ຫນອງຟ້າ ແຫລ່ງທ່ອງທ່ຽວ ທີ່ງົດງາມ ຂອງແຂວງອັດຕະປື

ຢະເອີຍ ງາມຫຼາຍແທ້ເດີ້ “ຫນອງຟ້າ” ອີກຫນື່ງແຫລ່ງທ່ອງທ່ຽວ ຢູ່ເທິງພູສູງ ຂອງແຂວງອັດຕະປື ໃກ້ກັບຊາຍແດນ ປະເທດ ຫວຽດນາມ ທີ່ຍັງລໍຄອຍ ການຢ້ຽມຢາມ ຂອງນັກທ່ອງທ່ຽວ, ຫນອງຟ້າ ເປັນອ່າງນຳ້ຈືດ ຫລື ຈະເອີ້ນວ່າ ທະເລສາບ ກໍ່ໄດ້ ທີ່ເກີດຈາກ ທຳມະຊາດ ມີຄວາມຍາວ ແລະ ກວ້າງປະມານ 1 km ແຕ່ເລິກເທົ່າໃດ ຍັງບໍ່ມີການ ສຳຫລວດໄດ້, ຫນອງຟ້າ ອາດເກີດຍ້ອນ ພູໄຟເກົ່າລະເບີດ ຫລື ຖືກອຸກະບາດຕຳໂລກ ກໍ່ຍັງບໍ່ມີໃຜ ພິສູດໄດ້. ໃຜທີ່ໄດ້ມີໂອກາດ ໄປແຂວງອັດຕະປື ກໍ່ລອງຫາເວລາ ໄປແວ່ຊົມ ຄວາມງາມ ຂອງ ຫນອງຟ້າດ້ວຍ.

ໝອງຟ້າ: ເປັນຕົ້ນກໍາເນີດ ຂອງເຊກະໝານ, ຕັ້ງຢູ່ເຂດປ່າ ສະຫງວນ ດົງອຳພາມ ບໍລິເວນ ທີ່ມີຫົວພູຈຸ້ມ ເຂົ້າໃສ່ກັນ ຢູ່ລະດັບສູງ 1.200-1.500 ແມັດ ໃນເມືອງຊານໄຊ ເບື້ອງທິດ ຕາເວັນອອກ ຂອງແຂວງ

ຕາມການ ສັນນິຖານວ່າ ເປັນໝອງ ທີ່ເກີດ ຈາກພູໄຟ ລະເບີດ ເມື່ອຫຼາຍພັນໆ ປີຜ່ານມາ, ນໍ້າສີຂຽວໃສ ຄືນໍ້າທະເລ. ຊາວອັດຕະປື ຖືວ່າເປັນໝອງ ທີ່ມີຄວາມເລິກລັບ ແລະ ມີເລື່ອງລາວ ກ່າວຂານ ໝ້າສົນໃຈ ວ່າ: ມີໄກ່ຜູ້ໂອກ ປີກຄຳເຝົ້າ ແລະ ເປັນເຈົ້າບັນຊາ ໃຫ້ນໍ້າຂຶ້ນລົງ. ສາມາດ ໄປເຖິງ ໄດ້ສະດວກ ໃນຍາມແລ້ງ ໄລຍະທາງ 178 ກມ ດວ້ຍລົດ ຕາມເສັ້ນທາງ 18B ຈາກເທດສະບານ ເມືອງສາມັກຄີໄຊ ຫາ ດ່ານສາກົນ ພູເກືອ ( ຊາຍແດນ ລາວ-ຫວຽດນາມ ) ມີປ້າຍບອກທາງ ແວ່ເບື້ອງຊ້າຍ ທີ່ກິໂລແມັດທີ 102 ໄປຕາມທາງດິນແດງ ( ລະດູຝົນ ແມ່ນໄປ-ມາ ບໍ່ສະດວກປານໃດ ).

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *