ຖືກໂຈນຕີເອົາລົດຈັກ ຢູ່ເສັ້ນທາງ 450 ປີ

ໃນວັນທີ່ 21/02/2018 ເວລາ 1:52 ນາທີ ໄດ້ມີເຫດຄົນຖືກຕີເອົາລົດຈັກ ຈຸດເກີດເຫດແມ່ນ ຢູ່ບ້ານເສັ້ນທາງ450 ປີ ເມືອງໄຊທານີ ນະຄອນຫລວງວຽງຈັນ.


ມີຜູ້ບາດເຈັບ 1ຄົນ ເປັນເພດຊາຍ ອາຍຸ 17 ປີ ປັດຈຸບັນຢູ່ບ້ານທົ່ງປົງ ເມືອງສີໂຄດ ນະຄອນຫລວງວຽງຈັນ.ອາການເບື້ອງຕົ້ນແມ່ນຫົວແຕກເບື້ອງຂວາ ແລະ
ເບື້ອງຊ້າຍ ມີບາດແຜ່ຜົກຊໍ້າຢູ່ໜ້າ ແລະ ມີບາດແຜຕາມຕົນໂຕ

 ດັ່ງນັ້ນມູນນິທິກູ້ໄພນາຄາຈຶ່ງປະຖົມພະຍາບານຂັ້ນຕົ້ນແລ້ວນຳສົ່ງໂຮງໝໍມິດຕະພາບ(150ຕຽງ)
———————————————-
ເຫດບາດເຈັບສຸກເສີນໂທ23456784ຟຮີຕະຫລອດ24ຊົ່ວໂມງ

ສານຕັດສິນລົງໂທດ ຕັດອິດສະຫຼະພາບຕະຫຼອດຊີວິດ 4 ຄົນ ໃນຄະດີຄ້າ-ຂາຍຢາເສບຕິດ

ໃນວັນທີ 9 ກຸມພາ 2018, ທີ່ຫ້ອງປະຊຸມສານປະຊາຊົນແຂວງສະຫວັນນະເຂດ, ຄະນະສານອາຍາຂັ້ນຕົ້ນຂອງສານປະຊາຊົນແຂວງ ໄດ້ນຳເອົາສຳນວນຄະດີອາຍາຄ້າ-ຂາຍຢາເສບຕິດຈຳນວນ 3 ເລື່ອງຄື: ເລກທີ 036/ຂຕ.ອ, ລົງວັນທີ 22 ມັງກອນ 2018 ຂຶ້ນພິຈາລະນາຕັດສິນລະຫວ່າງຫົວໜ້າອົງການໄອຍະການປະຊາຊົນແຂວງສະຫວັນນະເຂດ (ເປັນໂຈດ) ແລະທ້າວ ພົມມາ ອາຍຸ 52 ປີ (ຈຳເລີຍ1) ແລະທ້າວ ທອງສາ, ອາຍຸ 39 ປີ (ຈຳເລີຍ2), ນາງ ແຫຼ້ ອາຍຸ 35 ປີ (ຈຳເລີຍ3), ນາງ ໜູຮັກ ອາຍຸ 39 ປີ (ຈຳເລີຍ4)ຊຶ່ງທັງສີ່ເປັນສັນຊາດລາວ, ອາຊີບເຮັດນາ, ຢູ່ບ້ານໃໝ່ໜອງຫວ້າ ເມືອງສອງຄອນ ແຂວງສະຫວັນນະເຂດ ແລະທ້າວຈຸ່ຍ ອາຍຸ 28 ປີ, ສັນຊາດລາວ, ອາຊີບເຮັດນາ, ບ້ານນາພວກ ເມືອງສອງຄອນ ແຂວງສະຫວັນນະເຂດ (ຈຳເລີຍ5)

ພວກຈຳເລີຍຖືກຫາວ່າ: ຄ້າ-ຂາຍ ແລະສົມຮູ້ຮ່ວມຄິດຄ້າ-ຂາຍຢາເສບຕິດ (ຢາບ້າ), ໂດຍຜ່ານການສືບສວນ-ສອບສວນຢ່າງລະອຽດຖີ່ຖ້ວນຈາກຫຼັກຖານ ແລະພະຍານເຫັນວ່າ: ພວກກ່ຽວທັງທ້າວ ພົມມາ, ທ້າວທອງສາ, ນາງໜູຮັກ ແລະທ້າວຈຸ໋ຍ ເປັນຜູ້ກະທຳຜິດຕໍ່ກົດໝາຍອາຍາໃນຂໍ້ກ່າວຫາວ່າ: ຄ້າ-ຂາຍ ແລະສົມຮູ້ຮ່ວມຄິດຄ້າ-ຂາຍຢາເສບຕິດ (ຢາບ້າ)

ຄະນະສານອາຍາຂັ້ນຕົ້ນ ຈິ່ງໄດ້ຕັດສິນລົງໂທດຕັດອິດສະຫຼະພາບທ້າວ ພົມມາ(ຈຳເລີຍ1) 10 ປີ ປັບໃໝ 100 ລ້ານກີບ,ທ້າວທອງສາ (ຈຳເລີຍ 2) ແລະນາງແຫຼ້ (ຈຳເລີຍ3) ກຳນົດ 15 ປີ ປັບໃໝ 120 ລ້ານກີບ

ຕັດສິນຕັດອິດສະຫຼະ ພາບນາງໜູຮັກ (ຈຳເລີຍ 4), ທ້າວ ຈຸ່ຍ (ຈຳເລີຍ5) ຜູ້ລະຕະຫຼອດຊີວິດ, ປັບໃໝຜູ້ລະ 500 ລ້ານກີບ ພ້ອມຮິບຢາເສບຕິດ (ຢາບ້າ) ຈຳນວນ 1 ມັດ, ນ້ຳໜັກ 226 ກຣາມ, 2 ມັດ ນ້ຳໜັກ 452 ກຣາມ ແລະ7 ເມັດນ້ຳໜັກ 0,6783 ກຣາມ ແລ້ວມອບໃຫ້ພາກສ່ວນກ່ຽວຂ້ອງນຳໄປທຳລາຍຖິ້ມຕາມລະບຽບການ, ຮິບໂທລະສັບຍີ່ຫໍ້ຢູນິເທວສີດຳຈຳນວນ 2 ເຄື່ອງ, ໂທລະສັບມືຖືຍີ່ຫໍ້ໂນເກຍສີສີຟ້າດຳ 1 ເຄື່ອງ, ໂທລະສັບ AIS ສີດຳ 1 ເຄື່ອງ, ເງິນບາດໄທ 144.500 ບາດ, ເງິນກີບທະນາຄານຈຳນວນ 5 ແສນກີບເປັນຂອງລັດ.

ສ່ວນຄະດີທີ 2 ແມ່ນຄະດີຄ້າ-ຂາຍຢາເສບຕິດ (ຢາບ້າ) ເລກທີ 040/ຂຕ.ອ, ລົງວັນທີ 22 ມັງກອນ 2018 ໂດຍມີຈຳເລີຍແມ່ນທ້າວ ແສງ(ຈຳເລີຍ1) ອາຍຸ 50 ປີ, ສັນຊາດລາວ, ອາຊີບເຮັດນາ ບ້ານໜອງວັດ ເມືອງສອງຄອນ ແຂວງສະຫວັນນະເຂດ ແລະທ້າວເລດ້າ ໄຊຍະຈັກ (ຈຳເລີຍ2) ອາຊີບຄ້າ-ຂາຍ ບ້ານໜອງແດງ ເມືອງສອງຄອນ ແຂວງສະຫວັນນະເຂດ

ເຊິ່ງສານໄດ້ຕັດສິນທ້າວ ແສງ ແລະທ້າວເລດ້າ (ພວກຈຳເລີຍ) ວ່າ: ເປັນຜູ້ກຳທຳຜິດຕໍ່ກົດໝາຍອາຍາໃນຂໍ້ກ່າວຫາ: ຄ້າ-ຂາຍຢາເສບຕິດ (ຢາບ້າ) ລົງໂທດຕັດອິດສະຫຼະພາບທ້າວແສງ (ຈຳເລີຍ1) ກຳນົດຕະຫຼອດຊີວິດ, ປັບໃໝ 500 ລ້ານກີບ, ລົງໂທດຕັດອິດສະຫຼະພາບທ້າວເລດ້າ ກຳນົດ 10 ປີ, ປັບໃໝ 100 ລ້ານກີບ, ຮິບຢາເສບຕິດ (ຢາບ້າ)ຈຳນວນ 10 ມັດ, ນ້ຳໜັກ 2.290 ກຣາມ ແລ້ວມອບໃຫ້ພາກສ່ວນທີ່ກ່ຽວຂ້ອງນຳໄປທຳລາຍຖິ້ມຕາມລະບຽບການ ພາຍຫຼັງຄຳຕັດສິນທີ່ໃຊ້ໄດ້ຢ່າງເດັດຂາດ, ຮິບໂທລະສັບຍີ່ຫໍ້ໄອໂຟນຈຳນວນ 1 ເຄື່ອງ, ຍີ່ຫໍ້ຊຳຊຸງສີຂາວ 1 ເຄື່ອງເຂົ້າເປັນຂອງລັດ.

ຄະດີທີ3 ແມ່ນຄະດີຄ້າ-ຂາຍຢາເສບຕິດ (ຢາບ້າ) ຊຶ່ງແມ່ນທ້າວຊຽນຄານ ອິນທະວົງ ຫຼືຄານ, ອາຍຸ 48 ປີ, ອາຊີບເຮັດນາ, ບ້ານໂພນນ້ອຍ, ເມືອງຄຳເກີດ ແຂວງບໍລິຄຳໄຊ (ເປັນຈຳເລີຍ) ໂດຍຜ່ານການສືບສວນ-ສອບສວນຂອງຄະນະສານປະຊາຊົນໄດ້ຕັດສິນວ່າ: ທ້າວຊຽງຄານ ມີຄວາມຜິດຕໍ່ກົດໝາຍອາຍາໃນຂໍ້ຫາວ່າຄ້າ-ຂາຍຢາເສບຕິດ (ຢາບ້າ) ລົງໂທດຕັດອິດສະຫຼະພາບທ້າວ ຊຽງຄານ ຕະຫຼອດຊີວິດ ແລະປັບໃໝ 500 ລ້ານກີບ, ຮິບຢາເສບຕິດ(ຢາບ້າ) ຈຳນວນ 3 ມັດ, ນ້ຳໜັກ 698 ກຣາມ ແລ້ວມອບໃຫ້ພາກສ່ວນທີ່ກ່ຽວຂ້ອງນຳໄປທຳລາຍຖິ້ມຕາມລະບຽບການ, ຮິບໂທລະສັບຍີ່ຫໍ້ໂນເກຍຈຳນວນ 2 ເຄື່ອງ ແລະແຫວນສີເຫຼືອງຄ້າຍຄືຄຳຈຳນວນ 1 ວົງເປັນຂອງລັດ.

ຈາກນີ້, ກໍ່ຍັງໄດ້ນຳເອົາອີກໜຶ່ງຄະດີຂຶ້ນພິຈາລະນາຕັດສິນ ຄືຄະດີມີຢາເສບຕິດ (ຢາບ້າ) ໄວ້ຄອບຄອງ ເພື່ອເສບ ໂດຍແມ່ນທ້າວ ສີຍາ ຊາມຸນຕີ ອາຍຸ 52 ປີ, ສັນຊາດລາວ, ອາຊີບເຮັດນາ ບ້ານນາພວກ ເມືອງສອງຄອນ ແຂວງສະຫວັນນະເຂດ (ເປັນຈຳເລີຍ) ໂດຍສານໄດ້ຕັດສິນຕັດອິດສະຫຼະພາບ 2 ປີ ປັບໃໝ 10 ລ້ານກີບ, ຮິບຢາເສບຕິດ ຈຳນວນ 11 ເມັດ, ນ້ຳໜັກ 0,977ກຣາມ ແລ້ວມອບໃຫ້ພາກສ່ວນກ່ຽວຂ້ອງນຳໄປທຳລາຍຖິ້ມ.

ແຫລ່ງທີ່ມາຈາກໜັງສືພິມສະຫວັນພັດທະນາ

 ກວດລົດຈັກເປົ້າໝາຍ ພົບຟາບ້າ 300 ກວ່າເມັດ

ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ໄດ້ສະກັດກວດຄົ້ນລົດຈັກເປົ້າໝາຍຄ້າຂາຍຢາເສບຕິດ ຢູ່ຈຸດກວດກາຫຼັກ 3 ບ້ານສະໜາມໄຊ ເມືອງປາກເຊ ພົບຢາບ້າ 355 ເມັດໃນວັນທີ 26 ມັງກອນ 2018 ພ້ອມທັງກັກຕົວຜູ້ຖືກຫາໄດ້ 1 ຄົນ ໄປສອບສວນຂະຫຍາຍຜົນ.
ເຈົ້າໜ້າທີ່ ປກສ ແຂວງຈໍາປາສັກ ໄດ້ໃຫ້ຮູ້ວ່າ: ພາຍຫຼັງໄດ້ສືບຮູ້ວ່າ ຈະມີໄວລຸ້ນກໍາລັງນຳຢາບ້າ ໄປຂາຍໃຫ້ກັບພັກພວກຢູ່ເຂດບ້ານສະໜາມໄຊ ໂດຍນຳໃຊ້ພາຫະນະລົດຈັກຍີ່ຫໍ້ຮອນດ້າເວບ ສີແດງດຳ ປ້າຍທະບຽນ 4725 ຈຳປາສັກ. ຈາກນັ້ນ, ຈຶ່ງນໍາກໍາລັງໄປຕັ້ງດ່ານຢູ່ຈຸດກວດກາຫຼັກ 3 ບ້ານສະໜາມໄຊ ຮອດເວລາ 14:00 ໂມງ ຈຶ່ງພົບລົດຈັກເປົ້າໝາຍຂັບຂີ່ໄປ ພໍຮອດຈຸດກວດກາ ເຈົ້າໜ້າທີ່ຈິງກວດຄົ້ນລົດ ແລະ ຄົ້ນຕົວຜູ້ຂັບຂີ່. ຜ່ານການກວດຄົ້ນ ພົບຢາບ້າ 355 ເມັດ ຢູ່ຖົງໂສ້ງ ພ້ອມທັງກັກຕົວຜູ້ຖືກຫາຊື່ທ້າວ ນາຍ ອາຍຸ 18 ປີ ຢູ່ບ້ານທີ 1 ເມືອງບາຈຽງຈະເລີນສຸກ ແຂວງຈຳປາສັກ.
ທ້າວ ນາຍ ຮັບສາລະພາບວ່າ: ຢາບ້າຈຳນວນດັ່ງກ່າວແມ່ນຂອງຕົນແທ້ ເຊິ່ງໄດ້ຊື້ນໍາຜູ້ຮ່ວມຂະບວນການນໍາກັນຢູ່ເມືອງປາກເຊ ໃນວັນທີ 25 ມັງກອນ 2018 ຈຳນວນ 360 ເມັດ ໂດຍນັດຈຸດຊື້ຂາຍກັນຢູ່ຮ້ານກິນ-ດື່ມແຫ່ງໜຶ່ງ ໃນເມືອງປາກເຊ ແລ້ວນຳມາເສບເອງ 5 ເມັດ; ຮອດວັນທີ 26 ມັງກອນ 2018 ໄດ້ເອົາຢາບ້າຈຳນວນດັ່ງກ່າວໄປຂາຍໃຫ້ຜູ້ທີ່ສັງຊື້ຢູ່ບ້ານສະໜາມໄຊ ເມືອງປາກເຊ ພໍຂັບລົດໄປຮອດຈຸດກວດກາ ຫຼັກ 3 ຈຶ່ງຖືກເຈົ້າໜ້າທີ່ກັກຕົວ ພ້ອມຂອງກາງຢາບ້າ 355 ເມັດ ໂທລະສັບ 2 ໜ່ວຍ, ລົດຈັກ 1 ຄັນ ໄປດຳເນີນຄະດີ.
ຂອບໃຈຂໍ້ມູນຈາກ: @ kaodet

ປອມໜ້າເຟສບຸກ ຫຼອກເອົາເງິນ ຖືກຜູ້ເສຍຫາຍແຈ້ງດຳເນີນຄະດີ

ປັດຈຸບັນ, ສັງຄົມອອນລາຍ ເປັ້ນຕົ້ນແມ່ນ ເຟສບຸກ, ວອດແອັບ ແລະອື່ນໆ ກໍາລັງມີບົດບາດຫຼາຍໃນສັງຄົມ ສິ່ງເຫຼົ່ານີ້ ມີຄຸນປະໂຫຍດ ຖ້າເຮົາຫາກນໍາໃຊ້ໃນສິ່ງທີ່ຖືກຕ້ອງ ແຕ່ໃນທາງກົງກັນຂ້າມ ກໍໄດ້ໂທດເຊັ່ນດຽວກັນ ຖ້ານໍາໃຊ້ໄປນໍາທາງທີ່ບໍ່ຖືກຕ້ອງ, ດັ່ງຄະດີທີ່ເກີດຂຶ້ນຕໍ່ໄປນີ້ ແມ່ນເກີດຈາກການນໍາໃຊ້ເຟສ ໄປໃນທາງທີ່ບໍ່ຖືກຕ້ອງ ຈົນນໍາໄປສູ່ແຈ້ງຄວາມໃຫ້ເຈົ້າໜ້າທີ່ຈັບກຸມຜູ້ກະທໍາຜິດໄປດໍາເນີນຄະດີໃນຂໍ້ຫາການນິນທາ ແລະ ການໃສ່ຮ້າຍ.

ເຈົ້າໜ້າທີ່ ປກສ ເມືອງຫາດຊາຍຟອງ ນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 17 ສິງຫາ 2017, ຜ່ານມາ ນາງ ວັນນະນີ ຫຼື ອົ້ນ ອາຍຸ 21 ປີ, ນັກສຶກສາ ບ້ານສາລາຄໍາໃຕ້ ເມືອງຫາດຊາຍຟອງ ນະຄອນຫຼວງວຽງຈັນ ເຂົ້າແຈ້ງ ຄວາມຕໍ່ເຈົ້າໜ້າທີ່ໃຫ້ດໍາເນີນຄະດີຕໍ່ກັບເຈົ້າຂອງ ເຟສບຸກຊື່ ໂຕອົ້ນ ອິນທະວົງ, ເຊິ່ງເຟສບຸກ ດັ່ງກ່າວໄດ້ປອມ ໂດຍເອົາຮູບຂອງຕົນ ແລະ ປະກາດຂາຍບໍລິການທາງເພດ, ຈົນມີຄົນສົນໃຈໂອນເງິນເຂົ້າບັນຊີເປັນຈໍານວນຫຼວງ ຫຼາຍ. ຈາກນັ້ນ, ຜູ້ທີ່ໂອນເງິນມາໃຫ້ ມາຕິດຕໍ່ມາຫາເພື່ອຫຼັບນອນນໍາ. ຕໍ່ກັບບັນຫາດັ່ງກ່າວ, ຍິງສາວໜ້າຕາດີທີ່ ບໍ່ຮູ້ເລື່ອງ ຈຶ່ງຕັດສິນໃຈເຂົ້າແຈ້ງຄວາມເພື່ອດໍາເນີນຄະດີກັບຜູ້ທີ່ປອມເຟສບຸກ.

ພາຍຫຼັງເຈົ້າໜ້າໄດ້ຮັບແຈ້ງຄວາມຈາກຜູ້ເສຍຫຼາຍ ເຈົ້າໜ້າທີ່ກໍໄດ້ແຕ່ງຕັ້ງພະນັກງານວິຊາສະເພາະຕິດຕາມບັນ ຫາດັ່ງກ່າວຢ່າງໃກ້ຕິດ ໂດຍເລີ່ມຈາກການກວດສອບການໂອນເຂົ້າບັນຊີຕົ້ນທາງ ແລະ ປາຍທາງຂອງທະນາຄານ ແຫ່ງໜຶ່ງ ແລະ ປະສານຫາກກັບທະນາຄານ. ມາຮອດວັນທີ 29 ສິງຫາ 2017, ຈຶ່ງຮູ້ບັນ ຊີຂອງຜູ້ກະທໍາຜິດຊື່ທ້າວ ເຈອາ ອາຍຸ 22 ປີ, ບ້ານນາຕານ ເມືອງໄຊທານີ ນະຄອນຫຼວງວຽງຈັນ ແລະ ໄດ້ນໍາຕົວ ມາສອບສວນ ແລະ ຜູ້ກ່ຽວ ສາລະພາບວ່າ: ໃນໄລຍະເດືອນເມສາ ປີ 2017, ໄດ້ຜູ້ຈັກກັບຜູ້ເສຍຫາຍໃນນາມ ໝູ່ຕໍ່ໝູ່ ແລະ ເປັນໝູ່ທາງເຟສ ບຸກ. ມາຮອດເດືອນສິງຫາ 2017 ເຫັນໂພສ ຂອງນາງ ອົ້ນ ມີຄົນຕິດຕາມເປັນ ຈໍານວນຫຼາຍ ຈຶ່ງມີວິທີຕັ້ງເຟສ ໃໝ່ຂຶ້ນມາ ຊື່ ໂຕອົ້ນ ອິນທະວົງ ໂດຍດຶງເອົາຮູບຢູ່ເຟສ ຂອງນາງ ອົ້ນ ແລ້ວມາລົງ ເຟສ ທີ່ປອມຂຶ້ນມາ ຈົນມີຜູ້ຕິດ ຕາມຈໍານວນ 1.000 ກວ່າຄົນ ແລະ ໃຊ້ວິທີຕົວະເອົາເງິນຈາກຜູ້ຕິດຕາມ ແລະ ເລືອກເອົາຄົນທີ່ຄອມເມັ້ນ ໂດຍໃຊ້ ຮູບການລົມໄປມາ ແລ້ວຂໍເງິນລ່ວງໜ້າ ຈາກຜູ້ທີ່ຢາກບໍລິການທາງເພດ ໃຫ້ໂອນເງິນເຂົ້າບັນຊີ ພາຍຫຼັງໄດ້ເງິນ ແລ້ວ ຈຶ່ງໄດ້ແຊັດກັບຜູ້ທີ່ໂອນເງິນໃຫ້ເພື່ອເຍີ້ນເວລາອອກໄປ, ຕົກມາໃນວັນທີ 3 ສິງຫາ 2017 ຜູ້ເສຍຫາຍໄດ້ ແຊັດເຂົ້າມາ ຜູ້ກ່ຽວກໍລົມ ແລະ ບອກວ່າບໍ່ມີເງິນໃສ່ຫວຍ ທາງຜູ້ເສຍຫາຍຈຶ່ງໂອນເງິນເຂົ້າບັນຊີ ລວມ 2 ຄັ້ງ ຈໍານວນ 1.000.000 ກີບ ແລະ ຜູ້ກ່ຽວກໍໄປກົດເອົາທາງຕູ້ເອທີເອັມ ນໍາເງິນໄປໃຊ້ຈ່າຍ.

ນາງ ວັນນະນີ ຫຼື ອົ້ນ ໃຫ້ຮູ້ວ່າ: ພາຍຫຼັງຖືກທ້າວ ເຈອາ ປອມເຟສບຸກ ໄດ້ຮັບຄວາມເສຍຫາຍຢ່າງໃຫຍ່ຫຼວງ ເພາະ ວ່າໝູ່ທີ່ເຮັດວຽກນໍາກັນ ແລະ ສັງຄົມ ກໍໃຫ້ຄວາມສົນໃຈກັບເລື່ອງທີ່ເກີດຂຶ້ນ ຄິດວ່າເປັນເອງເປັນຄົນຂາ ບໍລິການ ທາງເພດແທ້ ແລະ ປັດຈຸບັນ ກໍໄດ້ອອກຈາກວຽກ. ຕໍ່ກັບບັນຫາດັ່ງກ່າວ, ທ້າວ ເຈອາ ໄດ້ອອກມາຂໍໂທດຕໍ່ຜູ້ທີ່ເສຍ ຫາຍ ພ້ອມທັງບໍ່ໃຫ້ສັງຄົມເອົາເປັນແບບຢ່າງ ແລະ ຍອມຮັບຜິດທຸກຢ່າງຕໍ່ເຫດການທີ່ເກີດຂຶ້ນ.

ຈາກການສັງເກດຕີລາຄາຂອງເຈົ້າໜ້າທີ່ ໃນການກະທໍາຂອງທ້າວ ເຈອາ ທີ່ປອມເຟສບຸກ ເອົາຮູບພາບຂອງນາງ ອົ້ນ ລົງທາງອອນໄລ ເຮັດໃຫ້ຄົນອື່ນຄິດວ່ານາງ ອົ້ນ ແລ້ວຊອກຫາຄົນເພື່ອຂໍເງິນແລກກັບເສກສົມຮ່ວມເພດ ເຮັດ ໃຫ້ຄົນຫຼົງເຊື່ອ ແລະ ໂອນເງິນໃຫ້ ເຫັນວ່າ: ການປະພຶດດັ່ງກ່າວເປັນການກະທິດຜິດທາງອາຍາ ຄົບອົງປະກອບການ ກະທໍາຜິດຕາມມາດຕາ 94,120 ຂອງກົດໝາຍອາຍາ ແຫ່ງ ສປປ ລາວ ໃນສະຖານການນິນທາ ແລະ ໃສ່ຮ້າຍ.

ຂ່າວ: ນສພ ຄວາມສະຫງົບ

ລະວັງ!!!ເຂົ້າຕົ້ມສູດໃຫ່ມ ບໍ່ມີໄສ້

ຈາກຜູ້ໃຊ້ເຟສບຸກ Hathaphom ໄດ້ໂພສລົງໃນເຟສບຸກສ່ວນຕົວຂອງຕົນເອງ ຝາກເຕືອນວ່າ: ເຫັນໃຈຜູ້ບໍລິໂພກແດ່ ຄົນຂາຍກະຄົນຊື້ເຂົາກະບໍ່ຮູ້ມີຊີ້ນທາງໃນບໍ່ໄດ້ເປີດໃຫ້ເບິ່ງ ຢາກໄດ້ແຕ່ເງິນຫລາຍ ກຸດຈີນ ກຸດຫວຽດ ເນື່ອງຈາກວ່າມີແມ່ຄ້າຕົວະຂາຍເຂົ້າຕົ້ມທີ່ບໍ່ມີໄສ້ໃຫ້

 

 

ຕຳຫຼວດກອງພັນປ້ອງກັນເຄື່ນທີ່ແຂວງອຸດົມໄຊກັກຜູ້ຖືກຫາ2ຄົນຍຶດຢາບ້າໄດ້ 3.627 ເມັດ.

ໃນເວລາ 14 ໂມງ 00 ນາທີຂອງວັນທີ 6 ກຸມພາ 2018,ເຈົ້າໜ້າທີ່ຕຳຫຼວດກອງພັນປ້ອງກັນເຄື່ອນທີ່ ປກສ ແຂວງອຸດົມໄຊ ໄດ້ລົງເຄື່ອນໄຫວກວດກາລາດຕະເວນ ເພື່ອຮັກສາຄວາມສະຫງົບ,ຄວາມເປັນລະບຽບຮຽບຮ້ອຍຕາມໜ້າທີ່ວິຊາສະເພາະທີ່ໄດ້ຮັບມອບໝາຍຢູ່ເສັ້ນທາງຕັດໃໝ່ລະຫວ່າງບ້ານຫ້ວຍຂຸມ-ຫຼັກ4.

ຕົກມາຮອດເວລາ 16 ໂມງ 20 ນາທີຂອງວັນດຽວກັນມີຜູ້ຊາຍຈຳນວນ 2 ຄົນໄດ້ຂັບຂີ່ລົດຈັກຊ້ອນທ້າຍກັນມາຕາມເສັ້ນທາງ ແລະ ມີທ່າທາງຜິດພິລຸດ ຈິ່ງໄດ້ຂໍອະນຸຍາດໃຫ້ຈອດລົດເພື່ອກວດກາລົດ ແລະ ຕົນຕົວຂອງພວກກຽ່ວແລ້ວໄດ້ພົບເຫັນຢາເສບຕິດປະເພດຢາບ້າທີ່ຊຸກເຊື່ອງໄວ້ໃນຖົງເປ້ສີດຳຂອງພວກກຽ່ວຈຳນວນ 18 ຖົງ,ເທົ່າກັບ 3.627 ເມັດ,ນໍ້າໜັກ 373,3 ກຣາມ, ທາງເຈົ້າໜ້າທີ່ຈິງໄດ້ກັກຕົວພ້ອມເຄື່ອງຂອງກາງ,ເຄື່ອງຕິດຕົວ ແລະ ພາຫານະມາສອບສວນໃນເບື້ອງຕົ້ນ ຈິ່ງຮູ້ວ່າ ຜູ້ຖືກຫາຊື່ທ້າວ ຮົວວາ,ອາຍຸ 25 ປີ ແລະ ທ້າວ ເຈຍເລົາ,ອາຍຸ 25 ປີ ທັງສອງເປັນປະຊາຊົນຢູ່ບ້ານ ຮ່ອງທູ ເມືອງງາ ແຂວງອຸດົມໄຊ ແລະ ພວກກຽ່ວຍັງຍອມຮັບສາລະພາບຕໍ່ເຈົ້າໜ້າທີ່ອີກວ່າ: ຢາບ້າຈຳນວນ 18 ຖົງ,ເທົ່າກັບ 3.627 ເມັດ,ນໍ້າໜັກ 373,3 ກຣາມ

