ອີທີແອລ ໃຊ້ງົບ 880 ຕື້ກີບ ພັດທະນາເຄືອຄ່າຍ

ບໍລິສັດ ອີ​ທີ​ແອລ ຈຳກັດ ລົງ​ນາມ​ຮ່ວມ​ກັບບໍລິສັດ ຄອມບາເທ​ເລ​ຄອມຊິສ​ເຕັມ (ປະເທດຈີນ) ຈຳກັດ ໃນ​ການ​ອອກ​ແບບ ຈັດ​ຊື້ ກໍ່ສ້າງ ແລະ ຕິດ​ຕັ້ງ ໂຄງການ​ພັດທະນາ​ລະບົບ​ເຄືອ​ຄ່າຍ FTTH ໂທລະສັບ​ມື​ຖື 2G ແລະ 4G ຫຼື EPC (Engineering, Procurement, Construction) ເຊິ່ງ​ໃຊ້​ງົບ​ປະມານ​ເຖິງ 110 ລ້ານ​ໂດ​ລາ​ສະຫະລັດ ຫຼື ປະມານ 880 ຕື້​ກີບ.

ການ​ລົງ​ນາມ​ຄັ້ງ​ນີ້ ແມ່ນ​ຂີດໝາຍ​ສຳຄັນ​ໃນ​ການ​ພັດທະນາລະບົບ​ເຄືອ​ຄ່າຍ ແລະ ການ​ບໍ​ລິການ​ດ້ານ​ໂທລະ​ຄົມ​ຂອງ​ບໍລິສັດ ອີ​ທີ​ແອລ ຈຳກັດ ພາຍຫຼັງ​ທີ່​ໂຄງການ​ດັ່ງກ່າວສຳເລັດ ຈະ​ເຮັດ​ໃຫ້ບັນດາ​ລູກ​ຄ້າ ກໍ່​ຄືສັງຄົມ​ໄດ້​ສຳຜັດ​ກັບ​ການ​ບໍລິການ​ໃໝ່ ຄຸ​ນະພາບ​ທີ່​ດີ​ຕາມ​ມາດຕະຖານ​ສາກົນ ລວມ​ທັງ​ລະບົບ​ສຽງການຮັບ-ສົ່ງ​ຂໍ້​ມູນ ແລະ ໂທລະສັບ​ມື​ຖື 4G ຂອງ​ບໍລິສັດ.

ທ່ານ ຫວູ ຈ້ຽນ ເຊິນ ຜູ້​ອຳນວຍ​ການ​ໃຫຍ່ ບໍລິສັດ ອີ​ທີ​ແອລ ຈຳກັດ ກ່າວ​ວ່າ: ນັບ​ແຕ່​ວັນ​ທີ 8 ສິງຫາ 2017 ເປັນ​ມື້​ສ້າງຕັ້ງບໍ​ລິສັດ ອີ​ທີ​ແອລ ຈຳກັດ ເປັນຕົ້ນ​ມາ ໂດຍ​ພາຍ​ໃຕ້​ການ​ນຳພາ ຄະນະອຳນວຍ​ການ​ຊຸດ​ໃໝ່ ພະນັກງານຂອງອີ​ທີ​ແອລ ໄດ້​ເອົາໃຈໃສ່​ໃນວຽກ​ງານ​ໂຄງການ​ກໍ່ສ້າງ EPC ຜ່ານ​ການ​ສຸມ​ໃສ່​ຈັດ​ຕັ້ງ​ປະຕິບັດວຽກ​ງານ ເຮັດ​ໃຫ້​ໂຄງການ​ດັ່ງກ່າວ​ໄດ້​ເປັນ​ຮູບ​ເປັນ​ຮ່າງ​ຂຶ້ນ​ມາ ພ້ອມ​ທັງ​ໄດ້​ຮັບ​ອະນຸມັດ​ຈາກ​ສະພາ​ບໍລິຫານ​ບໍລິສັດ​ເປັນ​ທີ່​ຮຽບຮ້ອຍ​ແລ້ວ ເຊິ່ງ​ໃນ​ໄລຍະ​ເລີ່ມ​ຕົ້ນ ໂຄງການ ອີ​ທີ​ແອລ ໄດ້​ຮັບ​ການຮ່ວມ​ມື​ຈາກ​ບໍລິສັດ ຄອມ​ບາ ຈົນເຮັດ​ໃຫ້​ທັງ​ສອງ​ຝ່າຍ​ເຫັນ​ດີ​ລົງນາມ​ໃນ​ສັນຍາ​ສະບັບ​ນີ້ ເຊິ່ງແມ່ນ​ປະກອບສ່ວນ​ສຳຄັນ​ເຂົ້າ​ໃນການ​ພັດທະນາ​ລະບົບ​ເຄືອ​ຄ່າຍ ເພື່ອ​ເຮັດ​ໃຫ້ ອີ​ທິ​ແອລ ກາຍເປັນບໍລິສັດ​ນຳ​ໜ້າດ້ານ​ໂທລະ​ຄົມ.

