ພັນ ເອກ ປອ ແກ້ວສຸວັນ ອິນທະວົງ ສາ ຫົວໜ້າການທະຫານ ວປກ, ພ້ອມດ້ວຍຄະນະ ໄດ້ໃຫ້ການ ຕ້ອນຮັບການມາຢ້ຽມຢາມ ແລະ ຮ່ວມເຮັດວຽກຂອງຄະນະຜູ້ ແທນກົມໂຮງຮຽນກອງທັບປະຊາຊົນ ຫວຽດນາມ

ໃນຕອນບ່າຍຂອງວັນທີ 24 ຕຸລາ 2017 ນີ້. ຢູ່ທີ່ຫ້ອງຮັບ ແຂກຂອງວິທະຍາຄານ ປ້ອງກັນ ຊາດ ໄກສອນ ພົມວິຫານ ພັນ ເອກ ປອ ແກ້ວສຸວັນ ອິນທະວົງ ສາ ຫົວໜ້າການທະຫານ ວປກ, ພ້ອມດ້ວຍຄະນະ ໄດ້ໃຫ້ການ ຕ້ອນຮັບການມາຢ້ຽມຢາມ ແລະ ຮ່ວມເຮັດວຽກຂອງຄະນະຜູ້ ແທນກົມໂຮງຮຽນກອງທັບປະຊາຊົນ ຫວຽດນາມ ເຊິ່ງນຳໂດຍ ສະຫາຍ ພົນຕີ ເຈີນ ຫີວ ຟຸກ, ຫົວໜ້າກົມໂຮງຮຽນກອງທັບປະຊາຊົນຫວຽດນາມ ພ້ອມດ້ວຍ ຄະນະ.

ໂອກາດດັ່ງກ່າວທັງສອງ ພາກສ່ວນກໍ່ໄດ້ລາຍງານສະ ພາບການເຄື່ອນໄຫວທົ່ວໄປ ກ່ຽວກັບລັກສະນະ, ຈຸດພິເສດ ແລະ ໂຄງປະກອບຫຼັກສູດທາງ ດ້ານການຮຽນ-ການສອນ ຕ່າງໆ ໃຫ້ກັນ ແລະ ກັນ

ໄດ້ຮັບ ຊາບ. ນອກຈາກນັ້ນ ພັນເອກ ປອ ແກ້ວສຸວັນ ອີນທະວົງສາ, ກໍໄດ້ນຳເອົາຄວາມຢື້ຢາມຖາມ ຂ່າວອັນອົບອຸ່ນ ແລະ ຄຳອວຍ ພອນໄຊອັນປະເສີດມາຍັງຄະນະ ຜູ້ແທນດັ່ງກ່າວ, ຈົ່ງມີແຕ່ສຸຂະ ພາບແຂງແຮງ, ມີຄວາມຜາສຸກໃນຊີວິດ, ມີຄວາມສຸກກາຍສະບາຍໃຈ ແລະ ເຮັດສຳເລັດໜ້າ ທີ່ອັນມີກຽດຂອງຕົນ, ອວຍພອນສາຍພົວພັນມິດຕະພາບ, ຄວາມ ສາມັກຄີແບບພິເສດ ແລະ ການ ຮ່ວມມືຮອບດ້ານລະຫວ່າງ ສອງຊາດ, ສອງກອງທັບລາວ- ຫວຽດນາມ ເວົ້າລວມ, ເວົ້າສະເພາະ ກໍແມ່ນ ວປກ ກັບ ກົມ ໂຮງຮຽນ ສສ ຫວຽດນາມ, ທີ່ມີມູນເຊື້ອມາແຕ່ດົນນານແລ້ວນັ້ນໃຫ້ນັບມື້ນັບແໜ້ນແຟ້ນ, ເລິກເຊິ່ງ ແລະ ຈະເລີນງອກ ງາມຍີ່ງຂື້ນ.
ໂດຍ: ດາວວີນ ໂສພາພອນ

ອຸປະຕິເຫດລົດຈັກກັບລົດຈັກຕຳກັນ ເສຍຊີວິດຄາທີ່ 1 ຄົນ

ແຂວງ ສະຫວັນນະເຂດ ວັນທີ25/10/2017 ເວລາ 00:10 ນາທີ ໜ່ວຍກູ້ໄພ ສະຫວັນນະເຂດ ໄດ້ຮັບແຈ້ງເຫດວ່າມີອຸປະຕິເຫດລົດຈັກກັບລົດຈັກຕຳກັນເຂດເສັ້ນທາງບ້ານ ສຸນັ້ນທາ ເມືອງໄກສອນພົມວິຫານ ແຂວງສະຫວັນນະເຂດ

ໃນຈຸດເກີດເຫດແມ່ນມີຜູ້ເສຍຊີວິດ1ຄົນແລະບາດເຈັບ1ຄົນທັງໝົດເປັນເພດຊາຍ,
– ຜູ້ເສຍຊີວີດແມ່ນມີອາການກະທົບຫົວມີເລືອດອອກຫຼາຍແລະຫມົດສະຕິດັ່ງນັ້ນທາງທີມງານຈື່ງໄດ້ເຂົ້າຊ່ວຍເຫຼືອໃນເບື້ອງຕົ້ນດ້ວຍການປໍ້າຫົວໃຈCPRແຕ່ຜູ້ກ່ຽວບໍ່ຕອບສະໜອງຊີບ ມ້ານຕາເປີດ ດ້ວຍການທົນພິດບາດແຜບໍ່ໄຫວເລີຍເສຍຊີວິດຕໍ່ມາ
– ຜູ້ບາດເຈັບອີກຄົນ ທີ່ຂີ່ມານຳຜູ້ເສຍຊີວິດແມ່ນມີອາການບາດແຜຖະຫຼອກຕາມໂຕ ຫນ່ວຍກູ້ໄພໄດ້ນຳສົ່ງໂຮງຫມໍແຂວງສະຫວັນນະເຂດ

ສ່ວນສົບຜູ້ເສຍຊີວິດ ທາງໜ່ວຍງານພວກເຮົາໄດ້ອານຸເຄາະນຳສົ່ງໄປທີ່ວັດຈອມແກ້ວ

ຂໍສະແດງຄວາມເສຍໃຈນຳຍາດຕີພີ່ນ້ອງຜູ້ເສຍຊີວິດ
ອຸປະຕິເຫດ, ເຈັບປ່ວຍແຈ້ງເຫດສຸກເສີນໂທ
020 2828-5454
020 9898-5454 ຕະຫຼອດ 24 ຊົ່ວໂມງ
#ໜ່ວຍກູ້ໄພສະຫວັນນະເຂດ

ສຳເລັດການກໍ່ສ້າງສູນ​ເຝິກອົບຮົມ​ແມ່ຍິງ​ລາວ

ລັດຖະບານ​ໄດ້​ເຫັນ​ຄວາມສຳຄັນ ແລະ ຄວາມ​ຈຳເປັນ​ໃນການ​ຍົກ​ລະດັບ​ສີມື​ແຮງ​ງານ​ໃຫ້ແມ່ຍິງ​ລາວ ໂດຍ​ສະເພາະ ແມ່ຍິງ​ຜູ້​ດ້ອຍ​ໂອກາດ​ຢູ່​ເຂດ​ຫ່າງ​ໄກສອກຫຼີກ​ໃນ​ທົ່ວ​ປະເທດ​ ໃຫ້​ມີຄວາມ​ຮູ້ຄວາມ​ສາມາດ ເປັນ​ພື້ນຖານ​ໃຫ້​ແກ່​ການ​ສ້າງ​ລາຍ​ຮັບ​ໃຫ້​ແກ່​ຕົນ​ເອງ ແລະ ຄອບຄົວເພີ່ມຂຶ້ນ ສະນັ້ນ ລັດຖະບານ​ຈຶ່ງ​ໄດ້​ອະນຸ​ມັດ​ງົບປະມານ ​ເພື່ອ​ກໍ່ສ້າງ​ສູນເຝິກອົບຮົມ​ແມ່ຍິງ​ລາວ​ເປັນ​ອາຄານ 5 ຊັ້ນ ແລະ ຊັ້ນ​ໃຕ້​ດິນ​ສຳລັບ​ຈອດ​ລົດ ພ້ອມ​ປະກອບ​ເຄື່ອງໄຟຟ້າ​ທັງ​ໃນ​ອາຄານ ແລະ ນອກອາຄານ.

ສຳລັບ​ອາຄານ​ດັ່ງກ່າວ​ແມ່ນໄດ້​ຮັບ​ການ​ອອກ​ແບບ ແລະ ຕິດຕາມ​ການ​ກໍ່ສ້າງ​ໂດຍ​ບໍລິສັດ ​ສຸກສະຫວັນ​ທີ່​ປຶກສາ​ກໍ່ສ້າງ ຈຳກັດ​ຜູ້ດຽວ ຮັບ​ເໝົາ​ກໍ່ສ້າງ​ໂດຍບໍ​ລິສັດ ລື​ໄຊ​ກໍ່ສ້າງ ຈຳກັດ​ຜູ້​ດຽວ ງົບປະມານ​ໃນ​ການ​ກໍ່ສ້າງ​ແມ່ນຂອງ​ລັດ 100% ມູນ​ຄ່າ​ກໍ່ສ້າງ 47,9 ຕື້​ກວ່າ​ກີບ ເຊິ່ງ​ບໍລິສັດ ລື​ໄຊ​ກໍ່ສ້າງ ຈຳກັດ​ຜູ້​ດຽວ ໄດ້ອອກ​ງົບປະມານ​ກໍ່ສ້າງ​ກ່ອນ ຫຼັງຈາກ​ນັ້ນ​ ລັດຖະບານ​ຈະ​ຊົດ​ໃຊ້​ຄືນ​ໃນ​ກຳນົດ 5 ປີ ເລີ່ມກໍ່ສ້າງ​ວັນ​ທີ 5 ພະຈິກ 2015 ແລະ ສຳເລັດວັນ​ທີ 4 ກັນຍາ 2017 ລວມ​ເວລາ​ກໍ່ສ້າງ 18 ເດືອນ.