ແມ່ນຂອງພວກຕົນແທ້ ເຊິ່ງໄດ້ໄປຊື້ນຳຄົນບໍ່ຮູຈັກຊື່ ແລະ ທີ່ຢູ່ລະອຽດ ພາຍຫຼັງຊື້ ໄດ້ແລ້ວກໍຈະໄປຂາຍຕໍ່ ແລະ ເສບ,ແຕ່ພໍເດີນທາງກັບບ້ານກໍ່ຖືກເຈົ້າໜ້າທີ່ຕຳຫຼວດກັກຕົວກ່ອນ. ຕໍ່ພວກກະທຳຜິດໃນຂໍ້ຫາຂົນສົ່ງຢາເສບຕິດ ແລະ ມີຢາເສບຕິດໄວ້ໃນຄອບຄອງ ພ້ອມເຄື່ອງຂອງກາງ,ພາຫານະ ແລະ ເຄື່ອງຕິດຕົວຂອງຄະດີລາຍນີ້ປະຈຸບັນທາງເຈົ້າໜ້າທີ່ຕຳຫຼວດກອງພັນປ້ອງກັນເຄື່ອນທີ່ໄດ້ມອບໂອນໃຫ້ເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊ ສືບຕໍ່ດຳເນີນການສືບສວນ-ສອບສວນ, ປະກອບສຳນວນຄະດີສົ່ງໄອຍະການສັ່ງຟ້ອງສານຕັດສີນລົງໂທດຕາມລະບຽບກົດໝາຍ ຕໍ່ໄປ

ຂ່າວ: ພຸດມະນີ

ປກສ ແຂວງຊຽງຂວາງ ຈັບຕົວຜູ້ຄ້າຂາຍຢາເສບຕິດ2ຄົນ ພ້ອມຂອງກາງຢາບ້າຈໍານວນ 18000 ເມັດ

ປກສ ແຂວງຊຽງຂວາງ ຈັບຕົວຜູ້ຄ້າຂາຍຢາເສບຕິດ2ຄົນ ພ້ອມຂອງກາງຢາບ້າຈໍານວນ 18000 ເມັດ

ຈັບຕົວຜູ້ຄ້າຂາຍຢາເສບຕິດ2ຄົນ ພ້ອມຂອງກາງຢາບ້າຈໍານວນ 18000 ເມັດ

ປກສ ແຂວງຊຽງຂວາງ ຈັບຕົວຜູ້ຄ້າຂາຍຢາເສບຕິດ2ຄົນ ພ້ອມຂອງກາງຢາບ້າຈໍານວນ 18000 ເມັດ

Posted by ຂ່າວ ປກສ ແຂວງຊຽງຂວາງ on Tuesday, February 6, 2018

 

ພົ້ນໂທດອອກມາແລ້ວແທນທີ່ຈະກັບຕົວເປັນຄົນດີຂອງສັງຄົມພັດສືບຕໍ່ເຄືອນໄຫວຄ້າ-ຂາຍຢາເສບຕິດຕື່ມອີກ

ພົ້ນໂທດອອກມາແລ້ວແທນທີ່ຈະກັບຕົວເປັນຄົນດີຂອງສັງຄົມພັດສືບຕໍ່ເຄືອນໄຫວຄ້າ-ຂາຍຢາເສບຕິດຕື່ມອີກ

ພົ້ນໂທດອອກມາແລ້ວແທນທີ່ຈະກັບຕົວເປັນຄົນດີຂອງສັງຄົມພັດສືບຕໍ່ເຄືອນໄຫວຄ້າ-ຂາຍຢາເສບຕິດຕື່ມອີກ

Posted by ຄລິບເດັ່ນ ຂ່າວດັງ.com on Tuesday, February 6, 2018

ເຈົ້າຫນ້າທີ່ ປກສ ຊຽງຂວາງຈັບຜູ້ຄ້າ ແລະຜູ້ມົ້ວສຸມເສບຢາບ້າ

ເຈົ້າຫນ້າທີ່ຈັບຕົວຜູ້ຄ້າຂາຍ ແລະ ຄົ້ນເຮືອນ ນາງປາມົວ ອາຍຸ 74 ປີ ຢູ່ບ້ານຍອນ ເມືອງແປກ ແຂວງຊຽງຂວາງ ພົບຂອງກາງຢາບ້າຈຳນວນ 114 ເມັດພ້ອມຜູ້ມົວສຸມເສບຢາອີກ 4 ຄົນ ປະຈຸບັນເຈົ້າຫນ້າທີ່ຕຳຫລວດພວມດຳເນີນຕາມລະບຽບກົດຫມາຍ

ພາບ- ຂ່າວ: ຄຳສາຍ ສີປະເສີດ