ເຫດລົດຈັກລົ້ມເອງມີຄົນບາດເຈັບ1ຄົນ

ເຫດລົດຈັກລົ້ມເອງ

ໃນວັນທີ 27/10/2017 ເວລາປະມານ22:32 ນາທີ ໄດ້ຮັບແຈ້ງເຫດສຸກເສີນ 1624 ວ່າມີລົດຈັກລົ້ມ ບ້ານ ຕານມີໄຊ ເມືອງ ໄຊທານີ ນະຄອນຫຼວງວຽງຈັນ.ດັ່ງນັ້ນໜ່ວຍກູ້ຊີບ-ກູ້ໄພນະຄອນຫຼວງຈຶ່ງອອກກວດສອບເຫດ ພົບເຫັນຜູ້ບາດເຈັບ 1 ຄົນ ເປັນເພດຍິງ ເຊິ່ງມີອາການແຜທະລອກຕາມຕົ້ນຕົວແລະຫາຍໃຈບໍ່ອອກ ດັ່ງນັ້ນ ໜ່ວຍກູ້ໄພນະຄອນຫຼວງຈຶ່ງປະຖົມພະຍາບານເບື້ອງຕົ້ນແລ້ວນຳສົ່ງໂຮງໝໍມິດຕະພາບ 150 ຕຽງ. ພົບເຫດສຸກເສີນແຈ້ງ 1624 ເບີດຽວໃນນະຄອນຫຼວງວຽງຈັນ. ທ່ານສາມາດບໍລິຈາກເຂົ້າບັນຊີ ສະມາຄົມອາສາກູ້ໄພນະຄອນຫຼວງວຽງຈັນ ໂດຍລະບຸການບໍລິຈາກ ທະນາຄານ ການຄ້າຕ່າງປະເທດລາວ ມະຫາຊົນ ບັນຊີ; THE ASSOCIATION OF VOLUNTARY RESCUE VIENTIANE ເລກບັນຊີ: LAK0101200າ00993902001 ເບີໂທຕິດຕໍ່ 020 2244 1624

 

ຫົວໃຈພໍ່ແທບສະຫຼາຍ! ລູກສາວສູບຕີນລົດໄຖນາໃຫ້ລຸກຄ້າ ແລ້ວແຕກໃສ່ເສຍຊີວິດຄາທີ່

ກາຍເປັນອີກໜຶ່ງເຫດການທີ່ບໍ່ຄາດຄິດວ່າມັນຈະເກີດຂຶ້ນ, ເມື່ອມີອຸປະຕິເຫດຕີນລົດໄຖເກີດລະເບີດໃນຂະນະທີ່ກຳລັງສູບລົມ ສົ່ງຜົນເຮັດໃຫ້ມີຜູ້ເສຍຊີວິດຄ່າທີ່.

ເຫດການດັ່ງກ່າວ ແມ່ນເກີດຂຶ້ນຢູ່ທີ່ບ້ານໂນນຄູ້ ເມືອງຊົນນະບູລີ ແຂວງສະຫວັນນະເຂດ ເຊິ່ງໃນເວລາປະມານ 14:00 ຂອງວັນທີ 20 ຕຸລາ 2017ນີ້, ມີປະຊາຊົນຈາກບ້ານຕຸ່ມແຍ ຊື່ທ້າວ ຈ໋ອດ ອາຍຸ 25 ປີ ໄດ້ຂັບລົດໄຖນາເດີນຕາມເພື່ອມາສູບຢ່າງຕີນລົດຢູ່ທີ່ຮ້ານທ້າວໄຂ ອາຍຸ 59 ປີ ປະຊາຊົນບ້ານໂນນຄູ້.

ໃນເວລາມາສູບຕີນລົດນັ້ນ ທ້າວ ໄຂ ຊຶ່ງເປັນເຈົ້າຂອງຮ້ານແມ່ນຄາວຽກ, ເລີຍໃຫ້ນາງ ຄຳຫຼ້າ ອາຍຸ 23 ປີ ອາຊີບນັກສຶກສາຢູ່ວິທະຍາໄລກະສິກຳ ແລະປ່າໄມ້ ທີ່ເປັນລູກສາວ ໄປສູບຕີນລົດແທນ.

ໃນຂະນະທີ່ກຳລັງສູບຢາງລົດໄຖນາເບື້ອງຂວາຢູ່ນັ້ນ, ເຫດບໍ່ຄາດຄິດກໍ່ເກີດຂຶ້ນ ເມື່ອຕີນລົດໄຖນາໄດ້ເກີດລະເບີດຢ່າງແຮງ ເຮັດໃຫ້ຕີນລົດຟົ້ງອອກໄປຖືກຄາງ ແລະລຳຄໍຂອງນາງຄຳຫຼ້າ ເຮັດໃຫ້ຜູ້ກ່ຽວເສຍຊີວິດຄາທີ່ທັນທີ.

ສາຍເຫດຂອງການລະເບີດຄັ້ງນີ້, ຄາດວ່າຍ້ອນຜູ້ສູບຕີນລົດ ເຊິ່ງອາດຍັງບໍ່ທັນມີຄວາມຊຳນິຊຳນານ ແລະຍັງຂາດສະຕິໃນການຕິດຕາມເຂັມຄວາມດັນຂອງລົມ ວ່າຈະເອົາຂະໜາດໃດ. ອີກຢ່າງ ກໍ່ຕ້ອງກວດເບິ່ງຢາງລົດວ່າ ໃໝ່ ຫຼືເກົ່າ ຄວນຕື່ມລົມໃສ່ອີກປະມານສໍ່າໃດ ແລະຄວນກວດເບິ່ງຂອບຊັງລົດວ່າຢູ່ໃນສະພາບດີສໍ່າໃດ.

ກ່ອນຫນ້ານີ້ຢູ່ເຂດເມືອງຫາດຊາຍຟອງ ນະຄອນຫຼວງວຽງຈັນ ກໍເຄີຍມີກໍລະນີເສຍຊິວິດຄາທີຈາກການສຸບຕີນລົດແລ້ວ ຢາງຕີນລົດລະເບີດ.

ນີ້ກໍ່ເປັນອຸທາຫອນອີກຢ່າງໜຶ່ງ ທີ່ທຸກຄົນຄວນລະວັງ ບໍ່ວ່າຈະເປັນຮ້ານແປງລົດ ຫຼືເຈົ້າຂອງລົດ ທັງນີ້ກໍ່ເພື່ອບໍ່ໃຫ້ເກີດການແບບນີ້ເກີດຂຶ້ນອີກ.

ແຫລ່ງຂ່າວ: ສະຫວັນນະເຂດ

ຄວາມຄືບໜ້າເລື່ອງເດັກກິນເຂົ້າຈີ່ເສຍຊີວິດ

ນຳຂ່າວເຫດການເສົ້າທີ່ເກີດຂຶ້ນກັບຫຼານນ້ອຍ 3 ຄົນເມື່ອແລງວັນທີ 25 ຕຸລາຜ່ານມາ ກິນເຂົ້າຈີ່ເສຍຊີວິດແທ້ຫຼືບໍຕອນນີ້ຍັງບໍ່ຮູ້ຄຳຕອບທີ່ແນ່ນອນຈົນກວ່າຜົນສັນລະສູດຈະອອກມາ. ແຕ່ຕາມການບອກເລົ່າຂອງຜູ້ເປັນພໍ່ວ່າ ເຂົ້າຈີ່ກ້ອນນັ້ນ ແມ່ນຕົນຊື້ຈາກຮ້ານຂາຍເຂົ້າຈີ່ແຫ່ງໜຶ່ງໃນນະຄອນຫລວງວຽງຈັນ, ຈຸດປະສົງແມ່ນຊື້ກິນເອງກິນ ແຕ່ຫລັງຈາກຊື້ໄດ້ແລ້ວໄປນັ່ງໃນລົດປະກົດວ່າຄົນຫຼາຍ ຈິ່ງບໍ່ກ້າກິນເລີຍເອົາໃສ່ຖົງໄວ້ ເມື່ອໄປຮອດບ້ານເຫັນລູກໆແລ່ນມາຮັບຈິ່ງເອົາກ້ອນເຂົ້າຈີ່ຍື່ນໃຫ້ລູກທັງ 3 ຈາກນັ້ນ ຜຸ້ເອື້ອຍເອົາໄປປັນໃຫ້ນ້ອງໆ ໂດຍຕັດເປັນ 3 ຕ່ອນ ຜູ້ເອື້ອຍເອົາຕ່ອນກາງ ແລະ 2 ທ່ອນສົ້ນໃຫ້ນ້ອງທັງສອງ ຫລັງຈາກ 3 ເອື້ອຍນ້ອງກິນເຂົ້າຈີ່ຫມົດປະມານ 2 ນາທີ ຜຸ້ເອື້ອຍບອກແມ່ວ່າ ແມ່ລຸກເມື່ອຍ ຈາກນັ້ນກໍ່ລົ້ມລົງເສຍຊີວິດຄາທີ່ ສ່ວນນ້ອງທັງສອງກໍ່ກຳລັງຫັນໃຈຟືດ ພໍ່ແມ່ຮີບຟ້າວເອົາຂື້ນລົດໄຖນາເພື່ອຈະສົ່ງໄປໂຮງຫມໍ ແຕ່ໄປຍັງບໍ່ຮອດເຄິ່ງທາງລູກທັງສອງກໍ່ສື້ນໃຈແລ້ວ ຫລັງຈາກນັ້ນກໍ່ພາກັບບ້ານ.

ເພື່ອຫາຄວາມຈິງຂອງເລື່ອງລາວທີ່ເກີດຂຶ້ນ ທາງຄອບຄົວເພິ່ນແມ່ນຍັງບໍ່ເຮັດພິທີຫຍັງໃຫ້ ໂດຍໄດ້ລໍຖ້າເຈົ້າຫນ້າທີ່ຈາກແຂວງວຽງຈັນ ແລະ ສູນກາງລົງມາກວດກາສັນລະສູດຫາສາເຫດກ່ອນ ວ່າເປັນຍ້ອນຫຍັງແທ້ ເພື່ອໃຫ້ຮູ້ຂໍ້ມູນຄວາມຈີງວ່າແມ່ນຍ້ອນກີນເຂົ້າຈີ່ກ້ອນນັ້ນແທ້ບໍ ຫລື ມາສາເຫດອື່ນ. ພໍ່ແມ່ເດັກທີ່ເສຍຊີວິດແມ່ນມີລູກທັງໝົດ 4 ຄົນ, ເສຍຊີວິດ 3 ຄົນຍັງແຕ່ຜູ້ຫລ້າທີ່ຍັງກິນນົມແມ່, ລູກທັງ 3 ທີ່ເສຍຊີວິດຜູ້ກົກມີອາຍຸ 7 ປີປາຍ, ຜູ້ກາງ 5 ປີປາຍ ແລະ ຜູ້ນ້ອຍ 4 ປີ.

ພື້ນຖານຂອງຄອບຄົວດັ່ງກ່າວແມ່ນຢູ່ຊຽງຂວາງ ແຕ່ມາເຮັດວຽກ ແລະ ເຊົ່າເຮືອນຢູ່ບ້ານ ນາປ່າໄຜ່ (ເຂດໂນນໄຮ), ເມືອງຫມື່ນ ແຂວງວຽງຈັນ ເປັນຄອບຄົວທຸກຍາກ, ດ້ວຍຖານະຄອບຄົວທີ່ຍາກຈົນ ແລະລູກໆກໍ່ມາເສຍຊີວິດພ້ອມກັນ ສະນັ້ນເດັກສອງຄົນຜູ້ນ້ອງທີ່ເສຍຊີວິດ ແມ່ນບໍ່ໄດ້ເຮັດພິທີທາງສາສະໜາເລີຍມີພຽງວ່າຈັດພິທີ ສົ່ງສະການໄປປ່າຊ້າເລີຍ, ສ່ວນຜູ້ເອື້້ອຍຈິ່ງຈັດພິທີຕາມຮີດຄອງ.

ຕໍ່ເຫດການທີ່ເກີດຂຶ້ນທາງເຈົ້າໜ້າທີ່ທີ່ກ່ຽວຂ້ອງແມ່ນບໍ່ໄດ້ນິ້ງນອນໃຈ ມາໃນຕອນແລງຂອງວັນທີ 26 ຕຸລາ ຄະນະເຈົ້າຫນ້າທີ່ ແລະ ແພດຈຳນວນຫນຶ່ງມາຈາກແຂວງ ແລະ ສູນກາງ ພ້ອມດ້ວຍເຈົ້າເມືອງໆຫມື່ນ ແລະ ເຈົ້າຫນ້າທີ່ກ່ຽວຂ້ອງເມືອງແມ່ນໄດ້ເຂົ້າໄປກວດກາ ໂດຍໄດ້ຜ່າເດັກຜູ້ນ້ອງທັງສອງເພື່ອຕັດເອົາສີ້ນສ່ວນອະໄວຍະວະໃນໄປກວດເຊັກ ເພື່ອສັນລະສູດຫາສາເຫດ ການຕາຍຂອງເດັກໆໃນຄັ້ງນີ້, ສ່ວນຜົນການສັນລະສູດຈະເປັນແນວໃດນັ້ນທາງເພັຈ ຂອງພວກເຮົາຈະລາຍງານໃຫ້ຊາບຕາມຫລັງ.

ທີ່ມາ: Laoupdate

ເສົ້າໃຈເດັກນ້ອຍ 3 ຄົນເສຍຊີວິດ ພ້ອມກັນ.

ເສົ້າໃຈເດັກນ້ອຍ 3 ຄົນເສຍຊີວິດ ພ້ອມກັນ.

ເວລາປະມານ18ໂມງແລງຂອງວັນທີ25/10/017 ມີເຫດເກີດຂື້ນ ຢູ່ທີ່ບ້ານນາປ່າໄຜ່ ເມືອງໝື່ນ ແຂວງວຽງຈັນ ເດັກນ້ອຍຕາຍ3ຄົນ ສາເຫດຍ້ອນຖຶກທາດເບືອ (ກິນເຂົ້າຈີ່ປ່າເຕ່) ຊື້ມາຈາກວຽງຈັນ ຕາມຄຳໃຫ້ການຂອງຜູ້ປົກຄອງ.

ປະຈຸບັນເຈົ້າຫນ້າທີ່ຍັງທຳການສອບສວນຫາສາເຫດ ເມື່ອມີຄວາມຄືບຫນ້າຈະລາຍງານອີກຄັ້ງ

 

 

ອຸບັດເຫດລົດຈັກ+ລົດບັນທຸກ ໄດຮັບບາດເຈັບ 1 ລາຍ

ອຸບັດເຫດລົດຈັກ+ລົດບັນທຸກ ໄດຮັບບາດເຈັບ 1 ລາຍ

ວັນທີ25/10/2017 ເວລາ 21ໂມງ10ນາທີ ໜ່ວຍກູ້ຊີບອົງການກາແດງລາວໄດ້ຮັບແຈ້ງທາງເບີ1⃣6⃣2⃣5⃣ວ່າມີອຸບັດເຫດຢູ່ທີ່ ບ້ານ ອີ່ໄລ ເມືອງ ນາຊາຍທອງ ນະຄອງຫຼວງວຽງຈັນ ເມື່ອຮອດຈຸດເກີດເຫດແມ່ນພົບເຫັນຄົນເຈັບເປັນເພດຊາຍ1ຄົນ

ອາການເບື້ອງຕົ້ນແມ່ນມີເລືອດອອກດັງແລະປາກແລະມີບາດແຜຖະຫລອກຢູ່ແຂນແລະຂາຂອງຄົນເຈັບດັ່ງນັ້ນຈຶ່ງໄດ້ປະຖົມພະຍາບານເບື້ອງຕົ້ນໃຫ້ແກ່ຄົນເຈັບແລ້ວນຳສົ່ງໂຮງໝໍມະໂຫສົດ.ປະຈຸບັນຄົນເຈັບໄດ້ເຄື່ອນຍ້າຍໄປໂຮງໝໍມິດຕະພາບ1⃣5⃣0⃣ຕຽງແລ້ວແຕ່ບໍ່ມີພີ່ນ້ອງມາພົວພັນສະນັ້ນຈຶ່ງຂໍແຈ້ງຫາພີ່ນ້ອງຄົນໃຫ້ໄປພົວພັນຫາຜູ້ບາດເຈັບຢູ່ທີ່ໂຮງໝໍດ້ວຍຂໍຂອບໃຈ.


