ເປັນຫຍັງຈຶ່ງມີການປັບລາຄານ້ຳມັນເຊື້ອໄຟຕື່ມ?

ກົມການຄ້າພາຍໃນ ໄດ້ເຜີຍເຖິງເຫດຜົນຂອງການປັບລາຄານໍ້າມັນເພື່ອໃຫ້ປະຊາຊົນໄດ້ຮັບຮູ້ ແລະ ເຂົ້າໃຈ ພ້ອມທັງຮຽກຮ້ອງໃຫ້ເປັນເຈົ້າການຕິດຕາມການຂາຍນ້ຳມັນເຊື້ອໄຟບໍ່ຖືກກັບລາຄາທີ່ລັດກຳນົດ ສາມາດແຈ້ງມາຍັງສາຍດ່ວນທັນທີ.
ສະພາບລາຄານ້ຳມັນຢູ່ຕະຫຼາດໂລກ ເວົ້າສະເພາະລາຄານ້ຳມັນສຳເລັດຮູບເໜັງຕີງປັບເພີ່ມຂຶ້ນຢ່າງຕໍ່ເນື່ອງເມື່ອສົມທຽບລາຄາສະເລ່ຍຕະຫຼາດໂລກ ລະຫວ່າງວັນທີ 29/1 – 2/2/2018 ກັບລາຄານຳເຂົ້າ ( CIF ) ປະຕິບັດຄັ້ງວັນທີ 27/1/2018 ເຫັນວ່າລາຄາສະເລ່ຍຕະຫຼາດໂລກຍັງມີລາຄາສູງກວ່າລາຄາປະຕິບັດຄັ້ງວັນທີ 27/1/2018 ຄື: ລາຄານ້ຳມັນແອັດຊັງ ( 95 ) ເພີ່ມຂຶ້ນ 0.0191$/ລິດ ( 159 ກີບ/ລິດ ), ນ້ຳມັນແອັດຊັງ ( 92 ) ເພີ່ມຂຶ້ນ 0.0305 $/ລິດ ( 253 ກີບ/ລິດ ) ແລະ ກາຊວນ ( 0.05 ) ເພີ່ມຂື້ນ 0.0426 $/ລິດ ( 354 ກີບ/ລິດ ).
ຕໍ່ສະພາບການເໜັງຕີງເພີ່ມຂຶ້ນຂອງລາຄານ້ຳມັນເຊື້ອໄຟຢູ່ຕະຫຼາດໂລກ ດັ່ງທີ່ກ່າວມາຂ້າງເທິງຈຶ່ງເຮັດໃຫ້ລາຄາຂາຍຍ່ອຍໜ້າປ້ຳ ( ເວົ້າສະເພາະນະຄອນຫຼວງວຽງຈັນ ) ເໜັງຕີງເພີ່ມຂຶ້ນຈາກລາຄາປະຕິບັດຄັ້ງວັນທີ 27/1/2018 ສູງສົມຄວນ ແລະ ສູງເກີນ 5% ໂດຍສະເພາະນ້ຳມັນແອັດຊັງ ( 92 ) ແລະ ກາຊວນ ( 0.05 ) ເຊິ່ງຈະສົ່ງຜົນກະທົບຕໍ່ພື້ນຖານເສດຖະກິດ.
ດ້ວຍເຫດນັ້ນກະຊວງອຸດສາຫະກຳ ແລະ ການຄ້າ, ກະຊວງການເງິນ ແລະ ສະມາຄົມນ້ຳມັນເຊື້ອໄຟ ແລະ ອາຍແກ໊ສ ຈຶ່ງໄດ້ຄົ້ນຄວ້າເອກະພາບກັນປັບຂຶ້ນລາຄາຂາຍຍ່ອຍໃນຄັ້ງວັນທີ 13/02/2018 ຢູ່ນະຄອນຫຼວງວຽງຈັນ ແອັດຊັງພິເສດ = 12,210 ກີບ/ລິດ, ແອັດຊັງທຳມະດາ = 9,120 ກີບ/ລິດ ແລະ ກາຊວນ = 8,100 ກີບ/ລິດ ຫຼື ເພີ່ມຂຶ້ນ 200,180 ແລະ 200 ກີບ/ລິດ ຕາມລຳດັບ.
ເນື່ອງຈາກເຮົາເປັນປະເທດທີ່ນຳເຂົ້ານ້ຳມັນເຊື້ອໄຟ 100%, ແຕ່ລະປີລັດຖະບານໄດ້ນຳໃຊ້ເງິນຕາຈຳນວນມະຫາສານເພື່ອສະໜອງໃຫ້ຜູ້ປະກອບການຊຳລະຄ່ານ້ຳມັນເຊື້ອໄຟ. ສະນັ້ນ, ກົມການຄ້າພາຍໃນ ກໍ່ຄືກະຊວງອຸດສາຫະກຳ ແລະ ການຄ້າ ຈຶ່ງຮຽກຮ້ອງມາຍັງພໍ່ແມ່ປະຊາຊົນ, ທະຫານ ແລະ ຕຳຫຼວດ ຈົ່ງຊົມໃຊ້ນ້ຳມັນເຊື້ອໄຟຢ່າງປະຢັດ.
ພ້ອມນັ້ນ, ກໍ່ຮຽກຮ້ອງມາຍັງບັນດາທ່ານທີ່ພົບເຫັນການຂາຍນ້ຳມັນເຊື້ອໄຟບໍ່ຖືກກັບລາຄາທີ່ລັດກຳນົດ ຫຼື ມີເບາະແສການສວຍໂອກາດຂຶ້ນລາຄາສິນຄ້າ ແລະ ຄ່າບໍລິການປະເພດນ້ຳມັນເຊື້ອໄຟ ຫຼື ສິນຄ້າປະເພດອື່ນ ສາມາດແຈ້ງມາຍັງສາຍດ່ວນ 1510 ເພື່ອປົກປ້ອງສິດຜົນປະໂຫຍດຂອງຜູ້ຊົມໃຊ້ ກໍ່ຄືຂອງທ່ານເອງ.
ຂອບໃຈຂໍ້ມູນຈາກ: © ເສດຖະກິດ ການຄ້າ

