ຂັນແຊ້ມບານໂລກເດີນທາງມາຮອດລາວ

ວັນທີ 28 ມັງກອນ 2018 ເວລາ 11:30 ນາທີ ຂັນແຊ້ມບານເຕະໂລກ ໄດ້ມາຮອດ ສປປ ລາວ ເປັນຄັ້ງທຳອິດໂດຍຕຳນານ ນັກເຕະອະດີດທີມຊາດຝຣັ່ງຢ່າງ ທ່ານ ຄຣິສະຕຽນ ຄາແລມເບີ ( CHRISTIAN KAREMBEU ) ເປັນຜູ້ນຳຂັນດັ່ງກ່າວມາເຂົ້າໄປສະແດງທີ່ ສໍານັກງານນາຍົກ.


ເຊິ່ງພາຍໃນງານໃຫ້ກຽດຕ້ອນຮັບໂດຍ ທ່ານ ທອງລຸນ ສີສຸດລິດ ນາຍົກລັດຖະມົນຕີແຫ່ງ ສປປ ລາວ ພ້ອມດ້ວຍຄະນະ, ສະຫະພັນບານເຕະແຫ່ງຊາດລາວ ແລະ ພາກສ່ວນອື່ນໃຫ້ກຽດຕ້ອນຮັບຢ່າງຍິ່ງໃຫຍ່.
ຫຼັງຈາກນັ້ນໃນຕອນແລງ ນໍາໄປສະແດງທີ່ ວຽງຈັນເຊັນເຕີ ນັບຕັ້ງແຕ່ເວລາ 13 ໂມງເປັນຕົ້ນໄປ ແລະ ສຸດທ້າຍ ໄປສະແດງທີ່ ເດີ່ນບານເຕະເຈົ້າອານຸວົງ ເວລາ 14:00 ໂມງ ເປັນຕົ້ນໄປ.


Cr. ສະຫະພັນບານເຕະແຫ່ງຊາດ

ເປີດໂຕເລກອັດສີດ ຢູ 23 ນັກເຕະບານຫວຽດນາມທະລຸ 8 ຕື້ກ່ວາກີບ

ເປີດໂຕເລກອັດສີດ ຢູ 23 ນັກເຕະບານຫວຽດນາມທະລຸກ່ອນນັດຊີງແຊ້ມເອເຊຍ ພ້ອມໂບນັດພິເສດໃຫ້ໂຄ້ດ ເກົາຫລີໃຕ້

ທີມຊາດ ຫວຽດນາມ ຊຸດຢູ 23 ຕຽມຮັບ ແລະ ທັ້ງທີ່ຍັງບໍ່ໄດ້ເຕະນັດຊີງແຊ້ມ ເອເຊຍ ກັບ ອຸດເບກິດຖານ ໃນວັນເສົານີ້ ເງິນອັດສີດປະມານ 8 ຕື້ກີບ ແຖມດ້ວຍລົດເກັ໋ງໃຫ້ກຸນຊືສັນຊາດ ເກົາຫລີໃຕ້ ຕາມການລາຍງານຈາກຫວຽດນາມ ເມື່ອກາງອາທິດທີ່ຜ່ານມາ

ຈາກຜົນງານສຸດຍອດຂອງທີມຊາດຫວຽດນາມ ຊຸດນ້ອຍ ທີ່ເອົາຊະນະ ກາຕ່າ ໃນການດວນຈຸດໂທດ 4-3 ເຂົ້າໄປຊີງຊະນະເລີດໃນການຊີງແຊ້ມເອເຊຍ ຢູຄ 23 ທີ່ປະເທດຈີນໃນວັນເສົານີ້ ເຮັດໃຫ້ບັນດານັກທຸລະກິດ ຫວຽດນາມ ຮາໂກ່ ຄອມມິນິເຄຊັ່ນ ໄດ້ມອບລົດເກຍ ອັອບຕິມ່າ ມູນຄ່າ 34,000 ດອນລ່າໃຫ້ໂຄ້ດ ປາກ ຮັງໂຊ ໂດຍກ່ອນນັ້ນກໍ່ປະກາດມອບເງິນ 22,000 ດອນລ່າສະຫະລັດ ຕອນທີ່ດວນຈຸດໂທດເອົາຊະນະ ອີລັກ ໃນຮອບກ່ອນຮອງຊະນະເລີດ