(ອຸບັດເຫດ,ເຈັບປ່ວຍສຸກເສີນໂທ1⃣6⃣2⃣5⃣)

ເກີດອຸປະຕິເຫດລົດໃຫ່ຍຕຳກັນ 3 ຄັນ

ໃນວັນທີ 25.10.2017 ເວລາ: 22:30ນາທີ ໄດ້ຮັບແຈ້ງເຫດ ຜ່ານເບີສຸກເສີນ 020 55 33 00 65 ວ່າມີລົດໃຫຍ່ຕຳກັນ3ຄັນ ຢູ່ຕໍ່ໜ້າຫໍປະຊຸມ ບ້ານໂພນສະອາດ ເມືອງ ທ່າແຂກ ແຂວງ ຄຳມ່ວນ ເມື່ອໜ່ວຍກູ້ໄພຂອງພວກເຮົາໄດ້ໄປເຖິງຈຸດເກີດເຫດໄດ້ພົບເຫັນຜູ້ບາດເຈັບ 01ຄົນ ເປັນເພດຊາຍ

– ຜູ້ທີ 1 ເພດຊາຍ ມີອາການກະທົບແຂນຂວາແລະກະທົບແອວຂວາ ພວກເຮົາຈຶ່ງໄດ້ປະຖົມພະຍາບານຂັ້ນຕົ້ນແລ້ວນຳສົ່ງຜູ້ກ່ຽວໄປໂຮງໝໍແຂວງຄຳມ່ວນ. ລົດສຸກເສີນ 001 ນຳສົ່ງ


⛔️ອຸບັດຕິເຫດ ເຈັບປ່ວຍ ສຸກເສີນ ເຫດດ່ວນ ເຫດຮ້າຍ ⛔️ ໂທ: ສາຍຕົງ 020 55330065 ( ສາຍດ່ວນ 1624 ໂທຟຣີ )ບໍລິການຟຣີ 24ຊົ່ວໂມງ..


? ພວກເຮົາເຮັດເພື່ອປະຊາຊົນ ແລະ ເພື່ອສັງຄົມ ໂດຍບໍ່ຫວັງຜົນຕອບແທນ ?

ອຸບັດຕິເຫດລົດໃຫຍ່ຕຳລົດຈັກແລ້ວໜີຜູ້ບາດເຈັບສາຫັດ2ຄົນ

ແຂວງສະຫວັນນະເຂດ ວັນທີ25/10/2017 ເວລາ20:20 ນາທີ ໜ່ວຍກູ້ໄພສະຫວັນນະເຂດ ໄດ້ຮັບແຈ້ງເຫດວ່າມີລົດໃຫຍ່ຕຳລົດຈັກແລ້ວໜີ ທີ່ເຂດບ້ານສຸນັນທາ ເມືອງໄກສອນ ແຂວງສະຫວັນນະເຂດ

ໃນຈຸດເກີດເຫດມີຜູ້ບາດເຈັບສາຫັດ2ຄົນ
ຜູ້ທີ1:ມີອາການກະທົບຫົວຢ່າແຮງເລືອດອອກຫູແຜຖະຫຼອກຕາມຕົນໂຕແລະສົນໜ່ອງມີບາດແຜລືກ
ຜູ້ທີ2:ມີອາການກະທົບຂາຂາຂວາຫັກເປິດນິວກ້ອຍຂວາຂາດແຜຖະຫຼອກຕົນໂຕແລະກະທົບແຂນ
ທາງທີມງານຈຶ່ງປະຖົມພະຍາບານຂັ້ນເບື້ອງຕົ້ນ ແລ້ວນຳສົ່ງໂຮງໝໍ ແຂວງສະຫວັນນະເຂດໂດຍດ່ວນ


—————————

#ອຸບັດຕິເຫດເຈັບປ່ວຍສຸກເສີນໂທແຈ້ງເຫດ
020 2828 5454
020 9898 5454
ຕະຫຼອດ24ຊົ່ວໂມງ

ຮູແລ້ວສາເຫດລົດຕົກເຫວ 200 ແມັດ ຍ້ອນຜູ້ຂັບຂີ່ບໍ່ຊໍານານທາງ

ລົດຕົກເຫວເລິກປະມານ 200 ແມັດ ຢູ່ເສັ້ນທາງຕັດໃໝ່ກາສີ-ເມືອງນານ ຈຸດພູ 9 ຫຼັກ ເຂດບ້ານທົ່ງເໝືອດ ເມືອງກາສີ ແຂວງວຽງຈັນ ໃນຄັ້ງວັນທີ 18 ຕຸລາ 2017 ທີ່ຜ່ານມາ ເຈົ້າໜ້າທີ່ຕໍາຫຼວດຈະລາຈອນເປີດເຜີຍສາ ເຫດຍ້ອນຜູ້ຂັບຂີ່ບໍ່ຊໍານານເສັ້ນທາງ.

