ຫນ່ວຍຂ່າວກອງສະຫະລັດຊີ້ “ດູເຕີເຕ” ເປັນໄພຄຸກຄາມ

ເນື້ອຫາຕອນຫນື່ງໃນລາຍງານປະຈຳປີຂອງສຳນັກຂ່າວກອງແຫ່ງຊາດສະຫະລັດລະບຸວ່າ: ປະທານາທິບໍດີໂຣດຣິໂກ ດູເຕີເຕ ຜູ້ນຳຟີລິບປິນ ຖືເປັນໄພຄຸກຄາມຕໍ່ຜົນປະໂຫຍດຂອງອາເມລິກາໃນເອເຊຍຕາເວັນອອກສຽງໃຕ້
ສຳນັກຂ່າວຕ່າງປະເທດລາຍງານຈາກກຸງມະນິລາ ປະເທດຟີລິບປິນເມື່ອວັນທີ 21ກຸມພາໂດຍອ້າງອີງຈາກເນື້ອຫາບາງສ່ວນຂອງລາຍງານການປະເມີນໄພຄຸກຄາມທົ່ວໂລກຕໍ່ສະຫະລັດ ທີ່ສຳນັກຂ່າວກອງແຫ່ງຊາດເຊິ່ງປະກອບດ້ວຍຫນ່ວຍງານ 17ແຫ່ງ ລວມເຖິງສຳນັກຂ່າວກອງກາງ (ຊີໄອເອ) ຮ່ວມກັນຈັດທຳ ແລະ ເຜີຍແພ່ອອກສູ່ສາທາລະນະເມື່ອວັນທີ 13ກຸມພາທີ່ຜ່ານມາວ່າ: ໃນສ່ວນຂອງສະຖານະການໃນເອເຊຍຕາເວັນອອກສຽງໃຕ້ນັ້ນ ປະທານາທິບໍດີໂຣດຣິໂກ ດູເຕີເຕ ຖືເປັນຫນື່ງໃນໄພຄຸກຄາມລະດັບພູມມີພາກ ຕໍ່ຜົນປະໂຫຍດຂອງສະຫະລັດໃນພູມມີພາກແຫ່ງນີ້ ເນື່ອງຈາກຜູ້ນຳຟີລິບປິນຍັງຄົງໃຊ້ມາດຕະການຂັ້ນເດັດຂາດ ປາບປາມຢາເສບຕິດ, ດານຄໍລັບຊັ່ນ ແລະ ອາຊະຍາກຳ
ຂະນະດຽວກັນເນື້ອຫາໃນລາຍງານສະບັບດັ່ງກ່າວຍັງສະແດງຄວາມວິຕົກກັງວົນ ຕໍ່ການທີ່ຜູ້ນຳຟີລິບປິນມີແນວຄິດຈັດຕັ້ງລັດຖະບານປະຕິວັດແຫ່ງຊາດ ແລະ ການທີ່ລັດຖະສະພາໃນກຸງມະນີລາອານຸມັດການຂະຫຍາຍເວລາບັງຄັບໃຊ້ກົດໄອຍະການເສິກ ເທິງເກາະມິນດາເນົາຕໍ່ເນື່ອງຈົນຮອດສິ້ນປີ 2561
ທັງນີ້ຍ້ອນກັບໄປເມື່ອຊ່ວງເດືອນຕຸລາປີທີ່ຜ່ານມາ ທ່ານຊຸງຄິມ ເອກອັກຄະລາຊະທູດສະຫະລັດປະຈຳກຸງມະນີລາ ຍືນການປະຕິເສດຂໍ້ກ່າວຫາຂອງດູເຕີເຕວ່າ: ຊີໄອເອກຳລັງຊຸ່ມວາງແຜນເພື່ອໂຄ່ນອຳນາດລັດຖະບານຂອງເຂົາ ຜ່ານການເຄື່ອນໄຫວຂອງກຸ່ມການເມືອງຝ່າຍກົງກັນຂ້າມ
ນອກຈາກນີ້ລາຍງານວິເຄາະຂອງປະຊາຄົມຫນ່ວຍຂ່າວກອງສະຫະລັດ ອ້າງອີງເຖິງສະຖານະການທາງການເມືອງໃນກຳປູເຈຍວ່າ: ນາຍົກລັດຖະມົນຕີສົມເດັດຮຸນເຊນ ໃຊ້ອຳນາດກົດຂີ່ສະຖາບັນປະຊາທິປະໄຕ ແລະ ພາກປະຊາສັງຄົມ ການປັບປ໋ຽນໂຄງສ້າງລັດຖະບານ ແລະ ສະຖາບັນຕຸລາການ ແລະ ການໃຊ້ລະບອບອຸປະຖຳ ແລະ ການພັກລະດົມໃຫ້ເກີດສະຖານະການຄວາມບໍ່ສະຫງົບ ເພື່ອຮັກສາອຳນາດຕໍ່ເນື່ອງຫລັງການເລືອກຕັ້ງແຫ່ງຊາດທີ່ຈະມີຂຶ້ນໃນຊ່ວງປາຍເດືອນກໍລະກົດນີ້
ໃນສ່ວນຂອງວິກິດການຊາວໂຣຮິນຈາຈະສົ່ງຜົນຕໍ່ສະຖານະການປະຊາທິປະໄຕໃນມຽນມາທີ່ຍັງອ່ອນແອ ຫມາຍຄວາມວ່າຈະຍິ່ງເພີ່ມຄວາມສ່ຽງຂອງການເກີດຄວາມຮຸນແຮງ ແລະ ເປີດໂອກາດໃຫ້ຈີນຂະຫຍາຍອິດທິພົນຫລາຍຂື້ນເທົ່ານັ້ນ ລະ ຄຳຫມັ້ນສັນຍາຂອງລັດຖະບານໄທທີ່ຈະຈັດການເລືອກຕັ້ງໃນຂະນະທີ່ລັດຖະທຳມະນູນສະບັບໃຫມ່ຄື ການວາງຮາກຖານດ້ວຍອິດທິພົນໃຫ້ກັບກອງທັບ