ພະຍາກອນອາກາດປະຈຳວັນທີ 14 ກຸມພາ 2018

ມວນອາກາດໜາວເຢັນຍັງມີກຳລັງອ່ອນ ຫາ ປານກາງ ປົກຄຸມຢູ່ທົ່ວທຸກພາກຂອງປະເທດລາວ, ແລະ ສົມທົບກັບກະແສລົມຕາເວັນຕາເວັນອອກສ່ຽງເໜືອພັດປົກຄຸມ, ຊຶ່ງລັກສະນະເຊັ່ນນີ້ ຈະເຮັດໃຫ້ອາກາດເຢັນ ຫາ ໜາວເຢັນຢູ່ທົ່ວໄປໃນຕອນເຊົ້າໃນແຕ່ລະພາກ, ພ້ອມມີໝອກໜາປົກຫຸ້ມຢູ່ບາງທ້ອງຖີ່ນແຂວງພາກເໜືອ, ແຂວງໄຊສົມບູນ, ແລະ ເຂດພູພຽງບໍລະເວນ, ສ່ວນຕອນກາງເວັນອາກາດຮ້ອນຂື້ນເລັກນ້ອຍ.

ກອງປະຊຸມວຽກງານສາທາລະນະສຸກ ທົ່ວປະເທດ ປະຈຳປີ

ກະຊວງສາທາລະນະສຸກ ໄດ້ຈັດກອງປະຊຸມສະຫຼຸບການ ຈັດຕັ້ງປະຕິບັດວຽກງານສາທາ ລະນະສຸກທົ່ວປະເທດ ປະຈຳ ປີ 2017 ແລະ ວາງທິດທາງ ແຜນການປີ 2018 ຂຶ້ນໃນວັນ ທີ 6-7 ກຸມພານີ້ ທີ່ຫ້ອງປະຊຸມ ສູນ ICTC ນະຄອນຫຼວງວຽງ ຈັນ ໂດຍການເປັນປະທານ ຂອງທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະ ນະສຸກ, ມີຮອງລັດຖະມົນຕີ, ຮອງເຈົ້າແຂວງ, ຮອງເຈົ້າຄອງ, ຫົວໜ້າພະແນກສາທາລະນະ ສຸກແຂວງໃນທົ່ວປະເທດ ພ້ອມ ແຂກຖືກເຊີນ ແລະ ພາກສ່ວນ ກ່ຽວຂ້ອງເຂົ້າຮ່ວມ. ກອງປະຊຸມຄັ້ງນີ້ ໄດ້ສະ ຫຼຸບຕີລາຄາການຈັດຕັ້ງປະຕິ ບັດວຽກງານພັດທະນາສາທາ ລະນະສຸກ ປະຈຳປີ 2017, ຜ່ານແຜນການພັດທະນາສາ ທາລະນະສຸກ ປະຈຳປີ 2018 ແລະ 2019. ພ້ອມດຽວກັນ ຍັງໄດ້ສະຫຼຸບການຈັດຕັ້ງປະຕິ ບັດຍຸດທະສາດປະຕິຮູບສາ ທາລະນະສຸກ ໄລຍະທີ I (2013-2015) ແລະ ແຜນຍຸດ ທະສາດປະຕິຮູບສາທາລະນະ ສຸກ ໄລຍະ II (2016-2020). ຜ່ານການຈັດຕັ້ງປະຕິບັດວຽກ ງານໃນໜຶ່ງປີຜ່ານມາ ເຫັນວ່າ ຂະແໜງການສາທາລະນະສຸກ ຍາດໄດ້ຜົນງານເດັ່ນຈຳນວນ ໜຶ່ງ ໂດຍສະເພາະແມ່ນອັດຕາ ການຕາຍຂອງເດັກນ້ອຍລຸ່ມ 1 ປີ ໄດ້ຫຼຸຸດລົງຈາກ 57/1000 ໃນປີ 2015 ມາເປັນ 41/1000, ອັດຕາການຕາຍຂອງແມ່ຫຼຸຸດ ລົງຈາກ 206 ໃນປີ 2015 ມາ ເປັນ 179/100.000. ອັດຕາ ສ່ວນປະຊາຊົນໄດ້ຊົມໃຊ້ນ້ຳ ສະອາດໄດ້ເພີ່ມຂຶ້ນຈາກ 85,7% ໃນປີ 2015 ມາເປັນ 86,6% ໃນປີ 2017. ອັດຕາ ສ່ວນເດັກນ້ອຍລຸ່ມ 5 ປີທີ່ມີ ນ້ຳໜັກຕ່ຳກວ່າມາດຕະຖານ ຫຼຸດລົງຈາກ 25,5% ໃນປີ 2015 ມາເປັນ 22% ໃນປີ 2017, ອັດຕາສ່ວນເດັກນ້ອຍ ລຸ່ມ 5 ປີ ເຕ້ຍ ຫຼຸຸດລົງຈາກ 35,6% ໃນປີ 2015 ມາເປັນ 34% ໃນປີ 2017. ສາມາດ ສ້າງບ້ານສາທາລະນະສຸກ ແບບຢ່າງ ກວມເອົາ 71%ຂອງ ຈຳນວນບ້ານເປົ້າໝາຍ, ຄັງ ປະກັນສຸຂະພາບໄດ້ກວມເອົາ 75% ຂອງຈຳນວນປະຊາຊົນ ທັງໝົດ ແລະ ວຽກງານອື່ນໆ. ກອງປະຊຸມດັ່ງກ່າວ ຍັງ ໄດ້ປຶກສາຫາລື ແລະ ກວດກາ ແຜນການ 2018 ແລະ 2019 ເພື່ອບັນລຸ 10 ຄາດໝາຍທີ່ສະ ພາແຫ່ງຊາດ ຮັບຮອງເອົາເປັນ ຕົ້ນການສືບຕໍ່ເຮັດໃຫ້ອັດຕາ ການຕາຍຂອງແມ່ ແລະ ເດັກ ຫຼຸຸດລົງ, ການປັບປຸງສະພາບ ໂພຊະນາການຂອງເດັກນ້ອຍ ລຸ່ມ 5 ປີ, ການເອົາໃຈໃສ່ສະ ໜອງນ້ຳສະອາດ ແລະ ນຳໃຊ້ ວິດຖ່າຍ, ການເພີ່ມອັດຕາສັກ ຢາກັນພະຍາດ ແລະ ການຂະ ຫຍາຍຄັງປະກັນສຸຂະພາບ ເພື່ອເຮັດໃຫ້ທຸກຄົນສາມາດ ເຂົ້າເຖິງການຮັກສາສຸຂະພາບ.