ວັນ​ທີ 20 ຕຸລາ 2017 ໄດ້​ຈັດພິທີມອບ-ຮັບໂຄງການ​ກໍ່ສ້າງ ສູນ​ເຝິກອົບຮົມ​ແມ່ຍິງ​ລາວ ເປັນກຽດ​ຂຶ້ນ​ກ່າວ​ມອບ​ຂອງ​ທ່ານນາງ ສຸດ​ສະ​ດີ ລື​ໄຊ ປະທານ​ບໍ​ລິສັດ ​ລື​ໄຊ​ກໍ່ສ້າງ ຈຳກັດ​ຜູ້​ດຽວ ແລະ ກ່າວ​ຮັບ​ໂດຍທ່ານ​ນາງ ອິນ​ລາ​ວັນ ແກ້ວ​ບຸນ​ພັນ ປະທານສູນ​ກາງ​ສະຫະພັນ​ແມ່ຍິງ​ລາວ ມີທ່ານ ໄຊ​ສົມ​ພອນ ພົມວິຫານ ປະທານ​ສູນ​ກາງ​ແນວ​ລາວ​ສ້າງຊາດ ພ້ອມ​ດ້ວຍ​ພັນ​ລະ​ຍາ​ການນຳ ແລະ ແຂກ​ທີ່​ຖືກ​ເຊີນ​ເຂົ້າຮ່ວມ.

ໃນ​ພິທີ​ດັ່ງກ່າວ ບໍລິສັດ ລື​ໄຊກໍ່ສ້າງ ຈຳກັດ​ຜູ້​ດຽວ ໄດ້​ມອບ​ລົດຕູ້​ຈຳນວນ 2 ຄັນ ແລະ ເຄື່ອງໃຊ້ອື່ນໆ​ໃຫ້​ກັບ​ສູນ​ເຝິກອົບຮົມ​ປະກອບ​ໃຊ້​ໃນ​ວຽກ​ງານ ລວມ​ມູນຄ່າ 1 ຕື້​ກວ່າ​ກີບ.

ພາບ-ຂ່າວ: ຫນັງສືພິມວຽງຈັນໃຫ່ມ

ກອງປະຊຸມລັດຖະບານ ປືກສາຫາລືກ່ຽວກັບການຂໍອະນຸມັດສ້າງຕັ້ງ ນະຄອນຫຼວງພະບາງ

ກອງປະຊຸມລັດຖະບານ ສະໄໝສາມັນ ປະຈໍາເດືອນ ຕຸລາ 2017 ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 24 ຢູ່ທີ່ຫ້ອງວ່າການສໍານັກງານນາຍົກລັດຖະມົນຕີ ໂດຍການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ ພ້ອມດ້ວຍ ສະມາຊິກລັດຖະບານ ເຂົ້າຮ່ວມຢ່າງພ້ອມພຽງ.

ໃນກອງປະຊຸມຄັ້ງນີ້ ລັດຖະບານຈະໄດ້ຄົ້ນຄວ້າ ປຶກສາຫາລື ແລະ ປະກອບຄຳເຫັນໃສ່ 9 ບັນຫາ ດັ່ງນີ້:
1. ບົດລາຍງານສະພາບພົ້ນເດັ່ນ ຢູ່ພາຍໃນ ແລະ ຕ່າງປະເທດ;
2. ທິດທາງ ແລະ ວິທີການແກ້ໄຂບັນຫາການຂົນສົ່ງທາງບົກ ແລະ ດ່ານສາກົນພາຍໃນປະເທດ ເພື່ອອໍານວຍຄວາມສະດວກໃຫ້ແກ່ການຂົນສົ່ງ;
3. ບົດລາຍງານກ່ຽວກັບບັນຫາທີ່ດິນ;
4. ຮ່າງແຜນແມ່ບົດທີ່ດິນແຫ່ງຊາດ;
5. ບົດລາຍງານກ່ຽວກັບການຂໍອະນຸມັດສ້າງຕັ້ງ ນະຄອນ ຫຼວງພະບາງ;
6. ບົດລາຍງານກ່ຽວກັບແຜນງົບປະມານຮັບໃຊ້ໃຫ້ແກ່ການສະເຫຼີມສະຫຼອງ ວັນສ້າງຕັ້ງກອງທັບ ຄົບຮອບ 70 ປີ;
7. ຮ່າງດໍາລັດ ວ່າດ້ວຍການຊ່ວຍເຫຼືອລ້າທາງດ້ານກົດໝາຍ;
9. ບົດລາຍງານກ່ຽວກັບ ສະພາບການປັບປຸງບັນຍາກາດຂອງການດໍາເນີນທຸລະກິດ ຢູ່ໃນ ສປປ ລາວ ແລະ ທິດທາງແກ້ໄຂໃນຕໍ່ໜ້າ.