ອິນໂດເນເຊຍ ຈັບກຸມຢາໄອອີກລ໋ອດໃຫຍ່ 1.6ຕັນ

ເຈົ້າຫນ້າທີ່ອິນໂດເນເຊຍສະກັດຈັບເຮືອລັກລອບຂົນຢາໄອ ລວມນໍ້າຫນັກ 1.6ຕັນ ໃນທະເລນອກຊາຍຝັ່ງເກາະບາຕໍາ ທາງພາກເຫນືອເມື່ອເຊົ້າວັນອັງຄານ ນັບເປັນການຈັບກຸມຢາເສບຕິດຄັ້ງໃຫຍ່ຄັ້ງທີ 2 ຂອງເດືອນນີ້
ສຳນັກຂ່າວເອເອັບພີ ແລະ ຣອຍເຕີ ລາຍງານຈາກກຸງຈາກາຕາ ປະເທດອິນໂດເນເຊຍເມື່ອວັນທີ 20ກຸມພາວ່າ: ຫນ່ວຍເຮືອລາດຕະເວນຂອງສຳນັກງານສຸລາກາກອນອິນໂດເນເຊຍ ສັງເກດເຫັນເຮືອຕ້ອງສົງໄສລຳຫນື່ງເຊິ່ງຕິດທຸງສິງກະໂປ ຂະນະກຳລັງແລ່ນຢູ່ໃນທະເລລະຫວ່າງເກາະບາຕຳ ກັບປະເທດສິງກະໂປ ຈື່ງແຈ້ງໃຫ້ຕຳຫລວດທ້ອງຖິ່ນເຂົ້າສະກັດ ແລະ ກວດຄົ້ນ ປະກົດວ່າພົບຢາໄອເຊືອງຢູ່ໃນຖົງບັນຈຸຂ້າວານລວມ 81ຖົງ ລສມນໍ້າຫນັກ 1.6ຕັນ ແລະ ຈັບກຸມລູກເຮືອ 4ຄົນ ເປັນຊາຍຊາວໄຕຫວັນທັງຫມົດ ລວມເຖິງຄົນຫນື່ງອາຍຸ 69ປີ
ເຈົ້າຫນ້າທີ່ອິນໂດເນເຊຍເຜີຍວ່າ: ກຳລັງຕິດຕາມຫາເຮືອລຳນີ້ມາດົນຫລາຍເດືອນ ເນື່ອງຈາກສົງໄສວ່າເປັນຂະບວນການຂົນຢາເສບຕິດເຂົ້າສູ່ອິນໂດເນເຊຍ ແລະ ອອສເຕເລຍ ແລະ ຈາກການກວດສອບພົບວ່າເຮືອລຳນີ້ຕິດທຸງຂອງປະເທດຕ່າງໆທີ່ເຮືອແລ່ນເຂົ້າສູ່ເຂດນ່ານນໍ້າ ເພື່ອຕົບຕາເຈົ້າຫນ້າທີ່
ຕົ້ນເດືອນນີ້ເຈົ້າຫນ້າທີ່ກອງທັບເຮືອອິນໂດເນເຊຍສະກັດຈັບເຮືອປະມົງລຳຫນື່ງໃນທະເລນອກຊາຍຝັ່ງເກາະບາຕຳເຊັ່ນກັນ ການກວດຄົ້ນພາຍໃນເຮືອພົບຢາໄອເຊືອງຢູ່ 1.3ຕັນ ແລະ ຈັບກຸມລູກເຮືອຊາວໄຕ້ຫວັນ 4ຄົນ ທ່ານວາເຊໂຊ ຜູ້ອຳນວຍການສຳນັກງານປາບປາມຢາເສບຕິດອິນໂດເຜີຍວ່າ: ການຈັບກຸມຄັ້ງນີ້ມີຂື້ນຫລັງໄດ້ຮັບແຈ້ງເບາະແສຈາກເຈົ້າຫນ້າທີ່ຈີນ ແລະ ໄທ ວ່າຈະມີການຂົນຢາເສບຕິດຈາກມຽນມາໂດຍໃຊ້ເຮືອປະມົງ ໂດຍຈຸດຫມາຍປາຍທາງຂອງເຮືອລຳນີ້ຢູ່ທີ່ອອສເຕເລຍ

