ປະໂຫຍດ​ຂອງ​ຜັກກະເດົາ

ບູຮານ ເຄີຍ​ກ່າວ​ໄວ້​ວ່າ: ຫວານ​ເປັນ​ລົມ​ຂົມ​ເປັນ​ຢາຂອງ​ຂົມໆ​ເຖິງ​ວ່າ​ຈະ​ບໍ່​ແຊບ​ແຕ່​ກໍ​ມີ​ປະໂຫຍດ​ບໍ່​ໜ້ອຍ​ເຊັ່ນ: ຜັກ​ກະເດົາ ຜັກ​ສະ​ໝຸນ​ໄພ​ທີ່​ເຖິງຈະ​ມີ​ລົດ​ຊາດ​ທີ່​ຂົມ​ພຽງ​ໃດ​ແຕ່ກໍ​ຍັງ​ເປັນ​ຂອງ​ມັກ​ຂອງ​ຫຼາຍໆຄົນ ໂດຍ​ສະ­ເພາະ​ແມ່ນ​ກິນ​ກັບປົ່ນ, ແຈ່ວ, ລາບທຸກ​ຢ່າງ​ທີ່ເມື່ອ​ກິນ​ພ້ອມ​ກັນ​ແລ້ວ​ຈະ​ຫຼຸດຄວາມ​ຂົມ​ລົງ​ຈົນ​ເຫຼືອ​ແຕ່​ຄວາມແຊບ, ເຮົາ​ນິຍົມ​ນຳ​ດອກ ແລະ ຍອດ​ຂອງ​ຜັກ​ກະເດົາ​ມາ​ປະກອບ​ອາຫານ ຊຶ່ງ​ໃຫ້​ຄຸນຄ່າ​ທາງໂພຊະ​ນາ​ການ​ເຊັ່ນ: ໂປຣ​ຕີນ, ຄາ​ໂບ​ໄຮ​ເດຣ​ຕ, ແຄນ​ຊຽມ, ອາ​ຊິດ, ເຫຼັກ, ເສັ້ນ​ໃຍ, ເບ​ຕ້າ ແຄ​ໂຣ​ທີນ, ວິຕາມິນ​ເອ, ວິ​ຕາ ມິນ​ບີ 1, ບີ 2 , ວິຕາມິນ ເຊ ແລະ ໄນ​ອາ​ຊິນ ສ່ວນ​ສັບພະ​ຄຸນດ້ານ​ຢາ​ສະ​ໝຸນ​ໄພ​ນັ້ນ​ແມ່ນ​ຊ່ວຍບຳລຸງ​ທາດ​ໄຟ, ສ້າງ​ພູມ​ຄຸ້ມ​ກັນແກ່​ຮ່າງກາຍ ແລະ ແກ້​ໄຂ້ອີກທັງ​ລົດ​ຊາດ​ທີ່​ຂົມ​ຂອງ​ຜັກ​ກະເດົາ​ຍັງຊ່ວຍ​ເອີ້ນ​ນ້ຳ​ຍ່ອຍ ແລະ ຊ່ວຍ​ໃຫ້​ຂັບ​ນ້ຳບີ​ຕົກລົງ​ສູ່​ລຳ​ໄສ້​ຫຼາຍ​ຂຶ້ນເຮັດ​ໃຫ້​ຮ່າງກາຍເກີດ​ຄວາມ​ຢາກ​ອາຫານ, ຊ່ວຍຍ່ອຍ​ອາຫານ ແລະ ເຮັດ​ໃຫ້ ນອນ​ຫຼັບ​ສະບາຍ​ອີກ​ດ້ວຍ.

ນອກຈາກ​ນີ້ ຜັກ​ກະເດົາ​ຍັງ​ມີ​ປະໂຫຍດ​ໃນ​ດ້ານ​ອື່ນໆ​ເຊັ່ນ: ເປັນສານ​ທຳ​ມະ​ຊາດ​ທີ່​ໃຊ້​ກຳຈັດ​ແມງໄມ້​ຢ່າງ​ໄດ້ຜົນ ແລະ ຄົນ​ບູຮານ​ຍັງ​ເຊື່ອ​ວ່າ​ຜັກ​ກະເດົາ​ເປັນ​ໄມ້​ມຸງຄຸນ​ນິຍົມ​ປູກ​ໄວ້​ທາງ​ ທິດຕາເວັນຕົກ​ສຽງ​ໃຕ້​ໂດຍ​ເຊື່ອ​ກັນ​ວ່າ​ຈະ​ຊ່ວຍ​ປ້ອງ​ກັນ​ໂລກ​ພະຍາດ​ຮ້າຍ​ ຕ່າງໆ​ໄດ້​ດ້ວຍ.

ຕົ້ນຕາ​ເວັນ​ອ່ອນ​ແຫຼ່ງສານ​ອາຫານ​ເພື່ອ​ສຸຂະພາບ.

ເບ້ຍ​ຕົ້ນຕາ​ເວັນ​ອ່ອນ​ເປັນພືດ​ທີ່​ມີ​ແຫຼ່ງ​ໄຂມັນ​ຊະນິດ​ທີ່​ດີ​ ຕໍ່ຮ່າງກາຍ, ມີ​ໃຍ​ອາຫານ​ທີ່​ມີ​ປະ​ໂຫຍ​ດຕໍ່ລະບົບຂັບ​ຖ່າຍ, ​ເປັນ​ແຫຼ່ງ​ໂປຣຕີນ, ທາດ​ເຫຼັກ, ​ແຄວ​ຊຽມ… ນອກຈາກ​ນີ້​ມັນ​ຍັງ​ມີ​ກົດ Linoleic ​ໃນ​ປະລິມານຫຼາຍ ທີ່​ຊ່ວຍ​ບຳລຸງ​ສະໝອງ ​ແລະ ກະດູກ​ໃຫ້​ແຂງ​ແຮງ ທັງ​ອຸດົມ​ໄປ​ດ້ວຍ​ວິຕາມິນ A,B2,E,D,K, ​ໂອ​ເມ​ກາ 3,6,9 ​ແລະ ​ໂຟ​ເລດ​ສູງ ຊ່ວຍ​ເພີ່ມ​ພູມ​ຕ້ານທານ​ໃຫ້​ແກ່​ຮ່າງກາຍ, ປ້ອງ​ກັນ​ໂລກ​ຫົວ​ໃຈ, ມະ​ເຮັງ ​ແລະ ຊ່ວຍ​ໃຫ້​ລະບົບ​ຂັບ​ຖ່າຍ​ດີ​ຂຶ້ນ.

