6 ຂໍ້ຄິດເພື່ອຊີວິດຈາກມະຫາເສດຖີໝາຍເລກ1 ຂອງຈີນ

ແຈກມາ ມະຫາເສດຖີອັນດັບ1 ຂອງຈີນບອກວ່າທີ່ຈິງແລ້ວຄົນເຮົາແຕກຕ່າງກັນພຽງໜ້ອຍດຽວ ຂຶ້ນຢູ່ກັບຄວາມສະດຸ້ງໄວ ແລະມຸ້ງໝັ້ນສ້າງຊີວິດສ່ຳໃດກໍ່ເທົ່ານັ້ນເອງຂໍ້ທີ່ບໍ່ຄືກັນກໍ່ໃກ້ກັນພຽງໜ້ອຍດຽວໃກ້ສ່ຳໃດມາເບິ່ງກັນ

1. ໃນເວລາທີ່ເຈົ້າາກຳລັງນອນສະບາຍຢູ່ເທິງຕຽງ ເຂົ້າກຳລັງອອກຳລັງກາຍຢູ່ ດັ່ງນັ້ນເຂົາຈິ່ງມີສຸຂະພາບທີ່ດີກວ່າ.
2. ເຈົ້າກໍ່ເຮັດວຽກຕາມໜ້າທີ່ເຂົາກໍ່ເຮັດວຽກຄືກັນ ແຕ່ເຮັດດ້ວຍຄວາມຕັ້ງໃຈ ດັ່ງນັ້ນເຂົາຈິ່ງກາຍເປັນຫົວໜ້າເຈົ້າ

3. ໃນຂະນະທີ່ເຈົ້າກຳລັງເຮັດໂຄງການນີ້ໃຫ້ສຳເລັດເຂົານັ້ນໄດ້ວາງແຜນສຳລັບໂຄງການປີໜ້າແລ້ວ ເຂົາຈິ່ງສາມາດຄອບຄອງໂອກາດໄດ້ຫຼາຍກວ່າເຈົ້າ.
4. ໃນຕອນທີ່ເຈົ້າກຳລັງຫາຂໍ້ອ້າງຢູ່ ເຂົາເອງກຳລັງຫາວິທີແກ້ໄຂບັນຫາ ສະັ້ນທຸລະກິດການງານຂອງເຂົາຈິ່ງປະສົບຄວາມສຳເລັດໄດ້ຫຼາຍກວ່າເຈົ້າ.

5. ໃນລະຫວ່າງທີ່ເຈົ້າກຳລັງມ່ວນກັບການຈັບຈ່າຍໃຊ້ເງິນ ເຂົາກຳລັງບໍລິຫານຊັບສິນ ດັ່ງນັ້ນເຂົາຈິ່ງມີໂອກາດໄດ້ລ້ຳລວຍຫຼາຍກວ່າເຈົ້າ.
6. ເຈົ້າກຳລັງຄິດເຖິງຜົນປະໂຫຍດຂອງຕົວເອງຢູ່ ເຂົາແມ່ນກຳລັງຄິດພິຈາລະນາເຖິງຜົນປະໂຫຍດຂອງອີກຝ່າຍໜຶ່ງແລ້ວ ສະນັ້ນເຂົາຈິ່ງມີສາຍສຳພັນທີ່ດີກັບຄົນຫຼາຍກວ່າເຈົ້າ.

ແຈກມ່າບອກວ່າຄວາມສຳເລັດນັ້ນບໍ່ມີປະຕິຫານທາງໃດມາຊ່ວຍມີພຽງແຕ່ຄວາມທະເຍີທະຍານ ກ້າເຮັດກ້າລົງມືເທົ່ານັ້ນຈິ່ງຈະເກີດ.

5 ພືດຕິກຳອັນຕະລາຍທີ່ເຮັດໃຫ້ຈົນຕະຫຼອດຊີວິດ

ຄວາມຈົນເປັນສິ່ງທີ່ບໍ່ເພິ່ງປາຖະໜາຂອງທຸກຄົນ ບໍ່ມີໃຜຢາກເກີດມາຈົນຢູ່ແບບຈົນໆ ແຕ່ຄົນເຮົາເລືອກເກີດບໍ່ໄດ້ຫາກເກີດມາໃນຄອບຄົວທີ່ບໍ່ມີພຽບພ້ອມກໍ່ຈົ່ງສູ້ຊົນບຸກບືນເຮັດວຽກໜັກກວ່າຄົນອື່ນໆຈິ່ງຈະພົ້ນຈາກຈຸດນັ້ນໄດ້. ມີຄົນບາງຈຳພວກຄິດຕະຫຼອດຢາກຮັ່ງຢາກມີແຕ່ບໍ່ຍອມລົງມືສ້າງ ຖ້າຍັງບໍ່ຕື່ນຕົວພັດທະນາຕົນເອງກໍ່ເທົ່າກັບຍອມຮັບໂດຍດີທີ່ຈະຈົມຢູ່ກັບຄວາມຈົນໄປຕະຫຼອດການ ອັດຕາການຮັ່ງມີທີ່ຕົນຄວນມີກໍ່ຖືກຄົນອື່ນກືນກິນໄປເລື້ອຍໆ ຄົນຈຳນວນນັ້ນມີພຶດຕິກຳແບບໃດແທ້ມາເບິ່ງເລີຍ.


1. ໃຊ້ຊີວິດເກີນເກີນຕົວ: ມີຄົນຈຳນວນບໍ່ໜ້ອຍທີ່ຫຼິ້ນກິນຟຸມເຟືອຍ ຈັບຈ່າຍຕາມໃຈບາງຄັ້ງເຖິງກັບຍອມເປັນໜີ້ ພຽງເພື່ອໃຫ້ໄດ້ໃນສິ່ງທີ່ຕ້ອງການມາປະດັບຊີວິດ ົາກໃຫ້ເບິ່ງຫຼູຫຼາໃນສາຍຕາຄົນອື່ນ ເຊັ່ນໃຊ້ຂອງເເບຣນເນມ, ເຂົ້າຮ້ານຫຼູ ກິນອາຫານແພງໆ ນັ້ນຄືສັນຍານອັນຕະລາຍທີ່ບົ່ງບອກວ່າບໍ່ມີວັນຈະເກັບເງິນໄດ້.


2. ໜັກບໍ່ເອົາເບົາບໍ່ສູ້: ໃຫ້ຈື່ໄວ້ເລີຍວ່າຄວາມຈົນນັ້ນເປັນຕາຢ້ານກວ່າທີ່ຄິດໄວ້ ຖ້າຖາມຈາກບົດຮຽນຊີວິດມະຫາເສດຖີທຸກຄົນທີ່ເລີ່ມຕົ້ນຈາກສູນ ແລະກ້າວຂຶ້ນມາລ້ຳລວຍພາຍຫຼັງ ດ້ວຍນ້ຳເຫື່ອແລະແຮງງານຂອງຕົນພວກເຂົາກໍ່ຈະຕອບວ່າບໍ່ຢາກກັບໄປຈົນອີກ. ແຕ່ກັບມະນຸດເງິນເດືອນຫຼາຍໆຄົນ ແລະຜູ້ຫາເຊົ້າກິນຄ່ຳທີ່ບໍ່ຍອມເມື່ອຍລ້າ, ກັບເດິກຕື່ນເຊົ້າເພື່ອໜ້າວຽກທີ່ຕົນເຮັດ ກໍຄົງຍາກທີ່ຈະກ້າວສູ່ຄວາມມັ່ງຄັ່ງຮັ່ງມີ.