ພົບເຫັນຊິ້ນສ່ວນກະດູກມະນຸດບູຮານ ຢູ່ໃນຖໍ້າໃຕ້ນໍ້າແມັກຊິໂກ

ໃນຂະນະທີ່ນັກບູຮານໄດ້ລົງສໍາຫຼວດຢູ່ຖໍ້າໃຕ້ນໍ້າຂະໜາດໃຫຍ່ທີ່ສຸດໃນໂລກ ທີ່ຫາກໍ່ຄົນພົບໃນປະເທດແມັກຊິໂກເມື່ອບໍ່ດົນມານີ້ ພວກເຂົາໄດ້ພົບເຫັນກະດູກມະນຸດບູຮານ ທີ່ມີອາຍຸຫຼາຍກວ່າ 9,000 ປີ ແລະກະດູກສັດຫຼາຍຊະນິດ ທີ່ເຄີຍມີຊີວິດຢູ່ເທິງໂລກໃນຍຸກນໍ້າແຂງ, ສໍານັກຂ່າວລອຍເຕີ ແລະ ເອເອບພີ ໄດ້ລາຍງານຈາກກຸງແມັກຊິໂກ ເມື່ອວັນທີ 20 ກຸມພາ ວ່າເມື່ອເດືອນທີ່ຜ່ານມານັກວິໃຈໄດ້ຄົ້ນພົບເຫັນຖໍ້າຢູ່ໃນນໍ້າຂະໜາດໃຫຍ່ 2 ແຫ່ງ ຊັດ ອັດຕັນ ແລພ ດອດ ໂອຮອດ ທີ່ເຊື່ອມຕໍ່ກັນເຖິງໄລຍະທາງ 347 ກມ. ໃນຄາບສະໝຸດຍູຄາຕັນ ຢູ່ທາງພາກຕາເວັນອອກຂອງແມັກຊິໂກ ເຊື່ອກັນວ່າມັນເປັນຖໍ້ານໍ້າທີ່ມະຂະໜາດໃຫຍ່ທີ່ສຸດໃນໂລກ ແລະ ໂຄງການສໍາຫຼວດພາຍໃນຖໍ້າທີ່ໄດ້ຮັບກນສະໜັບສະໜູນຈາກສະຖາບັນມະນຸດວິທະຍາ ແລະ ປະຫວັດສາດແຫ່ງຊາດແມັກຊິໂກ (ໄອເອັນເອເອັດ) ຄາດວ່າຈະຊ່ວຍໄຂປິດສະໜາຄັ້ງໃໝ່ກ່ຽວກັບອາລິຍະທຳຊົນເຜົ່າໃນຍຸກບູຮານ.

ນອກຈາກຊາກໂຄງກະດູກຂອງມະນຸດແລ້ວ ການສໍາຫຼວດເຄືອຂ່າຍ 2 ຖໍ້າ ນັກບູຮານຍັງໄດ້ພົບເຫັນກະດູກຂອງໝີໃຫຍ່ ເປັນສັດບູຮານທີ່ຄ້າຍຄືກັບຊ້າງ ເຊຣາມິກ , ພາບແກະສະຫຼັກເທິງຝາຜະໜັງຖໍ້າ ລວມທັງແຜ່ນບູຊາເທບພະເຈົ້າແຫ່ງສົງຄາມ ແລະ ເທບພະເຈົ້າການຄ້າຂອງຊົນເຜົ່າມາຍາ ຈາກການກວດສອບຂອງໄອເອັນເອັດ ເຊື່ອວ່ານໍ້າໄຫຼເຂົ້າຖ້ວມພາຍໃນຖໍ້າຫຼາຍຄັ້ງ ຈົນເຖິງລະດັບ 100 ແມັດ, ຈົນເຖິງຊ້ວງສຸດທ້າຍຂອງຍຸກນໍ້າແຂງໄພສະໂຕຊິນ ເມື່ອປະມານ 2.6 ລ້ານ – 11,700 ປີກ່ອນ.

ກອງທັບລັດຖະບານຊີເຣຍ ຖະຫລົ່ມກຸ່ມກະບົດຫນັກສຸດໃນຮອບ 5 ປີ ພຽງ 2 ວັນ ເສຍຊີວິດກ່ວາ 250 ຄົນ

ຈຳນວນຜູ້ເສຍຊີວິດຈາກການສູ້ຮົບຍ່າງດຸເດືອດໃນເຂດກູຕາຕາເວັນອອກ ຊານກຸງດາມັສກັສຂອງຊີເລຍເພີ່ມເປັນຫລາຍກວ່າ 250ຄົນ ພາຍໃນໄລຍະເວລາພຽງ 48ຊົ່ວໂມງ
ສຳນັກຂ່າວຕ່າງປະເທດລາຍງານຈາກກຸງດາມັສກັສ ປະເທດຊີເລຍ ເມື່ອວັນທີ 21ກຸມພາວ່າ: ອົງກອນສັງເກດການດ້ານສິດທິມະນຸດຊີເລຍ ລາຍງານຈຳນວນຜູ້ເສຍຊີວິດຈາກການສູ້ຮົບລະຫວ່າງກອງທັບຊີເລຍກັບກອງກຳລັງຝ່າຍຕໍ່ຕ້ານລັດຖະບານ ໃນເຂດກູຕາຕາເວັນອອກ ເຊິ່ງເປັນເຂດຍຶດຄອງແຫ່ງສຸດທ້າຍຂອງຝ່າຍກະບົດທີ່ຢູ່ຊານກຸງດາມັສກັສ ລະຫວ່າງວັນຈັນເຖິງວັນອັງຄານທີ່ຜ່ານມາເພີ່ມເປັນຫລາຍກວ່າ 250ຄົນ ແລະ ຈຳນວນຜູ້ໄດ້ຮັບບາດເຈັບເພີ່ມເປັນຫລາຍກວ່າ 1,200ຄົນ
ລາຍງານຂອງເອັສໂອເອັຊອາລະບຸວ່າ: ການໂຈມຕີເຂດກູຕາຕາເວັນອອກສະເພາະເມື່ອວັນອັງຄານສ້າງຄວາມເສຍຫາຍໃຫ້ກັບໂຮງຫມໍໃນພື້ນທີ່ເພີ່ມອີກ 6ແຫ່ງ ແລະ ຫມູ່ບ້ານອີກ 10ແຫ່ງໄດ້ຮັບຄວາມເສຍຫາຍ ນອກຈາກນີ້ຄວາມສູນເສຍຕໍ່ຊີວິດໃນເຂດກູຕາຕາເວັນອອກຄັ້ງນີ້ຖືວ່າຫລາຍທີ່ສຸດ ນັບຕັ້ງແຕ່ເກີດເຫດໂຈມຕີດ້ວຍອາວຸດເຄມີໃນບໍລິເວນທີ່ຮາບລຸ່ມກູຕາ ຊານກຸງດາມັສກັສເມື່ອເດືອນສິງຫາ 2556 ເຊິ່ງຈຳນວນຜູ້ເສຍຊີວິດໄດ້ຮັບການປະເມີນໄວ້ທີ່ລະຫວ່າງ 200ເຖິງ 1,700ຄົນ
ຂະນະທີ່ສະຫະປະຊາຊາດ (ຍູເອັນ) ອອກຖະແຫລງການຮຽກຮ້ອງໃຫ້ມີການຍຸດຍິງເພື່ອເປີດທາງໃຫ້ແກ່ເຈົ້າຫນ້າທີ່ບັນເທົາທຸກໃນການລຳລຽງຄວາມຊ່ວຍເຫລືອເຂົ້າສູ່ພື້ນທີ່ ແລະ ນຳຜູ້ບາດເຈັບສາຫັດອອກໄປຮັບການຮັກສາ ແຕ່ການຮຽກຮ້ອງຂອງຍູເອັນຍັງບໍ່ໄດ້ຮັບການຕອບສະຫນອງຈາກຝ່າຍໃດ

ກອງທັບເອຢິບສັງຫານກຸ່ມຕິດອາວຸດ 10 ຄົນ ແລະ ຈັບຜູ້ຕ້ອງສົງໄສ 400 ຄົນ

ກອງທັບ​ເອຢິບຖະ​ແຫລ​ງວ່າ: ກອງ​ກຳລັງ​ຮັກສາ​ຄວາມ​ໝັ້ນຄົງ​ເອຢິບ​ສັງຫານ​ສະມາຊິກ​ກຸ່ມ​ຕິດ​ອາວຸດ 10 ຄົນ​ໃນ​ການ​ຍິງ​ປະ​ທະ​ກັນ ​ແລະ ຄວບ​ຄຸມ​ຜູ້​ຕ້ອງ​ສົງ​ໄສ​ໄດ້ 400 ຄົນ ລວມທັງ​ຄົນ​ຕ່າງປະ​ເທດ​ຈາກ​ປະຕິບັດ​ການ​ປາບ​ປາມ​ຢູ່​ແຫລມ​ໄຊ​ນາຍ.
ສະຖານີ​ໂທລະພາບ​ຂອງ​ທາງ​ການ​ລາຍ​ງານ​ອ້າງ​ຖະ​ແຫລ​ງການ​ກອງທັບ​ເອຢິບ​ລະບຸ​ວ່າ: ສັງຫານ​ສະມາຊິກ​ກຸ່ມ​ຕິດ​ອາວຸດ​ໄດ້ 38 ຄົນ​ນັບ​ແຕ່​ປະຕິບັດ​ການ​ຫລ້າ​ສຸດ ​ເພື່ອ​ປາບ​ປາມ​ກຸ່ມ​ຕິດ​ອາວຸດ​ທີ່​ກໍ່​ເຫດ​ໂຈມ​ຕີ​ຫລາຍ​ເທື່ອ. ​ໂຄສົກ​ກອງທັບ​ເອຢິບ​ຖະ​ແຫລ​ງວ່າ: ​ເອຢິບ​ເລີ່​ມປະຕິບັດ​ການ​ຮັກສາ​ຄວາມ​ໝັ້ນຄົງ​ໃນ​ວັນ​ທີ 9 ກຸມພາ ​ໂດຍ​ມີ​ທະຫານ ​ແລະ ຕຳຫລວດ​ຮ່ວມ​ກັນ​ເພື່ອ​ປາບ​ປາມ​ເຄືອ​ຂ່າຍ​ກໍ່​ການ​ຮ້າຍ ​ແລະ ອາ​ຊະ​ຍາ​ກຳ​ທົ່ວ​ປະ​ເທດ. ປະທານາທິບໍດີ ອັບ​ເດລ ຟັດ​ຕາ ອັລຊີ​ຊີ ຜູ້ນຳ​ເອຢິບ ​ເຊິ່ງຈະ​ລົງ​ເລືອກ​ຕັ້ງອີກ​ສະ​ໄໝ​ໃນ​ເດືອນ​ມີນາ ສັ່ງ​ກອງທັບ​ໃນ​ເດືອນ​ພະຈິກ​ໃຫ້​ປາບ​ປາມ​ກຸ່ມ​ຕິດ​ອາວຸດ​ພາຍ​ໃນ 3 ​ເດືອນ ຫລັງ​ເຫດ​ໂຈມ​ຕີ​ມັດ​ສະ​ຢິດ​ໃນ​ເອຢິບ ມີ​ຜູ້​ເສຍ​ຊີວິດ 300 ກວ່າ​ຄົນ ຖື​ເປັນ​ເຫດ​ນອງ​ເລືອດ​ຮຸນ​ແຮງ​ທີ່​ສຸດ ລວມທັງ​ຍັງ​ເປັນ​ບັນຫາ​ທ້າ​ທາຍ​ຢ່າງ​ຍິ່ງ​ຕໍ່​ລັດຖະບານ​ເອຢິບ.
ຂອບໃຈຂໍ້ມູນຈາກ: © ShareKao

ສາວເຈັບຕາຫຼາຍວັນໄປກວດເຫັນພະຍາດໄຕ່ໃນຕາ ແພດບອກບໍ່ເຄີຍເຫັນພະຍາດແບບນີ້ໃນຄົນ (ມີຄລິບ)

ວັນທີ່ 13 ກຸມພາ 2018 ຊີເອັນເອັນ ລາຍງານວ່າ ຍິງອາເມລິກາທີ່ເຮັດວຽກຢູ່ໃນເຮືອຫາປາແຊວມ່ອນ ໃນລັດ ອາລັດກ່າ ສະຫະລັດ ພົບພະຍາດໂຕນ້ອຍໃນຕາ ຫຼັງມີອາການຄັນຄາຍຕາມາຫຼາຍວັນ ເຊີ່ງເປັນເລື່ອງທີ່ນັກວິທະຍາສາດສົນໃຈຫຼາຍເພາະພະຍາດຊະໜິດນີ້ບໍ່ເຄີຍເຂົ້າໃນຮ່າງກາຍມະນຸດມາກ່ອນ ສ່ວນຫຼາຍພົບແຕ່ຢູ່ງົວເທົ່ານັ້ນ.