ຕົ້ນດອກ​ຕາ​ເວັນ​ອ່ອນມີ​​ໂປຣຕີ​ນຫຼາຍກວ່າ​ຜັກ​ກາດ​ຂຽວ​ເຖິງ 2 ​ເທົ່າ, ມີ​ວິຕາມິນ A,B2,E,D,K, ​ແລະ ຍັງ​ມີ​ວິຕາມິນ A ສູງ​ກວ່າ​ນ້ຳມັນ​ເຂົ້າຫວີດ ​ແລະ ຖົ່ວ​ເຫຼືອງ 3 ​ເທົ່າ. ​ເມື່ອ​ນຳ​ເອົາ​ແກ່ນ​ດອກ​ຕາ​ເວັນ​ມາ​ຕອນ​ທີ່​ຍັງ​ອ່ອນໆ ຄຸນຄ່າ​ທາງ​ສານ​ອາຫານ​ຈະ​ເພີ່ມ​ຂຶ້ນຫຼາຍ​ເຊັ່ນ: ມີ​ໂປຣຕີນ​ສູງ​ກວ່າ​ຖົ່ວ​ເຫຼືອງ, ມີ​ວິຕາມິນ A ສູງ, ຊ່ວຍ​ບຳລຸງ​ສາຍຕາ​, ຜິວ​ພັນ ​ແລະ ​ເຮັດ​ໃຫ້​ນານ​ເຖົ້າ.ປະຈຸ​ບັນຕົ້ນອ່ອນ​ຂອງ​ດອກ​ຕາ​ເວັນ​ຖືກ​ນຳ​ ເອົາ​ໄປ​ເປັນ​ອາຫານ ​ແລະ ມີ​ສູດ​ການ​ປຸງ​ແຕ່ງຫຼາຍຢ່າງ​ເຊັ່ນ: ຂົ້ວ, ​ແກງ​ຈືດ, ຫຼື​ເຮັດ​ເປັນ​ຜັກ​ໃສ່​ນຳ​ຍຳ​ສະຫຼັດ, ລວກ​ຈ້ຳ​ແຈ່ວ ຫຼື​ໃຊ້​ແທນ​ຖົ່ວງອກ​ກໍ່​ໄດ້.ຂະ​ບວນການ​ໃນ​ການ​ປູກ​ຕົ້ນດອກ​ຕາ​ເວັນ​ອ່ອນ ​ນັ້ນງ່າຍໆ ​ແລະ ບໍ່ຈຳ​ເປັນ​ຕ້ອງ​ໃຊ້​ສານ​ເຄມີ ຫຼື ຢາຂ້າ​ແມງ​ໄມ້​ໃດໆ ຈຶ່ງ​ເຮັດ​ໃຫ້​ເຮົາໝັ້ນ​ໃຈ​ວ່າ​ປອດ​ໄພ​ຈາກ​ສານ​ເຄມີ​ຕົກ​ຄ້າງ. ສຳລັບ​ໄລຍະ​ເວລາ​ການ​​ເຕີບ​ໃຫ່ຍຂອງ​ເບ້ຍ​ດອກຕາ​ເວັນ​ແມ່ນປະມານ 1-2 ອາທິດ​ກໍ່ສາມາດ​ເກັບ​ມາ​​ເປັນ​ອາຫານ​ໄດ້.

ວິທີຊ່ວຍໃຫ້ກອງແຂນ‬(ຂີ້ແຮ້)ຂາວຂຶ້ນດ້ວຍສູດທຳມະຊາດ

ສິ່ງທີ່ຄວນປະຕິບັດທຳອິດເລີຍຄືການໃຊ້ສານສົ້ມລະງັບກິ່ນແທນໂລອອນເພາະໃຊ້ແລ້ວມັກຈະມີບັນຫາຄ້າຍຄືໜັງໄກ່ເກີດຂື້ນຕາມຫຼັງ, ຖ້າບໍ່ໃຊ້ຢ່າງຕໍ່ເນື່ອງໃຫ້ໃຊ້ສານສົ້ມທາກ້ອງວົງແຂນຫຼັງຈາກອາບນ້ຳສຳເລັດແລ້ວຖູເບົາໆຈັກ 4-5ຮອບເຮັດເປັນປະຈຳທຸກມື້ຈະຊ່ວຍໃຫ້ຂີ້ແຮ້ບໍ່ມີກິ່ນເໝັນແຖມຍັງບໍ່ເກີດຂີ້ແຮ້ດຳອີກດ້ວຍ. ວິທີເລັ່ງດ່ວນຖ້າຢາກໃຫ້ຂີ້ແຮ້ຂາວງາມທັນໃຈຂໍແນະນຳໃຫ້ເອົາໝາກນາວມາຜ່າອອກ

ແລ້ວນຳເອົາມາຖູກ້ອງວົງແຂນປະໄວ້ຈັກປະມານ 10-15ນາທີອາດຈະຮູ້ສຶກຄັນນັ້ນເປັນເພາະກົດຂອງໝາກນາວແຕ່ບໍ່ຕ້ອງຕົກໃຈເຮັດຢ່າງນີ້ 2-3ເທື່ອຕໍ່ອາທິດຮັບຮອງວ່າຂາວແນ່ນອນເມື່ອໄດ້ຄວາມຂາວຈາກໝາກນາວແລ້ວກໍ່ມາເພີ່ມຄວາມນຽນນຸ້ມດ້ວຍສູດນີ້ໄດ້ເລີຍ ໂດຍນຳເອົາໝາກ ຂາມປະສົມກັບນ້ຳເຜິ້ງສູດນີ້ບາງຄົນກໍ່ວ່າຂາວຂຶ້ນແຕ່ເຮົາລອງແລ້ວໄດ້ຜົນທາງທີ່ນຽນຸ້ມຫຼາຍກວ່າເຊິ່ງເຮັດໄດ້ງ່າຍໆພຽງແຕ່ ນຳເອົາໝາກຂາມປຽກມາປະສົມກັບກັບນ້ຳເຜິ້ງແລ້ວນຳມາທາກ້ອງວົງແຂນຈາກນັ້ນປະໄວ້ 5-10ນາທີ ເຮັດອາທິດລະ 3-4 ເທື່ອໄດ້ຜົນແທ້.