3. ໃຊ້ຊີວິດແບບຫຼູຫຼາວັນໆຫາກິນລົມຊົມວິວມ່ວນໄປເລື້ອຍໆຢາກໄປໃສກໍ່ໄປ ໃຊ້ເງິນຊື້ຄວາມສະດວກສະບາຍຄືຄົນທີ່ເຂົາມີຖານະການເງິນດີຢູ່ແລ້ວ ບາງຄັ້ງຍັງຢືມເງິນໝູ່ໃຊ້ຈ່າຍເພື່ອຄວາມສະໜຸກ ໂດຍບໍ່ຄຳນຶງເຖິງລາຍໄດ້ຖານະການເງິນຂອງຕົນເອງ ຖ້າເປັນແບບນີ້ບອກໄດ້ເລີຍບໍ່ມີວັນມີເງິນດອກ.


4. ຢ້ານທີ່ຈະຕັ້ງເປົ້າໝາຍໃນຊີວິດ: ເຊື່ອເຖິດວ່າມີຫຼາຍຄົນບໍ່ກ້າຄາດຝັນໃນຕົນເອງເພາະຢ້ານເຮັດບໍ່ໄດ້ ຕົວຢ່າງຢາກເຮັດສິ່ງນີ້ແຕ່ບໍ່ມີເງິນ ຖ້າຕ້ອງກູ້ຈາກແຫຼ່ງອື່ນພັດຢ້ານບໍ່ມີເງິນຊຳລະຄືນໃຫ້ຕາມເວລາ ຊຶ່ງນັ້ນບາງຄັ້ງບໍ່ແມ່ນວ່າລາຍໄດ້ບໍ່ພໍໃຊ້ໜີ້ ແຕ່ເປັນຍ້ອນຄວບຄຸມອາລົມຄວາມຢາກບໍ່ໄດ້ບຶດຢາກໄດ້ແນວນັ້ນແນວນີ້ ຈົນສົ່ງຜົນໃຫ້ເກັບເງິນບໍ່ໄດ້ບໍ່ພໍຕາມຄວາມຈຳເປັນທີ່ຕ້ອງຈ່າຍ ຄົນພວກນີ້ແມ່ນຜູ້ທີ່ບໍ່ມີຄວາມໝັ້ນໃຈໃນຕົນເອງ ແລະບໍ່ມີວິໄນໃນການໃຊ້ຈ່າຍ ການບໍ່ກ້າຕັດສິນໃຈຂາດການວາງແຜນ, ບໍ່ຮູ້ກຳນົດວິໄນໃຫ້ຕົນເອງນັ້ນເປັນອຸປະສັກສຳຄັນເຮັດໃຫ້ຊີວິດບໍ່ສາມາດພົ້ນຈາກຄວາມທຸກໄດ້.


5. ຄິດຫຼາຍຈົນຢ້ານ: ການຄິດຫຼາຍກັບຄວາມຮອບຄອບນັ້ນເປັນພຽງເສັ້ນບາງໆທີ່ແບ່ງຂັ້ນໄວ້ ຄົນທີ່ຄິດຫຼາຍຈະບໍ່ຮູ້ໄຈ້ແຍກບັນຫາມາລຽງລຳດັບວ່າອັນໃດສຳຄັນກວ່າກັນ ແລະຄວນເຮັດແບບໃດ ແຕ່ຈະນຳເອົາທຸກບັນຫາມາລວມກັນເຮັດໃຫ້ແນມບໍ່ເຫັນທາງອອກ ແຕ່ຄົນທີ່ຄິດຮອບຄອບຈະແຍກອອກເປັນປະເດັນໆ ແລະຮູ້ຈັດລຳດັບລາຍການວ່າອັນໃດຄວນມາກ່ອນມາລຸນ. ຄົນທີ່ຄິດຫຼາຍເມື່ອເລີ່ມຕົ້ນທຸລະກິດຈະບໍ່ກ້າສ່ຽງບໍ່ກ້າວາງແຜນຕໍ່ຍອດທຸລະກິດເພາະຢ້ານຫຼຸບທຶນ ສຸດທ້າຍກໍ່ເສຍໂອກາດ ຫຼືແມ່ນແຕ່ເຮັດວຽກກິນເງິນເດືອນກໍ່ບໍ່ກ້າທີ່ຈະສະແດງຄວາມຄິດເຫັນເພາະຢ້ານຜິດພາດ ເຮັດໃຫ້ເຮັດວຽກງານບໍ່ກ້າວໜ້າທັງທີ່ມີໂອກາດມາຍື່ນໃຫ້ຢູ່ຕໍ່ໜ້າແທ້ໆ.


ອ່ານແລ້ວລອງຄິດຕືກຕອງເບິ່ງອັນໃດທີ່ມີຢູ່ໃນຕົວເອງລອງປ່ຽນແປງຄວາມຄິດຊີວິດທ່ານອາດດີຂຶ້ນໄດ້.

 ຮູ້ໄວ້ເລີຍ 8 ພືດຕິກຳທີ່ເຮັດໃຫ້ສະໝອງເສື່ອມ

ສະໝອງຖືເປັນສ່ວນປະກອບສຳຄັນສຸດໃນຮ່າງກາຍ ຖ້າສະໝອງບໍ່ດີແລ້ວຈະສົ່ງຜົນກະທົບໂດຍກົງຕໍ່ການດຳລົງຊີວິດຂອງບຸກຄົນນັ້ນ, ເພາະສະໝອງເປັນສ່ວນທີ່ເຮັດໜ້າທີ່ກ່ຽວກັບການຮັບຮູ້, ອາລົມ, ຄວາມຈຳ, ການຮຽນຮູ້, ການເຄື່ອນໄຫວ ແລະຄວາມສາມາດອື່ນໆອີກ ແຕ່ທ່ານຮູ້ບໍວ່າມີຄົນຕັ້ງຫຼາຍຄົນອາດຈະລວມທັງຕົວທ່ານເອງທີ່ມີພືດຕິກຳຫຼາຍຢ່າງທຳລາຍສະໝອງໂດຍບໍ່ຮູ້ຕົວ ພືດຕິກຳແບບໃດແດ່ທີ່ທຳລາຍສະໝອງ ເຮົາມາຮູ້ພ້ອມກັນເລີຍ
1. ບໍ່ກິນອາຫານເຊົ້າ: ຫຼາຍຄົນມັກຄິດວ່າອາຫານເຊົ້າບໍ່ຈຳເປັນຕ້ອງກິນເພາະສາມາດອົດໄດ້ຮອດສວາຍ ແຖມຍັງຊ່ວຍຫຼຸດນ້ຳຕານໃນເລືອດ ແຕ່ທ່ານອາດບໍ່ຮູ້ວ່າການອົດອາຫານເຊົ້າຈະເປັນສາເຫດເຮັດໃຫ້ບໍ່ມີສານອາຫານໄປລ້ຽງສະໝອງຢ່າງພຽງພໍ ແລະເສື່ອມໄວກວ່າທີ່ຄວນເປັນ.


2. ກິນອາຫານຫຼາຍເກີນ ອາຫານຖ້າກິນຫຼາຍເກີນໄປກໍ່ໃຫ້ໂທດເຊັ່ນດຽວກັນໂດຍຈະເຮັດໃຫ້ຫຼອດເລືອດໃນສະໝອງແຂງຕົວ ເປັນສາເຫດເຮັດໃຫ້ເປັນໂລກຄວາມຈຳສັ້ນ.


3. ການສູບຢາ, ຢາສູບເປັນສາເຫດຂອງການເກີດໂລກສະໝອງຝໍ່ ແລະເປັນອັນໄຊເມີ


4. ກິນຂອງຫວານຫຼາຍເກີນໄປ ຈະໄປຂັດຂວາງການດູດຊືມໂປຣຕີນ ແລະສານອາຫານທີ່ເປັນປະໂຫຍດ ເປັນສາເຫດຂອງການຂາດສານອາຫານ ແລະຂັດຂວາງການພັດທະນາຂອງສະໝອງ.


5. ມົນລະພິດ ສະໝອງຖືເປັນສ່ວນໜຶ່ງທີ່ໃຊ້ພະລັງງານຫຼາຍທີ່ສຸດໃນຮ່າງກາຍ ການສູດດົມມົນລະພິດເຂົ້າໄປຈະເຮັດໃຫ້ອົກຊີໃນສະໝອງຫຼຸດປະລິມານລົງ ສົ່ງຜົນຕໍ່ການເຮັດວຽກຂອງສະໝອງຫຼຸດລົງໄປຕາມໆກັນ.


6. ການອົດນອນ ການນອນຫຼັບນັ້ນຈະເຮັດໃຫ້ສະໝອງໄດ້ພັກຜ່ອນ ກົງກັນຂ້າມຫາກອົດນອນເປັນເວລາດົນໆກໍ່ຈະເຮັດໃຫ້ເຊວສະມອງຕາຍໄດ້.

7. ການໃຊ້ສະໝອງໃນຂະນະທີ່ບໍ່ສະບາຍ, ເຮັດວຽກ ຫຼື ຮຽນໃນລະຫວ່າງເຈັບໄຂ້ໄດ້ປ່ວຍຈະເຮັດໃຫ້ປະສິດທິພາບການເຮັດວຽກຂອງສະໝອງຫຼຸດລົງ ເພາະພືດຕິກຳເຫຼົ່ນນັ້ນເປັນການທຳລາຍສະໝອງໂດຍກົງ.


8. ຂາດການໃຊ້ຄວາມຄິດ, ການຄິດເປັນສິ່ງທີ່ດີທີ່ສຸດ ເພາະຈະຊ່ວຍຝຶກສະໝອງໃຫ້ລື້ງເຄີຍ ແຕ່ຖ້າຂາດການໃຊ້ຄວາມຄິດແລ້ວກໍ່ຈະເຮັດໃຫ້ສະໝອງຝໍ່ເຊັ່ນດຽວກັບຄົນທີ່ບໍ່ມັກເວົ້າກໍ່ຈະເຮັດໃຫ້ສະໝອງເຮັດວຽກຊ້າລົງ ແລະປະສິດທິພາບການເຮັດວຽກຂອງສະໝອງບໍ່ດີຖ້າທຽບໃສ່ຄົນທີ່ມັກເວົ້າ.

 ບໍ່ຢາກທຸກຕ້ອງຮັກໃຫ້ເປັນ

ເວົ້າເລື່ອງຄວາມຮັກຖືເປັນສິ່ງສວຍງາມໃນໂລກນີ້ ແຕ່ໃນເສັ້ນບາງໆຂອງຄວາມຮັກກໍ່ຈະມາພ້ອມຄວາມເຈັບປວດຖ້າຮັກບໍ່ເປັນ, ມີຫຼາຍຄົນໃນໂລກນີ້ທີ່ຍອມຈຳໃຈລາໂລກກໍ່ເພາະຮັກຂະນະດຽວກັນກໍ່ມີຫຼາຍສິ່ງທີ່ເກີດຂຶ້ນຢ່າງໜ້າອັດສະຈັນກໍ່ຍ້ອນແຮງບັນດານໃຈຈາກຄວາມຮັກ.


ໃນໂລກອັນກວ້າງໃຫຍ່ໄພສານມີຄູ່ຮັກຫຼາຍຄູ່ທີ່ຮັກກັນສຸດຫົວໃຈຄືຈັ່ງວ່າຈະກືນກິນກັນໄດ້ ແຕ່ພໍມາຢູ່ນຳກັນບໍ່ທັນຂ້າມປີຊີວິດຄູ່ກໍ່ແຕກສະຫຼາຍເພາະຄວາມບໍ່ເຂົ້າອົກເຂົ້າໃຈ ແລະການປ່ຽນໄປຂອງການເວລາ ນິໄສໃຈຄໍທີ່ປັບເຂົ້າຫາກັນບໍ່ລົງຕົວ.
ໃນຫຼັກທຳຄຳສອນເພິ່ນວ່າຄວາມຮັກເປັນສິ່ງສວຍງາມ ເມື່ອໃດກໍ່ຕາມທີ່ມີຄວາມຮັກຊີວິດຈະເບິກບານ ກົງກັນຂ້າມຍາມໃດຂາດຮັກຈິດໃຈຄົນຈະມົວໝອງເສົ້າໂສກ.


ຄວາມຮັກຄວາມເຂົ້າໃຈເປັນແຫຼ່ງພະລັງອັນໜຶ່ງທີ່ອະທິບາຍບໍ່ຖືກທຸກຄົນລອງຫັນມາເບິ່ງໂຕເອງເມື່ອເກີດມີຄວາມມັກຮັກໃຜຄົນໜຶ່ງກໍ່ຈະມີຄວາມປາຖະໜາຢ່າງແຮງກ້າທີ່ຈະເຮັດໃຫ້ເຂົາຄົນນັ້ນມີຄວາມສຸກ ແລະໄດ້ຢູ່ຂ້າງກັນໄປຕະຫຼອດ.


ຖ້າຫາກເຮົາຮັກກັນດ້ວຍຄວາມເຂົ້າໃຈ ຮັກດ້ວຍສະຕິປັນຍາ ຄວາມຮັກກໍ່ເປັນສິ່ງສວຍງາມດັ່ງທີ່ວ່າ ແຕ່ຮັກນັ້ນເລີ່ມຕົ້ນຢ່າງຂາດສະຕິປັນຍາ ຫຼື ຮັກດ້ວຍຄວາມຫຼົງ ຄວາມຮັກນັ້ນກໍ່ຈະນຳມາຊຶ່ງຄວາມເຈັບປວດ ເວາທີ່ເຮົາມີຄວາມຮັກ ສະນັ້ນເວລາທີ່ເຮົາມີຄວາມຮັກເຈົ້າຕົວຕ້ອງຝຶກຝົນທີ່ຈະເຂົ້າໃຈຄົນທີ່ເຮົາຮັກນຳ.


ຫາກວ່າຮັກແລ້ວເຮົາຫວັງພຽງແຕ່ໃຫ້ຄົນອື່ນມາຮັກໂຕເອງ ເອົາແຕ່ໃຈໂຕເອງ ແນ່ນອນມີຄວາມທຸກໃນໃຈແທ້ ຄວາມຮັກຕ້ອງການຄວາມເຂົ້າໃຈ ມີຄວາມຈຳເປັນຕ້ອງປັບປ່ຽນພືດຕິກຳສອງຄົນເຂົ້າຫາກັນ ເມື່ອເຮັດຜິດພາດກໍ່ລົມກັນດ້ວຍເຫດ ແລະຜົນ, ໃຫ້ໂອກາດການປ່ຽນແປງປັບປຸງກໍ່ຈະສົ່ງຜົນໃຫ້ຮັກນັ້ນຍິ່ງໃຫຍ່ທະວີຄູນຂຶ້ນ ແຕ່ຢ່າຮັກແບບຕາມໃຈໂຕເອງໃຫ້ແຕ່ອີກຝ່າຍໜຶ່ງຕ້ອງເປັນໃຫ້ໄດ້ດັ່ງໃຈຕ້ອງການເທົ່ານັ້ນ.


ຄວາມຮັກນັ້ນບໍ່ເຄີຍເຮັດໃຫ້ຄົນທຸກ ແຕ່ຄວາມຢືດຕິດທີ່ຈະໃຫ້ອີກຝ່າຍໜຶ່ງເປັນໃຫ້ໄດ້ດັ່ງໃຈຕ່່ງຫາກທີ່ເຮັດໃຫ້ທຸກ ເລື່ອງຂອງຄົນສອງຄົນ, ເລື່ອງຊີວິດຄູ່ຖ້າຢູ່ນຳກັນແລ້ວທຸກຈົ່ງຢ່າຢູ່ເລີຍ ຖ້າຢ່າກັນແລ້ວເຮັດໃຫ້ທຸກກໍ່ບໍ່ຕ້ອງຢ່າ ເພາະບັນຫາບໍ່ໄດ້ຢູ່ທີ່ວ່າທັງສອງຄົນຈະຢ່າ ຫຼື ຢູ່ນຳກັນ ແຕ່ມັນຢູ່ທີ່ໃຈຈະສຸກຫຼືທຸກຕ່າງຫາກ.

 ອອກຈາກຄວາມຈົນ 4 ແບບໄດ້ແລ້ວທ່ານຈະເລິກຈົນ

ຜູ້ເພິ່ນຮູ້ຈຳແນກຄວາມທຸກຂອງຄົນອອກເປັນ 4 ແບບ ມີແບບໃດແນ່ລອງອ່ານເບິ່ງທ່ານອາດໄດ້ຂໍ້ຄິດດີໆມາພິກຜັນຊີວິດໃຫ້ປ່ຽນໃໝ່

1. ຈົນເງິນ ບໍ່ມີເງິນພໍທີ່ຈະລ້ຽງດູໂຕເອງ ແລະຄົນທີ່ຮັກ
2. ຈົນເວລາ ຈົນແບບນີ້ບໍ່ມີຮອດເວລາໃນການໃຊ້ຊີວິດ ບໍ່ມີເວລາເຮັດໃນສິ່ງທີ່ຕ້ອງການ ບາງຄົນມີເງິນແຕ່ບໍ່ມີເວລາໃຊ້ເງິນ ບາງຄົນມີເວລາແຕ່ບໍ່ມີເງິນໃຊ້
ບາງຄົນຍິ່ງໜັກກວ່າບໍ່ມີທັງເງິນ ແລະເວລາ ຫຼາຍໆຄົນມັກໂທດກັບໂຊກຕາຄອບຄົວພໍ່ແມ່ ແຕ່ຄວາມຈິງກໍ່ຄືໂຕເອງນັ້ນແລ.


3. ຈົນໂອກາດ ຈົນນີ້ອັນຕະລາຍບໍ່ມີຮອດໂອກາດດີໆເຂົ້າມາໃນຊີວິດ ບາງຄົນຕັ້ງຄຳຖາມກັບໂຕເອງເອງຂ້ອຍກໍ່ດຸໝັ່ນເຮັດວຽກໜັກບໍ່ເຄີຍພັກຜ່ອນເປັນຫຍັງບໍ່ປະສົບຜົນສຳເລັດ ແຕ່ຢ່າລືມວ່າຄົນທີ່ປະສົບຜົນສຳເລັດທຸກຄົນລ້ວນຕ້ອງການຄວາມຂະຫຍັນ ແຕ່ຄົນທີ່ຂະຫຍັນບໍ່ແມ່ນທຸກຄົນຈະປະສົບຜົນສຳເລັດ ເພາະຂະຫຍັນຜິດທີ່ຢູ່ເປັນ 10 ປີກໍ່ບໍ່ລວຍ, ຖ້າການເຮັດວຽກໜັກຢ່າງດຽວປະສົບຜົນສຳເລັດໄດ້ ຜູ້ທີ່ເປັນກຳມະກອນແບກຫາບໜັກໆຄົງລ້ຳລວຍກັນໝົດແລ້ວ . ສະນັ້ນການທີ່ຈະປະສົບຜົນສຳເລັດບໍ່ແມ່ນຕ້ອງເຮັດວຽກໜັກລູກດຽວ ຕ້ອງສະຫຼາດເຮັດສະຫຼາດສ້າງຫາໂອກາດ ເມື່ອມີແລ້ວຢ່າລັງເລໃຈຈົ່ງຮີບຮ້ອນຄວ້າມັນເອົາໄວ້.
ຫຼາຍຄົນທີ່ຈຳໃຈຈົນຍິ່ງກວ່າການຈົນໂອກາດເພາະເມື່ອມີໂອກາດເຂົ້າມາແຕ່ເຈົ້າຕົວພັດປະຕິເສດມັນໄປ ຂໍບອກໄວ້ໂອກາດບໍ່ໄດ້ມາຕະຫຼອດ.

4. ຈົນຄວາມຄິດ ໃນຂໍ້ນີ້ຫຼາຍຄົນມັກເປັນຈົນຍ້ອນຫຍັງ ຍ້ອນບໍ່ມີຄວາມເຊື່ອໝັ້ນໃນໂຕເອງ ຍ້ອນດຸຖູກໂຕເອງຄິດໃນສິ່ງທີ່ບໍ່ເປັນປະໂຫຍດ, ຄິດແຕ່ໃນສິ່ງທີ່ເຮັດໃຫ້ໂຕເອງບໍ່ປະສົບຜົນສຳເລັດ, ຄິດວ່າເຮົາເຮັດບໍ່ໄດ້ດອກ ທັ້ງທີ່ຍັງບໍ່ລົງມືເຮັດ ແລ້ວກໍ່ປ່ອຍໂອກາດນັ້ນຫຼຸດມືໄປ.

ໃຫ້ທ່ານຈື່ໄວ້ຈົນເງິນຈົນເວລາພົບໂອກາດດີໆຍັງສາມາດປ່ຽນແປງຊີວິດໄດ້ ແຕ່ຖ້າຈົນຄວາມຄິດຮັບຮອງຊີວິດບໍ່ມີວັນປ່ຽນແປງ.
ຄົນເຮົາເວລາຖືກຄົນອື່ນດູຖູກແມ່ນບໍ່ມັກທີ່ສຸດແຕ່ເຈົ້າຕົວພັດມັກດູຖູກຄວາມສາມາດໂຕເອງ, ຫຼາຍຄັ້ງທີ່ໝູ່ຄູ່ເພື່ອນຝຸງເຊຍສຸດໃຈເຈົ້າເຮັດໄດ້ ແຕ່ເຮົາຍັງບອກໂຕເອງວ່າເຮັດບໍ່ໄດ້ ນັ້ນກໍ່ຖືກຕ້ອງແລ້ວຍ້ອນເຮົາຈະເຮັດຕາມຄວາມຄິດນັ້ນແລຍ້ອນບໍ່ກ້າລົງມື ເມື່ອບໍ່ລົງມືຈະບໍ່ມີມື້ປະສົບຜົນສຳເລັດ ແຕ່ຖ້າມື້ນີ້ທ່ານພ້ອມແລ້ວພິກຜັນໃນຄວາມຄິດ ຊີວິດຕ້ອງປ່ຽນແນ່ນອນ!!!!

ອ່ານແລ້ວຮູ້ສຶກແນວໃດ!!!ເລິກຈົນຄວາມຄິດຕັດຄຳວ່າເຮັດບໍ່ໄດ້ໄປຈາກຊີວິດ ອະນາຄົດສົດໃສລໍຖ້າທ່ານຢູ່!!!

ແມ່ຍິງຖືພາ ຈື່ໄວ້ຢ່າກິນອາຫານພວກນີ້

ໄທເຮົາເຈົ້າຂ້ອຍເຂົ້າໃຈກັນວ່າເມື່ອຖືພາແລ້ວຍິ່ງກິນລູກຍິ່ງໄດ້ຮັບສານອາຫານຫຼາຍບໍ່ມີໃຜບອກກໍ່ບໍ່ພາກັນຮູ້ວ່າມີອາຫານບາງຢ່າງອັນຕະລາຍກວ່າທີ່ຄິດ, ຖ້າກິນເຂົ້າໄປຫຼາຍໆອາດເຮັດໃຫ້ລູກປັນຍາອ່ອນ ແລະພິການໄດ້ ອາຫານຈຳພວກນີ້ປະກອບມີຫຍັງແດ່ເຮົາມາຮູ້ພ້ອມໆກັນເລີຍ.

1. ປາບາງຊະນິດ: ເຊັ່ນປາເກັດເງິນ, ປາສະຫຼາມ ຫຼື ຫູສະຫຼາມ ຈຳນວນນີ້ມັກມີສານປຣອດປົນເປືອນຢູ່ບໍ່ມີຄວາມປອດໄພ ຊື່ງອາດໄປທຳລາຍລະບົບປະສາດທີ່ກຳລັງພັດທະນາຂອງລູກໃນທ້ອງໄດ້.


2. ເຄື່ອງດື່ມທີ່ມີທາດເຫຼົ້າ: ແມ່ຍິງຖືພາມີຄວາມຈຳເປັນຕ້ອງງົດການດື່ມພວກເຫຼົ້າເບຍວາຍຕ່າງໆຢ່າງຂາດຕົວ ເພາະມີຜົນເສຍຫຼາຍຢ່າງເຖິງຂັ້ນອາດເຮັດໃຫ້ເດັກໃນທ້ອງເສຍຊີວິດຄາທ້ອງ ຫຼື ເກີດອອກມາມີນ້ຳໜັກຕົວນ້ອຍ ລູກນານໃຫຍ່ ລວມໄປເຖິງເກີດຄວາມພິການທາງຫົວໃຈ ແລະຫຼອດເລືອດໄດ້.


3. ແປ້ງກອບ: ພວກແປ້ງກອບ ເປັນສານເຄມີທີ່ນຳມາປະກອບໃນການປຸງແຕ່ງອາຫານໃຫ້ມີຄວາມໜຽວ ຜົນອັນຕະລາຍຂອງມັນເກີດຈາກການລະຄາຍເຄືອງຕໍ່ເຫຍື່ອຫຸ້ມທາງເດີນອາຫານ ເຮັດໃຫ້ກະເພາະອາຫານ ແລະລຳໄສ້ເປັນແຜ ຄົນມີອາການປວດຮາກ ຖ້າກິນເຂົ້າໄປຫຼາຍໆເຖິງຂັ້ນເສຍຊີວິດໄດ້.


4. ອາຫານຕາກແຫ້ງ, ອາຫານດອງ: ອາຫານຈຳພວກນີ້ແມ່ຍິງຖືພາຄວນຫຼີກລ້ຽງເພາະມີສານໄນເຕຣດຂ້ອນຂ້າງຫຼາຍ ຊຶ່ງຈະເຮັດໃຫ້ເກີດປະຕິກິລິຍາກັບສານຮີໂມໂກຣບິນໃນເມັດເລືອດແດງ ສົ່ງຜົນໃຫ້ການນຳເອົາອົກຊີຈາກເລືອດໄປສູ່ສ່ວນຕ່າງໆຂອງຮ່າງກາຍໄດ້ໜ້ອຍລົງ ຊຶ່ງເດັກໃນທ້ອງກໍ່ມີໂອກາດໄດ້ຮັບອົກຊີນ້ອຍລົງໄປຕາມໆກັນ.


5. ແປ້ງນົວ: ເພິ່ນບໍ່ໄດ້ຫ້າມເດັດຂາດແຕ່ຖ້າເປັນໄປໄດ້ບໍ່ກິນກໍ່ດີ ຫຼື ຖ້າອົດບໍ່ໄດ້ກໍ່ຄວນຈຳກັດໂຕເອງໃຫ້ໄດ້ກິນໃຫ້ນ້ອຍທີ່ສຸດ ເພາະໃນແປ້ງນົວສາມາດເຮັດໃຫ້ແມ່ມີສະພາບກ້າມເນື້ອອ່ອນເພຍ ວິນຫົວ ຫົວໃຈເຕັ້ນຊ້າ ແລະປວດຮາກງ່າຍ.

ໃຜຢາກລວຍແນ່!!! ຮູ້ 5 ເຄັດລັບຮຽກຊັບເຂົ້າເຮືອນ

ເຮືອນຊານບ້ານຊ່ອງເປັນທີ່ພັກອາໄສ ເປັນບ່ອນທີ່ທຸກຄົນຢູ່ແລ້ວມີຄວາມສຸກບ່ອນອື່ນເຖິງຈະງົດງາມຫຼູຫຼາແຕ່ທຽບບ້ານເຮົາເຮືອນເຮົາບໍ່ໄດ້ ສະນັ້ນການດູແລຮັກສາທຳຄວາມສະອາດໃຫ້ເຮືອນໜ້າຢູ່ຈິ່ງສຳຄັນທີ່ທຸກຄົນຕ້ອງເຮັດ ແລະຖ້າມີການຈັດສັນທີ່ພັກອາໄສໃຫ້ຖືກຕາມຮວງຈຸ້ຍອີກຫຼາຍຄົນກໍ່ເຊື່ອວ່າຈະຊ່ວຍເສີມປາລະມີໃຫ້ຜູ້ທີ່ຢູ່ອາໄສມີແຕ່ຄວາມສຸກຄວາມຈະເລີນເງິນທອງໄຫຼມາເທມາ ດວງຄວາມຮັກກໍສົມຫວັງອີກວ່າຊັ້ນ!!!!!
ສະນັ້ນເພື່ແບ່ງປັນສິ່ງດີໆໃຫ້ທຸກຄົນໄດ້ເສີມປາລະມີໃຫ້ໂຕເອງມື້ນີ້ແອັດຈິ່ງນຳເອົາ5 ວິທີຮຽກເງິນເຂົ້າເຮືອນແບບງ່າຍໆບໍ່ຕ້ອງເພິ່ງພາສິ່ງສັກສິດ ບໍ່ຕ້ອງທ່ອງຄາຖາ ພຽງແຕ່ປັບປຸງຮວງຈຸ້ຍໃນເຮືອນຄົວກໍ່ດີພໍແລ້ວ.

1. ເຂົ້າສານ: ຮວງຈຸ້ຍ ຫ້ອງຄົວທີ່ດີຕ້ອງມີ “ເຂົ້າສານເຕັມຖັງ” ຢ່າໃຫ້ຂາດເຊື່ອວ່າຈະເຮັດໃຫ້ເຈົ້າຂອງເຮືອນ ແລະຜູ້ພັກອາໄສມີກິນມີໃຊ້ບໍ່ຕິດຂັດ ເງິນຄຳບໍ່ຂາດມືຄືເຂົ້າສານທີ່ເຕັມຖັງຕະຫຼອດ.


2. ໄຂ່ໄກ່ປຽບເໝືອນເງິນຄຳ ການວາງໄຂ່ໄກ່ 8 ໜ່ວຍເອົາໃສ່ກະຕ່າໄວ້ໃນເຮືອນຄົວກໍ່ຄືກັບການວາງເງິນຄຳໄວ້ໃນເຮືອນຊ່ວຍເສີມດວງການເງິນໃຫ້ເຈົ້າຂອງເຮືອນລ້ຳລວຍມີຢູ່ໃນໃຊ້ບໍ່ມີໝົດ.


3. ຈານເສີມໂຊກ: ໃຫ້ທ່ານສັງເກດໄດ້ເລີຍຕາມພັດຕະຄານໃຫຍ່ໆທີ່ຜູ້ເພິ່ນຮວງຈຸ້ຍມັກຈະໃຊ້ຈານຊົງກົມສີຂາວ ຊຶ່ງເຊື່ອກັນວ່າຈານຊົງກົມນັ້ນເປັນຕົວແທນຂອງກົດອະທິຖານທີ່ອຸດົມສົມບູນ ຊ່ວຍໃຫ້ຖານະທາງການເງິນມີຄວາມໝັ້ນຄົງ.


4. ເຕົາໄຟ: ເຕົາໄຟເປັນຕົວແທນໂຊກລາບຂອງຄົນໃນຄອບຄົວ ດັ່ງນັ້ນຈິ່ງຕັ້ງເຕົາໄຟໄວ້ຕິດຝາເຮືອນທີ່ແໜ້ນໜາ ກົງກັນຂ້າມຖ້າມຕັ້ງເຕົາໄຟ ຫຼື ເຕົາແກັດໄວ້ຊະຊາຍກາງເຮືອນຄົວກໍ່ຈະເຮັດໃຫ້ເຮືອນນັ້ນຂາດພະລັງ ຂາດໂຊກລາບ ການເງິນມີບັນຫາ.


5. ຕຳແໜ່ງຂອງຫ້ອງຄົວ: ໃຫ້ເຂົ້າໃຈວ່າຫ້ອງຄົວຄືກັນກັບຂຸມຊັບຂອງເຮືອນ ສະນັ້ນຈຸດທີ່ຕັ້ງເຮືອນຄົວຈິ່ງບໍ່ຄວນສ້າງໃສ່ດ້ານໜ້າ ຫຼື ທາງກາງຂອງເຮືອນເພາະຈະເຮັດໃຫ້ເງິນຄຳຮົ່ວໄຫຼໄດ້ງ່າຍ ໂຊກລາບອາດຖືກຄົນອື່ນຍາດແຍ່ງໄປ.


ທ່ານໃດຮູ້ສຶກວ່າເຮັດຫຍັງບໍ່ຂຶ້ນບໍ່ເກີນລອງເສີມປາລະມີດ້ວຍວິທີນີ້ເບິ່ງທ່ານອາດໄດ້ສົມປາຖະໜາກໍ່ເປັນໄດ້ ເພາະນີ້ເປັນຄວາມເຊື່ອທີ່ສືບຕໍ່ກັນມາຫຼາຍຍຸກສະໄໝແລ້ວ ແຕ່ຢ່າລືມນີ້ເປັນພຽງຄວາມເຊື່ອສ່ວນບຸກຄົນເທົ່ານັ້ນ.

 ເອື້ອຍນ້ອງຍິງຮູ້ໄວ້ເລີຍບາງສັນຍານບົ່ງວ່າ ຮັກນີ້ເປັນໄປບໍ່ໄດ້ແລ້ວ

ເອື້ອຍນ້ອງຍິງສ່ວນໃຫຍ່ມັກເສຍຫຼັກຍ້ອນຄວາມດີ ຫາກບໍ່ຮູ້ວ່າຄວາມດີນັ້ນດີແທ້ຫຼືທຽມ ເພາະຄູ່ຮັກຫຼາຍຄູ່ ຍາມຮັກກໍ່ຈົນງໍຫົວບໍ່ຂຶ້ນ ແຕ່ບໍ່ພໍຄາວກໍ່ທຸກຢ່າງກໍ່ປ່ຽນຈາກໜ້າມືເປັນຫຼັງມື ອີກຝ່າຍຕ້ອງເສຍໃຈ ບາງຄົນເຖິງກັບເສຍສູນໂດຍສະເພາະແມ່ຍິງພວກເຮົາທີ່ມັກຖືກຄົນຮັກນອກໃຈ ສະນັ້ນມື້ນີ້ເຮົາມາທຳຄວາມເຂົ້າໃຈກັບບາງພືດຕິກຳທີ່ບົ່ງບອກວ່າ ນັ້ນຄືຮັກບໍ່ຈິງ!!!


1. ຝ່າຍຊາຍບໍ່ເຄີຍເປີດໃຈລົມກັບເຈົ້າໃນທຸກເລື່ອງ: ຖ້າຫາກການຄົບຢູ່ກັບເຈົ້າເປັນພຽງເພາະຜົນປະໂຫຍດ, ຄວາມຕັນຫາໃນຊ່ວງໃດໜຶ່ງເທົ່ານັ້ນ ເຂົາຈະບໍ່ຍອມເປີດໃຈໃຫ້ເຈົ້າໄດ້ຮູ້ເລື່ອງສຳຄັນໆໃນຊີວິດຂອງເຂົາ ເພາະເປົ້າໝາຍໃນອະນາຄົດບໍ່ແມ່ນເຈົ້າ.
2. ເຂົາໃກ້ສິດເຈົ້າໃນເວລາເກີດອາລົມເທົ່ານັ້ນ: ເພິ່ນວ່າເຊັກສາມາດປ່ຽນຜູ້ຊາຍໄດ້ ຖ້າໃນວັນປົກກະຕິຜູ້ຊາຍບໍ່ເຄຍສົນໃຈເຈົ້າເລີຍ ແຕ່ຢູ່ໆກໍ່ຢາກເຂົ້າມາໃກ້ສິດເຮັດດີອໍ້ໍຊໍ້ນຳ ແລະກໍ່ຈົນລົງທີ່ການນອນນຳກັນ ນັ້ນໝາຍຄວາມວ່າເຂົາບໍ່ໄດ້ຮັກເຈົ້າດອກ ແຕ່ເຂົາພຽງຢາກແກ້ໄຂ ມັກຮູບຮ່າງ ແລະລີລາເຈົ້າຊົ່ວຄາວເທົ່ານັ້ນ.


3. ເຂົາຮູ້ຈັກເຈົ້າພຽງຜີວເພີນ: ຫາກຊາຍຄົນໃດບໍ່ສົນໃຈໃນຕົວເຈົ້າເລີຍ ບໍ່ຢາກຮູ້ນິໄສໃຈຄໍ, ບໍ່ຍອມໄປພົບໝູ່ເພື່ອນພີ່ນ້ອງ ຄອບຄົວເຈົ້າ ຊວນກໍ່ອ້າງຄານັ້ນຄານີ້ຕະຫຼອດ ແບບນີ້ຖືເປັນສັນຍານອັນຕະລາຍທີ່ເຈົ້າຄວນຮູ້ໄວ້ ແລະເລີ່ມທຳໃຈຮັກຕົວເອງແລ້ວລະ!!!
4. ເວລາມີບັນຫາກັນມັກຍ່າງໜີຕະຫຼອດ: ຫາກເກີດມີບັນຫາບໍ່ເຂົ້າໃຈກັນຖຽງກັນແລ້ວເຂົາເລືອກທີ່ຈະຍ່າງໜີຖອຍອອກຈາກບັນຫາຕະຫຼອດ ນັ້ນໝາຍຄວາມວ່າ ເຂົາບໍ່ໄດ້ໃສ່ໃຈຄວາມສຳພັນ ຈິ່ງບໍ່ຈຳເປັນຕ້ອງຫາທາງແກ້ບັນຫາ ເພື່ອໃຫ້ຄວາມສຳພັນສາມາດເດີນໜ້າຕໍ່ໄປ ຫຼື ຈະເວົ້າວ່າເຈົ້າບໍ່ມີຄວາມໝາຍໃນຕົວເຂົາເລີຍ!!!
5. ອະນາຄົດຂອງເຂົາບໍ່ມີເຈົ້າ: ຜູ້ຊາຍບໍ່ເຄີຍສົນໃຈວ່າຄວາມສຳພັນລະຫວ່າງເຈົ້າກັບລາວຈະເປັນຈັ່ງໃດ ເປັນໄປໄດ້ວ່າ ເຈົ້າອາດເປັນໄດ້ພຽງປະຈຸບັນ ແຕ່ບໍ່ແມ່ນຄົນໃນອະນາຄົດທີ່ເຂົາຢາກສ້າງຊີວິດຮ່ວມ.

6. ສຶກສາດ້ອຍຄ່າຕະຫຼອດເວລາ: ລອງພິຈາລະນາໂຕເອງເບິ່ງວ່າ ຄວາມຮູ້ສຶກທີ່ເຂົາມີໃຫ້ກັບເຮົານັ້ນມັນສຸກຫຼືທຸກ ຖ້າຫາກສັງເກດແລ້ວໂຕເອງຄືບໍ່ມີຕົວຕົນໃນສາຍຕາເຂົາ, ເຂົາຈະເຮັດຫຍັງກໍ່ບໍ່ສົນໃຈໃນຄວາມຮູ້ສຶກເຮົາ ເຮົາຕ້ອງເປັນຜູ້ຕາມຕະຫຼອດເອົາໃຈເຂົາຝ່າຍດຽວ ກ້າເປັນແບບນີ້ບອກໄດ້ເລີຍຄວາມສຳຄັນນັ້ນບໍ່ແມ່ນຄວາມຮັກ ລາວບໍ່ໄດ້ຮັກແທ້ດອກເປັນພຽງການພັກຜ່ອນຊົ່ວຄາວ ແລະເຈົ້າບໍ່ແມ່ນຕົວຈິງຂອງເຂົາດອກ.


ຖ້າຜູ້ຊາຍບໍ່ເຄີຍເຮັດຫຍັງໃຫ້ເຈົ້າເປັນພິເສດຄືກັບຄົນພິເສດ ເຈົ້າຮູ້ສຶກຕະຫຼອດຍ້ອນການສະແດງອອກທີ່ບໍ່ຊັດເຈນ ຄ້າຍໆກັບວ່າລາວຢາກເປັນໝູ່ແດ່ຢາກເປັນແຟນແນ່ ແຕ່ບໍ່ເລືອກທາງໃດໜຶ່ງເລີຍ ອາການພວກນີ້ບົ່ງບອກເຈົ້າໃຫ້ທຳໃຈກ່ອນຈະດີທີ່ສຸດເພາະເຈົ້າເປັນພຽງຕົວເລືອກໄລຍະໃດໜຶ່ງເຂົາຮູ້ສຶກດີເວລາຢູ່ນຳເທົ່ານັ້ນ ເມື່ອຮູ້ວ່າຮັກນັ້ນບໍ່ສົມຫວັງກໍ່ຂຶ້ນຢູ່ກັບໃຈເຈົ້າວ່າຈະເດີນເກມນີ້ຕໍ່ໄປແນວໃດ ຫຼື ຈະຖອຍອອກມາຫາຄົນໃໝ່ທີ່ເປັນຂອງເຮົາດີກວ່າການເສຍເວລາ ເພາະຜູ້ຊາຍບໍ່ໄດ້ມີຄົນດຽວໃນໂລກນີ້ ຫາກໃຜກຳລັງເປັນແບບທີ່ວ່ານີ້ກໍ່ຢ່າເສຍໃຈຂໍພຽງເຈົ້າເປີດໃຈຕາເປີດໃຈຮັບຄົນໃໝ່ຮັບຮອງຈະພົບຄົນທີ່ຈິງໃຈໃນມື້ໜຶ່ງ.

 ລາອອກຈາກຄວາມທຸກ ສະຫຼະເວລາອ່ານ 2 ນາທີຊີວິດອາດດີຂຶ້ນໄດ້

ບໍ່ສຳຄັນວ່າ
…ເຮົາຈະມີຊັບສິນຫຼາຍຫຼືໜ້ອຍ…

ແຕ່ສິ່ງສຳຄັນຄື…
…ຕ້ອງໃຊ້ນ້ອຍຕ່າງຫາກ..
…ຊີວິດຈິ່ງມີເຫຼືອຫຼາຍກວ່າຂາດເຂີນ…


ຄົນຈົນຍິ່ງຈົນ…ເພາະເຮັດໂຕຄືຄົນລວຍຄົນລວຍຍິ່ງລວຍ…ເພາະວາງຕົວເປັນຄົນຈົນ
…ທຳຕົວໃຫ້ເປັນປົກກະຕິ…
…ໃຊ້ຈ່າຍໃນສິ່ງທີ່ຈຳເປັນ..
…ຊີວິດກໍ່ຈະເປັນປົກກະຕິ…
ຖ້າບໍ່ຍິນໃນສິ່ງທີ່ຕົນໄດ້ …ບໍ່ພໍໃຈໃນສິ່ງທີ່ຕົນມີ
…ນັບງ່າເປັນຄົນອາພັບໂຊກທີ່ສຸດໃນໂລກ…