ພິທີ​ລົງ​ນາມ​ການ​ຮ່ວມ​ມື ຈັດຂຶ້ນ​ໃນ​ວັນ​ທີ 29 ມັງກອນ 2018 ທີ່​ສຳນັກງານ​ໃຫຍ່ ບໍລິສັດ ອີ​ທີແອລ ຈຳກັດ ລະຫວ່າງທ່ານ ຫວູ ຈ້ຽນ ເຊິນ ຜູ້ອຳນວຍການໃຫຍ່ ບໍລິສັດ ອີ​ທີ​ແອລ ຈຳກັດ ແລະ ທ່ານ ຈາງ ເຢ ຈູນ ຜູ້​ອຳນວຍ​ການ​ໃຫຍ່ ບໍລິສັດ ຄອມ​ບາເທ​ເລ​ຄອມຊິສ​ເຕັມ (ປະເທດຈີນ) ຈຳກັດ ໂດຍ​ມີ​ທ່ານ ບຸນ​ສະເຫຼີມ​ໄຊ ເຄນ​ນາ​ວົງ ຮອງ​ລັດ​ຖະມົນຕີ ກະຊວງ​ໄປສະນີ ໂທລະ​ຄົມມະ​ນາ​ຄົມ ແລະ ການ​ສື່ສານ ທັງເປັນ​ປະທານ​ສະພາ​ບໍລິຫານບໍ​ລິສັດ ອີ​ທີ​ແອລ ໂດຍ​ມີ​ພາກສ່ວນກ່ຽວຂ້ອງ​ເຂົ້າ​ຮ່ວມ. ຂ່າວ: ນສພ ວຽງຈັນໃຫ່ມ

ຫົວເຫວີຍ ນຳສະເໜີຜະລິດຕະພັນໃໝ່ໃນລາວໄອຊີທີ

ບໍລິສັດ ຫົວ​ເຫວີຍ ຜູ້ນຳ​ດ້ານຂະແໜງ​ສື່ສານ​ໄດ້​ນຳ​ເອົາ​ເຕັກໂນ​ໂລ​ຊີ​ໃໝ່ ​ເຂົ້າ​ຮ່ວມ​ໃນ​ງານວາງສະແດງ​ເຕັກ​ໂນ​ໂລ​ຊີ ​ສື່ສານ ຂໍ້​ມູນ​ຂ່າວສານ ຫຼື “ລາວ​ໄອ​ຊີ​ທີ ເອັກ​ໂປ 2018 (Lao ICT EXPO 2018)” ຈັດ​ຂຶ້ນ​ທີ່​ສູນການ​ຄ້າລາວ-ໄອເຕັກ ໃນ​ວັນ​ທີ 24-28 ມັງກອນ 2018 ໃຫ້​ກຽດ​ເປີດງານ​ຂອງ​ທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ ລັດ​ຖະມົນຕີກະຊວງ​ການ​ເງິນ ທ່ານ ທັນ​ສະໄໝ ກົມ​ມະ​ສິດ ລັດ​ຖະ​ມົນຕີ​ກະຊວງ​ໄປສະນີ ໂທລະ​ຄົມ​ມະນາ​ຄົມ ແລະ ການ​ສື່ສານ ພ້ອມດ້ວຍ​ບັນດາ​ຮອງ​ລັດຖະມົນຕີ ແລະ ແຂກ​ທີ່​ເຂົ້າ​ຮ່ວມ​ ກໍ່​ໄດ້​ເດີນຊົມ​ຫ້ອງ​ວາງສະແດງ ແລະ ຢ້ຽມຊົມ​ຜະລິດ​ຕະ​ພັນໃໝ່​ຂອງ​ຫົວເຫວີຍ.

ທ່ານ Mark Wang ຜູ້​ອຳນວຍ​ການ​ໃຫຍ່ ບໍລິສັດ ​ຫົວ​ເຫວີຍເຕັກ​ໂນ​ໂລ​ຊີ (ລາວ) ຈຳກັດ​ຜູ້ດຽວ ກ່າວ​ວ່າ: ບໍລິສັດ ຫົວ​ເຫວີຍລາວ ​ເຊິ່ງ​ເປັນ​ຜູ້​ສະໜອງ​ເຄື່ອງສື່ສານ​ທາງ​ເຕັກ​ໂນ​ໂລ​ຊີ​ລາຍໃຫຍ່ ​ໄດ້​ນຳ​ສິນຄ້າ​ເຂົ້າ​ຮ່ວມ​ວາງສະແດງ ເຊິ່ງ​ນະ​ວັດຕະ​ກຳ​ໃໝ່ຫຼ້າ​ສຸດ ຫົວ​ເຫວີຍ​ໄດ້​ເນັ້ນ​ເຄື່ອງເຕັກ​ໂນ​ໂລ​ຊີ​ທີ່​ຕອບ​ໂຈດ​ຊີວິດປະຈຳ​ວັນ 3 ປະເພດ​ຄື: ເຄື່ອງ​ສະມາດ​ຊິດ​ຕີ້ (Smart City) ສະມາດ​ໂຮມ (Smart Home) ແລະ ລົດຖີບ​ໂອ​ໂຟ (Ofo Bike) ເປັນ​ເຕັກ​ໂນ​ໂລ​ຊີ​ທີ່​ອຳນວຍຄວາມ​ສະດວກ​ສະບາຍ​ ໃນ​ການຕິດຕໍ່​ສື່ສານ​ເຊິ່ງ​ກັນ ແລະ ກັນ ໃນ​ຊີວິດ​ປະຈຳ​ວັນ​ໃຫ້​ດີ​ຂຶ້ນ ຄາດວ່າຈະ​ເປັນ​ອີກ​ເຄື່ອງມື​ໜຶ່ງ ​ທີ່​ຈະໄດ້​ຮັບ​ການ​ຕອບ​ຮັບ​ຈາກ​ສັງຄົມ.

ຈຸດປະສົງ​ຂອງ Huawei ເຂົ້າ​ຮ່ວມ​ງານ​ໃນ​ຄັ້ງ​ນີ້ ເພື່ອ​ແລກປ່ຽນ​ຄວາມ​ຄິດ​ປະສົບ​ການ​ດ້ານການ​ພັດທະນາ ແລະ ນຳ​ໃຊ້ ICT ໃນ​ລາວ ເພື່ອ​ໄດ້​ຮັບ​ຜົນ​ປະໂຫຍ​ດລວມ​ແກ່​ພາກ​ລັດ ລວມເຖິງ​ຫົວໜ່ວຍ​ທຸລະ​ກິດ ແລະ ຜູ້ຊົມໃຊ້​ທົ່ວ​ໄປ.

ພາຍ​ໃນ​ງານ​ວາງສະແດງ​ ກໍ່ຍັງ​ມີ​ບັນດາ​ບໍລິສັດ​ໄອ​ຊີ​ທີ​ແຖວໜ້າ​ຈາກ​ທັງ​ພາຍ​ໃນ ແລະ ຕ່າງປະເທດ​ເຂົ້າ​ຮ່ວມ​ວາງສະແດງ ເຊິ່ງ​ມີ​ຫຼາຍ​ຜະລິດ​ຕະ​ພັນ​ເຕັກ​ໂນໂລ​ຊີ​ຂໍ້​ມູນ​ຂ່າວສານ ບໍ່​ວ່າ​ຈະ​ເປັນດ້ານ​ໂທລະ​ຄົມມະນາຄົມ ດ້ານຄອມ​ພິວ​ເຕີ ຮາດ​ແວຣ໌ ແລະ ຊອບ​ແວຣ໌ ເຕັກ​ໂນ​ໂລ​ຊີ ລະບົບຄວາມ​ປອດ​ໄພ ລະບົບ​ໂປຣ​ແກມ ຮັບ​ໃຊ້ ແລະ ສົ່ງເສີມ​ການ​ນຳ​ໃຊ້ໄອ​ຊີ​ທີ ການ​ບໍລິຫານເອັສ​ເອັມ​ອີ (SME) ແລະ ສະ​ຕາດ​ອັບ (Startup) ການ​ຄ້າການ​ເງິນ ການ​ຜະລິດ​ກະສິກຳ ການ​ສຶກ​ສາ ແລະ ອື່ນໆ.