ເຈົ້າໜ້າທີ່ພະແນກຕໍາຫຼວດຈະລາຈອນ ປກສ ແຂວງວຽງຈັນ ໃຫ້ຮູ້ວ່າ: ໃນຕອນເຊົ້າຂອງວັນທີ 18 ຕຸລາ 2017 ໄດ້ຮັບແຈ້ງວ່າມີລົດຕົກເຫວ ແລະ ມີຄົນເສຍຊີວິດ. ຈາກນັ້ນ, ເຈົ້າໜ້າທີ່ ແລະ ອໍານາດການປົກຄອງບ້ານດັ່ງກ່າວ ຈຶ່ງລົງກວດກາສະຖານທີ່ເກີດເຫດ ພົບເຫັນລົດຍົນຍີ່ຫໍ້ເກຍ ໝາຍເລກທະບຽນ ກຕ 1699 ກໍາແພງນະຄອນ ຕົກລົງເຫວເລີກປະມານ 200 ແມັດ ຫ່າງຈາກຈຸດເກີດເຫດພົບເຫັນຜູ້ຂັບຂີ່ຊື່ທ້າວ ລາຊັນ ອາຍຸ 32 ປີ ນັກທຸລະກິດ ຢູ່ຈັງຫວັດຊຽງລາຍ ປະເທດໄທ ໃນສະພາບເສຍຊີວິດຢູ່ນອກລົດ.

ຜ່ານການຊັນນະສູດສະຖານທີ່ ກ່ອນເກີດເຫດລົດຄັນດັ່ງກ່າວແມ່ນໄດ້ຂັບຂີ່ຈາກແຂວງຫຼວງພະບາງ ມຸ່ງໜ້າມາທາງແຂວງວຽງຈັນ ຕາມເສັ້ນທາງຕັດໃໝ່ໃນຕອນກາງຄືນ. ພໍຮອດຈຸດເຫດ ເປັນທາງໂຄ້ງ, ຄ້ອຍຊັນ ແລະ ມີທາງແຍກ ບວກກັບຜູ້ຂັບຂີ່ກໍາລັງລົງຄ້ອຍ ແລະ ບໍ່ຊໍານານເສັ້ນທາງ ຈຶ່ງຂັບຂີ່ແຍກອອກຈາກເສັ້ນທາງຫຼັກ ໄປທາງຂວາມື ພໍຂັບຂີ່ໄປຕາມເສັ້ນທາງດັ່ງກ່າວ ປະມານ 20 ແມັດ ລົດຈຶ່ງຕົກລົງເຫວ.

ຂ່າວ: ນສພ ຄວາມສະຫງົບ

ອຸປະຕິເຫດລົດຈັກກັບລົດຈັກຕຳກັນ ເສຍຊີວິດຄາທີ່ 1 ຄົນ

ແຂວງ ສະຫວັນນະເຂດ ວັນທີ25/10/2017 ເວລາ 00:10 ນາທີ ໜ່ວຍກູ້ໄພ ສະຫວັນນະເຂດ ໄດ້ຮັບແຈ້ງເຫດວ່າມີອຸປະຕິເຫດລົດຈັກກັບລົດຈັກຕຳກັນເຂດເສັ້ນທາງບ້ານ ສຸນັ້ນທາ ເມືອງໄກສອນພົມວິຫານ ແຂວງສະຫວັນນະເຂດ