ໃນໂອກາດກ່າວເປີດກອງປະຊຸມໃນຄັ້ງນີ້, ທ່ານນາຍົກລັດຖະມົນຕີ ໄດ້ເນັ້ນໜັກໃຫ້ຜູ້ເຂົ້າຮ່ວມກອງປະຊຸມ ຈົ່ງພ້ອມກັນຍົກສູງຄວາມຮັບຜິດຊອບຂອງຕົນ ໃນການປະກອບຄໍາຄິດຄໍາເຫັນ ເພື່ອເຮັດໃຫ້ບັນດາເນື້ອໃນສໍາຄັນທີ່ນໍາມາປຶກສາຫາລືໃນຄັ້ງນີ້ ມີຄວາມຄົບຖ້ວນ, ສົມບູນ, ຈະແຈ້ງ, ຮັດກຸມ ແລະ ສາມາດນຳໄປຈັດຕັ້ງປະຕິບັດ ໃນວຽກງານຕົວຈິງໄດ້.
ກອງປະຊຸມຄັ້ງນີ້ ຈະໄດ້ດໍາເນີນເປັນເວາລາ 02 ວັນເຕັມ ຄື: ແຕ່ວັນທີ 24-25 ຕຸລາ 2017.

ກອງທັບລັດຖະບານຊີເຣຍຢຶດອາວຸດຂອງພັນທະມິດນາໂຕ້ທີ່ສົ່ງໃຫ້ພວກກໍ່ການຮ້າຍໄດ້ຈຳນວນຫລາຍ

ວັນທີ 24 ຕຸລາ 2017 Sputnik ພາດຫົວຂ່າວວ່າ “ອາວຸດນາໂຕ້ຊຸດລ່າສຸດ ທີ່ພົບໃນຄັງແສງ ຂອງພວກດາອີສ ໃນເມືອງ ອັນຢາມາດິນ ນາຍພົນຊີເຣຍຖະແຫລງ”

ພົນຈັຕວາ Hasan Suheil ຈາກກອງທັບຊີເຣຍ ໄດ້ພາຜູ້ສື່ຂ່າວໄປເຮັດຂ່າວກ່ຽວກັບອາວຸດສົງຄາມ ນັບພັນຢ່າງ ທີ່ກອງທັບຝ່າຍລັດຖະບານຊີເຣຍ ຢຶດມາໄດ້ຈາກຄັງເກັບອາວຸດຂອງພວກກໍ່ການຮ້າຍໄອສີສ ທີ່ເມືອງ Al-Mayadin ທາງຕາກເວັນອອກຂອງຊີເຣຍ ຊຶ່ງມີອາວຸດຂອງກຸ່ມພັນທະມິດນາໂຕ້ ຈາກ ອາເມລິກາ ເບວຢຽມ ແລະອັງກິດ ລວມທັງອາວຸດຈາກອິດສະລາເອລພ້ອມ

“ພວກເຮົາໃຊ້ເວລາ 6 ວັນໃນການຂົນອາວຸດເຫລົ່ານີ້ທີ່ພວກດາອີສ ໄດ້ຖິ້ມໄວ້ທີ່ເມືອງ  Al-Mayadinມາທີ່ນີ້ ຫລັງຈາກທີ່ພວກເຂົາພາກັນຫລົບຫນີເອົາຕົວລອດ ມີອາວຸດເປັນຈຳນວນຫລາຍ ແລະກໍ່ເປັນຂອງຕ່າງປະເທດດ້ວຍ ລວທັງອຸປະກອນສື່ສານຕ່າງໆ ” ພົນຈັຕວາ Hasan Suheil ກ່າວ

ເມືອງ Al-Mayadin ຕັ້ງຢູ່ໃນພື້ນທີ່ຂອງແຂວງ Deir ez-Zor ທາງຕາເວັນອອກຂອງຊີເຣຍ ເປັນເມືອງທີ່ໃຊ້ເປັນສູນກາງທາງດ້ານໂລຈິສຕິກ (ຂອງຂະບວນການກໍ່ການຮ້າຍ ແລະພວກກະບົດຊີເຣຍ)  ຫລັງຈາກທີ່ເມືອງນີ້ໄດ້ຮັບການປົດປ່ອຍ ໂດຍກອງທັບຝ່າຍລັດຖະບານຊີເຣຍ ແລະພັນທະມິດນຳໂດຍຣັດເຊຍ ລາງວັນແຫ່ງໄຊຊະນະເຫລົ່ານີ້ຂອງກອງທັບຊີເຣຍ ຊຶ່ງລວມທັງອາວຸດຂະໜາດນ້ອຍແລະອາວຸດຕໍ່ຕ້ານລົດຖັງ ປືນໃຫ່ຍແລະລູກປືນໃຫ່ຍ ກັບລະເບີດຊະນິດປະດິດເອງ ລົດຖັງ ແລະພາຫະນະຫຸ້ມເກາະລຳລຽງພົນແບບເຮັດເອງກ່ອນໜ້ານີ້ພວກກໍ່ການຮ້າຍຢຶດມາຈາກກອງທັບ ອີຣັກ