ສືບເນືອງຈາກຂ່າວທີ່ Mark Zuckerbergຊີອີໂອ Facebook ອອກມາປະກາດການປັບຮື້ News Feed ຄັ້ງໃຫ່ຍ ໂດຍເນັ້ນເນື້ອຫາຈາກໜູ່ແລະຄອບຄົວຫຼາຍຂື້ນ

ສືບເນືອງຈາກຂ່າວທີ່ Mark Zuckerbergຊີອີໂອ Facebook ອອກມາປະກາດການປັບຮື້ News Feed ຄັ້ງໃຫ່ຍ ໂດຍເນັ້ນເນື້ອຫາຈາກໜູ່ແລະຄອບຄົວຫຼາຍຂື້ນ ດ້ວຍເຫດຜົນວ່າເຂົາຕ້ອງການຊຸມຊົນທີ່ດີມີຄຸນຄ່າແລະຄວາມ ໜາຍເວລາໃຊ້ງານ ໂດຍ The New York Times ໄດ້ສຳພາດເຂົາແລະມີປະເດັ່ນທີ່ໜ້າສົນໃຈ ເຂົາບອກວ່າຈາກການວິໃຈນັ້ນພົບວ່າຜູ້ໃຊ້ Facebook ຮູ້ສຶກວ່າການໃຊ້ Facebook ເຮັດໃຫ້ຫ່າງຈາກໜູ່ແລະຄອບຄົວຫຼາຍຂື້ນ ແຕ່ມີເນື້ອຫາສາລະ, ແບຣນແລະສື່ເພີ່ມຂື້ນຫຼາຍ ຈຶ່ງຕ້ອງກັບມາທົບທວນວ່າຕົກລົງເຮົາກຳລັັງເຮັດຫັຍງກັນແທ້ຈຶ່ງເປັນທີ່ມາຂອງແນວທາງດັ່ງກ່າວ Zuckerberg ຍັງບອກວ່າແນວຄິດການສ້າງ Facebook ຂອງເຂົາປ່ຽນໄປຕັ້ງແຕ່ມີລູກສາວ 2 ຄົນຄື Maxima ແລະ August ເຂົານັ່ງທົບທວນເບີ່ງວ່າຄວນຈະສ້າງ Facebook ໃຫ້ຄົນຈົດຈຳຢ່າງໃດ ເຂົາຢາກໃຫ້ລູກສາວທັງສອງຮູ້ສຶກຢ່າງໃດໃນສິ່ງທີ່ພໍ່ສ້າງຂື້ນ ແລະມັນຕ້ອງເປັນສິ່່ງທີ່ດີຕໍ່ໂລກ ຊື່ງການຕັດສິນໃຈນີ້ແມ່ນສົ່ງຜົນກະທົບລະຍະສັ້ນ ແຕ່ກໍ່ດີໃນໄລຍະຍາວ ລາຄາຮຸ້ນ Facebook ປັບລົງ 4.5% ຫຼັງ Facebook ປະກາດປັບປຸງ News Feed ເນື່ອງຈາກ Facebook ຍອມຮັບວ່າຜົນກະທົບທີ່ຈະເກີດຄື ລະຍະເວລາໃຊ້ງານຕໍ່ຄົນຈະຫລຸດລົງ ແລະ Engagement ສະເລ່ຍຈະລົດລົງ

ທີ່ມາ: The New York Times ຜ່ານ Business Insider

ມາກຊັກເຄິເບີກ ຊີອີໂອເຟດບຸກ ປະກາດວ່າເຟດບຸກຈະປ່ຽນແປງຄັ້ງໃຫ່ຍເພື່ອໃຫ້ການໃຊ້ງານມີຄວາມຫມາຍຫຼາຍຂື້ນ