ເດັກນ້ອຍໃນອີຣັກ ດໍາລົງຊີວິດດ້ວຍຄວາມທຸກຍາກລໍາບາກ

ຂ່າວຕ່າງປະເທດລາຍງານໃນວັນທີ 12 ກຸມພາ ວ່າ: ກອງທຶນສຳລັບເດັກຂອງອົງການສະຫະປະຊາຊາດ ຫຼື ຢູນີເຊັຟ ອອກຖະແຫຼງການວ່າ, ສົງຄາມທີ່ກໍ່ຂຶ້ນໂດຍກຸ່ມຫົວຮຸນແຮງ IS ນັບແຕ່ປີ 2014 ເປັນຕົ້ນມາໄດ້ ເຮັດໃຫ້ເດັກນ້ອຍ ໃນປະເທດອີຣັກໜຶ່ງສ່ວນສີ່ມີການດຳລົງຊີວິດຢ່າງທຸກຍາກລຳບາກ.


ຖະແຫຼງການໃຫ້ຮູ້ວ່າ: ປັດຈຸບັນ, ເດັກນ້ອຍໃນປະເທດອີຣັກ ປະມານ 3.7 ລ້ານຄົນ ໄດ້ ຕົກຢູ່ໃນຄວາມທຸກຍາກ ລຳບາກຍ້ອນສົງຄາມ ແລະ ອີກຫຼາຍກວ່າ 3 ລ້ານຄົນ ບໍ່ສາມາດໄດ້ຮັບການສຶກສາເປັນປົກກະຕິ ໂດຍເດັກນ້ອຍ ຫຼາຍຄົນຖືກບັງຄັບໃຫ້ອອກໂຮງຮຽນຍ້ອນທຸກຍາກທາງຄອບຄົວ.


ອົງການຢູນີເຊັຟ ໄດ້ເປີດເຜີຍຂໍ້ມູນສະແດງໃຫ້ເຫັນວ່າ: ນັບແຕ່ປີ 2014 ເປັນຕົ້ນມາ, ຢູ່ປະເທດອີຣັກ ໄດ້ເກີດເຫດ ໂຈມຕີຫຼາຍຮ້ອຍຄັ້ງ. ໃນນັ້ນ, ກຸ່ມກໍ່ການຮ້າຍໄດ້ທຳລາຍສິ່ງກໍ່ສ້າງທາງດ້ານການສຶກສາ 150 ຄັ້ງ ແລະ ສາທາລະນະ ສຸກ 50 ຄັ້ງ. ປັດຈຸບັນ, ໂຮງຮຽນເຄິ່ງໜຶ່ງຂອງອີຣັກຕ້ອງການສ້ອມແປງຄືນໃໝ່. ອົງການຢູນີເຊັຟຍັງຮຽກຮ້ອງ ໃຫ້ປະຊາຄົມໂລກ ຈົ່ງເຂົ້າໄປໃຫ້ການຊ່ວຍເຫຼືອອີຣັກ ເພື່ອກໍ່ສ້າງພື້ນ ຖານໂຄງລ່າງໃຫ້ແກ່ເດັກນ້ອຍ ເພື່ອໃຫ້ພວກ ເຂົາໄດ້ຮັບການສຶກສາ ແລະ ໃຫ້ການບໍລິການສາທາລະ ນະແກ່ເດັກນ້ອຍປະເທດດັ່ງກ່າວ.
ຂອບໃຈຂໍ້ມູນຈາກ: @ kaodet

 ທ່ານ ຄິມ ຈອງ-ອຶນ ສະແດງຄວາມຂອບໃຈຕໍ່ເກົາຫຼີໃຕ້ ທີ່ຕ້ອນຮັບຄະນະຜູ້ແທນເກົາຫຼີເໜືອຢ່າງອົບອຸ່ນ

ສຳນັກຂ່າວຕ່າງປະເທດລາຍງານ 13 ກຸມພາ 2018 ວ່າ: ສຳນັກຂ່າວກາງເກົາຫຼີ (KCNA) ກະບອກສຽງຂອງລັດຖະບານເກົາຫຼີເໜືອ ລາຍງານເມື່ອວັນຈັນທີ່ຜ່ານມາວ່າ: ທ່ານ ຄິມ ຈອງ-ອຶນ ຜູ້ນຳສູງສຸດຂອງປະເທດສະແດງຄວາມເພິ່ງພໍໃຈເປັນຢ່າງຍິ່ງ ຕໍ່ການທີ່ຄະນະຜູ້ແທນຂອງເກົາຫຼີເໜືອ ທີ່ບໍ່ວ່າຈະເປັນນັກກີລາ, ກອງເຊຍ ແລະ ເຈົ້າໜ້າທີ່ລະດັບສູງໃນຄະນະລັດຖະບານ ໄດ້ຮັບການຕ້ອນຮັບເປັນຢ່າງດີຈາກເກົາຫຼີໃຕ້ ໃນໄລຍະການແຂ່ງຂັນກີລາໂອລິມປິກລະດູໜາວ ທີ່ເມືອງປຽງຊາງ ໂດຍທ່ານ ຄິມ ຈອງ-ອຶນ ຍັງສະແດງຄວາມຂອບອົກຂອບໃຈໄປຍັງລັດຖະບານເກົາຫຼີໃຕ້ອີກດ້ວຍ ແລະ ຫວັງເປັນຢ່າງຍິ່ງວ່າບັນຍາກາດການປະນີປະນອມເຊັ່ນນີ້ຈະດຳເນີນຕໍ່ໄປຢ່າງຍື່ນຍົງ.