ທ່ານ ສະເຫຼີມໄຊ ກົມມະສິດ ເຂົ້າຮ່ວມກອງປະຊຸມວົງແຄບ ຂອງລັດຖະມົນຕີຕ່າງປະເທດອາຊຽນ

ໃນວັນທີ 6 ກຸມພາ 2018 ທີ່ ສິງກະໂປ, ທ່ານ ສະເຫຼີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ໄດ້ນຳພາຄະນະຜູ້ແທນຂອງ ສປປ ລາວ ໄດ້ເຂົ້າຮ່ວມກອງ ປະຊຸມວົງແຄບຂອງລັດຖະ ມົນຕີຕ່າງປະເທດອາຊຽນ ພາຍ ໃຕ້ຄຳຂວັນທີ່ສິງກະໂປ ໄດ້ ກຳນົດໃນການເປັນປະທານ ອາຊຽນຂອງຕົນ ໃນປີ 2018 ຄື: “ເຂັ້ມແຂງ” ແລະ “ນະວັດ ຕະກຳ” ຮ່ວມກັບບັນດາລັດຖະ ມົນຕີຕ່າງປະເທດອາຊຽນ, ເຈົ້າໜ້າທີ່ອາວຸໂສ ແລະ ເລຂາ ທິການໃຫຍ່ອາຊຽນ. ກອງປະ ຊຸມຄັ້ງນີ້ ແມ່ນກອງປະຊຸມຄັ້ງ ທຳອິດຂອງລັດຖະມົນຕີຕ່າງ ປະເທດອາຊຽນ ພາຍໃຕ້ການ ເປັນປະທານອາຊຽນຂອງສິງ ກະໂປ ໃນປີ 2018.

ກອງປະຊຸມໄດ້ຮັບຊາບ ຄວາມຄືບໜ້າຂອງການຈັດຕັ້ງ ປະຕິບັດຄຳຕົກລົງຂອງຜູ້ນຳ ອາຊຽນໃນກອງປະຊຸມສຸດ ຍອດອາຊຽນ ຄັ້ງທີ 31 ຜ່ານມາ ກໍຄື ການຈັດຕັ້ງປະຕິບັດບັນດາ ເອກະສານແຜນແມ່ບົດ ສຳລັບ ສາມເສົ້າຄ້ຳປະຊາຄົມອາຊຽນ 2025, ແຜນງານຂໍ້ລິເລີ່ມ ເພື່ອການເຊື່ອມໂຍງອາຊຽນ ສະບັບທີສາມ ແລະ ແຜນແມ່ ບົດສຳລັບການເຊື່ອມຈອດ ອາຊຽນ 2025. ກອງປະຊຸມໄດ້ເຫັນດີ ຮັບຮອງເອົາບຸລິມະສິດ ສຳລັບ ການເປັນປະທານອາຊຽນຂອງ ສິງກະໂປເຊັ່ນ: ຮ່າງວິໄສທັດ ຜູ້ນຳອາຊຽນ ເພື່ອຄວາມເຂັ້ມ ແຂງ ແລະ ນະວັດຕະກຳອາ ຊຽນ, ຮ່າງຖະແຫຼງການຜູ້ນຳ ອາຊຽນ ວ່າດ້ວຍຄວາມໝັ້ນຄົງ ທາງຄອມພິວເຕີ ແລະ ເອກະ ສານແນວຄວາມຄິດ ວ່າດ້ວຍ ການສ້າງເຄືອຂ່າຍຕົວເມືອງ ພັດທະນາອາຊຽນ. ພ້ອມນີ້, ກອງປະຊຸມ ກໍ ໄດ້ປຶກສາຫາລືກ່ຽວກັບການ ຮ່ວມມືລະຫວ່າງອາຊຽນກັບ ພາຍນອກ ໃນທ່າມກາງໂຄງ ສ້າງພາກພື້ນທີ່ພວມຜັນແປ ແລະ ໃນໂອກາດນີ້ ບັນດາລັດ ຖະມົນຕີຕ່າງປະເທດອາຊຽນ ຍັງໄດ້ແລກປ່ຽນຄວາມຄິດ ຄວາມເຫັນກ່ຽວກັບສະພາບ ການເມືອງ ແລະ ເສດຖະກິດ ຂອງພາກພື້ນ ແລະ ສາກົນ ທີ່ ພວມສືບຕໍ່ຜັນແປ, ບັນຫາທີ່ ເປັນສິ່ງທ້າທາຍຕໍ່ສັນຕິພາບ ແລະ ສະຖຽນລະພາບຂອງ ພາກພື້ນ ແລະ ຂອງໂລກເຊັ່ນ: ບັນຫາການກໍ່ການຮ້າຍ, ໄພພິ ບັດທຳມະຊາດ ແລະ ອາດຊະ ຍາກຳຂ້າມຊາດ ແລະ ອື່ນໆ ແລະ ສະພາບການໃນຕາເວັນ ອອກກາງ, ແຫຼມເກົາຫຼີ ແລະ ທະເລຈີນໃຕ້. ໃນກອງປະຊຸມຄັ້ງນີ້, ທ່ານລັດຖະມົນຕີ ສະເຫຼີມໄຊ ກົມມະສິດ ໄດ້ເນັ້ນຢ້ຳເຖິງ ຄວາມສຳຄັນຂອງການເພີ່ມ ທະວີການຮ່ວມມື ເພື່ອຮັດແຄບ ຄວາມແຕກໂຕນທາງດ້ານ ການພັດທະນາລະຫວ່າງປະ ເທດສະມາຊິກອາຊຽນ ແລະ ການເຊື່ອມຈອດພາກພື້ນ ເພາະສອງໜ້າວຽກດັ່ງກ່າວ ແມ່ນມີຄວາມສຳຄັນຢ່າງຍິ່ງຕໍ່ ການເຊື່ອມໂຍງເສດຖະກິດ ພາກພື້ນ. ພ້ອມນີ້ ທ່ານ ກໍຍັງ ຢ້ຳເຖິງການສົ່ງເສີມບົດບາດ ຄວາມເປັນແກນກາງຂອງອາ ຊຽນ ໃນການພົວພັນກັບພາຍ ນອກ ແລະ ໃນໂຄງສ້າງພາກ ພື້ນທີ່ພວມຜັນແປ.