ກອງທັບຊີເຣຍຍັງໄດ້ສະແດງອຸປະກອນເດຣາ ອຸປະກອນທາງການແພດ ແລະເຄື່ອງມືສຳລັບຜະລິດໂດຣນຊຶ່ງພ້ອມໃຊ້ງານໂດຍພວກຜູ້ກໍ່ການຮ້າຍ ເພື່ອໃຊ້ສອດແນມແລະຖິ້ມລະເບີດທາງອາກາດ ລວມທັງລະບົບສື່ສານຜ່ານດາວທຽມທີ່ຢຶດມາໄດ້ ໃຫ້ບັນດານັກຂ່າວເບິ່ງ ທີ່ຫນ້າສົນໃຈກໍ່ຄືໃນຄັງແສງຂະໜາດໃຫ່ຍຂອງພວກໄອສີສ ທີ່ກອງທັບຊີເຣຍຢຶດມາໄດ້ນີ້ ມີປືນໃຫ່ຍຂະໜາດ  155-mmຂອງອັງກິດລວມຢູ່ນຳ ແລະອາວຸດສ່ວນໃຫ່ຍກໍ່ເປັນຂອງກຸ່ມປະເທດສະມາຊິກພັນທະມິດນາໂຕ້ ນຳໂດຍອາເມລິກາ

ທີ່ມາ:
https://sputniknews.com/military/201710241058484627-syria-nato-us-arms/

   

ແຫລ່ງທ່ອງທ່ຽວ: ຕາດຕະແລ

ຕາດຕະແລ ຕັ້ງຢູ່ບ້ານຕະແລ, ຫ່າງຈາກເທດສະບານ ເມືອງຮຸນ ປະມານ 20 ກວ່າ ກິໂລແມັດ, ການເຂົ້າເຖິງເປັນ ເສັ້ນທາງດິນແດງ, ຈຸດເດັ່ນ ຂອງຕາດນີ້ ເປັນນ້ຳຕົກຕາດແຫ່ງໜຶ່ງ ທີ່ມີຄວາມສວຍສົດງົດງາມ ທາງທຳມະຊາດ ເຊິ່ງອ້ອມຮອບດ້ວຍ ປ່າດົງດິບ ແລະ ປ່າເຄິ່ງດົງດິບ ທີ່ມີຕົ້ນໄມ້ໃຫຍ່, ນ້ອຍທີ່ມີ ໃບດົກໜາຂຽວງາມ ແລະ ເຕັມໄປດ້ວຍ ນົກນາໆຊະນິດ, ນ້ຳຕົກຕາດແຫ່ງນີ້ ມີທັງໝົດ 7 ຕາດດ້ວຍກັນ, ມີທັງຕາດໃຫຍ່, ຕາດນ້ອຍຢັ່ງຢາຍ ໄປຕາມສາຍນ້ຳຕະ ແລະ ຍາວ ປະມານ 600 ກວ່າແມັດ

ນ້ຳຕົກຕາດຕະແລແຫ່ງນີ້ ມີຕຳນານເລົ່າຂານ ປາກຕໍ່ປາກສືບຕໍ່ກັນມາວ່າ: ແຕ່ປາງກ່ອນ ມີບ່າວເງືອກຜູ້ໜຶ່ງຊື່ວ່າ ທ້າວພັກໄດ້ລົງໄປຫຼິ້ນບຸນ ຢູ່ຫຼວງພະບາງ, ໄປເຫັນສາວເງືອກ ຜູ້ໜຶ່ງຊື່ວ່າ ນາງຄຳຜີວ ທີ່ອາໄສຢູ່ນ້ຳຄານ ທ້າວພັກເກີດມີ ຄວາມຮັກມັກກັບນາງຄຳຜີວ ແລະ ໄດ້ລັກເອົານາງຄຳຜີວມານຳ, ຕໍ່ຈາກນັ້ນມາ ມີບ່າວເງືອກຄົນໜຶ່ງ ທີ່ຢູ່ຫຼວງພະບາງ ທີ່ເຄີຍຮັກມັກກັບ ນາງຄຳຜິວ ມາກ່ອນໜ້ານີ້ ໄດ້ນຳມາເອົານາງຄຳຜິວຄືນ ແລະ ເກີດມີການຕໍ່ສູ້ກັນ, ສ່ວນທ້າວພັກ ກໍ່ໄດ້ສ້າງດ່ານຕ້ານ ກັນໄວ້ເປັນຈຸດໆ ຢູ່ທີ່ນ້ຳຕະແລ ແລະ ດ່ານ ດັ່ງກ່າວ ກໍ່ກາຍໄປຕາດຕະແລ ໃນປະຈຸບັນ.


ແຫລ່ງ: ອົງການພັດທະນາການທ່ອງທ່ຽວ

ລັດພິຈາລະນາທຶນ 1.300 ກວ່າຕື້ເພື່ອພັດທະນາຄວາມທຸກຍາກໃນປີ 2018

ລັດຖະບານໄດ້ພິຈາລະນາງົບປະມານເບື້ອງຕົ້ນ 1.300 ກວ່າຕື້ີກີບເຂົ້າໃສ່ວຽກພັດທະນາຊົນນະບົດ ແລະລົບລ້າງຄວາມທຸກຍາກໃນປີ 2018 ລວມເກືອບ 1.200 ໂຄງການ ໃນນີ້ຍັງບໍ່ລວມເງິນກູ້ດອກເບ້ຍຕໍ່າຈາກທະນາຄານນະໂຍບາຍ.

ລັດຖະບານມີຄວາມມຸ້ງໝັ້ນທີ່ຈະແກ້ໄຂບັນຫາຄວາມທຸກຍາກຂອງປະຊາຊົນໃຫ້ໝົດໄປໂດຍໄວທີ່ສຸດ ປີ 2018 ນີ້ຈິ່ງຈັດສັນງົບປະມານອີກ 1364,49 ຕື້ກີບ ເພື່ອນໍາໃຊ້ເຂົ້າໃນການວຽກງານພັດທະນາຊົນນະບົດ ແລະລົບລ້າງຄວາມທຸກຍາກ ໃນນັ້ນເປັນທຶນພາຍໃນ 593,35 ຕື້ກີບ ແລະທຶນຕ່າງປະເທດ 771,44 ຕື້ກີບ.

ສະເພາະທຶນພາຍໃນແມ່ນໄດ້ແບ່ງງົບປະມານເປັນແຕ່ລະໂຄງການຄື: ທຶນສຳລັບພັດທະນາຊາຍແດນລາວ-ຫວຽດນາມ 95 ໂຄງການເປັນມູນຄ່າ 28,80 ຕື້ກີບ, ທຶນຈັດສັນພູມລຳເນົາ ແລະບ່ອນທຳມາຫາກິນທີ່ຖາວອນໃຫ້ແກ່ປະຊາຊົນບັນດາເຜົ່າຈຳນວນ 53 ໂຄງການທຶນພາຍໃນ 15,3 ຕື້ກີບ, ກອງທຶນຫຼຸດຜ່ອນຄວາມທຸກຍາກບ້ວງສູນກາງຄຸ້ມຄອງມີ 38 ໂຄງການທຶນພາຍໃນ 11 ຕື້ກີບ, ທຶນແກ້ໄຂຄວາມທຸກຍາກ 71 ຈຸດສຸມ ມີ 337 ໂຄງການເປັນທຶນພາຍໃນ 72 ຕື້ກີບ, ທຶນຈັດສັນພູມລໍາເນົາ 145 ຈຸດສຸມ ມີ 129 ໂຄງການ ທຶນພາຍໃນ 33,66 ຕື້ກີບ ທຶນສຳລັບການຄ້ຳປະກັນສະບຽງອາຫານມີ 61 ໂຄງການເປັນທຶນພາຍໃນ 150 ຕື້ກີບ.

ສຳລັບປີ 2017 ນີ້ໄດ້ນຳໃຊ້ງົບປະມານເຂົ້າໃສ່ວຽກງານພັດທະນາຊົນນະບົດ ແລະລົບລ້າງຄວາມທຸກຍາກຂອງປະຊາຊົນ ທັງໄດ້ລົງທຶນຄ້ຳປະກັນສະບຽງອາຫານ ແລະທຶນຈາກໂຄງການນ້ຳເທິນ2 ລວມເປັນເງິນທັງໝົດ1.540 ຕື້ກີບໃນຈຳນວນນີ້ເປັນທຶນພາຍໃນ 335 ຕື້ກີບ. ການລົງທຶນສ່ວນໃຫຍ່ແມ່ນສຸມໃສ່ໂຄງການກໍ່ສ້າງພື້ນຖານໂຄງລ່າງ, ສົ່ງເສີມວິຊາການຜູ້ຈະລົງໃຫ້ການຊ່ວຍເຫຼືອການຜະລິດເປັນສິນຄ້າ ສ້າງລາຍຮັບໃຫ້ປະຊາຊົນໃນເຂດຊົນນະບົດແລະຫ່າງໄກສອກຫຼີກ ເພື່ອສາມາດຫຼຸກພົ້ນອອກຈາກຄວາມທຸກຈົນໄດ້ເທື່ອລະກ້າວ.

ເຫດຜູ້ປ່ວຍມີອາການຊ໋ອກຫມົດສະຕິ ແລ້ວເສຍຊີວິດໃນເວລາຕໍ່ມາ

ແຂວງ ສະຫວັນນະເຂດ ວັນທີ24/10/2017 ເວລາ16:12 ນາທີ ໜ່ວຍກູ້ຊີບ-ກູ້ໄພ ສະຫວັນນະເຂດ ໄດ້ຮັບແຈ້ງເຫດວ່າ ມີເຫດຜູ້ປ່ວຍສຸກເສີນຊ໋ອກທີ່ເຂດ ບ້ານອຸດົມວິໄລ ເມືອງໄກສອນ ແຂວງສະຫວັນນະເຂດ .

ເມື່ອທາງທີມງານເຖິງຈຸດເກີດເຫດໄດ້ພົບຜູ້ປ່ວຍ1ຄົນເປັນຊາຍ, ອາຍຸປະມານ18ປີ ເປັນນັກຮຽນໂຮງຮຽນ ມັດຖະຍົມອຸດົມວິໄລ ຜູ້ປ່ວຍມີອາການ ຊ໋ອກຫມົດສະຕິ ດ້ວຍໂລກພະຍາດຂອງຜູ້ກ່ຽວ ມີອາການໂລກຫົວໃຈ ທາງທີມງານໄດ້ຊ່ວຍສຸດຄວາມສາມາດດ້ວຍການປໍ້າຫົວໃຈcpr ແລ້ວໃຫ້ອົກຊີ ແຕ່ຜູ້ກ່ຽວບໍ່ຕອບສະໜອງອາການ ຍ້ອນຜູ້ເສຍຊີວິດຂາດອາກາດຫາຍໃຈຫລາຍນາທີ,

ທາງທີມງານຂໍສະແດງຄວາມເສຍໃຈນຳຍາດຕິພີ່ນ້ອງຂອງຜູ້ເສຍຊີວິດ ແລະ ຂໍໃຫ້ວີນຍານຜູ້ເສຍຊີວິດໄປສູ່ພົບພູມທີ່ດີ
———————————
ອຸປະຕິເຫດ, ເຈັບປ່ວຍແຈ້ງເຫດສຸກເສິນໂທ
020 2828-5454
020 9898-5454 ຕະຫຼອດ 24 ຊົ່ວໂມງ
#ໜ່ວຍກູ້ໄພສະຫວັນນະເຂດ
Savannakhae Rescue

ປະທານປະເທດ ເນັ້ນໃຫ້ຈຳປາສັກເອົາໃຈໃສ່ບັນຫາ ການພັດທະນາ

ທ່ານ ບຸນຍັງ ວໍລະຈິດ ເລຂາທິການໃຫຍ່ປະທານປະເທດເຮົາ ພ້ອມດ້ວຍລັດຖະມົນຕີ ກະຊວງທີ່ກ່ຽວຂ້ອງໄດ້ລົງເຄື່ອນໄຫວ ຢ້ຽມຢາມ ແລະ ເຮັດວຽກຢູ່ແຂວງຈຳປາສັກ ຫວ່າງບໍ່ດົນມານີ້ ເພື່ອຊຸກຍູ້ການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມ ຂອງລັດກໍຄືຊຸກຍູ້ການພັດທະນາເສດຖະກິດ-ສັງຄົມ ຂອງແຂວງຈຳປາສັກ. ກ່ອນອື່ນ ທ່ານ ບຸນຍັງ ວໍລະຈິດ ແລະ ລັດຖະມົນຕີກະຊວງທີ່ກ່ຽວຂ້ອງ ໄດ້ຮັບຟັງລາຍງານສະພາບການຊີ້ນຳ-ນຳພາ ຈັດຕັ້ງປະຕິບັດ ວຽກງານຮອບດ້ານ ຂອງຄະນະພັກ-ອົງການປົກຄອງແຂວງຈຳປາສັກ ໃນ 9 ເດືອນ ປີ 2017, ລາຍງານໂດຍ ທ່ານ ບຸນຖອງ ດີວິໄຊ ເລຂາຄະນະບໍລິຫານງານພັກແຂວງ, ເຈົ້າແຂວງຈຳປາສັກ ຊຶ່ງຍົກໃຫ້ເຫັນຜົນສຳເລັດ, ຂໍ້ສະດວກ ແລະ ຂໍ້ຫຍຸ້ງຍາກໃນການຊີ້ນຳ ນຳພາຈັດຕັ້ງປະຕິບັດວຽກງານແຕ່ລະດ້ານ, ຕໍ່ມາທ່ານ ບຸນຍັງ ວໍລະຈິດ ກໍໄດ້ໃຫ້ກຽດໂອ້ລົມ ຊຶ່ງທ່ານໄດ້ເນັ້ນ ໃຫ້ຄະນະພັກ – ອົງການປົກ ຄອງແຂວງ ແລະ ເມືອງເອົາໃຈ ໃສ່ຈັດຕັ້ງປະຕິບັດວຽກງານ ການສຶກສາອົບຮົມການເມືອງ- ແນວຄິດໃຫ້ ແກ່ສະມາຊິກພັກ, ພະນັກງານ, ທະຫານ, ຕຳ ຫຼວດ, ນັກທຸລະກິດ ແລະ ປະ ຊາຊົນລາວບັນດາເຜົ່າຊາວ ແຂວງຈຳປາສັກທຸກທ້ອງຖິ່ນ ຮາກຖານໃຫ້ຮັບຮູ້ເຂົ້າໃຈຢ່າງ ເລິກເຊິ່ງກວ້າງຂວາງຕໍ່ແນວ ທາງນະໂຍບາຍຂອງພັກ,ລະ ບຽບກົດໝາຍຂອງລັດ ໂດຍ ນຳໃຊ້ວິທີການທີ່ຖືກຕ້ອງ ແລະ ເຮັດດ້ວຍຫຼາຍຮູບຫຼາຍສີ, ເນື້ອໃນມີຄວາມອຸດົມສົມບູນ, ມີເຫດມີຜົນ ຕົ້ນຕໍແມ່ນການ ຈັດຕັ້ງປະຕິບັດໂຄງການພັດທະ ນາທີ່ມີຜົນກະທົບຕໍ່ຊີວິດຈິດ ໃຈຂອງປະຊາຊົນ ກໍຄືບັນຫາ ທີ່ປະຊາຊົນມີຄວາມຂັດຂ້ອງ ໝອງໃຈຕ້ອງໄດ້ລົງເຄື່ອນໄຫວ ໂຄສະນາອະທິບາຍຍົກໃຫ້ ເຫັນດ້ານດີທີ່ຕັ້ງໜ້າ ແລະຜົນ ປະໂຫຍດທີ່ປະຊາຊົນຈະໄດ້ ຮັບ ເພື່ອໃຫ້ພວກເພິ່ນມີສ່ວນ ຮ່ວມໃນການຈັດຕັ້ງປະຕິບັດ ແລະ ປົກປັກຮັກສາ.

ສ່ວນ ນັກທຸລະກິດ ແລະ ຜູ້ປະກອບ ການກໍຕ້ອງຊຸກຍູ້ໃຫ້ເຂົາເຈົ້າ ດຳເນີນທຸລະກິດໃຫ້ຖືກຕ້ອງ ແລະ ສອດຄ່ອງກັບລະບຽບກົດ ໝາຍ ເພື່ອປະກອບສ່ວນເຂົ້າ ໃນການສ້າງສາພັດທະນາປະ ເທດຊາດບ້ານເມືອງ. ພ້ອມນີ້ ທ່ານ ບຸນຍັງ ວໍ ລະຈິດ ຍັງໄດ້ເນັ້ນໃຫ້ຄະນະ ພັກ-ອົງການປົກຄອງແຂວງ ແລະ ເມືອງເອົາໃຈໃສ່ຂຸດຄົ້ນ, ຊຸກຍູ້ ແລະ ນຳໃຊ້ເງື່ອນໄຂ, ສະພາບຈຸດພິເສດທີ່ຕັ້ງ ແລະ ທ່າແຮງບົ່ມຊ້ອນຂອງແຂວງ- ເມືອງ ຕົ້ນຕໍແມ່ນຄວາມອຸດົມ ສົມບູນຂອງທຳມະຊາດ ທີ່ມີ ເງື່ອນໄຂໃນການພັດທະນາ ວຽກງານກະສິກຳ, ວຽກງານອຸດ ສາຫະກຳປຸງແຕ່ງ ແລະ ການ ພັດທະນາວຽກງານການທ່ອງ ທ່ຽວປະກອບສ່ວນເຂົ້າໃນການ ພັດທະນາ ເສດຖະກິດ-ສັງຄົມ ໂດຍກຳນົດເປັນແຜນງານ, ເປັນໂຄງການລະອຽດ ແລະ ຈັດຕັ້ງປະຕິບັດໃຫ້ຖືກຕ້ອງ ຕາມເປົ້າໝາຍທີ່ວາງໄວ້ ເພື່ອ ເຮັດໃຫ້ເສດຖະກິດ-ສັງຄົມ ຂອງແຂວງມີການພັດທະນາ ກວ່າທີ່ຜ່ານມາ ແລະ ອື່ນໆ. (ຂ່າວ: ທູນທອງໃຈ)