ໃນຈຸດເກີດເຫດແມ່ນມີຜູ້ເສຍຊີວິດ1ຄົນແລະບາດເຈັບ1ຄົນທັງໝົດເປັນເພດຊາຍ,
– ຜູ້ເສຍຊີວີດແມ່ນມີອາການກະທົບຫົວມີເລືອດອອກຫຼາຍແລະຫມົດສະຕິດັ່ງນັ້ນທາງທີມງານຈື່ງໄດ້ເຂົ້າຊ່ວຍເຫຼືອໃນເບື້ອງຕົ້ນດ້ວຍການປໍ້າຫົວໃຈCPRແຕ່ຜູ້ກ່ຽວບໍ່ຕອບສະໜອງຊີບ ມ້ານຕາເປີດ ດ້ວຍການທົນພິດບາດແຜບໍ່ໄຫວເລີຍເສຍຊີວິດຕໍ່ມາ
– ຜູ້ບາດເຈັບອີກຄົນ ທີ່ຂີ່ມານຳຜູ້ເສຍຊີວິດແມ່ນມີອາການບາດແຜຖະຫຼອກຕາມໂຕ ຫນ່ວຍກູ້ໄພໄດ້ນຳສົ່ງໂຮງຫມໍແຂວງສະຫວັນນະເຂດ

ສ່ວນສົບຜູ້ເສຍຊີວິດ ທາງໜ່ວຍງານພວກເຮົາໄດ້ອານຸເຄາະນຳສົ່ງໄປທີ່ວັດຈອມແກ້ວ

ຂໍສະແດງຄວາມເສຍໃຈນຳຍາດຕີພີ່ນ້ອງຜູ້ເສຍຊີວິດ
ອຸປະຕິເຫດ, ເຈັບປ່ວຍແຈ້ງເຫດສຸກເສີນໂທ
020 2828-5454
020 9898-5454 ຕະຫຼອດ 24 ຊົ່ວໂມງ
#ໜ່ວຍກູ້ໄພສະຫວັນນະເຂດ

ເຫດຜູ້ປ່ວຍມີອາການຊ໋ອກຫມົດສະຕິ ແລ້ວເສຍຊີວິດໃນເວລາຕໍ່ມາ

ແຂວງ ສະຫວັນນະເຂດ ວັນທີ24/10/2017 ເວລາ16:12 ນາທີ ໜ່ວຍກູ້ຊີບ-ກູ້ໄພ ສະຫວັນນະເຂດ ໄດ້ຮັບແຈ້ງເຫດວ່າ ມີເຫດຜູ້ປ່ວຍສຸກເສີນຊ໋ອກທີ່ເຂດ ບ້ານອຸດົມວິໄລ ເມືອງໄກສອນ ແຂວງສະຫວັນນະເຂດ .

ເມື່ອທາງທີມງານເຖິງຈຸດເກີດເຫດໄດ້ພົບຜູ້ປ່ວຍ1ຄົນເປັນຊາຍ, ອາຍຸປະມານ18ປີ ເປັນນັກຮຽນໂຮງຮຽນ ມັດຖະຍົມອຸດົມວິໄລ ຜູ້ປ່ວຍມີອາການ ຊ໋ອກຫມົດສະຕິ ດ້ວຍໂລກພະຍາດຂອງຜູ້ກ່ຽວ ມີອາການໂລກຫົວໃຈ ທາງທີມງານໄດ້ຊ່ວຍສຸດຄວາມສາມາດດ້ວຍການປໍ້າຫົວໃຈcpr ແລ້ວໃຫ້ອົກຊີ ແຕ່ຜູ້ກ່ຽວບໍ່ຕອບສະໜອງອາການ ຍ້ອນຜູ້ເສຍຊີວິດຂາດອາກາດຫາຍໃຈຫລາຍນາທີ,

ທາງທີມງານຂໍສະແດງຄວາມເສຍໃຈນຳຍາດຕິພີ່ນ້ອງຂອງຜູ້ເສຍຊີວິດ ແລະ ຂໍໃຫ້ວີນຍານຜູ້ເສຍຊີວິດໄປສູ່ພົບພູມທີ່ດີ
———————————
ອຸປະຕິເຫດ, ເຈັບປ່ວຍແຈ້ງເຫດສຸກເສິນໂທ
020 2828-5454
020 9898-5454 ຕະຫຼອດ 24 ຊົ່ວໂມງ
#ໜ່ວຍກູ້ໄພສະຫວັນນະເຂດ
Savannakhae Rescue