ແຫລ່ງຂ່າວໃນສະຫະພັນຫວຽດນາມ ຍັງເປີດເຜີຍວ່າ ພາກທຸລະກິດໄດ້ມອບເງິນລວມກັນແລ້ວເຖິງ 1 ລ້ານດອນລ່າ ຫລືປະມານ 8 ຕື້ກິບ ໃຫ້ນັກເຕະຊຸດນີ້ໃນເວລາແຄ່ 6 ຫລັງຈົບແຄ່ຮອບຕັດເຊືອກ

ພະລັງຊົນ ຂວັນໃຈສີໂຄດ ພົບກັບ ກ້ອງຟ້າ ໃນເສິກມວຍ 8 ແມັກຊ

ເວລາ 20:25 ນາທີຂອງວັນທີ 14/1/2018 ພະລັງຊົນ ຂວັນໃຈສີໂຄດ ຈາກ ສປປ ລາວ ນອ໋ກ ນັກມວຍໄທຍົກທີ 2

ພະລັງຊົນ ຂວັນໃຈສີໂຄດ ພົບກັບ ກ້ອງຟ້າ ໃນເສິກມວຍ 8 ແມັກຊເວລາ 20:25 ນາທີຂອງວັນທີ 14/1/2018 ພະລັງຊົນ ຂວັນໃຈສີໂຄດ ຈາກ ສປປ ລາວ ນອ໋ກ ນັກມວຍໄທຍົກທີ 2

Posted by ຄລິບເດັ່ນ ຂ່າວດັງ.com on Sunday, January 14, 2018

ຊ໊ອກວົງການບານລາວເມື່ອ ສ ຕ ລ ສັ່ງຫ້າມ 18 ນັກເຕະດັງ ທີມຊາດລາວຊຸດໃຫຍ່ອາດມີສ່ວນກ່ຽວພັນກຫບການລົ້ມບານ

ສະຫະພັນບານເຕະແຫ່ງຊາດລາວ ສັ່ງຫ້າມ 18 ນັກເຕະດັງ ທີມຊາດລາວຊຸດໃຫຍ່ ຊຸດປີ 2017 ເກືອບຍົກທີມ ຫ້າມລົງແຂ່ງຂັນທຸກລາຍການຊົ່ວຄາວ ເພື່ອສືບສວນຫາຄວາມຊັດເຈນ ກ່ອນຕັດສິນຄັ້ງຕໍ່ໄປ.

ການແຂ່ງຂັນ ບານເຕະຍິງ ລຸ້ນອາຍຸ 18 ປີ ມີ 7 ທີມ ກຽມເປີດສາກຂຶ້ນໃນວັນເສົາ 18 ພະຈິກ 2017 ທີ່ຈະມາເຖິງນີ້.

ໃນຕອນບ່າຍ ວັນພຸດ 08 ພະຈິກ 2017 ຢູ່ທີ່ຫ້ອງປະຊຸມ ສະຫະພັນບານເຕະແຫ່ງຊາດ ໄດ້ໃຫ້ມີກອງປະຊຸມເຕັກນິກ ເພື່ອກຽມຈັດການແຂ່ງຂັນບານເຕະຍິງ ລຸ້ນອາຍຸ 18 ປີ LFF U-18 WOMEN YOUTH LEAGUE 2017 ໂດຍພາຍໃຕ້ການເປັນປະທານ ຂອງ ທ່ານ ນາງ ຍອດແກ້ວ ພາວະດີ ຮອງເລຂາທິການ ສະຫະພັນບານເຕະແຫ່ງຊາດ ທັງເປັນຮອງອະນຸກຳມະການບານເຕະຍິງ, ທ່ານ ຄຳໃສ ແສງມະນີພອນ ຫົວຫນ້າພະແນກຈັດການແຂ່ງຂັນ ພ້ອມດ້ວຍບັນດາທີມທີ່ເຂົ້າຮ່ວມ .


ສຳລັບ ການແຂ່ງຂັນບານເຕະຍິງ ລຸ້ນອາຍຸ 18 ປີ LFF U-18 WOMEN YOUTH LEAGUE 2017 ມີທີມ 7 ທີມ ປະກອບມີ :​
1. ມສ ສາລະຄຳ
2. ມສ ວຽງຈັນ
3. ມະຫາວິທະຍາໄລແຫ່ງຊາດ
4. ເມືອງມະນີ ເອຟຊີ
5. ມປ ວຽງຈັນ – ໂຮຈີມິນ
6. ກົມພັດທະນາການທ່ອງທ່ຽວ
7. ມະຫາວິທະຍາໄລ ວິທະຍາສາດ ສຸຂະພາບ
ຈຸດປະສົງຂອງການຈັດກໍເພື່ອເປັນການພັດທະນານັກກິລາຍິງ ພ້ອມທັງຄັດເລືອກນັກກິລາທີ່ມີພອນສະຫວັນ ແລະ ທັກສະ ເພື່ອກະກຽມທີມຊາດເຂົ້າຮ່ວມການແຂ່ງຂັນລາຍານຕ່າງໆໃນລະດັບສາກົນ.
ລະບຽບຂອງການແຂ່ງຂັນແມ່ນແຂ່ງຂັນພົບກັນຫມົດຮອບດຽວ


ສຳລັບລາງວັນຂອງ ການແຂ່ງຂັນ
– ອັນດັບ 1 : ໄດ້ຮັບຂັນ 1 ຫນ່ວຍ ເງິນສົດ 5.000.000 ກີບ
– ອັນດັບ 2 : ໄດ້ຮັບຂັນ 1 ຫນ່ວຍ ເງິນສົດ 4.000.000 ກີບ
– ອັນດັບ 3 : ໄດ້ຮັບຂັນ 1 ຫນ່ວຍ ເງິນສົດ 3.000.000 ກີບ
– ທີມມາລະຍາດດີເດັ່ນ ໄດ້ຮັບ ເງິນສົດ 500.000 ກີບ
– ນັກກິລາດີເດັ່ນ ໄດ້ຮັບ ເງິນສົດ 500.000 ກີບ
– ນັກກິລາຍິງປະຕູສູງສຸດ ໄດ້ຮັບ ເງິນສົດ 500.000 ກີບ.


ພ້ອມກັນນັ້ນຍັງມີເງິນສະຫນັບສະຫນູນທີມລະ 2.000.000 ກີບ ແລະ ຫມາກບານ 5 ຫນ່ວຍ / ທີມ ແລະ ເສື້ອ 18 ຊຸດ / ທີມ.
ສຳລັບຕາຕະລາງການແຂ່ງຂັນນັດເປີດສະຫນາມແມ່ນຈະມີຂຶ້ນໃນວັນເສົາ 18 ພະຈິກ 2017 ເວລາ 10:00 ມສ ສາລະຄຳ ພົບ ມສ ວຽງຈັນ, ເວລາ 15:00 ມຊ ພົບ ເມືອງມະນີ ເອຟຊີ ແລະ ເວລາ 17:00 ມປ ວຽງຈັນ – ໂຮຈີມິນ ພົບ ກົມພັດທະນາການທ່ອງທ່ຽວ ທຸກໆນັດແມ່ນແຂ່ງຂັນຢູ່ທີ່ສະຫນາມຫຍ້າທຽມ ສະຫະພັນບານເຕະແ່ຫ່ງຊາດລາວ

 

ເລື່ອງວຸ້ນໆຂອງ ລາລີກາ ຫຼັງ ກາຕາລັນ ແຍກຕົວຈາກແອັດສະປາຍ-ບາເຊໂລນາ ມີຫຼາຍທາງເລຶອກ

ສະພາທ້ອງຖິ່ນຂອງແຂວງກາຕາລັນ ໄດ້ປະກາດແຍກຕົວເປັນອອກຈາກ ປະເທດແອັດສະປາຍ ເມື່ອວັນສຸກ ທີ່ຜ່ານມາ ເຊິ່ງຖ້າຫາກທຸກຢ່າງລຸລ່ວງ ຈະເຮັດໃຫ້ສະໂມສອນໃນແຂວງດັ່ງກ່າວທັງ ບາເຊໂລນາ, ເອັສປັນຢອລ ແລະ ຄິໂຣນາ ຕ້ອງຕັດສິນໃຈວ່າ ຈະຫຼິ້ນຢູ່ໃນ ລາລີກາ ຕໍ່ໄປ ຫຼື ຍ້າຍໄປຫຼິ້ນໃນລີກປະເທດອື່ນ. ຂະນະທີ່ ສະຫະພັນບານເຕະແອັດສະປາຍ ກໍ່ເຄີຍປະກາດບໍ່ໃຫ້ຮ່ວມ ລາລີກາ ອີກແລ້ວ.


ຈາກຜົນດັ່ງກ່າວ ຖ້າ ບາເຊໂລນາ ສະໂມສອນຊັ້ນນໍາ ໃນລາລີກາ ແອັດສະປາຍ ຕ້ອງຕັດສິນໃຈເລຶອກຍ້າຍໄປຫຼິ້ນໃນລີກປະເທດອື່ນ ແລະ ເຊື່ອວ່າ ປະເທດອື່ນກໍ່ພ້ອມເປີດຮັບແນ່ນອນ ເພາະຈະສາມາດສ້າງລາຍຮັບໃຫ້ກັບປະເທດຢ່າງມະຫາສານ, ໂດຍໂອກາດທີ່ຈະເປັນໄປໄດ້ຄື 3 ລີກໃຫຍ່ດັ່ງນີ້:


1.ພຣີເມຍລີກ ອັງກິດ: ເຄຣາດ ຟິກູເອຣາສ ເລຂາທິການກີລາຂອງ ກາຕາລັຍ ເຊື່ອວ່າ ບໍ່ມີບັນຫາທີ່ ບາເຊໂລນາ ຈະໄປຫຼິ້ນໃນປະເທດອັງກິດ ເພາະຕອນນີ້ ແອັດສະປາຍ ກໍ່ມີທີມຈາກປະເທດອື່ນຢ່າງ ອັນດໍຣາ ເຂົ້າມາຫຼິ້ນ ແລະ ໝັ້ນໃຈວ່າ ຢູຟາ ຈະບໍ່ກັງວົນໃນເລື່ອງນີ້.


2.ລີກເອິງ ຝຣັ່ງ: ລີກສູງສຸດຂອງປະເທດຝຣັ່ງ ເປີດໂອກາດໃຫ້ ບາເຊໂລນາ ຍ້າຍມາຮ່ວມຢູ່ແລ້ວ ເພາະຈະຊ່ວຍເພີ່ມມູນຄ່າຢ່າງມະຫາສານໃຫ້ກັບລີກ. ນອກນັ້ນ, ສະພາບອາກາດ ແລະ ພູມມີປະເທດຂອງຝຣັ່ງ ຍັງໃກ້ຄຽງກັບ ແອັດສະປາຍ ແລະ ບາເຊໂລນາ ກໍ່ຢູ່ກັບທາງຕອນໃຕ້ຂອງ ຝຣັ່ງ.


3.ກັລໂຊ ເຊເຣຍ ອາ ອິຕາລີ: ອິຕາລີ ເປັນອີກທາງເລຶອກທີ່ໜ້າສົນໃຈຂອງ ບາເຊໂລນາ ເພາະຢູ່ບໍ່ໄກກັນ ແລະ ໃນລີກອິຕາລີ ກໍ່ມີທີມຕ່າງແດນຈາກ ຊານ ມາຣີໂນ ມາຫຼິ້ນຢູ່່ແລ້ວ.

ລມຕ ກະຊວງສຶກສາທິການ ແລະ ກິລາ ຕ້ອນຮັບ ຄະນະຜູ້ແທນ ສປ ຈີນ

ລມຕ ກະຊວງສຶກສາທິການ ແລະ ກິລາ ຕ້ອນຮັບ ຄະນະຜູ້ແທນ ສປ ຈີນ

ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ ໄດ້ຕ້ອນຮັບ ທ່ານ ຫວັງ ເຊັນເວີນ (Mr. Wang Sheng wen) ຫົວໜ້າກົມຊ່ວຍເຫຼືອ ຕ່າງປະເທດ, ກະຊວງການຄ້າ ສປ ຈີນ ພ້ອມດ້ວຍຄະນະເຂົ້າ ຢ້ຽມຂ່ຳນັບ ໃນວັນທີ 25 ຕຸລາ ນີ້ ທີ່ກະຊວງດັ່ງກ່າວ. ໃນໂອ ກາດທີ່ເດີນທາງມາຢ້ຽມຢາມ ສປປ ລາວ.

ໂອກາດດັ່ງກ່າວ ທ່ານລັດ ຖະມົນຕີກະຊວງສຶກສາທິການ ແລະ ກິລາ ໄດ້ສະແດງຄວາມ ຍິນດີຕ້ອນຮັບ ແລະ ຊົມເຊີຍ ຕໍ່ທ່ານ ຫວັງເຊັນເວີນ ພ້ອມ ຄະນະທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຊຶ່ງຈະເປັນການປະກອບສ່ວນ ເພີ່ມທະວີ, ຮັດແໜ້ນ, ສາຍພົວ ພັນ, ມິດຕະພາບ, ການຮ່ວມມືລະ ຫວ່າງສອງປະເທດລາວ – ຈີນ ນັບມື້ຂະຫຍາຍຕົວຢ່າງກວ້າງ ຂວາງ ແລະ ອວຍພອນໃຫ້ ຄະນະ ຈົ່ງປະສົບຜົນສຳເລັດໃນ ການຢ້ຽມຢາມ ສປປ ລາວ ໃນ ເທື່ອນີ້. ທ່ານ ຫວັງເຊັນເວີນ ໄດ້ ສະແດງຄວາມຂອບໃຈ ພ້ອມ ທັງໄດ້ລາຍງານຈຸດປະສົງກ່ຽວ ກັບການມາຢ້ຽມຢາມໃນຄັ້ງນີ້ ໃຫ້ທ່ານລັດຖະມົນຕີຊາບແມ່ນ ເພື່ອກະກຽມຄວາມພ້ອມໃຫ້ ແກ່ຄະນະນຳສູງສຸດຈາກ ສປ ຈີນ ທີ່ຈະເດີນທາງມາຢ້ຽມຢາມ ສປປ ລາວ ໃນລະຫວ່າງເດືອນ ພະຈິກທີ່ຈະມາເຖິງນີ້, ປຶກສາ ຫາລືກ່ຽວກັບການຊ່ວຍເຫຼືອ ຂອງ ສປ ຈີນ ຕໍ່ ສປປ ລາວ ພ້ອມທັງລົງຕິດຕາມຊຸກຍູ້ໂຄງ ການຮ່ວມມືສອງຝ່າຍ ແລະ ແຜນການຮ່ວມມືໃນຕໍ່ໜ້າ, ປຶກສາຫາລືແລກປ່ຽນຄຳຄິດ ຄຳເຫັນກ່ຽວກັບການຊ່ວຍເຫຼືອ ໂຄງການປຸກສ້າງໂຮງຮຽນ 10 ແຫ່ງ ຈາກລັດຖະບານ ສປ ຈີນ ໃຫ້ແກ່ລັດຖະບານລາວ. ເພື່ອ ສືບຕໍ່ສະໜັບສະໜູນການ ຈັດຕັ້ງປະຕິບັດການຊ່ວຍເຫຼືອ ໂຄງການສະໜັບສະໜູນການ ຊ່ວຍເຫຼືອສະຖາບັນຂົງຈື ຈາກ ລັດຖະບານ ສປ ຈີນ ໃນການ ຊ່ວຍເຫຼືອທາງດ້ານອຸປະກອນ ຕໍ່ຂະແໜງການສຶກສາ ແລະ ກິລາ.

ພ້ອມດຽວກັນນີ້, ສອງ ຝ່າຍຍັງໄດ້ປຶກສາຫາລືຫຼາຍ ບັນຫາກ່ຽວກັບການຮ່ວມມື ທາງ ດ້ານວຽກງານການສຶກສາ ແລະ ວຽກງານສຳຄັນອື່ນໆທີ່ສອງ ຝ່າຍມີຄວາມສົນໃຈນຳກັນ. (ຂ່າວ: ຍຸພິນທອງ)

ຍີ່ປຸ່ນຊ່ວຍເຫຼືອປັບປຸງໂຮງຮຽນຢູ່ພາກກາງ-ພາກໃຕ້ ມູນຄ່າ 100 ກ່ວາຕື້ກີບ

ລັດຖະບານ​ຍີ່ປຸ່ນ ໃຫ້​ທຶນ​ຊ່ວຍເຫຼືອ​ລ້າ​ມູນ​ຄ່າ 1.369 ລ້ານ​ເຢັນ ຫຼື ປະມານ 100,23 ຕື້​ກີບ ເພື່ອຈັດ​ຕັ້ງ​ປະຕິບັດ​ໂຄງການ​ປັບປຸງສະພາບ​ແວດ​ລ້ອມ ​ຂອງ​ໂຮງຮຽນມັດທະຍົມ​ຕອນ​ຕົ້ນ​ຢູ່​ພາກ​ກາງ ແລະ ພາກ​ໃຕ້​ຂອງ ​ສປປ ລາວ ແນໃສ່​ບັນລຸ​ແຜນ​ພັດທະນາ​ຂະແໜງ​ການ​ສຶກ​ສາ ຄັ້ງ​ທີ 8 ໂດຍສະເພາະ ການ​ເພີ່ມ​ອັດຕາ​ການລົງທະບຽນ​ຂອງ​ນັກ​ສຶກ​ສາ​ຊັ້ນມັດທະຍົມ​ຕອນ​ຕົ້ນ ໃຫ້​ໄດ້ 85% ພາຍ​ໃນ​ປີ 2020 ແລະ ສ້າງ​ວິໄສທັດ​ແຫ່ງ​ຊາດ ໃນ​ການ​ຫຼຸດ​ພົ້ນອອກ​ຈາກ​ສະຖານະ​ພາບ​ປະເທດດ້ອຍ​ພັດທະນາ ​ໃຫ້​ປາກົດ​ຜົນ​ເປັນຈິງ​ຕາມ​ເປົ້າ​ໝາຍ​ທີ່​ວາງ​ໄວ້.