ຂ່າວ: ນສພ ປະຊາຊົນ

ພົງຊັບທະວີ ແລະ ຫວຽດນາມ ຮ່ວມມືຊື້ຂາຍພະລັງງານໄຟຟ້າ

ພິທີ​ເຊັນ​ບົດ​ບັນທຶກ​ຄວາມເຂົ້າໃຈ​ໂຄງການ​ກໍ່ສ້າງ​ສາຍ​ສົ່ງໄຟຟ້າ​ແຮງ​ສູງ 500 ກິ​ໂລ​ໂວນ (KV) ຈຳນວນ 5.000 ເມັກ​ກາວັດ (MW) ຈາກ​ພາກ​ເໜືອ​ຂອງລາວ​ຫາ​ພາກ​ໃຕ້ ​ສສ ຫວຽດນາມ ແລະ ໂຄງການ​ຊື້-ຂາຍພະລັງງານ​ໄຟຟ້າ​ຈາກ​ເຂື່ອນ​ໄຟຟ້າ​ເຊ​ກອງ 3A ແລະ 3B ຢູ່ແຂວງ​ເຊ​ກອງ ໂຄງການ​ເຂື່ອນໄຟຟ້າ​ນ້ຳ​ຊຳ 1A ແລະ 1B ໂຄງການ​ເຂື່ອນ​ໄຟຟ້າ​ນ້ຳ​ຊຳ 3 ແລະ 3A ຢູ່​ແຂວງ​ຫົວພັນ ແລະ ໂຄງການ​ເຂື່ອນ​ໄຟຟ້ານ້ຳ​ໂມ້ 2 ຢູ່ແຂວງ​ຊຽງ​ຂວາງ ໄດ້​ຈັດ​ຂຶ້ນ​ທີ່​ສຳນັກ​ງານ​ນາຍົກລັດຖະມົນຕີ ໃນວັນ​ທີ 5 ກຸມພາ 2018 ໂດຍ​ໃຫ້ກຽດ​ເຂົ້າ​ຮ່ວມເປັນ​ສັກຂີ​ພິຍານຂອງ​ທ່ານ ທອງ​ລຸນ ສີ​ສຸ​ລິດ ນາຍົກ​ລັດຖະມົນຕີ ແຫ່ງ ​ສປປ ລາວ ແລະ ທ່ານ ຫງວຽນ ຊວັນ​ຟຸກ ນາຍົກລັດຖະມົນຕີ ແຫ່ງ ​ສສ ຫວຽດນາມ ພ້ອມ​ດ້ວຍ​ການ​ນຳຂັ້ນ​ສູງ​ຂອງ​ສອງ​ປະເທດ​ລາວ ແລະ ຫວຽດນາມ.

ລົງ​ນາມ​ໃນ​ເອກະສານ​ສັນຍາ​ດັ່ງກ່າວ​ຄັ້ງ​ນີ້ ຝ່າຍ​ລາວໂດຍທ່ານ ພົງ​ສະ​ຫວັດ ເສນາ​ພວນ ປະທານ​ບໍລິສັດ ພົງ​ຊັບ​ທະວີ​ກໍ່ສ້າງ​ຂົວ​ທາງ ເຄຫາ​ສະຖານ ແລະ ຊົນລະປະທານ ຈຳກັດ ແລະ ຝ່າຍ​ຫວຽດນາມ​ໂດຍ​ທ່ານ Duong Quang Thanh ປະທານ​ລັດ​ວິ​ສາ​ຫະ​ກິດ​ໄຟຟ້າຫວຽດນາມ (EVN) ຈຸດປະສົງ​ການ​ເຊັນ​ບົດ​ບັນທຶກ​ຄວາມ​ເຂົ້າໃຈ​ສອງ​ຝ່າຍ​ຄັ້ງ​ນີ້ ແມ່ນ​ເປັນ​ການ​ຮ່ວມ​ມື​ພັດທະນາໂຄງການ​ສາຍ​ສົ່ງ​ໄຟຟ້າ​ແຮງ​ສູງ ແລະ ການ​ຊື້-ຂາຍ​ພະລັງງານ​ໄຟຟ້າ​ລະຫວ່າງ​ປະເທດ ເຮັດ​ໃຫ້ປະຊາຊົນ​ທັງ​ສອງ​ປະເທດ ໄດ້​ມີວຽກ​ເຮັດ​ງານ​ທຳ ແລະ ມີ​ໄຟຟ້າຊົມໃຊ້​ຢ່າງ​ພຽງພໍ ພ້ອມ​ທັງ​ເປັນການ​ສ້າງ​ລາຍ​ຮັບ​ໃຫ້​ງົບປະມານຂອງ​ລັດຖະບານ​ສອງ​ປະເທດ​ຕື່ມອີກ​ໃນ​ອະນາຄົດ ສຳລັບ​ແຜນການ​ພັດທະນາ​ໂຄງການ​ດັ່ງກ່າວນີ້ ​ຄູ່​ສັນຍາ​ສອງ​ຝ່າຍ​ຍັງ​ຄາດ​ຄະເນ​ໄວ້​ວ່າ ຈະ​ສຶກ​ສາ​ສຳ​ຫຼວດຄວາມ​ເປັນ​ໄປ​ໄດ້​ທາງ​ດ້ານ​ເສດຖະ​ກິດ ແລະ ສິ່ງແວດລ້ອມ​ຂອງໂຄງການ.

