວຍການສ້າງຕັ້ງກອງຮ້ອຍປະຕິບັດງານ 214ກໍ່ສ້າງຮາກຖານການເມືອງປະຈຳກຸ່ມທອງສີເມືອງໂພນທອງເຊິ່ງນຳເອົາມະຕິຕ່າງໆທີພັກ-ລັດມອບໝາຍລົງເຜີຍແຜ່ເຊືອມຊືມ ພ້ອມດ່ຽວກັນນັ້ນກໍ່ໄດ້ຮັບຟັງຂໍ້ກຳນົດ,ກົດລະບຽບໃນການຄຸ້ມຄອງທັງສອງບ້ານ


ເຊີ່ງເປັນບ້ານໜື່ງທີຕັ້ງຢູ່ເມືອງໂພນທອງໄປທາງທິດໃຕ້ຫາງຈາກເທດສະບ້ານເມືອງປະມານ 35 ກິໂລແມັດ ມີ ຄອບຄົວ189 ມີພົນລະເມືອງ 861ຄົນຍິງ 483 ຄົນປະຊາຊົນສ່ວນໃຫ່ຍແມ່ນຖືເອົາການປູກຝັງລ້ຽງ-ສັດເປັນທ່າແຮງທາງດ້ານເສດຖະກິດຂອງບ້ານ,ຄຽງຄູ່ກັນນັ້ນອຳນາດການປົກຄອງບ້ານແລະພໍ່-ແມ່ປະຊາຊົນຍັງໄດ້ຄົ້ນຄ້ວາປະກອບຄຳຄິດຄຳເຫັນຕໍ່ບົດສະຫລຸບເພືອເຮັດໃຫ້ບ້ານເປັນບ້ານແບບຢ່າງໃນການພັດທະນາ.


ໂອກາດທີມີຄວາມໝາຍຄວາມສຳຄັນ ສະຫາຍ ພັຕ ສົມສະນິດ ປັນຍາສິດ ກໍ່ໄດ້ມີຄໍາໂອລົມ ກ່ອນອືນສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ອຳນາດການຈັດຕັ້ງປົກຄອງບ້ານຕະຫລອດຮອດພໍ່-ແມ່ປະຊາຊົນກຸ່ມທອງສີໃຫ້ມີຄວາມສາມັກຄີຮັກແພງຊ່ວຍເຫລືອເຊີ່ງກັນແລະກັນສ້າງໃຫ້ບ້ານຂອງຕົນກາຍເປັນບ້ານພົ້ນທຸກເທື່ອລະກ້າວ.

ຂ່າວ: ທ້າວທະນູສິນ ອິດທິພົນ ນັກຂ່າວ ຈາກຫ້ອງການ ຖວທ ເມືອງໂພນທອງ

ລັດຖະມົນຕີກະຊວງປ້ອງກັນປະເທດ ອາເມລິກາ ຢືນຢັນບໍ່ຄິດເຮັດສົງຄວາມກັບເກົາຫລີເໜືອ

ລັດຖະມົນຕີກະຊວງປ້ອງກັນປະເທດ ອາເມລິກາ ເດີນທາງຢ້ຽມຢາມປະເທດພັນ ທະມິດໃນອາຊີ ລວມເຖິງເຂດປອດທະຫານໃນເກົາຫລີໃຕ້ ເພື່ອຫາລືແນວທາງຢຸດຕິ ຄວາມຂັດແຍ່ງດ້ານນິວເຄຣຍໃນແຫລມເກົາຫລີ

ສຳນັກຂ່າວຣອຍເຕີລາຍງານວ່າ: ທ່ານ ເຈມ ແມທທິສ ລັດຖະມົນຕີກະຊວງ ປ້ອງກັນ ປະເທດ ອາເມລິກາ ເດີນທາງຢ້ຽມຢາມປະເທດໃນເຂດອາຊີຕັ້ງແຕ່ວັນທີ 23 ຕຸລາເປັນຕົ້ນມາ ເພື່ອເຈລະຈາແນວທາງຄວາມຮ່ວມມື ກັບປະເທດພັນທະມິດ ແລະປະຕິ ບັດພາລະກິດທາງການທູດຕ່າງໆ ຫລັງຈາກທີ່ຜູ້ນຳ ອາເມລິກາ ແລະເກົາຫລີເໜືອຕອບໂຕ້ ກັນໄປມາທາງວາຈາວ່າຈະໂຈມຕີອີກຝ່າຍດ້ວຍກຳລັງ ເນື່ອງຈາກເກົາຫລີເໜືອທົດສອບ ລະເບີດນິວເຄຣຍ ແລະຍິງຂີປະນາວຸດຫລາຍຄັ້ງ ໃນຊ່ວງທີ່ຜ່ານມາ ເຂົ້າຂ່າຍລະເມີດມະຕິ ຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ນຳໄປສູ່ການອອກມາດຕະການ ຄວ່ຳ ບາດເກົາຫລີເໜືອເພີ່ມເຕີມ ເຮັດໃຫ້ສະຖານະການໃນແຫລມເກົາຫລີເຄັ່ງຕຶງຂື້ນ