ຈີຫລໍ່ຈີນາຍມີໂປຣຕີນເພີ່ມສານອາຫານ

ອົງການ ມະນຸດທັມ ສັດຕະວະແພດ ບໍ່ມີ ພົມແດນ ຮ່ວມກັບ ອົງການ ສຸຂພາບ Health Bridge ທີ່ ບໍ່ຂຶ້ນ ກັບ ຣັດຖະບານ ທີ່ ມີສູນກາງ ຢູ່ ສະຫະຣັດ ອະເມຣິກາ ມະຫາ ວິທະຍາສາດ The Guelph ທີ່ ການາດາ ແລະ ມະຫາວິທະຍາໄລ ແຫ່ງຊາດ ລາວ ເລີ່ມ ໂຄງການ ອົບຮົມ ທີ່ ຈະຊ່ວຍໃຫ້ ຢ່າງໜ້ອຍ 20 ຫລັງຄາ ເຮືອນ ໃນ 2 ບ້ານ ຊົນນະບົດ ຂອງລາວ ມີຟາມ ລ້ຽງ ຈິຫລໍ່ ຈິນາຍ ໄວ້ກິນ ເປັນອາຫານ ໃນ ຄົວເຮືອນ. ຕາມຣາຍງານ ຂ່າວ SciDev. Net’s ຫ້ອງການ ເອເຊັຽ ຕາເວັນອອກ ສ່ຽງໃຕ້ ແລະ ປາຊີຟິກ.

ຣາຍງານ ສະບັບ ປີ 2013 ຂອງ ອົງການ ອາຫານ ແລະ ການ ກະເສດ ຂອງ ສະຫະ ປະຊາຊາດ FAO ໂດຍ ທົ່ວໄປ ແມງໄມ້ ມີ ວິຕາມິນ ໂປຣຕີນ ແລະ ແຮ່ທາດ ຕ່າງໆ ສູງ ເປັນຕົ້ນ ທາດ ແຄວຊຽມ ທາດເຫລັກ ແລະ ກົ່ວ. ເວົ້າ ສະເພາະ ຈິນາຍ ຈິຫລໍ່ ໃນ ແຕ່ລະ 100 ກຣາມ ຈະຊ່ວຍໃຫ້ ຜູ້ໃຫຍ່ ໄດ້ຮັບທາດ ໂປຣຕີນ 8 ຫາ 25 ກຣາມ.ຈິຫລໍ່ ຈິນາຍ ສາມາດ ປຸງແຕ່ງ ອາຫານ ໄດ້ ຫລາຍວິທີ ຮວມທັງ ຈືນ ແລະ ເອົາໃສ່ ແກງ ໜໍ່ໄມ້ ນໍາດ້ວຍ. ການລ້ຽງ ແມງໄມ້ ດັ່ງກ່າວ ສາມາດ ຊ່ວຍ ລາວ ທີ່ ປະເຊີນ ກັບ ການຂາດ ສານອາ ຫານ ທາດ ບໍາຣຸງ ສູງທີ່ສຸດ ໃນເຂດ ເອເຊັຽ ຕາເວັນອອກ ສ່ຽງໃຕ້ ນັ້ນ ໄດ້ ເປັນຢ່າງດີ.FAO ເວົ້າວ່າ ເດັກນ້ອຍ ໃນເຂດ ຊົນນະບົດ ຂອງລາວ ອາຍຸ ຫລຸດ 5 ປີ 2 ຄົນໃດ ມີຜູ້ໜຶ່ງ ຂາດ ສານ ອາຫານ ເປັນ ປະຈໍາ ຊຶ່ງ ສົ່ງ ຜົລກະທົບ ບໍ່ພຽງແຕ່ ການ ພັທນາ ຮ່າງກາຍ ຂອງ ພວກ ເຂົາເຈົ້າ ແຕ່ ທາງສມອງ ນໍາດ້ວຍ.ຜູ້ ອໍານວຍການ ໂຄງການ ThomaS Weigel ກ່າວວ່າ ການລ້ຽງ ຈິຫລໍ່ ຈິນາຍ ບໍ່ແມ່ນວ່າ ຈະ ທົດແທນ ການ ລ້ຽງສັດ ແບບທີ່ ປະຕິ ບັດ ກັນມາ ແຕ່ດົນນານ ນັ້ນໄດ້ ແຕ່ ຫາກເປັນ ອາຫານເສີມ ເທົ່ານັ້ນ. ແລະວ່າ ໂຄງການ ທີ່ໄດ້ຮັບ ການສນັບ ສນູນ ທາງການ ເງິນ ຈາກສູນ ຄົ້ນຄວ້າ ນາໆຊາດ ເພື່ອການ ພັທນາ ທີ່ ປະເທດ ການາ ດາ ຈະດໍາເນີນ ໄປ ຈົນຮອດ ເດືອນ ກໍຣະກະດາ 2016 ໂດຍ ເລັ່ງ ໃສ່ ຊ່ວຍ ຄົວເຮືອນ ທີ່ ທຸກຍາກ ຂອງລາວ.

ກີນປາຊ່ວຍແກ້ອາການປວດຫົວໄດ້ແຖມອາລົມດີນຳ

ປາເປັນແຫຼ່ງອາຫານທີ່ໃຫ້ສານໂປຼຕຮີນຄຸນນະພາບດີໂປຼຕຮີນໃນເນື້ອປາຈະເປັນໂປຼຕຮີນທີ່ຍ່ອຍງ່າຍເໝາະຕໍ່ການຈະເລີ ເຕີບໃຫຍ່ຂອງເດັກນ້ອຍໄວກ່ອນຮຽນເດັກໄວຮຽນຜູ້ສູງອາຍຸ ແລະ ຜູ້ປ່ວຍທີ່ລະບົບການຍ່ອຍອາຫານທຳງານໄດ້ບໍ່ເຕັມທີ ເນື້ອປາໂດຍລັກສະນະຕາມທຳມະຊາດແລ້ວມີເນື້ອເຍື່ອນ້ອຍກວ່າເນື້ອສັດຊະນິດອື່ນໆເມື່ອເນື້ອປາສຸກຈະແຍກອອກເປັນຊີ້ນ ຕາມມັດຂອງກ້າມເນື້ອກ່ຽວພັນ ເນື້ອປາຈື່ງນຸ່ມບໍ່ໜຽວ ແລະ ບໍ່ຫົດຄືກັບເນື້ອສັດຊະນິດອື່ນໆ

ນອກຈາກຄຸນຄ່າທາງດ້ານໂປຼຕຮີນແລ້ວປາຍັງມີຄຸນປະໂຫຍດທາງດ້ານໄຂ່ມັນເພາະເນື້ອປາປະກອບດ້ວຍໄຂ່ມັນທີ່ຈຳເປັນ

ຕໍ່ຮ່າງກາຍໂດຍສະເພາະກົດໄລໂນເລອິດທີ່ເຮັດໜ້າທີຄວບຄຸມໂຄເລສເຕີຮອລໃນກະແສເລືອດການກີນປາຈື່ງເປັນອາຫານ ທີ່ມີຄຸນຄ່າຕໍ່ສະໝອງຍ່າງຫຼວງຫຼາຍ ໄຂມັນທີຢູໃນຮ່າກາຍບໍ່ສາມາດສາງເອງໄດ້ ແຕ່ຈະໄດ້ຈາກການກີນປາເທົ່ານັ້ນ

ເນື້ອປານອກຈາກຈະໃຫ້ຄຸນຄ່າດ້ານໂປຼຕຮີນ ແລະ ໄຂມັນແລ້ວ ຍັງໃຫ້ວິຕາມິນ ແລະ ແຮ່ທາດອື່ນໆ ອີກຊື່ງຄຸນຄ່າທາງວິ ຕາມິນນັ້ນ ເນື້ອປາປະກອບໄປດ້ວຍ ວິຕາມິນ B1,B2 ແລະ ໄນອາຊິນ ຊ່ື່ງບໍ່ພຽງແຕ່ເທົ່ານັ້ນ ເນື້ອປາຍັງປະກອບດ້ວຍທາດ ເເຄລຊຽມ ແລະ ຟອສຟໍຮັດໃນສັດສ່ວນທີ່ພໍດີຕໍ່ການສ້າງກະດູກ ແລະ ແຂ້ວ ລວມທັງຍັງມີທາດເຫຼັກ ທີ່ຈະຊ່ວຍໃນການ ສ້າງເມັດໂລຫິດຈາງ ສ່ວນປາທະເລນັ້ນຍັງມີທາດໄອໂອດີນ ປ້ອງກັນໂລກຄໍພອກໄດ້ອີກ

ການກີນປາສາມາດແກ້ ອາການປວດຫົວໄດ້ ອາຫານທີ່ປຸງແຕ່ງມາຈາກປາ ຈະມີສານກຸ່ມໂອເມກ້າ 3 ທີ່ຊ່ວຍໄປພັດທະນາ ເຊວ ະໝອງສົ່ງຜົນໃຫ້ມີປະສານຮັບຮູ້ທີດີ ອີກທັ້ງຍັງເຮັດໃຫ້ດປັນຄົນມີອາລົມດີ ບໍ່ຄຽດ ລດອາການປວດຫົວລົງໄດ້ຈະເຫັນ ວ່າເນື້ອປາ ມີແຕ່ຄຸນຄ່າ ແລະ ມີປະໂຫຍດຕໍ່່າງກາຍຢ່າງຫຼວງຫຼາຍ

5 ພືດຕິກຳເຮັດໃຫ້ກະເປົ໋າແຫ້ງ ທີ່ເຈົ້າຄວນລຽງຖ້າຍັງບໍ່ຢາກຈົນ

ຫຼາຍຄົນອາດເຄີຍຮູ້ສຶກວ່າ ປະຈຸບັນ ຄ່າຄອງຊີບແພງ ບໍ່ສົມດູນກັບລາຍໄດ້, ທັງຍັງຮູ້ສຶກວ່າລາຍຮັບບໍ່ພຽງພໍຕໍ່ຄວາມຕ້ອງການໃຊ້ຈ່າຍ ຍັງໃຫ້ກຳລັງໃຈຕົວເອງວ່າດີແລ້ວທີ່ບໍ່ໄດ້ເປັນໜີ້, ສະນັ້ນ ບໍ່ຕ້ອງໄປເວົ້າເຖິງຂອງການເກັບມັນບໍ່ມີຢູ່ແລ້ວ ແລ້ວມັນຈະເປັນໄປບໍ່ໄດ້ເລີຍບໍ? ແຕ່ໃນຄວາມເປັນຈິງ ຖ້າເຮົາແບ່ງສ່ວນລາຍຮັບ-ລາຍຈ່າຍ ແລະມີລະບຽບໃນການໃຊ້ຈ່າຍກໍຈະເຮັດໃຫ້ເຮົາມີເງິນເກັບໄດ້ ແຕ່ກ່ອນອື່ນຕ້ອງເລີ່ມຈາກສຳຫຼວດພືດຕິກຳການໃຊ້ເງິນວ່າສາເຫດພາໃຫ້ກະເປົ໋າແຫ້ງມາຈາກໃສ?
1 ປ່ຽນເຄື່ອງໃຊ້ເປັນຂອງຫຼີ້ນ: ການຊື້ເສື້ອຜ້າ, ເກີບ, ກະເປົ໋າແຟຊັ່ນ, ເຄື່ອງປະດັບ ແລະ ອື່ນໆ ພໍຊື້ມາບໍ່ພໍເທົ່າໃດກໍເຊົານິຍົມ, ດັ່ງນັ້ນຈະສັງເກດເຫັນວ່າເຄື່ອງຢູ່ຕູ້ໃນເຮືອນຂອງແຕ່ລະຄົນມີຈົນລົ້ນ ເພາະມີແຕ່ຊື້ບໍ່ມີເວລາໃສ່, ເພາະຄົນສ່ວນຫຼາຍສີ້ນເປືອງກັບຊື້ເຄື່ອງໃໝ່ທີ່ໃຊ້ບໍ່ຄຸ້ມຄ່າ ສູ້ເລືອກຊື້ເຄື່ອງທີ່ມີຄຸນນະພາບເພື່ອຫຼຸດຜ່ອນການໃຊ້ຈ່າຍໃຫ້ນ້ອຍລົງ


2 ແລ່ນເຂົ້າໃສ່ຄຳວ່າ Sale: ປະຈຸບັນ ບໍ່ວ່າຫ້າງຊັບພະສິນຄ້າ ແລະຮ້ານຄ້າຕ່າງໆ ແມ່ນແຕ່ໃນການຊື້ເຄື່ອງອອນລາຍ ຍັງມີການ Saleເພື່ອດຶງດູດລູກຄ້າ, ພໍເຫັນປ້າຍຄໍາວ່າ Sale ຄົນສ່ວນຫຼາຍກໍມັກຈະແລ່ນເຂົ້າໃສ່ ໂດຍບໍ່ຄຳນຶງກ່ອນວ່າ ທີ່ເຂົາ Sale ນັ້ນ ມັນຈໍາເປັນທີ່ຈະຕ້ອງໃຊ້ ຫຼື ບໍ, ນີ້ຄືຈຸດໜຶ່ງທີ່ເຮັດໃຫ້ຄົນຂາດສະຕິນຳມາສູ່ການມີກະເປົ໋າແຫ້ງ ແຕ່ຖ້າບໍ່ຢາກກະເປົ໋າແຫ້ງກໍຄວນຄິດກ່ອນຊື້


3 ມີເງີນເດືອນເທົ່າໃດໃຊ້ເທົ່ານັ້ນ: ໃຊ້ເງີນເດືອນຕໍ່ເດືອນ ປະໂຫຍກນີ້ໃຊ້ໄດ້ຕະຫຼອດ ແລະຈະຍັງເປັນຕໍ່ໄປເລື້ອຍໆ ຖ້າຫາກບໍ່ມີການຈັດສັນໃຫ້ດີ ແລ້ວຈະເຮັດແນວໃດໃຫ້ມີເງິນເຫຼືອ, ທັນທີທີ່ໄດ້ເງີນມາຕ້ອງແບ່ງ 10% ເກັບໄວ້ກ່ອນ ແລ້ວຄ່ອຍໃຊ້ ຈາກນັ້ນກໍຄ່ອຍຈັດອັນດັບຄວາມສຳຄັນວ່າຄ່າໃຊ້ຈ່າຍທີ່ຈຳ ເປັນຕໍ່ການໃຊ້ຊີວິດປະຈຳວັນມີຫຍັງແດ່ ຖ້າເງີນເດືອນເພີ່ມ ຫຼື ມີລາຍຈ່າຍເພີ່ມ ກໍຄຳນວນຕື່ມວ່າຈະເກັບເພີ່ມໄດ້ຫຼາຍກວ່າເກົ່າເທົ່າໃດ


4 ໃຊ້ບັດເຄດິດຜິດວິທີ: ການໃຊ້ບັດເຄດິດຖືກວິທີຈະເຫັນວ່າມີປະໂຫຍດ ແລະຊ່ວຍບໍລິຫານຄ່າໃຊ້ຈ່າຍໄດ້ ແຕ່ຫາກວ່າໃຊ້ຜິດວັດຖຸປະສົງ ຫຼື ບໍ່ສາມາດຊຳລະໄດ້ຕາມກຳນົດ ຍ່ອມສ່ຽງກັບການສ້າງພາ ລະໜີ້ສິນໄດ້ຄືກັນ, ພືດຕິກຳການໃຊ້ບັດເຄດິດຜິດວິທີມີຫຼາຍຢ່າງ ເຊັ່ນ: ໃຊ້ບັດເຄດິດກົດເງິນສົດ, ໃຊ້ໝູນເງິນຊຳລະຍອດບັດເຄດິດຂັ້ນຕ່ຳ, ຊຳລະບໍ່ກົງເວລາ, ເຊິ່ງສິ່ງທີ່ຕ້ອງລະວັງເມື່ອໃຊ້ຄື ຄ່າທຳນຽມດອກເບ້ຍທີ່ຜູ້ໃຊ້ຄວນສຶກສາກ່ອນທີ່ນຳມາໃຊ້ບໍ່ສະເພາະແຕ່ຄວາມສະບາຍເທົ່ານັ້ນ


5 ໃຊ້ຈ່າຍເກີນຕົວ: ສັງຄົມສີວິໄລ ໂລກທັນສະໄໝ ເຮົາຈະເຫັນຮູບແບບ ແລະການຈັບຈ່າຍຊື້ເຄື່ອງທີ່ຫຼູຫຼາຂອງຜູ້ຄົນຜ່ານໂຊຊຽວ ອັນເປັນສິ່ງທີ່ກະຕຸ້ນໃຫ້ຄົນຢາກເຮັດຢາກມີຕາມໆກັນ ເຊິ່ງເຮົາບໍ່ສາ ມາດຫຼີກລຽງໄດ້ ແຕ່ການທີ່ເຮົາຈະກ້າວເຂົາມັນບໍ່ແມ່ນເລື່ອງທີ່ຜິດ ແຕ່ຄວນຄວບຄຸມຕົນເອງໃຫ້ຢູ່ໃນລະ ດັບທີ່ພໍເໝາະ ໂດຍສາມາດກຳນົດເປົ້າໝາຍໃນການຈະໃຫ້ລາງວັນຕົນເອງໃນລັກສະນະໃດ ໂດຍທີ່ບໍ່ໃຫ້ ຟຸມເຟືອຍ, ແຕ່ທຸກຄັ້ງທີ່ຈະໃຊ້ຄວນມີສະຕິ ແລະທ່ອງສະເໝີວ່າ ແບ່ງເກັບແບ່ງອອມແລ້ວຄ່ອຍຈ່າຍແລ້ວເຈົ້າຈະມີເງິນເກັບແນ່ນອນ.