ລາຍງານດັ່ງກ່າວຂອງ KCNA ຖືເປັນທ່າທີຢ່າງເປັນທາງການຄັ້ງທຳອິດຂອງຜູ້ນຳສູງສຸດເກົາຫຼີເໜືອ ນັບຕັ້ງແຕ່ການກ່າວຖະແຫຼງເມື່ອປີໃໝ່ທີ່ຜ່ານມາ ທີ່ໄດ້ສົ່ງສັນຍານການສ້າງຄວາມສາມັກຄີກັບເກົາຫຼີໃຕ້ ເຊິ່ງຕາມມາດ້ວຍການທີ່ລັດຖະບານເກົາຫຼີເໜືອໄດ້ຮັບສິດທິພິເສດໃນການສົ່ງນັກກີລາ 22 ຄົນ ເຂົ້າຮ່ວມປຽງຊາງເກມ ພ້ອມທັງການສົ່ງຄະນະຜູ້ແທນລະດັບສູງຢ້ຽມຢາມຈະນອນຫຼວງໂຊ ຂອງເກົາຫຼີໃຕ້ ເພື່ອພົບປະຫາລືກັບທ່ານ ມູນ ແຈ-ອິນ ປະທານປະເທດເກົາຫຼີໃຕ້ ໂດຍຄະນະຜູ້ແທນເກົາຫຼີເໜືອນັ້ນແມ່ນລວມທັງທ່ານ ຄິມ ຢອງ-ນຳ ປະທານສະພາປະຊາຊົນສູງສຸດແຫ່ງຊາດເກົາຫຼີ ແລະ ທ່ານ ນາງ ຄິມ ໂຢ-ຈອງ ນ້ອງສາວຂອງທ່ານ ຄິມ ຈອງ-ອຶນ ເຊິ່ງເປັນຜູ້ນຳສານເຊື່ອເຊີນໃຫ້ແກ່ຜູ້ນຳເກົາຫຼີໃຕ້ ໄປຢ້ຽມຢາມນະຄອນຫຼວງປຽງຢາງ ພາຍໃນອະນາຄົດອັນໃກ້ນີ້ ເພື່ອເປີດການເຈລະຈາ ແລະ ສົ່ງເສີມການແລກປ່ຽນພາຍໃນລະຫວ່າງສອງເກົາຫຼີ ເຊິ່ງຖືເປັນການພົບກັນຄັ້ງທີ 3 ລະຫວ່າງຜູ້ນຳສູງສຸດຂອງສອງປະເທດ ຕໍ່ຈາກການປະຊຸມເມື່ອປີ 2000 ແລະ 2007.


ເຖິງຢ່າງໃດກໍ່ຕາມ, ເຈົ້າໜ້າທີ່ລະດັບສູງຫຼາຍທ່ານຂອງລັດຖະບານສະຫະລັດ ອາເມຣິກາ ຍັງຄົງມີທັດສະນະວ່າ ໄວເກີນໄປທີ່ຈະສະຫຼຸບວ່າຄວາມສຳພັນລະຫວ່າງສອງເກົາຫຼີໃນໄລຍະຍາວຈະພັດທະນາໄປໃນທາງທີ່ດີຂຶ້ນ ໂດຍທ່ານ ໄມ ເພນ ຮອງປະທານປະເທດສະຫະລັດ ອາເມຣິກາ ກ່າວວ່າສ່ວນຕົວແລ້ວເຊື່ອໝັ້ນຕໍ່ຈຸດຢືນຂອງເກົາຫຼີໃຕ້ ໃນການກົດດັນຕໍ່ເກົາຫຼີເໜືອທັງໃນທາງເສດຖະກິດ ແລະ ການທູດ ຈົນກວ່າອີກຝ່າຍຈະຍອມຢຸດຕິໂຄງການນິວເຄຼຍ, ສ່ວນໃນດ້ານຂອງທ່ານ ເຣັກ ທິວເລີສັນ ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ກ່າວວ່າຂຶ້ນຢູ່ກັບລັດຖະບານເກົາຫຼີເໜືອວ່າຈະຈິງໃຈພຽງໃດໃນການເຈລະຈາ.


ຂອບໃຈຂໍ້ມູນຈາກ:

ຣັດເຊຍຖະແຫຼງກອງທັບຊີເຣຍສົ່ງຊຸດຄອມມານໂດເຂົ້າພື້ນທີ່ທີ Su-25 ຖືກຍິງຕົກເພື່ອຫາຫຼັກຖານ MANPADS

ວັນທີ່ 4 ກຸມພາ 61 RT ພາດຫົວຂ່າວວ່າ “ໜ່ວຍຄອມມານໂດກຳລັງເຂົ້າໄປຍັງພື້ນທີ່ທີ່ເຄື່ອງບິນຕົກເພື່ອແກະຫາຮ່ອງຮອຍຈະຫລວດ MANPAD

ລາຍງານຂ່າວແຈ້ງວ່າໜ່ວຍຮົບພິເສດຂອງກອງທັບຊີເຣຍກຳລັງເຂົ້າໄປປະຕິບັດສະເພາະກິດໃນພື້ນທີ່ເຄື່ອງບິນຮົບ Su-25 ຂອງຣັດເຊຍຖືກຍິງຕົກໂດຍຈະຫລວດ MANPAD ເມື່ອວັນເສົາຜ່ານມານີ້ ຈຸດປະສົງຫຼັກກໍ່ຄືຄົນຫາຫຼັກຖານທີ່ຈະນຳໄປສູ່ການແກະຮອຍແຫຼ່ງທີ່ມາຂອງອາວຸດ

ເຄື່ອງບິນຮົບຊູຄອຍ Su-25 ຂອງຣັດເຊຍຖືກຍິງຕົກໂດຍຈະຫລວດຕໍ່ຕ້ານອາກາດຍານແບບປະທັບບ່າ ກະຊວງປ້ອງກັນປະເທດຣັດເຊຍຖະແຫຼງການນະຄອນຫຼວງມອສໂຄມີຄວາມສົນໃຈເປັນຢ່າງຍິ່ງວ່າລະບົບອາວຸດປະເພດນີ້ຕົກໄປຢູ່ໃນມືຂອງກຸ່ມກໍ່ການຮ້າຍທີ່ກໍ່ເກດໃນຄັ້ງນີ້ໄດ້ຢ່າງໃດ ທ່ານ Vikotor Volodarsky ສະມາຊິກສະພາ ຣັດເຊຍກ່າວກັບສຳນັກຂ່າວ RIA Novosti ຂອງຣັດເຊຍ