ຍິນດີໃນສິ່ງທີ່ຕົນໄດ້…..ພຊໃຈໃນສິ່ງທີ່ຕົນມີ
………..ເປັນຄົນໂຊກດີທີ່ສຸດໃນໂລກ
ອົດທົນໄດ້…ຈົ່ງອົດທົນ ອົດໃຈໄດ້ ….ຈົ່ງອົດໃຈ
ຫາກບໍ່ອົດທົນ ບໍ່ອົດໃຈເລື່ອງນ້ອຍໆກໍ່ຈະກາຍເປັນເລື່ອງໃຫຍ່ຄົນທີ່ມີຄວາມສຸກ…… ບໍ່ແມ່ນຄົນທີ່ມີຫຼາຍທີ່ສຸດ
ແຕ່ເປັນຄົນທີ່ຕ້ອງການນ້ອຍທີ່ສຸດ


ຍິ່ງມີຄວາມຕ້ອງການນ້ອຍລົງ ສົມບັດທີ່ມີຢູ່…..ກໍ່ຄືກັບມີຫຼາຍຂຶ້ນ
ຄວາມສຸກຫຼື ຄວາມທຸກຂອງຊີວິດ……ບາງຄັ້ງກໍ່ຄືກັບການແຍງໃນແວ່ນ
ຫາກແວ່ນໃສສະອາດ…..ເບິ່ງສິ່ງໃດກໍ່ມີແຕ່ຄວາມສຸກ…..ປາສະຈາກສິ່ງຂຸ້ນມົວ
ຫາກແວ່ນຂຸ້ນມົວ…..ເມື່ອຫຼຽວເບິ່ງສິ່ງໃດ ເຖິງຈະເປັນອັນດຽວກັນ…..ແຕ່ກໍ່ຍ່ອມມີຄວາມທຸກໃຈ
ສະນັ້ນຈົ່ງຈຳໄວ້ສະເໝີວ່າ ຄວາມສຸກຢູ່ບໍໄກພຽງເຊັດແວ່ນໃຫ້ເສາະໃສ….ເຊັດໃຈໃຫ້ສະອາດເທົ່ານີ້ກໍ່ສຸກແລ້ວ

ອັດສະຈັນ ນ້ຳໝາກນາວ+ນ້ຳມັນໝາກອກ ລ້າງສານພິດໄດ້

ທ່ານລອງສັງເກດໂຕເອງຕື່ນຂຶ້ນມາແລ້ວຍັງຮູ້ສຶກເມື່ອຍ ເຖິງແມ່ນຈະໄດ້ຫຼັບຍາວຕະຫຼອດຄືນແລ້ວແຕ່ຍັງບໍ່ສົດຊື່ນເລີຍບາງທີອາດເປັນຍ້ອນຮ່າງກາຍມີສານພິດຢູ່ຫຼາຍຕ້ອງໄດ້ຫາວິທີກຳຈັດແລ້ວລະ!!!

ແລະມື້ນີ້ແອັດໄດ້ນຳເອົາບົດຄວາມຮູ້ດີໆມາຝາກທ່ານຜູ້ອ່ານໄດ້ຮູ້ກ່ຽວກັບປະສິດທິພາບຂອງສ່ວນປະສົມລະຫວ່າງນ້ຳໝາກນາວ ແລະນ້ຳມັນໝາກກອກ ໃນການລ້າງສານພິດໃນຮ່າງກາຍ ອີກທັ້ງຍັງຍັງຊ່ວຍຂັດສານພິດສະສົມລວມທັງຂອງເສຍຕ່າງໆອອກໄປອີກດ້ວຍ.
ນ້ຳມັນໝາກກອກທຸກຄົນໃຊ້ປະຈຳແຕ່ບໍ່ຮູ້ຄຸນຄ່າ ແລະຄຸນສົມບັດຂອງມັນທີ່ແທ້ຈິງ ທ່ີ່ຕ້ອງມີນ້ຳມັນໃນການປຸງແຕ່ງອາຫານເນື່ອງຈາກມັນມີກົດໄຂມັນທີ່ຈຳເປັນສູງ ມັນຍັງສາມາດຊ່ວຍຄວບຄຸມຄໍເລັດເຕີຣອນທີ່ບໍ່ດີ ແລະກຳຈັດສານພິດອອກຈາກຮ່າງກາຍ.

ຂະນະທີ່ໝາກນາວແມ່ນໝາກໄມ້ທີ່ດີຕໍ່ສຸຂະພາບຫຼາຍທີ່ສຸດຊະນິດໜຶ່ງ ມັນມີສານຕ້ານອະນຸມຸນອິດສະຫຼະສູງ ມີວິຕາມິນ ແລະສານອາຫານທີ່ຈຳເປັນ ທັງໃຫ້ປະໂຫຍດຕໍ່ສຸຂະພາບຢ່າງໜ້າອັດສະຈັນ.
ດັ່ງນັ້ນເມື່ອນຳສ່ວນປະສົມຂອງທັງສອງມາລວມກັນມັນຈິ່ງໃຫ້ຜົນຮັບທີ່ໜ້າອັດສະຈັນບາງຢ່າງດັ່
ນີ້:

ᐈ ບັນຫາຂໍ້ຕໍ່: ສ່ວນປະສົມຂອງສອງຢ່າງນັ້ນມີຄຸນສົມບັດໃນການຕ້ານການອັກເສບ ຖ້າໝັ່ນບໍລິໂພກຈະຊ່ວຍບັນເທົາບັນຫາການປວດຂໍ້ຕໍ່ໄດ້


ᐈ ບັນຫາຫົວໃຈ: ເນື່ອງຈາກມີກົດໄຂມັນສູງ ຈິ່ງຊ່ວຍກະຕຸ້ນການໄຫຼວຽນ ແລະຄວບຄຸມຄໍເລສເຕີຣອນທີ່ບໍ່ດີ ສ່ວນປະສົມນີ້ກໍ່ມີປະສິດທິພາຍໃນການປ້ອງກັນບັນຫາຫົວໃຈໄດ້ເຊັ່ນກັນ


ᐈ ຊ່ວຍສ້າງຄວາມສົມດຸນນ້ຳບີໃນຕັບ ແລະຖົງນ້ຳບີ: ໂດຍຜູ້ຊ່ຽວຊານບອກວ່າ ການບໍລິໂພກສ່ວນປະສົມເຫຼົ່ານີ້ໃນຕອນເຊົ້າຂະນະທີ່ທ້ອງວ່າງຈະຊ່ວຍປ້ອງກັນການເປີດນີ້ວ ນອກຈາກນີ້ການບໍລິໂພກນ້ຳໝາກນາວ ແລະນ້ຳມັນໝາກກອກໜຶ່ງຈອກກ່ອນອາຫານເຊົ້າ 1 ຊົ່ວໂມງສາມາດລ້າງສານພິດໃນຕັບ ແລະຖົງນ້ຳບີໄດ້.


ᐈ ອາການທ້ອງຜູກ, ຍຶ່ງທ້ອງ: ສ່ວນປະສົມນີ້ຈະເປັນຄືກັບນ້ຳຫຼໍ່ລື່ນສຳລັບຍ່ອຍອາຫານ ມັນຈະໄປກະຕຸ້ນການເຮັດວຽກຂອງຕັບ ແລະຖົງນ້ຳບີ ໂດຍໄປເຮັດໜ້າທີ່ເປັນສານຕ້ານອະນຸມູນອິດສະຫຼະທີ່ມີປະສິດທິພາບ ໃນການກຳຈັດສານພິດ ແລະທຳຄວາມສະອາດຮ່າງກາຍຊ່ວຍຍ່ອຍອາຫານ ແລະກຳຈັດຂອງເສຍອອກຈາກຮ່າງກາຍ