ຮອງນາຍົກ ເນັ້ນຕ້ອງກວດສອບການຄຸ້ມຄອງລາຍຈ່າຍຢ່າງເຂັ້ມງວດ

ກອງ​ປະຊຸມ​ເປີດ​ກວ້າງ​ກ່ຽວກັບ​ວຽກ​ງານ​ກວດ​ສອບ​ງົບ​ປະມານ​ແຫ່ງ​ລັດ ປະຈຳ​ປີ 2017 ໄດ້ດຳເນີນ​ມາ​ເປັນ​ເວລາ 2 ວັນ ຮອດ​ວັນ​ທີ 6 ກຸມພາ 2018 ທີ່ໂຮງແຮມ​ດອນ​ຈັນ​ພາ​ເລດ ນະຄອນ​ຫຼວງ​ວຽງ​ຈັນ ເປັນ​ກຽດ​ເຂົ້າ​ຮ່ວມ​ຂອງ​ທ່ານ ບຸນທອງ ຈິດ​ມະນີ ຮອງ​ນາຍົກ​ລັດຖະ​ມົນຕີ ປະທານ​ອົງການ​ກວດກາ​ລັດຖະບານ ຫົວໜ້າ​ອົງການຕ້ານ​ການ​ລໍ້​ລາດ​ບັງ​ຫຼວງ ມີ​ຄະນະ​ນຳ​ອົງການ​ກວດ​ສອບ​ແຫ່ງລັດ ຮອງ​ລັດຖະມົນຕີ ຮອງ​ເຈົ້າແຂວງ ຮອງ​ເຈົ້າ​ຄອງ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ກອງ​ປະຊຸມ​ພາຍ​ໃຕ້​ຄຳ​ຂວັນ ກວດ​ສອບ “ປະສິດທິພາບ ປະສິດທິ​ຜົນ ແລະ ປະຢັດ” ເຊິ່ງ​ຜູ້​ເຂົ້າຮ່ວມ​ໄດ້​ພ້ອມ​ກັນ​ປະກອບ​ຄຳ​ຄິດເຫັນ​ຢ່າງ​ຟົດຟື້ນ ມີ​ເນື້ອ​ໃນ​ຄົບຖ້ວນ ອຸດົມສົມບູນ ແລະ ກົງ​ໄປກົງ​ມາແບບ​ສ້າງສັນ ມີ​ຄວາມຮັບຜິດຊອບ ມີ​ຄວາມ​ເປັນ​ເອກະພາບ ແລະ ມີ​ໝາກຜົນ​ສູງ​ສະແດງ​ອອກ ຄື: ໄດ້​ເປັນ​ເອກະ​ພາບກັບ​ບົດ​ສະຫຼຸບ​ການເຄື່ອນໄຫວວຽກ​ງານ​ຂອງ​ອົງການ​ກວດ​ສອບແຫ່ງ​ລັດ ປະຈຳ​ປີ 2017 ແລະ ທິດ​ທາງ​ແຜນການ 2018 ບົດລາຍ​ງານ​ຜົນ​ກວດ​ສອບ ບົດ​ສະຫຼຸບ​ຂາດ​ຕົວ​ການຈັດຕັ້ງ​ປະຕິບັດແຜນ​ງົບປະມານ​ແຫ່ງ​ລັດ ປະຈຳປີ 2015-2016 ແລະ ບົດ​ລາຍງານ​ຜົນ​ກວດ​ສອບ​ຄືນ ​ການ​ແກ້ໄຂ​ຜົນ​ການ​ກວດ​ສອບ​ຕາມ​ມະຕິກອງ​ປະຊຸມ​ສະພາ​ແຫ່ງ​ຊາດ ຄຳແນະນຳ ຜົນ​ການ​ກວດ​ສອບ ແລະ ບົດ​ແຈ້ງ​ຜົນ​ການ​ກວດ​ສອບ ແລະ ໄດ້​ພ້ອມ​ກັນ​ຮັບຮອງ​ເອົາ​ມະຕິກອງ​ປະຊຸມ​ດ້ວຍ​ຄວາມ​ເປັນເອກະສັນ ເພື່ອ​ພ້ອມ​ກັນ​ນຳໄປເຜີຍແຜ່​ຜັນ​ຂະຫຍາຍ ແລະ ຈັດຕັ້ງ​ປະຕິບັດ​ໃຫ້​ປາກົດ​ຜົນ​ເປັນ​ຈິງ.

ຂ່າວ: ນສພ ວຽງຈັນໃຫ່ມ

ຫວຽດນາມ ຈັດຢູ່ອັນດັບແຖວໜ້າ ໃນບັນດາປະເທດທີ່ເຂົ້າມາລົງທຶນຢູ່ລາວ

ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ​ສປປ ລາວ ແລະ ທ່ານ ຫງວຽນ ຊວນ ຟຸກ ນາຍົກລັດຖະມົນຕີ ​ສສ ຫວຽດນາມ ໄດ້ຮ່ວມ​ເປັນ​ປະທານ​ຊີ້​ນຳ​ກອງ​ປະຊຸມ​ຄັ້ງ​ທີ 40 ຂອງ​ຄະນະ​ກຳ​ມະການ​ຮ່ວມ​ມື​ທະວິ​ພາຄີ ລະຫວ່າງລັດຖະບານ​ລາວ ແລະ ລັດ​ຖະບານ​ຫວຽດນາມ ປະຈຳ​ປີ 2018 ຢູ່​ສຳນັກງານ​ນາຍົກລັດຖະມົນຕີ ໃນ​ວັນ​ທີ 5 ກຸມພາ 2018 ເຊິ່ງກອງ​ປະຊຸມ​ສອງ​ຝ່າຍ​ໄດ້​ຮ່ວມ​ກັນຕີ​ລາຄາ​ ຜົນ​ຂອງ​ການຈັດຕັ້ງ​ປະຕິບັດ​ບົດ​ບັນທຶກ​ກອງ​ປະຊຸມ ຄັ້ງ​ທີ 39 ກໍ່​ຄືຂໍ້​ຕົກລົງ​ວ່າ​ດ້ວຍ​ແຜນການ​ຮ່ວມ​ມື​ປະຈຳ​ປີ 2017 ແລະ ພ້ອມ​ກັນ​ປຶກສາ​ຫາລື​ກ່ຽວ​ກັບ​ທິດທາງ​ການ​ຮ່ວມ​ມື​ປີ 2018.