ໂດຍຈະກັບມາໃຫ້ຄວາມສຳຄັນກັບການໃຊ້ງານເພື່ອເວົ້າລົມກັບເພື່ອນຫຼືຄົນໃນຄອບຄົວ ແທນການໃຊ້ເຟດບຸກເພື່ອຕິດຕາມຂ່າວສານ ມາກຊັກເຄິເບີກ ຊີອີໂອແລະຜູ້ກໍ່ຕັ້ງເຟດບຸກ ປະກາດຜ່ານການໂພດເທິງບັນຊີເຟດບຸກຂອງໂຕເອງໃນມື້ນີ້ ວ່າເຟດບຸກກຳລັງຈະປ່ຽນແປງຄັ້ງໃຫ່ຍ ໂດຍຈະລົດຄວາມສຳຄັນຂອງການສື່ສານຈາກແຟນເພສທັງຫຼາຍ ບໍ່ວ່າຈະເປັນບຸກຄົນ, ກຸ່ມທຸລະກິດ, ສິນຄ້າ, ບໍລິສັດ ຫຼືສຳນັກງານຕ່າງໆ ເຮັດໃຫ້ໂພສຈາກຜູ້ໃຊ້ງານທີ່ເປັນແຟນເພສປາກົດນິວຟິດໜ້ອຍລົງ ແລ້ວຈະມາໃຫ້ຄວາມສຳຄັນກັບໂພສຂອງຜູ້ໃຊ້ງານທົ່ວໄປໃຫ້ຫຼາຍຂື້ນ ເພື່ອໃຫ້ການໃຊ້ງານເຟດບຸກກັບມາມີຄວາມໜາຍດ້ວຍການເປັນສື່ທີ່ໃຊ້ເຊື່ອມໂຍງເພື່ອນແລະຄອບຄົວໃຫ້ໃກ້ສິດກັນຫຼາຍຂື້ນ ໂດຍຊັກເຄິເບີກບອກວ່າ ເຂົາສ້າງເຟດບຸກຂື້ນມາເພື່ອໃຫ້ຜູ້ຄົນສາມາດເຊື່ອມຕໍ່ກັບຄົນທີ່ມີຄວາມໜາຍແລະສຳຄັນໃນຊີວິດຂອງເຮົາ ຢ່າງເພື່ອນແລະຄອບຄົວ ຊື່ງຜົນສຳລວດທາງວິທະຍາສາດກໍ່ສະແດງໃຫ້ເຫັນດ້ວຍວ່າການໄດ້ພົບເຫັນ ລົມກັນກັບເພື່ອນຫຼືຄອບຄົວຜ່ານໂຊສຽວມີເດຍ ເຮັດໃຫ້ຄົນເຮົາມີຄວາມສຸກຫຼາຍຂື້ນ ແຕ່ວ່າຊ່ວງຫຼາຍປີທີ່ຜ່ານມາ ເທິງນິວຟິດຂອງເຟດບຸກກັບເຕັມໄປດ້ວຍເນື້ອຫາຂ່າວໂຄສະນາສິນຄ້າ ແລະການວິພາກວິຈານເລື່ອງຕ່າງໆ ເຮັດໃຫ້ແທບຈະບໍ່ເຫັນໂພສຂອງຄົນທີ່ເຮົາຮູ້ຈັກແທ້ໆ ແລ້ວການອ່ານຂ່າວທີ່ມີເນື້ອຫາເຂົ້າມາເລື່ອຍໆ ແລະມີຂໍ້ມູນລົ້ນຈົນເກີນໄປ ກໍ່ຈະໃຫ້ເກີດຄວາມຄຽດ ແມ້ແຕ່ການເບີ່ງວິດີໂອທີ່ມີເນື້ອຫາຕະຫຼົກທີ່ອາດຈະໃຫ້ຜູ້ໃຊ້ງານຫົວໄດ້ ແຕ່ກໍ່ໃຫ້ເກີດພຶດຕິກຳເສບຕິດທີ່ຜູ້ໃຊ້ງານຈະຕ້ອງເບີ່ງວິດີໂອພວກນີ້ຕະຫຼອດເວລາ ຊື່ງກໍ່ບໍ່ແມ່ນເລື່ອງທີ່ດີ

ຊັກເຄິເບີກຍອມຮັບວ່າການປ່ຽນແປງຄັ້ງນີ້ຈະເຮັດໃຫ້ຜູ້ໃຊ້ງານແຕ່ລະຄົນລົດເວລາໃນການໃຊ້ເຟດບຸກໜ້ອຍລົງ ແຕ່ກໍ່ຈະມີຄວາມສຸກຫຼາຍຂື້ນ ແລະສະແດງຄວາມເຊື່ອໜັ້ນວ່າໃນໄລຍະຍາວແລ້ວເລື່ອງນີ້ຈະເປັນປະໂຫຍດຕໍ່ຜູ້ໃຊ້ງານ ລວມທັງບໍລິສັດແລະທຸລະກິດຕ່າງໆທີ່ໃຊ້ເຟດບຸກເປັນຊ່ອງທາງໃນການປະຊາສຳພັນສິນຄ້າຂອງໂຕເອງ ເພາະຖ້າຜູ້ໃຊ້ງານຮູ້ສຶກມີຄວາມສຸກເມື່ອໃຊ້ເຟດບຸກ ທຸລະກິດຕ່າງໆທີ່ຢູ່ໃນເຟດບຸກກໍ່ຈະໄດ້ປະໂຫຍດໃນໄລຍະຍາວຕາມໄປດ້ວຍ ການປະກາດປ່ຽນແປງຄັ້ງໃຫ່ຍນີ້ມີຂື້ນຫຼັງຈາກທີ່ເຟດບຸກຖືກວິພາກວິຈານວ່າບໍ່ສາມາດກຳຈັດປັນຫາການແຜ່ລະບາດຂອງຂ່າວປອມໄດ້ ແລະຍັງເຮັດໃຫ້ຜູ້ໃຊ້ງານມີພຶດຕິກຳເສບຕິດການອ່ານຂໍ້ມູນເທິງເຟດບຸກຈົນຂາດການປະຕິສຳພັນກັບຜູ້ຄົນຮອບຂ້າງ ໂດຍສະເພາະກັບເດັກນ້ອຍ ຖ້າເດັກນ້ອຍໃຊ້ເຟດບຸກທີ່ເຕັມໄປດ້ວຍຂ່າວສານຂໍ້ມູນທີ່ບໍ່ມີການຂັດກອງຫຼາຍເກີນໄປ ກໍ່ຈະເຮັດໃຫ້ເດັກນ້ອຍຂາດທັດສະນະການເຂົ້າສັງຄົມ ແລະຍັງເຮັດໃຫ້ເກີດຄວາມຄຽດ ແລະກໍ່ສ່ຽງຕໍ່ການຖືກຄົນແປກໜ້າລໍ້ລວງດ້ວຍ
ຮູບ: AP

Niantic ປະກາດວ່າ Pokémon GO ເວີຊັນທີ່ຈະອອກອັບເດດໄວໆນີ້ iPhone 5, iPhone 5c ຕະຫຼອດຈົນ iPad ລຸ້ນເກົ່າຈະບໍ່ສາມາດໃຊ້ງານໄດ້

Niantic ປະກາດວ່າ Pokémon GO ເວີຊັນທີ່ຈະອອກອັບເດດໄວໆນີ້ ຈະບໍ່ສາມາດໃຊ້ງານໄດ້ເທີງອຸປະກອນຂອງແອັບເປີ້ນ ທີ່ບໍ່ສາມາດອັບເກດເປັນ iOS 11 ໄດ້ ອາທິ iPhone 5, iPhone 5c ຕະຫຼອດຈົນ iPad ລຸ້ນເກົ່າ ເນື່ອງຈາກຕົວເກມຈະມີການເພີ່ມຄຸນສົມບັດໃໜ່ໆ ເຊີ່ງຕ້ອງການອຸປະກອນທີ່ສາມາດຮອງຮັບໄດ້ ໂດຍມີຜົນຕັ້ງແຕ່ວັນທີ 28 ກຸມພາ 2018 ເປັນຕົ້ນໄປ ຜູ້ໃຊ້ງານທີ່ຢູ່ເທິງອຸປະກອນເກົ່າຈະບໍ່ສາມາດລ໋ອກອິນເຂົ້າໄປໃຊ້ງານໃດໆ ແລະຈຳເປັນຕ້ອງອັບເກດອຸປະກອນໃໜ່ເພື່ອສາມາດຫຼີ້ນເກມຕໍ່ໄດ້ ມີຂໍ້ສັງເກດວ່າປະກາດຂອງ Niantic ນີ້ໃຊ້ຄຳວ່າ ອຸປະກອນ iOS ທີ່ອັບເດດເປັນ iOS 11 ບໍ່ໄດ້ ເຊິ່ງໜາຍຄວາມວ່າ iPhone, iPad ລຸ້ນໃໜ່ໆ ທີ່ສາມາດອັບເດດເປັນ iOS 11 ໄດ້ ແຕ່ແມ້ຜູ້ໃຊ້ຈະຍັງບໍ່ໄດ້ອັບເດດ iOS ເປັນເວີຊັນລ່າສຸດ ກໍ່ຍັງສາມາດໃຊ້ງານຕໍ່ໄປໄດ້ ທີ່ມາ: Niantic ແລະ Polygon

“ເຈຟເບໂຊສ” ຊີອີໂອ Amazon ຂື້ນແທນລ້ຳລວຍທີ່ສຸດໃນໂລກແຊງ “ບິລເກດ” ອີກຄັ້ງ

!ສຳນັກຂ່າວຊີເອັນເອັນລາຍງານວ່າວາລະສານ Forbes ຍົກໃຫ້ “ເຈຟເບໂຊສ” ຜູ້ກໍ່ຕັ້ງແລະຊິອີໂອຂອງເວັບໄຊຂາຍສົ່ງລາຍໃຫ່ຍທີ່ສຸດໃນໂລກ Amazon.com ຂື້ນມາເປັນຄົນລ້ຳລວຍທີ່ສຸດໃນໂລກ ໂດຍມີມູນຄ່າສັບສິນຢູ່ທີ່ 104.4 ພັນລ້ານດອນລາ ແຕ່ລາຍງານເມື່ອວັນຈັນທີ່ຜ່ານມາ ຂໍ້ມູນຈາກນັກວິເຄາະມະຫາເສດຖີຂອງບລູມເບີຣກລ່າສຸດ ມູນຄ່າສັບສິນຂອງເຈຟເບໂຊຢູ່ທີ່ 105.1 ພັນລ້ານດອນລາ ເອົາຊະນະ ບິລເກດ ຊຶ່ງເປັນບຸກຄົນທີ່ລວຍທີ່ສຸດໃນໂລກ ມູນຄ່າສັບສິນຂອງເບໂຊສເພີ່ມຂື້ນກວ່າ 1.4 ພັນລ້ານດອນລາ ຫຼັງຈາກຫຸ້ນໃນອາເມຊອນຂອງເຂົາກວ່າ 78.9 ລ້ານຫຸ້ນ ເພີ່ມຂື້ນ 1.4% ເມື່ອວັນຈັນທີ່ຜ່ານມາ ໂດຍຫຸ້ນຂອງອາເມຊອນເພີ້ມຂື້ນເກືອບ 7% ໃນປີນີ້ ຫຼັງຈາກເພີ່ມຂື້ນ 56% ໃນປີ 2017 ອີກທັງເບໂຊສຍັງມີທຸລະກິດທ່ອງທ່ຽວ ໄດ້ແກ່ Washington Post ແລະ Blue Origin ອີກດ້ວຍ ຢ່າງໃດກໍ່ຕາມໃນເດືອນກໍລະກົດປີທີ່ແລ້ວ ວາລະສານ Forbes ຍົກໃຫ້ “ເຈຟ ເບໂຊສ” ຜູ້ກໍ່ຕັ້ງແລະຊີອີໂອຂອງເວັບໄຊຂາຍອອນລາຍ ລາຍໃຫ່ຍທີ່ສຸດໃນໂລກ Amazon.com ໂຄ່ນບັນລັງ “ບິລ ເກດ” ຂື້ນມາເປັນຄົນລ້ຳລວຍທີ່ສຸດໃນໂລກ ຖືເປັນຄົນທີ່ລວຍທີ່ສຸດໃນໂລກໃນຮອບ 7 ປີທີ່ຜ່ານມາອີກດ້ວຍ

Facebook ທະຍອຍເຊັ່ນສັນຍາກັບບັນດາຄ້າຍເພງຍັກໃຫ່ຍ ເພື່ອແກ້ໄຂບັນຫາຜູ້ລະເມີດລິຂະສິດຂອງຜູ້ໃຊ້ Facebook

ເພື່ອແກ້ໄຂບັນຫາຜູ້ໃຊ້ Facebook ອັບໂຫຼດເພງປະກອບວີດິໂອທີ່ລະເມີດລິຂະສິດເພັງ Facebook ຈື່ງທະຍ່ອຍເຊັ່ນສັນຍາກັບບັນດາຄ້າຍເພງ ທ້າຍປີ 2017 ທາງ Facebook ກໍ່ເຊັນສັນຍາກັບ Universal Music ໄປແລ້ວ ແລະລ່າສຸດກໍ່ຄື Sony และ ATV Music ນອກຈາກນີ້ ເວັບໄຊ Variety ຍັງອ້າງແຫຼ່ງຂ່າວວ່າຄິວຕໍ່ໄປອາດຈະເປັນ Warner Music ພາຍໃຕ້ຂໍ້ຕົກລົງນີ້ ຜູ້ໃຊ້ງານສາມາດອັບໂຫຼດວິດີໂອກັບເພງປະກອບທີ່ເປັນລີຄະສິດຂອງ Sony ແລະ ATV Music ເທິງ Facebook, Instagram, Oculus ໄດ້ ນັກແຕ່ງເພງຂອງຄ້າຍເພງກໍ່ມີໂອກາດໄດ້ຮັບຄ່າລິຄະສິດຈາກການເຜີຍແຜ່ເພງຜ່ານແພັດຟອມໂຊຊຽວມີເດຍ

Facebook ທະຍອຍເຊັ່ນສັນຍາກັບບັນດາຄ້າຍເພງຍັກໃຫ່ຍ ເພື່ອແກ້ໄຂບັນຫາຜູ້ລະເມີດລິຂະສິດຂອງຜູ້ໃຊ້ Facebook

ເພື່ອແກ້ໄຂບັນຫາຜູ້ໃຊ້ Facebook ອັບໂຫຼດເພງປະກອບວີດິໂອທີ່ລະເມີດລິຂະສິດເພັງ Facebook ຈື່ງທະຍ່ອຍເຊັ່ນສັນຍາກັບບັນດາຄ້າຍເພງ ທ້າຍປີ 2017 ທາງ Facebook ກໍ່ເຊັນສັນຍາກັບ Universal Music ໄປແລ້ວ ແລະລ່າສຸດກໍ່ຄື Sony และ ATV Music ນອກຈາກນີ້ ເວັບໄຊ Variety ຍັງອ້າງແຫຼ່ງຂ່າວວ່າຄິວຕໍ່ໄປອາດຈະເປັນ Warner Music ພາຍໃຕ້ຂໍ້ຕົກລົງນີ້ ຜູ້ໃຊ້ງານສາມາດອັບໂຫຼດວິດີໂອກັບເພງປະກອບທີ່ເປັນລີຄະສິດຂອງ Sony ແລະ ATV Music ເທິງ Facebook, Instagram, Oculus ໄດ້ ນັກແຕ່ງເພງຂອງຄ້າຍເພງກໍ່ມີໂອກາດໄດ້ຮັບຄ່າລິຄະສິດຈາກການເຜີຍແຜ່ເພງຜ່ານແພັດຟອມໂຊຊຽວມີເດຍ

 

ແອັບເປີ້ນອອກໃຫ້ອັບເດດ iOS ເວີຊັ່ນ 11.2.2 ແລ້ວ

ແອັບເປີ້ນອອກອັບເດດ iOS ເວີຊັ່ນ 11.2.2 ເຊິ່ງຖືເປັນການອັບເດດຄັ້ງທີ່9 ຂອງລະບົບປະຕິບັດການ iOS 11 ຮອບນີ້ຖິ້ມຊ່ວງຈາກ iOS 11.2.1 ໄປເກືອບໜື່ງເດືອນ ໃນລາຍລະອຽດສ່ວນຜູ້ໃຊ້ນັ້ນແອັບເປີ້ນບໍ່ໄດ້ລະບຸຫຼາຍໄປກວ່າ ບອກວ່າເປັນການອັບເດດເລື່ອງຄວາມປອດໄພ ແລະ ແນະນຳໃຫ້ຜູ້ໃຊ້ທຸກຄົນອັບເດດ ແຕ່ອັບເດດຄັ້ງນີ້ກໍ່ເປັນການແກ້ໄຂບັນຫາເພີ່ມເຕີມຂອງ Meltdown ແລະ Spectre ເຊີ່ງມີການແກ້ໄຂໄປແລ້ວໃນ 11.2 ໂດຍໃນ 11.2.2 ເປັນການປັບປຸງສ່ວນຂອງ Safari ແລະ Webkit ເພື່ອປົດຊ່ອງຫວ່າງ Spectre

ແອັບເປີ້ນອອກໃຫ້ອັບເດດ iOS ເວີຊັ່ນ 11.2.2 ແລ້ວ

ແອັບເປີ້ນອອກອັບເດດ iOS ເວີຊັ່ນ 11.2.2 ເຊິ່ງຖືເປັນການອັບເດດຄັ້ງທີ່9 ຂອງລະບົບປະຕິບັດການ iOS 11 ຮອບນີ້ຖິ້ມຊ່ວງຈາກ iOS 11.2.1 ໄປເກືອບໜື່ງເດືອນ ໃນລາຍລະອຽດສ່ວນຜູ້ໃຊ້ນັ້ນແອັບເປີ້ນບໍ່ໄດ້ລະບຸຫຼາຍໄປກວ່າ ບອກວ່າເປັນການອັບເດດເລື່ອງຄວາມປອດໄພ ແລະ ແນະນຳໃຫ້ຜູ້ໃຊ້ທຸກຄົນອັບເດດ ແຕ່ອັບເດດຄັ້ງນີ້ກໍ່ເປັນການແກ້ໄຂບັນຫາເພີ່ມເຕີມຂອງ Meltdown ແລະ Spectre ເຊີ່ງມີການແກ້ໄຂໄປແລ້ວໃນ 11.2 ໂດຍໃນ 11.2.2 ເປັນການປັບປຸງສ່ວນຂອງ Safari ແລະ Webkit ເພື່ອປົດຊ່ອງຫວ່າງ Spectre