“ກຸ່ມທີ່ມີ MANPAD ໄດ້ຖືກທຳລາຍໂດຍກອງທັບອາກາດຣັດເຊຍໄປແລ້ວ ຂະນະນີ້ໜ່ວຍຄອມມານໂດຂອງຊີເຮຍກຳລັງປະຕິບັດການກິດພາກພື້ນດິນ ຖ້າພວກເຂົາຄົ້ນພົບຊີ້ນສ່ວນຂອງເຄື່ອງຍິງຈະລວດ ເຮົາກໍ່ຈະສາມາດແກະຮອຍໜາຍເລກປະຈຳອາວຸດແລະລະບຸເຖິງແຫຼ່ງກຳເນີດໄປຈົນເຖິງໂຮງງານຜະລິດໄດ້ພາຍໃນບໍ່ກີ່ມື້ນີ້ ເຄື່ອງບິນຮົບຂອງຣັດເຊຍກຳລັງໃຫ້ການສະໜັບສະໜູນທາງອາກາດຕໍ່ກອງທັບຊີເຣຍ” ທ່ານ Vikotor Volodarsky ກ່າວ
ກ່ອນໜ້ານີ້ (ຫຼັງເກີດເຫດກຸ່ມກໍ່ການຮ້າຍຍິງ Su-25 ຕົກ) ສະຫະລັດໄດ້ຢືນຍັນວ່າ ຕົນເອງບໍ່ໄດ້ໃຫ້ການສະໜັບສະໜູນ MANPADຕໍ່ກຸ່ມທີ່ຍິງເຄື່ອງບິນຂອງຣັດເຊຍ “ສະຫະລັດບໍ່ໄດ້ມອບອາວຸດຕໍ່ຕ້ານອາກາດຍານໃຫ້ກັບກຸ່ມໃດໆທີ່ເປັນກອງກຳລັງພັນທະມິດຂອງຕົນເອງໃນຊີເຮຍ” Maj. Adrian J.T. Rankine-Galloway ໂຄສົກເພນຕາກອນກ່າວກັບສຳນັກຂ່າວ TASS

ເຫດການນີ້ເກີດຂື້ນໃນພື້ນທີ່ທີ່ກຸ່ມກໍ່ການຮ້າຍຈິຣາດິສ ອັລນຸສຣາຟຣອນ ຄວບຄຸມໃນເມືອງອິດລິບ ກອງທັບຣັດເຣຍຢືນຢັນ

ນັກວິເຄາະເບີ່ງວ່າ ຖ້າຈະໄປຄົ້ນຫາຊີ້ນສວ່ນຂອງຈະຫລວດທີ່ໃຊ້ຍິງເຄື່ອງບິນ Su-25 ຄົງຈະບໍ່ມີທາງຫາພົບແນ່ນອນ ມີການສັນນິຖານເບື້ອງຕົ້ນວ່າ ອາວຸດປະເພດນີ້ອາດຈະໄປຕົກຢູ່ໃນມືຂອງຜູ້ກໍ່ການຮ້າຍແລະພວກກະບົດຊີເຣຍໃນຕະຫຼາດມືດຫຼືຊ່ວງທີ່ມີການຍືດຖານທັບຂອງຊີເຣຍແລະອີຣັກໃນຊ່ວງກ່ອນໜ້ານີ້ກໍ່ໄດ້ (ຊ່ວງທີ່ເກີດສົງຄາມກາງເມືອງໃນຊີເຣຍໃໜ່ໆມີທະຫານຊີເຣຍຈຳນວນບໍ່ໜ້ອຍ ຕັ້ງໂຕເປັນກະບົດແລະຕໍ່ສູ້ກັບລັດຖະບານ ແນ່ນອນວ່າມີອາວຸດເປັນຈຳນວນຫຼາຍຕົກຢູ່ໃນມືຂອງທະຫານເຫົ່ານັ້ນດ້ວຍ)

ທ່ານ Konstantin Sivkov ຜູ້ຊ່ຽວຊານກ່າວວ່າ ການຕັດສິນໃຈສັງຫານນັກບິນ ແທນທີ່ຈະຈັບເປັນຊະເລີຍຫຼັງຈາກທີ່ເຂົາຖືກຈັບເປັນໂຕປະກັນ ຈະບໍ່ຜ່ານໄປໂດຍບໍ່ມີຄຳຕອບ ແລະການຕອບໂຕ້ຢ່າງຫນັກໂດຍກອງທັບຣັດເຊຍແລະຊີເຣຍທີ່ຈະຕາມມາແນ່ນອນ

“ຄົນເຫຼົ່ານີ້ ບໍ່ສົນໃຈກົດພື້ນຖານໃນການປະທະກັນແລະດັ່ງນັ້ນ ພວກເຂົາກໍ່ຕ້ອງບໍ່ຖືກຈັບເປັນຊະເລີຍເຊັ່ນກັນ ຄາວນີ້ເຮົາກໍ່ຮູ້ແລ້ວວ່າ ມີພວກຜູ້ກໍ່ການຮ້າຍຢູ່ຂ້າງນອກ ທີ່ນັ້ນ ໃນອິດລິບ ພວກທີ່ລະເມີດການຢຸດຍິງ ແລະສົມຄວນທີ່ຈະຖືກໂຈມຕີຢ່າງໜັກດ້ວຍມິສໄຊລຂອງກອງທັບຣັດເຊຍ ພວກເຂົາຈະຕ້ອງຊົດໃຊ້ດ້ວຍຊີວິດອາຊະຍາກອນຫຼາຍຮ້ອຍຊີວິດສຳລັບການສູນເສຍຊີວິດນັກບິນຂອງພວກເຮົາ ”