ນາຍົກລັດຖະມົນຕີ​ສອງ​ປະເທດ ​ໄດ້​ຕີ​ລາຄາ​ສູງ​ຕໍ່​ຜົນສຳເລັດການຈັດຕັ້ງ​ປະຕິບັດຂໍ້​ຕົກລົງ ແຜນການ​ຮ່ວມ​ມື​ປີ 2017 ກໍ່​ຄືທິດ​ທາງ​ແຜນການ​ຮ່ວມ​ມື ປີ 2018 ຄື: ສອງ​ຝ່າຍ​ໄດ້​ຮ່ວມ​ກັນຈັດ​ຕັ້ງ​ປະຕິບັດ​ຫຼາຍ​ກິດຈະກຳ ໃນການ​ສະເຫຼີມສະຫຼອງ​ປີ​ສາມັກຄີມິດຕະພາບ ແລະ ວັນ​ສ້າງຕັ້ງສາຍ​ພົວພັນ​ການ​ທູດ ຄົບຮອບ 55 ປີ ແລະ ວັນ​ເຊັນ​ສົນທິສັນຍາມິດຕະພາບ ແລະ ການ​ຮ່ວມ​ມືຮອບດ້ານ ຄົບຮອບ 40 ປີ ຢ່າງເປັນ​ຂະ​ບວນ​ຟົດຟື້ນການ​ຮ່ວມ​ມືດ້ານ​ການເມືອງ ການ​ຕ່າງ​ປະເທດ ປ້ອງ​ກັນ​ຊາດ ປ້ອງ​ກັນຄວາມ​ສະຫງົບ ສືບຕໍ່​ມີ​ສະຖຽນລະ​ພາບ ສ້າງ​ຄວາມ​ໄວ້​ເນື້ອ​ເຊື່ອໃຈ​ເຊິ່ງ​ກັນ ແລະ ກັນ ສະໜັບສະ​ໜູນ​ໃຫ້​ຄຳ​ປຶກສາ​ໃນ​ຂອບ​ປະຊາ​ຄົມ​ອາ​ຊຽນ ເວທີ​ພົບ​ປະ​ຫຼາຍຝ່າຍ​ໃນ​ພາກ​ພື້ນ ແລະ ສາກົນ ມູນ​ຄ່າ​ການ​ຄ້າ​ສອງ​ປະເທດ​ບັນລຸໄດ້ 936,8 ລ້ານ​ໂດ​ລາ​ສະຫະລັດ ເພີ່ມ​ຂຶ້ນ 13,6% ເຊິ່ງ​ລື່ນ​ຄາດໝາຍ​ທີ່​ທັງ​ສອງ​ຝ່າຍ​ໄດ້​ກຳນົດ​ໄວ້ ແລະ ໃນ​ປີ​ນີ້​ກໍ່​ວາງ​ຄາດໝາຍ​ສູ້ຊົນ​ເພີ່ມ​ຂຶ້ນ 10% ຂຶ້ນ​ໄປ ການລົງທຶນ​ວິ​ສາ​ຫະ​ກິດ​ຂອງ​ຫວຽດນາມ​ຢູ່​ລາວ ມາ​ຮອດ​ປັດຈຸບັນ​ມີມູນ​ຄ່າ​ທັງ​ໝົດ 3,7 ຕື້​ໂດ​ລາ ຈັດຢູ່​ໃນ​ອັນ​ດັບ​ແຖວ​ໜ້າ​ໃນ​ບັນດາປະເທດ​ທີ່​ເຂົ້າ​ມາ​ລົງທຶນ​ໃນ​ລາວ ສິ່ງ​ທີ່​ໜ້າ​ຍິນ​ດີ​ແມ່ນ​ເຂື່ອນ​ໄຟຟ້າເຊ​ຂະ​ໝານ 1 ໄດ້​ດຳ​ນີນ​ການ​ຜະລິດ​ຂາຍ​ກະແສ​ໄຟຟ້າ​ໄປ​ຫວຽດນາມ ແລະ ສ້າງ​ລາຍ​ຮັບ​ເຂົ້າ​ງົບປະມານ​ໃຫ້​ແກ່​ລາວ​ຈຳນວນ​ໜຶ່ງ ພ້ອມ​ນັ້ນ ລັດຖະບານ​ຫວຽດນາມ ໄດ້​ສືບຕໍ່​ຊ່ວຍ​ທຶນ​ກໍ່ສ້າງ​ພະນັກງານ ແລະ ນັກຮຽນນັກ​ສຶກ​ສາລາວ​ໄປ​ຮຽນ​ຢູ່​ຫວຽດນາມ​ເພີ່ມຂຶ້ນ​ໃນ​ແຕ່​ລະ​ປີ ສະເພາະ​ປີ 2018 ແມ່ນ 1.266 ທຶນ.

ຜົນສຳເລັດ​ກອງ​ປະຊຸມ​ຄັ້ງ​ນີ້ ເປັນ​ການ​ປະກອບສ່ວນ​ທີ່​ສຳຄັນ ໃນ​ການ​ເພີ່ມ​ພູນ​ຄູນ​ສ້າງ​ສາຍ​ພົວພັນ​ມິດຕະພາບ​ທີ່​ເປັນ​ມູນເຊື້ອ ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ ລະຫວ່າງສອງ​ປະເທດ ລາວ-ຫວຽດນາມ ໃຫ້​ຂະຫຍາຍຕົວ​ຢ່າງ​ບໍ່​ຢຸດ​ຢັ້ງ ໂອກາດ​ດຽວ​ກັນ​ນີ້​ສອງ​ນາຍົກ​ລັດຖະ​ມົນຕີ ລາວ-ຫວຽດນາມ ໄດ້ເປັນ​ສັກຂີ​ພິຍານ​ມອບ​ໃບ​ຍ້ອງຍໍໃຫ້​ແກ່​ບຸກຄົນ ກົມ​ກອງ​ລວມ​ໝູ່ ທີ່​ມີ​ຜົນງານ​ໄລຍະປີ 2017 ຂອງສອງ​ຄະນະ​ກຳມະການ​ຮ່ວມ​ມື ລາວ-ຫວຽດນາມ ເຊັນ​ບົດ​ບັນທຶກ​ກອງ​ປະຊຸມ ຄັ້ງ​ທີ 40 ຂໍ້​ຕົກລົງ​ວ່າ​ດ້ວຍ​ແຜນການ​ຮ່ວມ​ມື​ປະຈຳປີ 2018 ຂອງ​ສອງ​ຄະນະ​ກຳມະ​ການ​ຮ່ວມ​ມື​ລາວ-ຫວຽດນາມ ແລະ ບັນດາ​ເອກະສານຮ່ວມ​ມື​ລົງທຶນ​ຂອງ​ສອງ​ຝ່າຍ ລວມ​ທັງ​ໝົດ 12 ສະບັບ ໃນ​ນັ້ນ ສຳຄັນ​ໄດ້​ລົງ​ນາມ​ສັນຍາ​ວ່າ​ດ້ວຍ​ການ​ຮ່ວມ​ລົງທຶນ ເພື່ອ​ພັດທະນາທ່າເຮືອ​ຫວຸ້ງ​ອ່າງ 1,2 ແລະ 3 ເປັນ​ທ່າເຮືອ​ສາກົນ ລາວ-ຫວຽດນາມ. ຂ່າວ: ນສພ ວຽງຈັນໃຫ່ມ

