ຄົງເຊໂດນ ສະເຫຼີມສະຫຼອງວັນລ້າງມືສາກົນ


ພະແນກສຶກສາທິການ ແລະກິລາ ແຂວງສາລະວັນ ຮ່ວມຫ້ອງການສຶກເມືອງຄົງເຊໂດນ ຈັດພິທີສະເຫຼີມ ສະຫຼອງວັນລ້າງມືສາກົນ 15 ຕຸລາ ຂອງໂລກ, ພິທີດັ່ງກ່າວໄດ້ຈັດຂື້ນໃນຕອນເຊົ້າຂອງວັນທີ 16 ຕຸລາ ນີ້ ທີ່ເດີນໂຮງຮຽນປະຖົມສົມບູນຄົງເໜືອ, ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ສົມຈິດ ເພັງສຸວັນນະວົງ ຮອງຫົວໜ້າພະແນກສຶກສາທິການ ແລະກິລາແຂວງ, ທ່ານ ສຸຂະວັນ ເພັງອະໄພສີ ຮອງຫົວໜ້າຫ້ອງການສຶກສາທິການ ແລະ ກິລາເມືອງ, ມີບັນດາທ່ານຫົວໜ້າຂະແໜງການຈາກແຂວງ, ເມືອງ ພ້ອມດ້ວຍຄະນະພັດທະນາການສຶກສາຂັ້ນບ້ານ, ຄູອາຈານ ແລະ ນ້ອງນ້ອຍນັກຮຽນພາຍໃນ 7 ໂຮງຮຽນ ແລະ7 ບ້ານເຂົ້າຮ່ວມ.


ໃນພິທີ ທ່ານ ສຸຂະວັນ ເພັງອາໄພສີ ກໍ່ໄດ້ເປັນກຽດຂື້ນກ່າວປະຫວັດຄວາມເປັນມາ ຂອງວັນລ້າງມືສາກົນ ທີ່ໄດ້ຈັດຂື້ນໃນໄລຍະສັບປະດານໍາໂລກ ລະຫວ່າງວັນທີ 17 ຫາ 23 ສິງຫາ ປີ 2008 ທີ່ນະຄອນຫຼວງສະຕ໋ອກໂຮມ ປະເທດສະວີເດັນ ຖືເປັນເຫດການທາງປະຫວັດສາດຂອງໂລກ ທີ່ໄດ້ມີການລິເລີ່ມຮ່ວມກັນລະຫວ່າງພາກລັດ ແລະ ເອກະຊົນ ເພື່ອສ້າງຂະບວນການລ້າງມື, ວັນລ້າງມືສາກົນຄັ້ງທໍາອິດໄດ້ຖືກຈັດຕັ້ງຂື້ນໃນວັນທີ 15 ຕຸລາ ປີ 2008 ທີ່ໄດ້ຮັບການແຕ່ງຕັ້ງໂດຍສະຫະປະຊາຊາດ ແລະ ຍັງເປັນປີສາກົນທາງດ້ານສຸຂະພາບນໍາອີກ, ນັບແຕ່ມີສ້າງຕັ້ງໃນປີ 2008 ເປັນຕົ້ນມາ ກະຊວງສຶກສາທິການ ແລະ ກິລາ ໄດ້ເຮັດວຽກກັບຫຼາຍພາກສ່ວນທາງພາກລັດ, ເອກະຊົນ ແລະ ອົງການຈັດຕັ້ງສາກົນ ເພື່ອສະເຫຼີມສະຫຼອງວັນລ້າງມືດັ່ງກ່າວ ເປົ້າ ໝາຍຫຼັກກໍ່ແມ່ນເພື່ອ ປູກຈິດສໍນຶກໃນວົງກວ້າງ ກ່ຽວບັບຜົນປະໂຫຍດຂອງການລ້າງມືໃສ່ສະບູ ເພາະວ່າມັນສາມາດປ້ອງກັນພະຍາດໄດ້ຫຼາຍຢ່າງ ຕອນທ້າຍບັນດາແຂກທຸກພາກສ່ວນພ້ອມດ້ວຍຄູອາຈານ ແລະ ນ້ອງນັກຮຽນ ກໍ່ໄດ້ມີການລ້າງມືໃຫ້ຖືຕາມຫຼັການອະນາໄມນໍາອີກ.

ຂ່າວ: ຄຳໃບ ເຂັມທອງ

ກອງພົນທີ 1 ກຽມຮັບຕ້ອນ ວັນສ້າງຕັ້ງກອງທັບປະຊາຊົນ ລາວ ຄົບຮອບ 70 ປີ ແລະ ວັນ ສ້າງຕັ້ງກອງພົນທີ 1 ຄົບຮອບ 35 ປີ

ໃນກາງເດືອນຕຸລາ 2017 ຜ່ານມານີ້, ກອງພົນທີ 1 ໄດ້ເປີດ ຂະບວນການອົບຮົມຫັດແອບ ການເດີນສວນສະໜາມຮັບຕ້ອນ ວັນສ້າງຕັ້ງກອງທັບປະຊາຊົນ ລາວ ຄົບຮອບ 70 ປີ ແລະ ວັນ ສ້າງຕັ້ງກອງພົນທີ 1 ຄົບຮອບ 35 ປີ ທີ່ຈະມາເຖິງ, ໂດຍການ ເຂົ້າຮ່ວມຂອງ ພັນເອກ ອຸ່ນຈັນແດງວັນສົມ ຄະນະພັກ, ຫົວໜ້າ ຫ້ອງເສນາທິການກອງພົນທີ 1,ມີພັນໂທ ວົງຈັນ ພັນຈັນທະມານຄະນະປະຈຳພັກ ກອງພົນ, ຫົວໜ້າຫ້ອງການເມືອງກອງພົນທີ 1, ມີຄະນະພັກ-ຄະນະບັນຊາອົງການ 5 ຫ້ອງ, ພະແນກການ,ພະນັກງານ-ນັກຮົບບັນດາກົມ ກອງອ້ອມຂ້າງເຂົ້າຮ່ວມ.

ໃນພິທີ ພັນໂທ ໄກສອນ ສີລາ ເພັດ ຮອງຫົວໜ້າຫ້ອງເສນາທິ ການໄດ້ຂຶ້ນຜ່ານແຜນການບັ້ນ ອົບຮົມຫັດແອບການເດີນສວນ ສະໜາມກະກຽມສະເຫຼີມສະ ຫຼອງວັນສ້າງຕັ້ງກອງທັບປະຊາ ຊົນລາວຄົບຮອບ 70 ປີ ແລະ ວັນສ້າງຕັ້ງກອງພົນທີ 1 ຄົບ ຮອບ 35 ປີ ໄລຍະທີ 1 ກຳນົດ ເອົາອາທິດລະ 1 ຄັ້ງ ທຸກເຊົ້າ ວັນພຸດ, ໄລຍະທີ 2 ແມ່ນອາທິດໜຶ່ງຕໍ່ສອງຄັ້ງກຳນົດເອົາວັນອັງ ຄານ ແລະ ວັນພະຫັດ (ໝົດມື້)ຈົນຮອດມື້ີສະເຫຼີມສະຫຼອງວັນສຳຄັນດັ່ງກ່າວ, ທັງນີ້ກໍເພື່ອປະ ຕິບັດຕາມຄຳສັ່ງແນະນຳຂອງ ຄະນະພັກ-ຄະນະບັນຊາການ ກອງພົນ ເພື່ອແນໃສ່ເຮັດໃຫ້ບຸກ ຄົນໃນກ້ອນສວນສະໜາມກຳ ແໜ້ນເຕັກນິກບຸກຄົນມືເປົ່າຄົງ ທີ່, ເຄື່ອນທີ່, ເຕັກນິກບຸກຄົນ ແບກຫາມ, ພາຍ, ເປ້, ອາວຸດ, ອຸປະກອນ, ເພື່ອຄວາມເປັນເອກະ ພາບເຂັ້ມແຂງ,ເປັນລະບຽບ ຮຽບຮ້ອຍ ແລະ ຈົບງາມ.

ສະຫາຍຫົວໜ້າຫ້ອງເສນາທິ ການກອງທັບໄດ້ກ່າວສະແດງ ຄວາມຊົມເຊີຍທີ່ຄະນະພັກ-ຄະ ນະບັນຊາ, ພະນັກງານຫຼັກແຫຼ່ງ ກົມກອງໄດ້ພ້ອມກັນເປັນເອກະ ພາບ ນຳເອົາກຳລັງຂອງຕົນເຂົ້າ ເຝິກແອບຮ່ຳຮຽນຢ່າງຄົບຖ້ວນ ພ້ອມທັງເນັ້ນໜັກໃຫ້ຄະນະພັກ- ຄະນະບັນຊາ, ພະແນກການ ແລະ ພະນັກງານ-ນັກຮົບທຸກຄົນທີ່ ກ່ຽວຂ້ອງຈົ່ງພ້ອມກັນຍົກສູງ ຄວາມຮັບຜິດຊອບຂອງຕົນເອົາ ໃຈໃສ່ເຂົ້າໃນບັ້ນອົບຮົມຫັດ ແອບໃຫ້ໄດ້ຮັບໝາກຜົນສູງເພື່ອ ແຂ່ງຂັນກັນສ້າງຜົນງານຮັບ ຕ້ອນວັນສຳຄັນດັ່ງກ່າວດ້ວຍ ຄວາມພາກພູມໃຈ.
ໂດຍ: ຄຳໄຕ ພັນທະວົງ

ຄະນະຜູ້ແທນທະຫານແຂວງອຽນບ້າຍຢ້ຽມຢາມກອງພົນທີ 2

ໃນວັນທີ 18 ຕຸລາ 2017ນີ້ ຄະນະຜູ້ແທນກອງບັນຊາການ ທະຫານແຂວງອຽນບ້າຍ ທີ່ຂຶ້ນ ກັບເຂດ 2 ກອງທັບປະຊາຊົນ ຫວຽດນາມ ເຊິ່ງນໍາໂດຍ ພັນເອກພິເສດ ຫງວຽນ ຫງ໊ອກທ້າຍຮອງເລຂາ,ຄະນະປະຈໍາພັກ ທະຫານແຂວງ, ຫົວໜ້າການເມືອງກອງບັນຊາການທະ ແຂວງ ອຽນບ້າຍ ພ້ອມດ້ວຍຄະ ນະ ໄດ້ມາເຄື່ອນໄຫວຢ້ຽມຢາມ ແລະ ເຮັດວຽກ ຢູ່ກອງພົນທີ 2 ໂດຍການໃຫ້ ກຽດຕ້ອນຮັບຂອງ ພັນເອກ ພັນແສງ ບຸນພັນ ຫົວ ໜ້າການເມືອງ ກອງພົນທີ 2 ກອງທັບປະຊາຊົນລາວ ພ້ອມ ດ້ວຍຄະນະຢ່າງອົບອຸ່ນ.

ໃນໂອກາດດັ່ງກ່າວ ພັນເອກ ພິເສດ ຫງວຽນ ຫງ໊ອກທ້າຍ ກໍ ໄດ້ສະແດງຄວາມຂອບອົກຂອບ ໃຈ ແລະ ຕີລາຄາສູງຕໍ່ການ ຕ້ອນຮັບອັນອົບອຸ່ນ ແລະ ເຕັມໄປ ດ້ວຍໄມຕີຈິດມິດຕະພາບຈາກ ພັນເອກ ພັນແສງ ບຸນພັນ ພ້ອມ ຄະນະໃນເທື່ອນີ້, ພ້ອມທັງລາຍ ງານຈຸດປະສົງການມາເຄື່ອນ ໄຫວຢ້ຽມຢາມຢູ່ກອງພົນທີ 2 ເຊິ່ງປະຕິບັດຕາມທິດຊີ້ນໍາຂອງ ສອງກະຊວງປ້ອງກັນປະເທດ ແລະ ຕາມບົດບັນທຶກຊ່ວຍຈໍາ ການພົວພັນຮ່ວມມືແຮກສ່ຽວ ແລກປ່ຽນບົດຮຽນເຊິ່ງກັນ ແລະ ກັນລະຫວ່າງກອງບັນຊາການ ທະຫານແຂວງ ໄຊຍະບູລີ ແລະ ກອງບັນຊາການທະຫານແຂວງ ອຽນບ້າຍ.
ໃນໂອກາດດຽວກັນນີ້ ພັນເອກພັນແສງ ບຸນພັນ ກໍໄດ້ສະແດງ ຄວາມຍິນດີຕ້ອນຮັບຊົມເຊີຍ ພ້ອມທັງຕີລາຄາສູງຕໍ່ຄະນະຜູ້ ແທນກອງບັນຊາການທະຫານ ແຂວງອຽນບ້າຍເຂດ 2 ກອງ ທັບປະຊາຊົນຫວຽດ ທີ່ໄດ້ນໍາ ເອົາຄວາມສາມັກຄີຮັກແພງມາ ຢ້ຽມຢາມຖາມຂ່າວ ນາຍ ແລະ ພົນທະຫານກອງພົນທີ 2 ໃນ ເທື່ອນີ້. ຈາກນັ້ນກໍໄດ້ທົບທວນ ຄືນປະຫວັດມູນເຊື້ອການສ້າງ ຕັ້ງກໍາເນີດເຕີບໃຫຍ່ຂະຫຍາຍ ຕົວທີ່ຕັ້ງໜ້າຕາມພາລະບົດບາດ ຄວາມຮັບຜິດຊອບຂອງພົນທີ 2 , ຜົນງານ ແລະ ໄຊຊະນະການ ເຄື່ອນໄຫວປະຕິບັດໜ້າທີ່ການ ເມືອງຂອງກົມກອງໃນຕະຫຼອດ ໄລຍະການເຄື່ອນໄຫວເຮັດໜ້າທີ່ ປົກປັກຮັກສາສ້າງສາພັດທະນາ ປະເທດຊາດກໍຄືການປັບປຸງກໍ່ ສ້າງກໍາລັງໃນໄລຍະທີ່ຜ່ານມາ. ຂອບເຂດຂອງກົມກອງຮັບຊອບ ໃຫ້ມີສະຖຽນລະພາບທາງດ້ານ ການເມືອງສັງຄົມມີຄວມສະ ຫງົບເປັນລະບຽບຮຽບຮ້ອຍ ໂດຍພື້ນຖານ, ພ້ອມນັ້ນກໍໄດ້ຍົກ ໃຫ້ເຫັນໝາກຜົນຂອງການພົວ ພັນຮ່ວມມືແຮກສ່ຽວແລກປ່ຽນ ບົດຮຽນຊ່ວຍເຫຼືອເຊິ່ງກັນ ແລະ ກັນລະຫວາງກອງພົນທີ2 ກອງ ທັບປະຊາຊົນລາວ ແລະ ກອງ ພົນ 316 , ກອງທັບໃນໄລຍະ ທີ່ຜ່ານມາ.

ພັນເອກ ພັນແສງ ບຸນພັນ ກໍ ໄດ້ກ່າວວ່າການເຄື່ອນໄຫວຢ້ຽມ ຢາມກອງພົນທີ 2 ຂອງຄະນະຜູ້ ແທນກອງບັນຊາການທະຫານ ແຂວງອຽນບ້າຍໃນເທື່ອນີ້ ເປັນ ການປະກອບສວນອັນໃຫຍ່ຫຼວງ ເຂົ້າໃນການເພີ່ມພູນຄູນສ້າງ ເສີມຂະຫຍາຍມູນເຊື້ອສາຍພົວ ພັນຄວາມສາມັກຄີພິເສດການ ຮ່ວມມືຮອບດ້ານລະຫວ່າງສອງ ພັກ-ສອງລັດ, ສອງກອງທັບ ລາວ-ຫວຽດ ຫວຽດນາມ-ລາວ, ເວົ້າສະເພາະແມ່ນລະຫວ່າງກອງ ພົນທີ 2 ແລະ ກອງບັນຊາການ ທະຫານແຂວງອຽນບ້າຍໃຫ້ ໝັ້ນຄົງທະນົງແກ່ນ ແລະ ງົດ ງາມຕະຫຼອດໄປ.
ໂດຍ: ຄໍາພັນ ຄອນມະນີ

ແມ່ຍີງລາວຖືກນາຍໜ້າຄົນໄທ ຫລອກໄປຂາຍເຂົ້າຊ້ອງ ໃຫ້ບໍລິການແຂກມື້ລະຫລາຍຄົນ ແລະໄດ້ຮັບການຊ່ອຍເຫລືອກັບຄືນປະເທດ

ສູນໃຫ້ຄຳປຶກສາ ແລະ ປົກປ້ອງແມ່ຍິງ ແລະ ເດັກນ້ອຍ ສູນກາງສະຫະພັນແມ່ຍິງລາວ ໄດ້ຮັບຜູ້ຖືກເຄາະຮ້າຍໃນການຄ້າມະນຸດ 1 ຄົນ ຈາກກະຊວງການພັດທະນາສັງຄົມ ແລະ ຄວາມໝັ້ນຄົງຂອງມະນຸດ (ປະເທດໄທ) ທີ່ຊ່ວຍເຫຼືອໄດ້ຢູ່ຮ້ານບັນເທິງແຫ່ງໜຶ່ງຢູ່ປະເທດໄທ ໃນວັນທີ 19 ຕຸລາ 2017 ຢູ່ສູນດັ່ງກ່າວ ເພື່ອໃຫ້ກັບຄືນສູ່ຄອບຄົວ ແລະ ສັງຄົມ, ໂດຍມີບັນດາພາກສວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ເຈົ້າໜ້າທີ່ໃຫ້ຮູ້ວ່າ: ຜ່ານການສອບສວນ ຜູ້ຖືກເຄາະຮ້າຍ ຊື່ ນາງ ບຸນຫຼາຍ (ນາມສົມມຸດ) ຜູ້ກ່ຽວສາລະພາບວ່າ: ກ່ອນຖືກນາຍໜ້າຕົວະຍົວະມາຂາຍຄັ້ງນີ້ ຍ້ອນໄດ້ອອກຈາກໂຮງຮຽນ ເພາະວ່າຄອບຄົວທຸກຍາກ ໃນຄອບຄົວມີອ້າຍ-ນ້ອງນຳກັນ 4 ຄົນ ເຊິ່ງຕົນເປັນຄົນທີ 3, ຫາກຮຽນຈົບມັດທະຍົມ ກໍບໍ່ມີເງິນສົ່ງຮຽນຕໍ່ ແລະ ຜູ້ເປັນແມ່ກະບໍ່ສະບາຍ ແລະ ມີຄ່າໃຊ້ຈ່າຍສູງໃນການປິນປົ່ວ, ເມື່ອຮຽນຮອດມໍ 6 ໃນປີ 2016 ຈຶ່ງອອກໂຮງຮຽນ ໄປເປັນກຳມະກອນຂາຍເຄື່ອງແຫ່ງໜຶ່ງ ເພື່ອແບ່ງເບົາພາລະຂອງຄອບຄົວ ແລະ ຫາເງິນປິນປົ່ວແມ່,

ພາຍຫຼັງເຮັດວຽກໄດ້ປະມານ 2 ເດືອນ ມີຍິງຄົນໜຶ່ງ (ຄົນໄທ) ມາຖາມວ່າ: ໄປເຮັດວຽກຢູ່ປະເທດໄທບໍ ໄດ້ຮັບຄ່າຈ້າງເດືອນລະ 10.000 ບາດຂຶ້ນໄປ ຖ້າຢູ່ດົນເງິນເດືອນຈະສູງຂຶ້ນເລື່ອຍໆ, ວຽກທີ່ເຮັດແມ່ນຢູ່ນຳຮ້ານອາຫານ (ເສີບ), ສ່ວນເອກະສານເດີນທາງແມ່ນຈະແລ່ນໃຫ້, ພາຍຫຼັງຕົກລົງກັນແລ້ວ ມາວັນທີ 27 ມິຖຸນາ 2016 ໄດ້ຂີ່ລົດເມໂດຍສານຂ້າມຂົວມິດຕະພາບ ລາວ-ໄທ 1 ເມື່ອໄປຮອດ ໄດ້ໂທຫາຍິງຄົນນັ້ນມາຮັບ ແລ້ວພາຂີ່ລົດໄປປະມານ 3-4 ຊົ່ວໂມງ ໄປສົ່ງຢູ່ຮ້ານກິນດື່ມແຫ່ງໜຶ່ງ (ຮ້ານເຫຼົ້າ) ພໍແຕ່ໄປຮອດ, ໄດ້ເລີ່ມເຮັດວຽກມື້ທໍາອິດ ກໍຖືກເຈົ້າຂອງຮ້ານບັງຄັບໃຫ້ເສີບເຫຼົ້າ-ເບຍໃຫ້ແຂກ ແລະ ບັງຄັບໃຫ້ຂາຍປະເວນີ ໂດຍໃຫ້ນອນນຳຊາຍມື້ລະຫຼາຍຄົນ ແຕ່ເງິນບໍ່ໄດ້; ນອກນີ້, ເຈົ້າຂອງຮ້ານຍັງໄດ້ບັງຄັບໃຫ້ຂຶ້ນເຕັ້ນໂຊຢູ່ເວທີ ໂດຍມີລັກສະນະເປືອຍໝົດກາຍ, ຮ້ານດັ່ງກ່າວຈະປິດໃນເວລາ 5 ເຊົ້າທຸກມື້, ເມື່ອປິດຮ້ານແລ້ວ ຕົນກໍຖືກກັກຂັງໃສ່ໂສ້ມັດ ແລະ ມີຄົນເຝົ້າຍາມຕະຫຼອດເວລາບໍ່ໃຫ້ອອກໄປໃສເດັດຂາດ ເຊິ່ງໄດ້ໃຊ້ຊີວິດທໍລະມານທັງກາຍ ແລະ ໃຈ ເປັນເວລາ 1 ປີ 2 ເດືອນ.

ມາວັນທີ 18 ສິງຫາ 2017 ທາງເຈົ້າໜ້າທີ່ໜ່ວຍງານປາບປາມການຄ້າມະນຸດ ປະເທດໄທ ໄດ້ເຂົ້າກວດຄົ້ນຮ້ານດັ່ງກ່າວ ຈຶ່ງສາມາດຊ່ວຍຜູ້ຖືກເຄາະຮ້າຍອອກມາ ແລ້ວນຳຕົວສົ່ງສູນຮັບຕ້ອນບ້ານເກດຕະການ (ປະເທດໄທ) ເພື່ອປິນປົ່ວຈິດໃຈ ແລະ ຮ່າງກາຍໃຫ້ແຂງແຮງ ກ່ອນນຳຕົວສົ່ງໃຫ້ກັບທາງການລາວ ເພື່ອໃຫ້ຜູ້ຖືກເຄາະຮ້າຍກັບຄືນສູ່ຄອບຄົວ ແລະ ສັງຄົມອີກຄັ້ງ.

ຕໍ່ກັບເຫດການດັ່ງກ່າວນີ້: ເຈົ້າໜ້າທີ່ກ່ຽວຂ້ອງຍັງຈະເພີ່ມທະວີການປາບປາມ ແລະ ສະກັດກັ້ນການຄ້າມະນຸດ ແລະ ເພີ່ມການຮ່ວມມືຂອງສອງຝ່າຍໃຫ້ດີຂຶ້ນກວ່າເກົ່າ ພ້ອມນີ້ຍັງຮຽກຮ້ອງໃຫ້ພໍ່-ແມ່ປະຊາຊົນລາວບັນດາເຜົ່າ ແລະ ອຳນາດການປົກຄອງທຸກຂັ້ນ ຊ່ວຍກັນເປັນສ່ວນຮ່ວມໃນການສະກັດກັ້ນວຽກງານດັ່ງກ່າວ ຖ້າໃຜພົບເຫັນພຶດຕິກຳຂອງກຸ່ມຄົນບໍ່ດີ ໃນການເຄື່ອນໄຫວໂຄສະນາເກີນຄວາມຈິງ ໃຫ້ແຈ້ງເຂົ້າເບີ 1300 ເພື່ອໃຫ້ບໍ່ຕົກເປັນເຫຍື່ອຂອງຂະບວນການຄ້າມະນຸດ.

ຂ່າວຈາກ: ໜັງສືພິມ ປກສ

ໄຊຍະບູລີ ສົ່ງອອກສິນຄ້າກະສິກຳ ບັນລຸ 24 ລ້ານກວ່າໂດລາ

ໃນ 9 ເດືອນຜ່ານມາ ແຂວງໄຊຍະບູລີ ສາມາດສົ່ງອອກສິນຄ້າໄປຕ່າງປະເທດ ແລະ ແຂວງໃກ້ຄຽງຫລາຍກວ່າ 26 ລ້ານໂດລາ ໃນນີ້ປະເພດຜະລິດຕະພັນກະສິກໍາກວມເອົາຫຼາຍກວ່າໝູ່.

ທ່ານ ວາລະໄຊ ເລັ່ງສະຫວັດ ຫົວໜ້າພະແນກອຸດສາຫະກຳ ແລະ ການຄ້າ ໄດ້ລາຍງານຂໍ້ມູນຕໍ່ນັກຂ່າວເຮົາວ່າ: ໃນ 9 ເດືອນຜ່ານມາທົ່ວແຂວງ ໄຊຍະບູລີ, ສົ່ງອອກສິນຄ້າໄປຕ່າງປະເທດ ແລະ ແຂວງໃກ້ຄຽງມີມູນຄ່າທັງໝົດ 26.4 ລ້ານກວ່າໂດລາ ທຽບໃສແຜນການປີປະຕິບັດໄດ້ 75% ສິນຄ້າທີ່ສົ່ງອອກສ່ວນຫຼາຍແມ່ນປະເພດຜະລິດຕະພັນກະສິກໍາມີມູນຄ່າ 24 ລ້ານກ່ວາໂດລາ, ເຄື່ອງປ່າຂອງດົງມີ 1 ລ້ານໂດລາແລະ ສິນຄ້າອື່ນໆອີກ.

ຂະນະທີ່ສິນຄ້ານຳເຂົ້າຈາກຕ່າງປະເທດມີມູນຄ່າ 4 ລ້ານກ່ວາໂດລາ, ທຽບໃສແຜນການປີປະຕິບັດໄດ້ 15.45% ໃນນີ້ສິນຄ້ານໍາເຂົ້າສ່ວນໃຫຍ່ແມ່ນເຄື່ອງອຸປະໂພກ, ບໍລິໂພກ ເຄື່ອງການຜະລິດເຊັ່ນ: ອຸປະກອນກໍ່ສ້າງ, ເຄື່ອງໄຟຟ້າ, ພາຫະນະ, ແນວພັນ ແລະ ອຸປະກອນຮັບໃຊ້ອື່ນໆ.

ພິທີປ່ອຍປາລົງສູ່ແມ່ນ້ຳຂອງ ເພື່ອສະເຫລີມສະຫລອງວັນຄຸ້ມຄອງໄພພິບັດອາຊຽນ ຄົບຮອບ 12 ປີ


ບ່າຍຂອງວັນທີ 19 ຕຸລາ 2017, ຄະນະຜູ້ແທນໄດ້ເດີນທາງໄປຮປ່ອຍປາລົງສູ່ແມ່ນ້ຳຂອງ, ຢູ່ເຂດວັດຊຽງທອງ, ເມືອງ ແລະ ແຂວງຫລວງພະບາງ, ເພື່ອສະເຫລີມສະຫລອງວັນຄຸ້ມຄອງໄພພິບັດອາຊຽນ ຄົບຮອບ 12 ປີ, ຄະນະດັງກ່າວ ນຳໂດຍທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ພ້ອມດ້ວຍຄະນະ ແລະ ພາກສ່ວນກ່ຽວຂ້ອງເຂົ້າຮ່ວມ.

ການສ້ອມແປງເສັ້ນທາງ 2571 ຂອງແຂວງຫຼວງພະບາງມີຄວາມຄືບໜ້າແລ້ວ 11%

ກະຊວງໂຍທາທິການ ແລະ ຂົນສົ່ງ ໄດ້ອານຸມັດງົບປະມານສ້ອມແປງເສັ້ນທາງຫຼວງຂອງແຂວງຫຼວງພະບາງ ເລກທີ່ 2571 ແຕ່ບ້ານຫາດຮ່ຽນຫາບ້ານກອກຫວານເມືອງຫຼວງພະບາງ ມີໄລຍະທາງປະມານ 20 ກິໂລແມັດ ໃນມູນຄ່າ 1 ຕື້ 363 ລ້ານກ່ວາກີບ, ໃນນີ້ ເປັນທືນຂອງກະຊວງ 91,7% ແລະ ທືນຂອງແຂວງ 8,3%, ໂດຍແມ່ນບໍລິສັດອຸທຸມພອນກໍ່ສ້າງຂົວທາງຈໍາກັດ ເປັນຜູ້ຮັບເໝົາ. ທ່ານ ບຸນສະຫັວດ ປານນຸວົງ ວິຊາການຂອງພະແນກໂຍທາທິການ ແລະ ຂົນສົ່ງ ຮັບຜິດຊອບຊີ້ນຳໂຄງການດັ່ງກ່າວ ໄດ້ຫ້ສຳພາດວ່າ: ໜ້າວຽກທີ່ກຳລັງຈັດຕັ້ງປະຕິບັດໃນປະຈຸບັນ ແມ່ນການຍົກລະດັບເສັ້ນທາງ ແຕ່ທາງແຍກສະໜາມບີນສາກົນຫຼວງພະບາງ ເຊື່ອມຕໍ່ຫາເສັ້ນທາງ 13 ເໜືອ ໂດຍລວມແມ່ນມີຄວາມຫຼ້າຊ້າ ເນື່ອງຈາກໄດ້ມີການໄກ່ເກ່ຍກ່ຽວກັບສີ່ງກີດຂວາງ ເປັນຕົ້ນທໍ່ນ້ຳປະປາ, ສາຍລະບົບສື່ສານ ແລະ ອື່ນໆ.

ສຳລັບການສ້ອມແປງເສັ້ນທາງດັ່ງກ່າວ ແມ່ນໄດ້ເລີ້ມຈັດຕັ້ງປະຕິບັດໃນທ້າຍເດືອນກັນຍາຂອງປີນີ້ ຄາດໝາຍຈະໃຫ້ສຳເລັດໃນທ້າຍເດືອນທັນວາຂອງປີນີ້. ໂຄງການສ້ອມແປງເສັ້ນທາງ 2571 ຂອງແຂວງຫຼວງພະບາງນີ້ ແມ່ນເປັນການຍົກລະດັບທາງດ້ວຍຫີນອັດແໜ້ນ ປະກອບມີຮ່ອງລະບາຍນ້ຳຂ້າງທາງເບື້ອງລະ 1 ແມັດ ແລະ ໜ້າທາງກ້ວາງ 8 ແມັດ ລວມເປັນ 10 ແມັດ ຫາກການສ້ອມແປງສຳເລັດ ຈະເຮັດໃຫ້ການສັນຈອນມີຄວາມສະດວກຂື້ນ. ໂອກາດນີ້ ທ່ານ ບຸນສະຫັວດ ປານນຸວົງ ຂໍຮຽກຮ້ອງເຖີງຜູ້ໃຊ້ລົດໃຊ້ຖະໜົນ ຈົ່ງພ້ອມກັນມີສະຕິໃນການຊົມໃຊ້ເສັ້ນທາງ ທັງອຳນວຍຄວາມສະດວກໃຫ້ແກ່ບໍລິສັດຮັບເໝົາສ້ອມແປງ ເພື່ອເຮັດໃຫ້ການສ້ອມແປງເສັ້ນທາງ ສຳເລັດຕາມແຜນການ.

ໂດຍ: ອາພຸດເດດ ບຸບຜາ

ທ່ານ ບຸນຍັງ ວໍລະຈິດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງເຊກອງ

ໃນວັນທີ 19 ຕຸລາ 2017 ນີ້, ທ່ານ ບຸນຍັງ ວໍລະ ຈິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະໄດ້ລົງເຄື່ອນໄຫວຢ້ຽມຢາມ ແລະ ຊຸກຍູ້ວຽກງານຕ່າງໆຢູ່ແຂວງ ເຊກອງ, ໂດຍເປັນກຽດຕ້ອນຮັບຢ່າງອົບອຸ່ນຂອງທ່ານ ຄໍາເຜີຍ ບຸດດາວຽງ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆເຊກອງ, ພ້ອມດ້ວຍຄະນະ ແລະ ພະນັກງານຫລັກແຫລ່ງຂອງແຂວງ ເຊກອງ ເຂົ້າຮ່ວມ ຢ່າງພ້ອມພຽງ.

ໃນກອງປະຊຸມ ທ່ານ ຄໍາເຜີຍ ບຸດດາວຽງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງໆເຊກອງ ກໍໄດ້ລາຍງານສະພາບລວມ ແລະ ການ ເຄື່ອນໄຫວຂອງແຂວງໃນໄລຍະ 9 ເດືອນ ປີ 2017 ທີ່ຜ່ານມາວ່າ: ພາຍຫລັງໄດ້ສໍາເລັດບັ້ນດໍາເນີນຊີວິດການເມືອງປັບປຸງປົວແປງພັກທົ່ວແຂວງ, ແຂວງກໍໄດ້ສະຫລຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມກໍຄືຂຸດຄົ້ນລາຍຮັບຂອງແຂວງໃນໄລຍະຜ່ານມາເຫັນວ່າ: ໂດຍລວມແລ້ວໃນທົ່ວແຂວງຍັງໄດ້ສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບເປັນລະບຽບຮຽບຮ້ອຍ ແລະ ປອດໄພໂດຍພື້ນຖານ, ການນຳພັກ-ລັດທຸກຂັ້ນ ນັບແຕ່ຂັ້ນແຂວງລົງຮອດທ້ອງຖິ່ນໄດ້ເພີ່ມທະວີໃຫ້ຄວາມເອົາໃຈໃສ່ຊີ້ນຳໆພາປະຊາຊົນປະຕິບັດແນວທາງການເມືອງຂອງພັກ, ແຜນພັດທະນາເສດຖະກິດຂອງລັດໄປພ້ອມໆກັບການປັບປຸງ ແລະ ກໍ່ສ້າງກຳລັງປ້ອງກັນຊາດ-ປ້ອງກັນຄວາມສະຫງົບຢ່າງຕໍ່ເນື່ອງ.

ດ້ານເສດຖະກິດເຫັນວ່າ ຍັງສືບຕໍ່ຂະຫຍາຍຕົວຕໍ່ເນື່ອງ ຊຶ່ງໃນ 9 ເດືອນຂອງປີ 2017 ເຫັນວ່າລວມຍອດຜະລິດຕະພັນພາຍໃນ GDP ທົ່ວແຂວງເຕີບໂຕສະເລ່ຍ 9,1%, ການຈັດເກັບລາຍຮັບເຂົ້າງົບປະມານ (ລາຍຮັບພາຍໃນແຂວງ) ຮອດວັນທີ 13 ຕຸລາ 2017 ສົມທຽບໃສ່ແຜນການປີສາມາດປະຕິບັດໄດ້ທັງໝົດ80,22%. ໃນນັ້ນ, ລາຍຮັບພູດຂອງແຂວງປະຕິບັດໄດ້ 78%; ຄາດວ່າຫມົດປີ 2017 ສໍາລັບລາຍຮັບພູດຂອງແຂວງຈະສູ້ຊົນໃຫ້ບັນລຸໄດ້ຕາມແຜນທີ່ວາງໄວ້. ສ່ວນລາຍຮັບພູດຂອງສູນກາງຮອດປະຈຸບັນປະຕິບັດໄດ້ 130,37% ຖ້າທຽບໃສ່ຫມົດປີ 2017 ຖືວ່າລື່ນຄາດຫມາຍ. ດ້ານການປະຕິບັດລາຍຈ່າຍງົບປະມານອັນທີ່ເປັນພື້ນຖານແມ່ນຮັບປະກັນການເບີກຈ່າຍເງິນເດືອນໃຫ້ພະນັກງານ, ລັດຖະກອນ,ທະຫານ-ຕໍາຫລວດ, ພະນັກງານບໍານານ, ຄູອາຈານ ແລະ ຖັນແຖວພະຍາບານແມ່ນປະຕິບັດໄດ້ຢ່າງເປັນປົກກະຕິ.

ຄຽງຄູ່ກັນນັ້ນ ແຂວງເຊກອງຍັງໄດ້ເອົາໃຈໃສ່ພັດທະນາດ້ານວັດທະນະທຳ-ສັງຄົມ ໃນນີ້, ເລັ່ງໃສ່ວຽກງານສຶກສາ ແລະ ສາທາເປັນຕົ້ນຕໍ ແນໃສ່ເພື່ອເຮັດໃຫ້ຕົວເລກຄາດໝາຍທີ່ກຳນົດໄວ້ໃນເປົ້າໝາຍສະຫັດສະວັດດ້ານການພັດທະນາຂອງປະເທດ ກໍຄືຂອງແຂວງໃຫ້ບັນລຸຜົນສຳເລັດໂດຍໄວ ແລະ ອັນທີ່ພົ້ນເດັ່ນໃນປັດຈຸບັນແມ່ນການປະຕິບັດວຽກງານ 3 ສ້າງ ກຳລັງດຳເນີນໄປຢ່າງເປັນຂະບວນຟົດຟື້ນ ທັງນີ້ ກໍເພື່ອຮັບປະກັນໃຫ້ປະຊາຊົນບັນດາເຜົ່າມີຊີວິດການເປັນຢູ່ທີ່ດີຂຶ້ນເທື່ອລະກ້າວ.

ໃນໂອກາດດັ່ງກ່າວ ທ່ານ ບຸນ ຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ ກໍໄດ້ກ່າວສະແດງຄວາມຍ້ອງ ຍໍຊົມເຊີຍຕໍ່ບັນດາຜົນງານທີ່ ແຂວງເຊກອງຍາດມາໄດ້ໃນຊຸມປີທີ່ຜ່ານມາ ແລະ ພ້ອມທັງເນັ້ນ ໜັກໜ້າວຽກອັນສຳຄັນຄື: ການປະຕິບັດແນວທາງວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານຫັນລົງກໍ່ສ້າງຮາກຖານຕາມ 4 ເນື້ອໃນ 4 ຄາດໝາຍ, ວຽກງານກໍ່ສ້າງ ພັກ-ພະນັກງານ, ເສີມຂະຫຍາຍວຽກງານສຶກສາອົບຮົມການ ເມືອງ-ແນວຄິດໃຫ້ແກ່ຖັນແຖວພະນັກງານ, ສະມະຊິກພັກເປັນກົກ, ວຽກງານ ກະສິກຳໃຫ້ສອດຫ້ອຍເຂົ້າກັບການແກ້ໄຂຊີວິດການເປັນຢູ່ຂອງພໍ່ແມ່ປະຊາຊົນ,ສືບຕໍ່ໃກ້ຊິດບັນດາໂຄງການຕ່າງໆໃຫ້ສຳເລັດໂດຍໄວ, ສືບຕໍ່ເພີ່ມທະວີຄວາມສາມັກຄີປອງດອງບັນດາເຜົ່າຕ່າງໆພາຍໃນແຂວງເຊກອງໃຫ້ເປັນປຶກແຜ່ນແກ່ນສານເພື່ອຕ້ານກັບການໂຄສະນາແບບບິດເບືອນຂອງກຸ່ນຄົນບໍ່ຫວັງດີທີ່ຂັດແຍ່ງຕໍ່ແນວທາງນະໂຍບາຍຂອງພັກ-ລັດ .

ຂ່າວ-ພາບ: ນາລີວັນ

ເຜີຍແຜ່ດໍາລັດວ່າດ້ວຍການແຈ້ງຊັບສິນ ແລະ ລາຍຮັບຂອງພະນັກງານທະນາຄານ ຮອບທີ II ປະຈໍາປີ 2017

ກອງປະຊຸມເຜີຍແຜ່ດໍາລັດ ວ່າດ້ວຍການແຈ້ງຊັບສິນ ແລະ ບົດແນະນຳກ່ຽວກັບການຈັດຕັ້ງປະຕິບັດດຳລັດ ວ່າດ້ວຍການແຈ້ງຊັບສິນ ໃຫ້ແກ່ບັນດາພະນັກງານທະນາຄານສາຂາແຂວງເຊກອງໃນຕອນບ່າຍວັນທີ 19 ຕຸລາ 2017 ນີ້ ຢູ່ທີ່ສະໂມສອນສະພາປະຊາຊົນແຂວງເຊກອງ, ໂດຍໃຫ້ກຽດເຂົ້າຮ່ວມເປັນປະທານ ຂອງທ່ານ ສົມມຸດ ແກ້ວມະນີ ຮອງຫົວຫນ້າກົມກວດກາພາຍໃນທະນາຄານ ແຫ່ງ ສປປ ລາວ, ໂດຍມີບັນດາຄະນະທະນາຄານຮ່ວມທຸລະກິດລັດ 3 ຂາຂາຄື: ທະນາຄານການຄ້າຕ່າງປະເທດລາວມະຫາຊົນ, ທະນາຄານພັດທະນາລາວ, ທະນາຄານສົ່ງເສີມກະສິກໍາ ແລະ 1 ທະນາຄານນະໂຍບາຍ ພ້ອມດ້ວຍພະນັກງານພາຍໃນທະນາຄານດັ່ງກ່າວເຂົ້າຮ່ວມ.

ທ່ານ ສົມມຸດ ແກ້ວມະນີ ຮອງຫົວຫນ້າກົມກວດກາພາຍໃນທະນາຄານ ແຫ່ງ ສປປ ລາວ ໄດ້ເຜີຍແຜ່ບົດແນະນໍາການຈັດຕັ້ງປະຕິບັດວ່າດ້ວຍການແຈ້ງຊັບສິນ (ສະບັບປັບປຸງໃຫມ່) ສະບັບເລກທີ 46/ອກລ, ລົງວັນທີ 20/02/2017 ວ່າດ້ວຍການແຈ້ງຊັບສິນ ໂດຍໄດ້ກຳນົດຫລັກການ, ລະບຽບການ ແລະ ມາດຕະການກ່ຽວກັບການແຈ້ງຊັບສິນ ແລະ ລາຍຮັບຂອງພະນັກງານ-ລັດຖະກອນ, ທະຫານ, ຕຳຫລວດທີ່ສັງກັດຢູ່ໃນກົງຈັກການຈັດຕັ້ງຂອງພັກ-ລັດ, ແນວລາວສ້າງຊາດ, ອົງການຈັດຕັ້ງມະຫາຊົນ, ລັດວິສາຫະກິດ, ລັດວິສາຫະກິດປະສົມ, ລັດຮຸ້ນສ່ວນ ເປັນການແຈ້ງລາຍລະອຽດ ເປັນລາຍລັກອັກສອນ ຂອງຜົວ ຫລື ເມຍ, ລູກ ແລະ ບຸກຄົນອື່ນ ທີ່ຂຶ້ນກັບການຄຸ້ມຄອງໂດຍກົງຂອງຕົນ, ມີການພົວພັນທາງດ້ານກຳມະສິດຊັບສິນກັບຕົນເອງ ຕາມເອກະສານການແຈ້ງຊັບສິນ ແລະ ລາຍຮັບທີ່ອົງການກວດກາລັດຖະບານ ໄດ້ກຳນົດໄວ້ ປະກອບມີທີ່ດິນ, ສິ່ງປຸກສ້າງ, ພາຫະນະ ແລະ ກົນຈັກການຜະລິດຕ່າງໆ, ວັດຖຸມີຄ່າ, ພັນທະບັດ, ເງິນຝາກທະນາຄານ, ເງິນຝາກກອງທຶນ ແລະ ສະຖາບັນການເງິນອື່ນໆ ທັງຢູ່ພາຍໃນ ແລະ ຕ່າງປະເທດ, ບັນຊີຮຸ້ນ, ໜີ້ຕ້ອງຮັບ ແລະ ໜີ້ຕ້ອງສົ່ງ.

ສໍາລັບປະເພດລາຍຮັບທີ່ຕ້ອງແຈ້ງມີຄື: ເງິນເດືອນ, ເງິນອຸດໜູນ, ເງິນບຳເນັດ, ລາຍໄດ້ຈາກການສ້າງເສດຖະກິດຄອບຄົວ, ການດຳເນີນທຸລະກິດ, ການຂາຍ, ການໃຫ້ເຊົ່າ, ການໃຫ້ກູ້ຢືມ, ດອກເບ້ຍເງິນຝາກ, (ຂອງຂັວນ-ລາງວັນ ມູນຄ່າ 5 ລ້ານກີບຂຶ້ນໄປ), ການໃຫ້ບໍລິການ, ຊັບສິນທາງປັນຍາ ແລະ ລາຍຮັບອື່ນໆ.

ທັງນີ້, ກໍເພື່ອເປັນການເຜີຍແຜ່ດຳລັດດັ່ງກ່າວໃຫ້ແກ່ບັນດາພະນັກງານໃນທົ່ວລະບົບທະນາຄານໄດ້ຮັບຮູ້, ເຂົ້າໃຈແຈ້ງ, ມີຄວາມເປັນເອກະພາບ ແລະ ມີຄວາມຮັບຜິດຊອບສູງໃນການແຈ້ງຊັບສິນ ແລະ ລາຍຮັບຂອງຕົນໃນຮອບວຽນທີ II ໃຫ້ຈັດຕັ້ງປະຕິບັດໄປຢ່າງຖືກຕ້ອງ, ຊັດເຈນ ແລະ ໂປ່ງໄສ.

ຂ່າວ-ພາບ: ນາລີວັນ