ເຜີຍເຄັບບໍ່ຫຼັບ ສູ່ການມີໜ້າອ່ອນກວ່າໄວເຖິງ 10 ປີຂອງສາວຍີ່ປຸ່ນ

ພໍເວົ້າເລື່ອງຄວາມສວຍຄວາມງາມ ແນ່ນອນຫຼາຍໆຄົນຄົງຈະຢາກຮູ້ວ່າ ຈະມີວິທີໃດທີ່ຈະຊ່ວຍໃຫ້ຜິວພັນຂອງເຮົາກັບມາເປັນເດັກໄດ້ອີກຄັ້ງໜຶ່ງ, ດັ່ງນັ້ນ ພໍມີສິນຄ້າຊະນິດໃດອອກມາແລ້ວບອກວ່າມີສານທີ່ຊ່ວຍເຮັດໃຫ້ກັບມາໜ້າອ່ອນອີກຄັ້ງເຖິງ 5-10 ປີ, ແຕ່ຮູ້ບໍວ່າ ສາວຍີ່ປຸ່ນເຂົາເຈົ້າບໍ່ຈຳເປັນຕ້ອງໄປເພີ່ງເຄື່ອງສຳອາງທີ່ມີລາຄາແພງ ແລະວິທີນີ້ເຮົາເອງກໍສາມາດເຮັດເອງໄດ້ໂດຍບໍ່ສິນເປືອງພຽງແຕ່ມີ 3 ສິ່ງນີ້ຄື: ເຂົ້າ, ນົມ ແລະນ້ຳເຜີ້ງ
ຂອງຂັວນທີ່ລ້ຳຄ່າຈາກທຳມະຊາດທີ່ມີໃນເຂົ້າທີ່ເປັນແຫຼ່ງກຳເນີດທີ່ມະຫັດສະຈັນ ແລະປະກອບໄປດ້ວຍກົດໄລໂນເລອິກ ແລະສານຕ້ານອະນຸມູນອິດສະຫຼະ ທີ່ຊ່ວຍກະຕຸ້ນການຜະລິດຄໍລາເຈນ ຊ່ວຍສະລໍການເກີດຮີ້ວຮອຍສຄວາລິນ (Squalene) ແລະຍັງຊ່ວຍປ້ອງກັນຜີວຈາກແສງແດດ, ວິຕາມິນອີ ແລະແກມມາດອະໄຣຊານອລ ແລະເຂົ້າຍັງຊ່ວຍຟື້ນຟູຜິວໃຫ້ເດັກລົງຢ່າງໜ້າມະຫັດສະຈັນ


ສ່ວນນົມ ແລະນ້ຳເຜີ້ງ ກໍເປັນຕົວຊ່ວຍທີ່ດີຢ່າງໜຶ່ງໃນການບຳລຸງໜ້າໃຫ້ນຸ່ມຊຸ່ມຊື່ນ ສຳລັບສາວນປະກອບ: ເຂົ້າ 3 ບ່ວງແກັງ, ນົມ 1 ບ່ວງແກັງ, ນ້ຳເຜີ້ງ 1 ບ່ວງແກັງ ແລະຂັ້ນຕອນໃນການເຮັດກໍງ່າຍໆຄື: ນຳເອົາເຂົ້າໄປລ້າງ ແລະໃນເວລານີ້ໃຫ້ເກັບນ້ຳລ້າງເຂົ້າໄວ້ ຈາກນັ້ນກໍເອົາເຂົ້າໄປຫຸງໃຫ້ສຸກ, ພໍເຂົ້າສຸກກໍໃຫ້ເອົາເຂົ້າໄປບົດໃຫ້ລະອຽດຕາມດ້ວຍການໃສ່ນົມອຸ່ນ 1 ບ່ວງແກັງ ແລະນ້ຳເຜີ້ງ 1 ບ່ວງແກັງ ລົງໄປໃນເຂົ້າທີ່ບົດແລ້ວ ແລະຄົນສ່ວນປະສົມທັງ 3 ຢ່າງໃຫ້ເຂົ້າກັນ, ຈາກນັ້ນນຳມາສ໌ໜ້າ ແລະປະໄວໃຫ້ແຫ້ງ ແລ້ວຈຶ່ງທຳຄວາມສະອາດ ແລະລ້າງອອກດ້ວຍນ້ຳລ້າງເຂົ້າ.


ໃນນ້ຳເຂົ້າຈະມີຄຸນສົມບັດຕ້ານອະນຸມູນອິດສະຫຼະທີ່ແຂງແຮງ, ເຮັດໃຫ້ຜີວຊຸ່ມຊື່ນ ແລະກະຕຸ້ນການໄຫຼວຽນ, ນ້ຳເຂົ້າຍັງຊ່ວຍໃນການລືບຈຸດດ່າງດຳ ແລະບັນເທົາການອັກເສບ, ມັນຈະເຮັດໃຫ້ຜີວຊຸ່ມຊື່ນ, ມີສຸຂະພາບດີ ແລະປົກປ້ອງຜີວຈາກແສງແດດອີກດ້ວຍ, ຖ້າຢາກໃຫ້ໄດ້ຜົນຮັບທີ່ດີທີ່ສຸດ ຄວນເຮັດຊ້ຳເປັນປະຈຳຢ່າງໜ້ອຍອາທິດລະຄັ້ງ ແລ້ວເຮັດໃຫ້ຜິວກັບມາອ່ອນລົງເຖິງ 10 ປີ

 ປູກ ວ່ານ ຕາມແຕ່ລະວັນເສີມໂຊກ ເສີມດວງສະຕາ

ວ່ານ ເຖິງຈະເປັນພືດຊະນິດໜຶ່ງທີ່ເກີດຕາມທຳມະຊາດ ແຕ່ຄົນສ່ວນຫຼາຍກໍມັກເຊື່ອກັນວ່າ ວ່ານ ເປັນສິ່ງໜຶ່ງທີ່ຊ່ວຍປ້ອງກັນສິ່ງຂອງບໍ່ດີ ແລະ ວ່ານກໍຍັງເປັນຕົວຊ່ວຍເຮັດໃຫ້ຄົນເຮົາມີໂຊກລາບ, ມີບາລະມີ ແລະຍັງຊ່ວຍເສີມດວງສະຕາໃຫ້ຮຸ່ງເຮືອງໄດ້ເຊັ່ນກັນ, ໃນຂະນະດຽວກັນ ຜູ້ທີ່ເຊື່ອກໍມັກຈະໄດ້ດີ ສະ ເໝີ, ດັ່ງນັ້ນ ຈຶ່ງເຮັດໃຫ້ຄົນເຊື່ອຖືກ່ຽວກັບການປູກວ່ານ ປະຈຳແຕ່ລະວັນຂອງແຕ່ລະບຸກຄົນໄວ້ ວ່າ ເປັນສິ່ງມົງຄຸນແກ່ຊີວິດ ນັບແຕ່ດຶກດຳບັນ, ເຊິ່ງສະໂລກຂອງແຕ່ລະວັນຈະເປັນວ່ານຊະນິດໃດນັ້ນມາຮູ້ນຳກັນ ເລີຍ
ຄົນທີ່ເກີດ ວັນອາທິດ: ໃຫ້ປູກວ່ານມະຫາລາກ ໄວ້ທີ່ໜ້າເຮືອນໃນວັນພະ ຂຶ້ນ 6-15 ຄ່ຳ ພ້ອມ ກັບໃຫ້ທ່ອງຄາຖາ ມະຫາລາໂພຄະ ວັນຕຸເມ 3 ຄັ້ງ ຈະມີໂຊກລາບມົງຄຸນ