ດ້ານທ່ານ ຊົງຍັງມູ ລັດຖະມົນຕີກະຊວງປ້ອງກັນປະເທດເກົາຫລີໃຕ້ໄດ້ນຳຄະນະຂອງ ທ່ານ ແມທທິສ ໄປຢ້ຽມຢາມເຂດປອດທະຫານ (DMZ)  ຊຶ່ງເປັນແນວກັ້ນຊາຍແດນລະຫວ່າງ ເກົາຫລີເໜືອ ແລະເກົາຫລີໃຕ້ ໃນວັນທີ (27 ຕຸລາ) ແລະທ່ານ ແມທທິສ ຍັງຢ້ຳວ່າ ເປົ້າໝາຍຂອງອາເມລິກາບໍ່ແມ່ນການເຮັດສົງຄາມກັບເກົາຫລີເໜືອ ແຕ່ຈະເປັນການ ກະຕຸ້ນເງື່ອນໄຂການຫລຸດອາວຸດນິວເຄຣຍໃນແຫລມເກົາຫລີ ຊຶ່ງຈະຕ້ອງສົມບູນ ກວດສອບໄດ້ ແລະບໍ່ປ່ຽນແປງ

ການເດີນທາງຢ້ຽມຢາມເກົາຫລີໃຕ້ໃນຄັ້ງນີ້ຂອງລັດຖະມົນຕີ ປ້ອງກັນປະເທດອາເມລິກາ ເກີດຂື້ນກ່ອນທີ່ທ່ານ ໂດນັນ ທຣັມ ຈະເດີນທາງມາຢ້ຽມຢາມເກົາຫລີໃຕ້ດ້ວຍຕົນເອງໃນ ເດືອນພະຈິກທີ່ຈະເຖິງນີ້ ແລະເປັນຊ່ວງດຽວກັນກັບທີ່ລັດຖະບານເກົາຫລີເໜືອ ຍອມປ່ອຍລູກເຮືອປະມົງເກົາຫລີໃຕ້ ຊຶ່ງຖືກຄວບຄຸມໄວ້ເກືອບອາທິດ ໂດຍເກົາຫລີເໜືອ  ອ້າງວ່າ ເຮືອປະມົງດັ່ງກ່າວ ລ່ວງລ້ຳນ່ານນ້ຳເກົາຫລີເໜືອ ແຕ່ເມື່ອລູກເຮືອຍອມຮັບສາ ລະພາບຈຶ່ງໄດ້ປ່ອຍຕົວ

ທ່າທີຂອງທ່ານ ແມທທິສ ເປັນການສະແດງຈຸດຢືນດ້ານນະໂຍບາຍຄວາມໝັ້ນຄົງ ແລະການທູດທີ່ແຕກຕ່າງຈາກທ່ານໂດນັນ ທຣັມ ປະທານາທິບໍດີອາເມລິກາ ເນື່ອງຈາກທີ່ຜ່ານມາທ່ານ ທຣັມ ໄດ້ເຜີຍແຜ່ຂໍ້ຄວາມລົງໃນສັງຄົມອອນລາຍທະວິດເຕີ ໂຈມຕີຜູ້ນຳເກົາຫລີເໜືອຫລາຍຄັ້ງ ແລະທ່ານຄິມ ຈອງ ອຶນ ຜູ້ນຳເກົາຫລີເໜືອກໍ່ໄດ້ຕອບ ໂຕ້ຢ່າງແຂງແຮງວ່າຈະໂຈມຕີອາເມລິກາ ແລະຂູ່ວ່າຖ້ານານາປະເທດບໍ່ຢາກເດືອດຮ້ອນ ກໍ່ຕ້ອງເຊົາກ່ຽວຂ້ອງກັບອາເມລິກາ

ລົດຈັກຕຳກັນເຈັບ2ທີ່ປາກເຊ 27/10/2017

ຂໍອະນຸຍາດແຈ້ງເຫດ ລົດຈັກ+ລົດຈັກ
ໃນວັນທີ 27/10/2017 ເວລາ 21:50ໄດ້ຮັບແຈ້ງຈາກປະຊາຊົນຜ່ານເບີ 0304912875 ວ່າມີລົດຕຳກັນ
ຈຸດເກີດເຫດ:ບ້ານຫ້ວຍປູນ
ໝ່ວຍກູ້ໄພມູນນີທີ 1623 ຮອດຈຸດເກີດເຫດພົບຄົນເຈັບ02ຄົນ
1.ເພດຊາຍ ອາຍຸ 17ປີ ອາຊີບ ນັກຮຽນ ບ້ານຫ້ວຍ ເມືອງປາກເຊ ແຂວງຈຳປາສັກ
ອາການເບື້ອງຕົ້ນແມ່ນ:ເຈັບກ້ານຄໍ(ມີສະຕີ)
2.ເພດຊາຍ ອາຍຸ42ປີ ອາຊີບຄ້າຂາຍ ບ້ານ ຫລັກເມືອງ ເມືອງປາກເຊ ແຂວງຈຳປາສັກ
+ອາການເບື້ອງຕົ້ນ:ແຜເປີດຢູ່ຄີ້ວເບື້ອງຊ້າຍແລະຕາມໃບຫນ້າ(ມີສະຕີ)
ດັ່ງນັ້ນ, ໝ່ວຍກູ້ໄພມູນນີທີ 1623 ໄດ້ປະຖົມພະຍາບານຂັ້ນຕົ້ນແລ້ວນຳສົ່ງໂຮງໝແຂວງຈຳປາສັກເປັນທີ່ຮຽບຮ້ອຍແລ້ວ


_____________________________
ບາດເຈັບ ອຸບັດຕີເຫດສຸເສີນໂທ 1623 ຫຼື 030 4912875 ຕະຫຼອດ24ຊົ່ວໂມງ