ພະຍາກອນອາກາດປະຈຳວັນທີ 07 ກຸມພາ 2018

ມວນອາກາດໜາວເຢັນຈາກປະເທດຈີນໄດ້ສືບຕໍ່ອ່ອນກຳລັງລົງ ຍັງແຜ່ລົງມາລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ, ສົມທົບກັບກະແສລົມຕາເວັນອອກສ່ຽງເໜືອຍັງພັດປົກຄຸມ. ຊຶ່ງຈະເຮັດໃຫ້ອາກາດອຸ່ນຂື້ນເລັກນ້ອຍ ແຕ່ສະພາບອາກາດໂດຍທົ່ວໄປຍັງເຢັນ ຫາ ໜາວເຢັນຢູ່ໃນແຕ່ລະພາກຕື່ມອີກ ແລະ ອາກາດຍັງໜາວເຢັນຫຼາຍ ຢູ່ແຂວງພາກເໜືອ, ແຂວງ ໄຊສົມບູນ ແລະ ເຂດພູພຽງບໍລະເວນ ພ້ອມມີລົມພັດແຮງຢູ່ທົ່ວໄປ.

ຫວຽດນາມ ປະດັບຫຼຽນໃຫ້ແກ່ພະນັກງານ ຄະນະພົວພັນຕ່າງປະເທດສູນກາງພັກ

ໃນຕອນແລງຂອງວັນທີ 4 ກຸມພາຜ່ານມານີ້, ທີ່ຄະນະພົວ ພັນຕ່າງປະເທດສູນກາງພັກ ໄດ້ຈັດຕັ້ງພິທີປະດັບຫຼຽນໄຊ ເອກະລາດ ຊັ້ນ III, ຫຼຽນໄຊ ມິດຕະພາບ, ຫຼຽນກາມິດຕະ ພາບ ແລະ ຫຼຽນກາທີ່ລະນຶກ ຂອງ ສາທາລະນະລັດ ສັງຄົມ ນິຍົມຫວຽດນາມ ໃຫ້ແກ່ພະນັກ ງານຄຕພ ລາວ ທັງໝົດ 24 ສະຫາຍ ທີ່ມີຜົນງານດີເດັ່ນ ແລະ ມີການປະກອບສ່ວນອັນ ສຳຄັນໃນການປະກອບສ່ວນ ເສີມຂະຫຍາຍສາຍພົວພັນ ມິດຕະພາບອັນຍິ່ງໃຫຍ່, ຄວາມ ສາມັກຄີພິເສດ ແລະ ການ ຮ່ວມມືຮອບດ້ານລະຫວ່າງ ລາວ-ຫວຽດນາມ ໃນຕະຫຼອດ ໄລຍະທີ່ຜ່ານມາ, ໂດຍມີ ສະຫາຍ ນາງ ສູນທອນ ໄຊຍະ ຈັກ ກຳມະການສູນກາງພັກ ເລຂາຄະນະພັກ ຫົວໜ້າ ຄຕພ ລາວ ແລະ ສະຫາຍ ຮວ່າງບິ່ງ ກວັນ ກຳມະການສູນກາງພັກ ຫົວໜ້າຄະນະພົວພັນຕ່າງປະ ເທດສູນກາງພັກກອມມູນິດ ຫວຽດນາມ ພ້ອມພະນັກງານ ການນຳຂັ້ນສູງຂອງທັງສອງ ຝ່າຍເຂົ້າຮ່ວມ. ສະຫາຍ ຫງວຽນບ່າຮຸ່ງ ເອກອັກຄະລັດ ຖະທູດ ສສ ຫວຽດນາມ ປະຈຳ ສປປ ລາວ ກໍໄດ້ເຂົ້າຮ່ວມພິທີ ດັ່ງກ່າວເຊັ່ນດຽວກັນ.
ໃນພິທີປະດັບຫຼຽນໄຊ, ຫຼຽນກາດັ່ງກ່າວ, ສະຫາຍ ຮວ່າ ບິ່ງກວັນ ກຳມະການສູນກາງ ພັກ, ຫົວໜ້າ ຄຕພ ຫວຽດນາມ ໄດ້ຕາງໜ້າໃຫ້ລັດຖະບານ ສສ ຫວຽດນາມ ປະດັບຫຼຽນໄຊ ເອກະລາດ ຊັ້ນ III ໃຫ້ແກ່ ສະຫາຍ ສົມດີ ບຸນຄຸ້ມ ຮອງ ຫົວໜ້າ ຄຕພ ລາວ, ປະດັບ ຫຼຽນໄຊມິດຕະພາບໃຫ້ແກ່ຫົວ ໜ້າກົມ 4 ສະຫາຍ, ປະດັບ ຫຼຽນກາມິດຕະພາບໃຫ້ 12 ສະຫາຍ ແລະ ຫຼຽນກາທີ່ລະນຶກ ເພື່ອພາລະກິດຕ່າງປະເທດ ຂອງພັກ ໃຫ້ 7 ສະຫາຍ ທີ່ໄດ້ ມີຜົນງານປະກອບສ່ວນເຂົ້າ ໃນການເສີມຂະຫຍາຍສາຍ ພົວພັນພິເສດ ລາວ-ຫວຽດນາມ ໃນຕະຫຼອດໄລຍະຜ່ານມາ.
ໃນພິທີດັ່ງກ່າວ ສະຫາຍ ສົມດີ ບຸນຄຸ້ມ ຮອງຫົວໜ້າ ຄຕພ ລາວ ໄດ້ຕາງໜ້າໃຫ້ບັນ ດາສະຫາຍທີ່ໄດ້ຮັບການປະ ດັບຫຼຽນໄຊ, ຫຼຽນກາ ແລະ ຫຼຽນທີ່ລະນຶກຂຶ້ນກ່າວສະແດງ ຄວາມຂອບໃຈຕໍ່ພັກກອມມູນິດ ຫວຽດນາມຕໍ່ຄະນະພົວພັນ ຕ່າງປະເທດສູນກາງພັກກອມ ມູນິດຫວຽດນາມ ທີ່ໄດ້ຕີລາຄາ ສູງ ໃນການປະກອບສ່ວນຂອງ ພະນັກງານ ຄຕພ ລາວ ເຂົ້າ ໃນການເສີມຂະຫຍາຍສາຍ ພົວພັນພິເສດ ແລະ ການຮ່ວມ ມືຮອບດ້ານລະຫວ່າງພັກ ປປ ລາວ ກັບພັກກອມມູນິດຫວຽດ ນາມໃນໄລຍະຜ່ານມາ ແລະ ໄດ້ໃຫ້ຄວາມໝັ້ນໝາຍວ່າ ຈະສືບຕໍ່ຮ່ວມກັບສະຫາຍ ຫວຽດນາມໃນການປະຕິບັດ ໜ້າທີ່ຂອງຕົນສຸດຄວາມສາ ມາດ ເພື່ອພ້ອມກັນປົກປັກຮັກ ສາ ແລະ ເສີມຂະຫຍາຍສາຍ ພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານໃຫ້ນັບ ມື້ມີປະສິດທິຜົນຍິ່ງໆຂຶ້ນ.