ພິທີ​ລົງ​ນາມ​ເອກະສານ​ແລກປ່ຽນ​ສຳລັບ​ການ​ຊ່ວຍເຫຼືອ​ລ້າ ໂຄງການ​ດັ່ງກ່າວ ໄດ້​ຈັດ​ຂຶ້ນ​ວັນທີ 23 ຕຸລາ 2017 ຢູ່​ກະຊວງການ​ຕ່າງປະເທດ ລະຫວ່າງ​ທ່ານ ສະເຫຼີມ​ໄຊ ກົມ​ມະ​ສິດ ລັດ​ຖະ​ມົນຕີ​ກະຊວງ​ການ​ຕ່າງປະເທດ ແລະ ທ່ານ ທາ​ເຄ​ຊິ ຮິ​ຄິ​ຮາ​ຣະ ເອກ​ອັກຄະ​ຣາ​ຊະ​ທູດ​ຍີ່ປຸ່ນ ປະຈຳ​ລາວ ມີຜູ້ຕາງໜ້າ​ຈາກ​ຂະແໜງການກ່ຽວຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ.

ໂຄງການ​ປັບປຸງ​ສະພາບ​ແວດລ້ອມ​ຂອງ​ໂຮງຮຽນ​ມັດທະຍົມຕອນ​ຕົ້ນ​ຢູ່​ພາກ​ກາງ ແລະ ພາກໃຕ້​ຂອງ ​ສປປ ລາວ ມີ​ເປົ້າ​ໝາຍຈະ​ຂະຫຍາຍ ແລະ ກໍ່ສ້າງ​ຄືນໃໝ່ ໂຮງຮຽນ​ມັດທະຍົມ 37 ແຫ່ງ ໃນ 4 ແຂວງ ພ້ອມ​ທັງມອບ​ໂຕະ​ຮຽນ ແລະ ກະດານດຳ ໃນ​ນີ້ ຈະ​ສາມາດ​ເພີ່ມ​ຈຳນວນຫ້ອງ​ຮຽນ​ຈາກ 121 ຫ້ອງເປັນ 454 ຫ້ອງ ແລະ ສາມາດ​ຮອງຮັບ​ນັກຮຽນ​ໄດ້​ອີກ 2.620 ຄົນ ເຊິ່ງ​ຈະ​ເປັນ​ການ​ປະກອບສ່ວນສ້າງ​ເງື່ອນໄຂ ​ໃຫ້​ການຈັດຕັ້ງ​ປະຕິບັດ​ເປົ້າ​ໝາຍ​ສະຫັດ​ສະ​ວັດ ເພື່ອການ​ພັດທະນາ​ແບບ​ຍືນ​ຍົງ ແລະ ເຮັດ​ໃຫ້ ​ສປປ ລາວ ຫຼຸດ​ພົ້ນ​ອອກຈາກ​ສະຖານະ​ພາບ​ປະເທດ​ດ້ອຍພັດທະນາ ໃນ​ປີ 2020. ຂ່າວ: ຫນັງສືພິມວຽງຈັນໃຫ່ມ

ສະຫລຸບຜົນ ບຸນຊ່ວງເຮືອຊິງຂັນປະທານສະຫະພັນເຮືອຊ່ວງນະຄອນຫລວງປະຈຳປີ2017 ທີ່ບຶງທາດຫລວງ ມ.ໄຊເຊດຖາ ນວ

ສະຫລຸບຜົນ ບຸນຊ່ວງເຮືອຊິງຂັນປະທານສະຫະພັນເຮືອຊ່ວງນະຄອນຫລວງປະຈຳປີ2017 ທີ່ບຶງທາດຫລວງ ມ.ໄຊເຊດຖາ ນວ ມີດັ່ງຕໍ່ໄປນີ້:

#ເຮືອປະເພນີຊາຍ
ອັນດັບທີ1: ບ.ສ.ພັນທະມິດ ກໍ່ສ້າງ-ຂົວທາງ ຂ.ໄຊຍະບູລີ (ໃຊ້ໂຕເຮືອ ແລະ ສີພາຍ ນາວາສັກສິດ )
ອັນດັບທີ2: ຄອນສະຫວັນ99 ບ.ທ່າພະ ມ.ຫາດຊາຍຟອງ ນວ (ສີພາຍ ບ.ຫາດສ້ຽວ ມ.ທຸລະຄົມ ຂ.ວຽງຈັນ)
ອັນດັບທີ3: ນາງສາວເກດສຸລິນ ບ.ທ່າພະ ມ.ຫາດຊາຍຟອງ ນວ (ສີພາຍ ຊາວມັງກອນ-ທະຫານ299 ບ.ນາແງວ ມ.ທ່າແຂກ ຂ.ຄຳມ່ວນ)
ອັນດັບທີ4: ແຂວງຫລວງພຣະບາງ ເພັດດອກຄູນ ບ.ແສງເພັດ ກໍ່ສ້າງ-ຂົວທາງ ໄຟຟ້າ ແລະ ເກັບກູ້ລະເບີດ (ສີພາຍ ບ.ແດນດິນ ມ.ນາຊາຍທອງ ນວ)

#ເຮືອສູດຊາຍ
ອັນດັບທີ1: ນາວາສັກສິດ ບ.ໄຊສະຖານ ມ.ສີສັດຕະນາກ ນວ (ສີພາຍ ໄກທອງ-ທະຫານແຂວງບໍລິຄຳໄຊ+ ຂັວນໃຈລູກປູ່ບັງ ບ.ປຸ່ງເໜືອ ມ.ຫີນບູນ ຂ.ຄຳມ່ວນ+ ສີພາຍ ບ.ບຸ່ງກວາງ ມ.ປາກກະດິງ ຂ.ບໍລິຄຳໄຊ)
ອັນດັບທີ2: ເທບທິດາສ້ອຍຟ້າ-ແດນສະຫວັນນຳ້ງື່ມຣີສອຣ໌ທ (ສີພາຍ ເທບທິດາສ້ອຍຟ້າ-ບ.ໄຮຄຳ ມ.ໄຊເສດຖາ ນວ+ ເທບນິມິດ ບ.ໂພນຄໍ້ ມ.ຫີນບູນ ຂ.ຄຳມ່ວນ+ ເທບພອນໄຊ ບ.ທ່າໂພ ມ.ໄຊພູທອງ ຂ.ສະຫວັນນະເຂດ)
ອັນດັບທີ3: ສາຍຟ້າ ບ.ທ່າພະ ມ.ຫາດຊາຍຟອງ ນວ (ສີພາຍ ເຈົ້າແມ່ແກ້ວມັງກອນ-ທະຫານແຂວງສາລະວັນ)
ອັນດັບທີ4: ພອນພຣະແກ້ວ ບ.ສີຖານໃຕ້ ມ.ຫາດຊາຍຟອງ ນວ

#ເຮືອປະເພນີຍິງ
ອັນດັບທີ1: ເພັດດອກຄູນ ບ.ສ.ແສງເພັດ ເກັບກູ້ລະເບີດ (ສີພາຍ ບ.ແສນດິນ ມ.ນາຊາຍທອງ ນວ)
ອັນດັບທີ2: ຄອນສະຫວັນ99 ບ.ທ່າພະ ມ.ຫາດຊາຍຟອງ ນວ (ສີພາຍ ບ.ຫາດສ້ຽວ ມ.ທຸລະຄົມ ຂ.ວຽງຈັນ)
ອັນດັບທີ3: ເຈົ້າວໍຣະວົງ-ສະຫະພັນນັກຮົບເກົ່າແຂວງບໍລິຄຳໄຊ
ອັນດັບທີ4: ນາງສາວເກດສຸລິນ ບ.ທ່າພະ ມ.ຫາດຊາຍຟອງ ນວ
——————–
ທີ່ມາ: ເຊຍລາວ