ລ່າສຸດ Sputnik ລາຍງານວ່າພວກຜູ້ກໍ່ການຮ້າຍທີ່ກໍ່ເຫດສັງຫານນັກບິນຣັດເຊຍຢ່າງປ່າເຖື່ອນໄດ້ເຜີຍແຜ່ຄຣິບຂະນະຜູ້ທີ່ກໍ່ການຮ້າຍຫຼາຍຄົນກຳລັງລະດົມຍິງປືນໃສ່ນັກບິນຣັດເຊຍ ແລະນັກບິນກໍ່ຍິງຕອບໂຕ້ດ້ວຍ ແຕ່ສຸດທ້າຍກໍ່ຖືກຜູ້ກໍ່ການເຫຼົ່ານັ້ນສັງຫານ

ເຮືອບິນ​ຮົບ​ Su-25 ຂອງຣັດເຊຍຖືກ​ຍິງຕົກ​ໃນ​ຊີ​ເຣຍ​

ສຳນັກຂ່າວຕ່າງປະເທດລາຍງານວ່າ: ນັກ​ບິນ​ຊາວ​ຣັດ​ເຊຍ​ຖືກ​ສັງ​ຫານ​ເມື່ອ​ມື້​ເສົາ​​ທີ່​ຜ່ານມາ​ ໃນ​ຂະນະ​ກຳ​ລັງ​ຕໍ່ສູ້​ກັບ​ກລຸ່ມ​ນິຍົມ​ແນວ​ທາງ​ອິດສະ​ລາມ​(Islamist) ໂດຍເຮືອບິນ​ຂອງ​ເຂົາ​ຖືກ​ຍິງ​ຕົກ​ໃນ​ພື້ນ​ທີ່​ທາງ​ຕອນ​ເໜືອ​ຂອງ​ຊີ​ເຣຍ​ ກະຊວງ​ປ້ອງກັນປະເທດ​ຂອງ​ຣັດ​ເຊຍກ​່າວ.​

ກຸ່ມ​ Hayat Tahrir al Sham ເຊິ່ງ​ເປັນ​ກຸ່ມ​ຍິ​ຮາດ​ຂອງ​ແນວ​ຮ່ວມ​ Al Nusra ທີ່​ຂ້ອນ​ຂ້າງ​ມີ​ອິດທິພົນ​ ກ່າວ​ໃນ​ຊ່ອງ​ທາງ​ສື່​ທີ່​ເປັນ​ພັນ​ທ​ະມິດ​ກັບ​ຕົນ​ວ່າ​ ຝ່າຍ​ຕົນ​ໄດ້​ຍິງເຮືອບິນ​ຣັດ​ເຊຍ​ທີ່​ມີ​ຂີປະ​ນາ​ວຸດ​ແບບ​ປະ​ທັບບ່າຕົ​ກ​ໜຶ່ງ​ລຳ​ບໍລິເວນ​ເມືອງ​ Saraqeb ໃນ​ຊົນນະບົດ​ທາງ​ຕອນ​ໃຕ້​ຂອງ​ແຂວງ​ອິດ​ລິບ​ (Idlib) ແຕ່​ບໍ່​ໄດ້​ເອີ່ຍ​ເຖິງ​ນັກ​ບິນ​ ພ້ອມລະ​ບຸ​ວ່າ​ການ​ໂຈມ​ຕີ​ດັ່ງ​ກ່າວ​ ເປັນ​ການ​ແກ້​ແຄ້ນ​ການ​ຖິ້ມ​ລະ​ເບີດ​ຢ່າງ​ຮຸນແຮງ​ຂອງ​ທັບ​ອາ​ກາດ​ຣັດ​ເຊຍ​ໃນ​ແຂວງ​ອິດ​ລິບ​.

ຜູ້​ສື່​ຂ່າວ​ຂອງ​ສຳ​ນັກ​ຂ່າວ​ເອ​ເອັບພີ​ ເຊິ່ງ​ເດີນທາງ​ມາ​ເຖິງ​ສະຖານທີ່​ເກີດ​ເຫດ​ເມື່ອ​ວັນ​ເສົາ ​ສັງເກດ​ເຫັນ​ວ່າ​ ມີ​ຊາກ​ທີ່​ເບິ່ງ​ຄື​ຈະ​ເປັນເຮືອບິນລວມເຖິງ​ປີກ​ທີ່​ເບິ່ງ​ເຫັນ​ວ່າ ​ມີ​ສັນຍາລັກ​ດາວ​ສີ​ແດງ​ ໂດຍ​ນັກ​ດັບ​ເພີງ​ມາ​ເຖິງຍັງ​ຈຸດ​ທີ່​ເຮືອບິນ​ຕົກ​ ແລະ ​ດັບ​ໄຟ​ທີ່ລຸກໄໝ້​ຂຶ້ນ​ສູ່​ທ້ອງ​ຟ້າ​ຊີ​ເຣຍ.​

ທັງ​ນີ້​ ກະ​ຊວງ​ປ້ອງກັນປິ້ທເ​ຂອງ​ຣັດ​ເຊຍ​ຢືນຢັນ​ວ່າ ເຮືອບິນ​ຮົບ​ Su-25 ຖືກ​ຍິງ​ຕົກ​ໃນ​ແຂວງ​ອິດ​ລິບ​ ແລະ​ ກ່າວ​ວ່າ​ນັກ​ບິນ​ຖືກ​ສັງ​ຫານ​ “ໃນ​ລະຫວ່າງ​ການ​ຕໍ່ສູ້​ກັບ​ຜູ້​ກໍ່​ການ​ຮ້າຍ​”.