ປະທານປະເທດ ຕ້ອນຮັບນາຍົກລັດຖະມົນຕີ ຫວຽດນາມ ເຂົ້າຢ້ຽມຂໍ່ານັບ

ໃນຕອນແລງວັນທີ 5 ກຸມພານີ້ ທີ່ທຳນຽບປະທານປະເທດ ສະຫາຍ ບຸນຍັງ ວໍລະຈິດ ປະທານປະເທດ ໄດ້ຕ້ອນຮັບ ສະຫາຍ ຫງວຽນ ຊວນ ຟຸກ ນາຍົກລັດຖະມົນຕີ ແຫ່ງ ສສ ຫວຽດນາມ ພ້ອມຄະນະເຂົ້າຢ້ຽມຂ່ຳນັບ ໃນໂອກາດເດີນທາງມາຮ່ວມກອງປະຊຸມ ຄັ້ງທີ 40 ຂອງຄະນະກຳມະການຮ່ວມມື ລາວ – ຫວຽດນາມ ແລະ ຮ່ວມ ພິທີມອບ-ຮັບສູນຝຶກອົບຮົມພະນັກງານຄຸ້ມຄອງວິທະຍາສາດ-ເຕັກໂນໂລຊີ ພ້ອມທັງຮ່ວມພິທີເປີດການນຳໃຊ້ອາຄານສຳນັກງານໃຫຍ່ຫຼັງໃໝ່ ຂອງບໍລິສັດ ສະຕາ ໂທລະຄົມ. ໃນຕອນແລງວັນດຽວກັນ ສະຫາຍ ນາງ ປານີ ຢາທໍ່ຕູ້ ປະທານສະພາແຫ່ງຊາດ ກໍໄດ້ຕ້ອນຮັບນາຍົກລັດຖະມົນຕີ ສສ ຫວຽດນາມພ້ອມຄະນະເຊັ່ນດຽວ ກັນທີ່ຫ້ອງຮັບແຂກສະພາແຫ່ງຊາດ ໃນໂອກາດຕ້ອນຮັບສະຫາຍນາຍົກລັດຖະມົນຕີ ແຫ່ງ ສສ ຫວຽດນາມ ພ້ອມຄະນະໃນຄັ້ງນີ້ ບັນດາທ່ານຜູ້ນຳເຮົາໄດ້ກ່າວສະແດງ ຄວາມຊົມເຊີຍ ແລະ ຕີລາຄາສູງຕໍ່ສະຫາຍນາຍົກລັດຖະມົນຕີຫວຽດນາມ ທີ່ໄດ້ນຳພາຄະນະເດີນທາງມາຮ່ວມກອງປະຊຸມຄະນະກຳມະການຮ່ວມມືທະວີພາຄີຄັ້ງທີ 40 ລະ ຫວ່າງສອງປະເທດໃນຄັ້ງນີ້ ຊຶ່ງສາມາດດຳເນີນກອງປະ ຊຸມໄດ້ສຳເລັດຜົນຢ່າງຈົບງາມ ພ້ອມກັບຕົກລົງບັນຫາທີ່ສຳ ຄັນໄດ້ຫຼາຍບັນຫາພ້ອມກັນ ນັ້ນ ຜູ້ນຳເອົາຍັງໄດ້ກ່າວສະ ແດງຄວາມຂອບໃຈຕໍ່ພັກ-ລັດຖະບານຫວຽດນາມ ໂດຍ ສະເພາະສະຫາຍນາຍົກລັດ ຖະມົນຕີ ຫງວຽນ ຊວນ ຟຸກ ທີ່ໄດ້ເອົາໃຈໃສ່ ແລະ ສ້າງທຸກ ເງືອນໄຂສະດວກໃຫ້ລັດຖະ ບານລາວ ໃນການຮ່ວມລົງທຶນ ເພື່ອຄຸ້ມຄອງພັດທະນາທ່າ ເຮືອຫວຸ້ງອ່າງ (ທ່າທຽບເຮືອ 1,2 ແລະ 3 ) ເປັນທ່າເຮືອສາ ກົນລາວ- ຫວຽດນາມ ຊ່ວຍເຮັດ ໃຫ້ປະເທດລາວ ໄດ້ມີທ່າເຮືອ ທາງທະເລເປັນຂອງຕົນເອງ.