ຄົນທີ່ເກີດວັນຈັນ: ໃຫ້ປູກວ່ານ 4 ທິດໄວ້ທີ່ທາງເຂົ້າເຮືອນ ໃນວັນພະຫັດຂຶ້ນ 9-15 ຄ່ຳ, ພ້ອມ ໃຫ້ທ່ອງຄາຖາເຫັນໜ້າ ວາຈາເອັນດູດ້ວຍ ນະໂມພຸດທາຍະ 3 ຄັ້ງ ຈະຊ່ວຍເສີມໃຫ້ດວງຊະຕາ ລາບລື່ນ ບໍ່ຕົກອັບ


ຄົນທີ່ເກີດວັນອັງຄານ: ໃຫ້ປູກວ່ານເສດຖີເຮືອນນອກ ໄວືທີ່ໜ້າເຮືອນໃນວັນອັງຄານ ຫຼື ວັນພະຫັດ ຂຶ້ນ4-15 ຄ່ຳ, ພ້ອມກັບໃຫ້ທ່ອງຄາຖາ ນະໂມພຸດທາຍະ 3 ຄັ້ງຈະຊ່ວຍເສີມໂຊກລາບ ແລະເງິນຄຳໃຫ້ລ້ຳລວຍຂຶ້ນ


ຄົນທີ່ເກີດວັນພຸດ: ໃຫ້ປູກວ່ານ ສະເໜ່ຈັນຂາວໄວ້ບ່ອນໃດກໍໄດ້ໃນບໍລິເວນເຮືອນໃນວັນພະຫັດ ຂຶ້ນ 3-15 ຄ່ຳ, ພ້ອມກັບໃຫ້ທ່ອງຄາຖາ ນະເມດຕາ ນະໂມພຸດທາຍະ3 ຄັ້ງ ຈະຊ່ວຍເສີມໃຫ້ມີເມດຕາ ມະຫານິຍົມແລະເປັນສິຣິມົງຄຸນ


ຄົນທີ່ເກີດວັນພະຫັດ: ໃຫ້ປູກວ່ານ ທໍລະນີສາດໄວ້ບ່ອນໃດກໍໄດ້ໃນເຮືອນໃນວັນພະ ຂຶ້ນ 3-15 ຄ່ຳ ພ້ອມໃຫ້ທ່ອງຄາຖາ ພຸດທັງທຳມັງ ສັງຄັງນຳໂຊກ 3 ຄັ້ງ ຈະຊ່ວຍໃຫ້ໂຊກດີ ແລະມີຮາກບາລະ ມີທີ່ສົມບູນຂຶ້ນ


ຄົນທີ່ເກີດວັນສຸກ: ໃຫ້ປູກວ່ານ 4 ທິດໄວ້ທີ່ໜ້າເຮືອນໃນວັນພະຫັດຂຶ້ນ 9-15 ຄ່ຳ, ພ້ອມ ກັບໃຫ້ທ່ອງຄາຖາ ເຫັນໜ້າວາຈາເອັນດູດ້ວຍ ນະໂມພຸດທາຍະ3 ຄັ້ງ ຈະຊ່ວຍເສີມໃຫ້ມີເມດຕາມະຫານິຍົມ ເຮັດການໃດຮຸ່ງເຮືອງລາບລື່ນ


ຄົນທີ່ເກີດວັນເສົາ: ໃຫ້ປູກວ່ານເສດຖີເຮືອນໃນ ໄວ້ທີ່ບໍລິເວນໃດກໍໄດ້ໃນເຮືອນ ໃນວັນພະຫັດ ຂຶ້ນ4-15 ຄ່ຳ ພ້ອມກັບທ່ອງຄາຖາ ນະໂມພຸດທາຍະ 3 ຄັ້ງ ຈະຊ່ວຍເສີມໃຫ້ຖານະໝໝັ້ນຄົງ ລ້ຳລວຍຂຶ້ນ

ອັນຕະລາຍຈາກການກິນອາຫານສຸກໆດິບໆ ໄພງຽບທີ່ບໍ່ຄວນສ່ຽງ

1. ອັນຕະລາຍທີ່ມາຈາກການກິນປານ້ຳຈືດ ໄກ່ ກົບແລະນົກ

ເນື່ອງຈາກພົບວ່າສັດເຫຼົ່ານີ້ມີໂຕອ່ອນຂອງພະຍາດສອງຊະນິດ ຄືໂຕຈິ້ດແລະພະຍາດໃບໄມ້ໃນຕັບຈາກປານ້ຳຈືດທີ່ປຸງບໍ່ສຸດເຊັ່ນ ປາແດກ ເມື່ອກິນເຂົ້າໄປໂຕອ່ອນຂອງພະຍາດໃບໄມ້ຈະບໍ່ຈະເລີນເຕີບໂຕ ເຮັດໃຫ້ຄົນທີ່ກິນມີອາການທ້ອງອືດ ທ້ອງເດີນ ຕາເຫຼືອງ ແຕ່ຈະກົງກັນຂ້າມກັບພະຍາດໂຕຈິ້ດທີ່ເຕີບໂຕຢູ່ໃນກ້າມຊີ້ນຄົນໄດ້ ດັ່ງນັນຄົນທີ່ກິນເຂົ້າໄປຈະມີອາການຄັນບວມແດງ ຜິວຈະບວມແດ່ຍຸບແດ່ ແລະຈະເຄື່ອນປ່ຽນທີ່ໄ ປໄດ້ຫາກເຂົ້າໄປຢູ່ອະໄວຍະວະທີ່ສຳຄັນເຊັ່ນ ຕາ ສະມອງ ເຊິ່ງອາດເຮັດໃຫ້ຕາບອດຫຼືສະໝອງອັກເສບໄດ້

2. ອັນຕະລາຍທີ່ມາຈາກການກິນຊີ້ນງົວ

ຊີ້ນງົວຈະມີໂຕອ່ອນຂອງພະຍາດໂຕຕືດ ຫາກເຮົາເຮັດອາຫານເຊັ່ນ ຊີ້ນສະເຕັກແບບສຸກໆດິບໆ ຫາກຊີ້ນເຫຼົ່ານີ້ມີໂຕອ່ອນຂອງພະຍາດໂຕຕືດງົວ ຫາກຄົນກິນເຂົ້າໄປໂຕອ່ອນຂອງໂຕຕືດເຫຼົ່ານີ້ຈະເຕີບໂຕໃນຮ່າງກາຍຂອງຄົນ ກາຍເປັນໂຕແກ່ເຊິ່ງມີຄວາມຍາວຫຼາຍແມັດເລີຍ

3. ອັນຕະລາຍທີ່ມາຈາກການກິນຊີ້ນໝູ

ໃນຊີ້ນມູຈະມີໂຕຕືດໝູແລະພະຍາໂຕກົມ ມັກຢູ່ໃນຊີ້ນໝູທີ່ປຸງບໍ່ສຸກ ພະຍາດໂຕກົມນີ້ມັກຢູ່ໃນມູທີ່ລ້ຽງແບບປ່ອຍ ໂດຍປ່ອຍໃຫ້ໄປກິນສິ່ງສົກກະປົກເຊັ່ນ ຂີ້ເຫຍືອຫຼືຊາກໝູທີ່ມີໄຂ່ຫຼືໂຕອ່ອນຂອງພະຍາດໂຕກົມຊະນິດນີ້ ຜູ້ທີ່ກິນເຂົ້າໄປຈະມີອາການເຈັບທ້ອງ ຖ່າຍ ແລະກ້າມຊີ້ນອັກເສບເຖິງຕາຍໄດ້

4. ອັນຕະລາຍທີ່ມາຈາກການກິນຫອຍນ້ຳຈືດ ກຸ້ງແລະປູ

ຫອຍນ້ຳຈືດຫາກປຸງບໍ່ສຸກ ຈະມີພະຍາດທີ່ເຮັດໃຫ້ສະໝອງອັກເສບ ກຸ້ງແລະປູນ້ຳຈືດທີ່ຄົນມັກເຮັດເປັນກ້ອຍກຸ່ງກັບປູດອງໃສ່ຕຳໝາກຫຸ່ງ ມັກພົບວ່າຫາກມີພະຍາດໂຕອ່ອນ ພະຍາດຈະເຕີບໂຕເປັນໂຕແກ່ໃນປອດ ເຮັດໃຫ້ປອດອັກເສບແລະໄອເປັນເລືອດ

ການປ້ອງກັນພະຍາດ

– ກິນອາຫານທີ່ສຸກ ໃໝ່ ສະອາດ

– ບໍ່ກິນອາຫານຈາກແຫຼ່ງນ້ຳທຳມະຊາດທີ່ບໍ່ຕົ້ມໃຫ້ສຸກກ່ອນ

– ລ້າງມືທຸກຄັ້ງກ່ອນກິນເຂົ້າ

– ຖ່າຍລົງສ້ວມໃຫ້ຮຽບຮ້ອຍ

– ທຳຄວາມສະອາດບໍລິເວນຮອບບ້ານໃຫ້ສະອາດຢູ່ສະເໝີ

– ໃສ່ເກີບກ່ອນອອກຈາກບ້ານທຸກຄັ້ງ

ແຫຼ່ງຂ່າວ: ສະໜຸກ

ວິທີປ້ອງກັນການແທ້ງລູກ (ຫລຸລູກ) ຄວາມຮູ້ດີໆທີ່ຄວນອ່ານ

ສຳລັບຄົນທີ່ຢາກມີລູກ ແລະ ມັກແທ້ງລູກ(ຫລຸລູກ) ເປັນປະຈຳ ເຊິ່ງມັນເປັນເລື່ອງທີ່ໜ້າເສົ້າໃຈທີ່ສຸດ ໂດຍສະເພາະກັບຄົນທີ່ຕ້ອງການມີລູກ ວັນນີ້ ສຸຂະພາບ ກັບລາວໂພສຕ ພວກເຮົາກໍ່ບໍ່ພາດທີ່ຈະນຳຄວາມຮູ້ດີໆມາບອກຕໍ່ ເຊິ່ງຈະມີວິທີໃດແນ່ນັ້ນເຮົາໄປອ່ານກັນເລີຍ


ເມື່ອຮູ້ວ່າຖືພາແລ້ວໃຫ້ຟ້າວໄປຝາກທ້ອງທັນທີ
ຮັກສາສຸຂະພາບຮ່າງກາຍໃຫ້ແຂງແຮງ ອອກກຳລັງກາຍຢ່າງສະໝ່ຳສະເໝີຕາມແພດແນະນຳ ນອກພັກຜ່ອນໃຫ້ຫຼາຍ
ຮັກສາສຸຂະພາບຈິດໃຫ້ດີ ຫຼີກລ່ຽງຄວາມຄຽດ
ຮັກສານ້ຳໜັກຕົວຢູ່ໃນລະດັບທີ່ເໝາະສົມ
ຫຼີກລ່ຽງການເຮັດວຽກໜັກ ຍົກຂອງໜັກ
ກິນອາຫານທີ່ມີປະໂຫຍດ ໃຫ້ຄົບ 5 ໝູ່ ໂດຍສະເພາະແມ່ນຜັກ ແລະ ໝາກໄມ້
ບໍ່ສູບຢາ ບໍ່ດື່ມແອລກໍຮໍ ຮວມເຖິງເຄື່ອງດື່ມທີ່ມີຄາຟາອິນເຊັ່ນ: ຊາ, ກາເຟ, ນ້ຳອັດລົມ
ກິນວິຕາມິນບີ 9 ກ່ອນຖືພາ


ງົດການມີເພດສຳພັນໃນຊ່ວງໄລຍະຖືພາອ່ອນໆ
ຫາກຜີຄວາມຜິດປົກກະຕິຕ່າງໆເກີດຂຶ້ນໃນຊ່ວງຖືພາ ຕ້ອງຟ້າວໄປພົບແພດ
ໃຊ້ຢາກັນແທ້ງ ເຊິ່ງຈະແມ່ນແພດເປັນຄົນໃສ່ໃຫ້