ໂລກຮ້ອນເປັນເຫດ!! ນ້ຳກ້ອນກຣີນແລນລະລາຍ 11 ລ້ານໂຕນໃນວັນດຽວ

ສຳນັກຂ່າວຕ່າງປະເທດລາຍງານເມື່ອວັນທີ 4 ສິງຫາ 2019 ວ່າ ນັບແຕ່ເດືອນກໍລະກົດຜ່ານມາ ກຣີນແລນຊຶ່ງພວມຜະເຊີນກັບອຸນຫະພູມທີ່ສູງທີ່ສຸດຂອງຊ່ວງລະດູຮ້ອນໄດ້ສົ່ງຜົນກະທົບໃຫ້ແຜ່ນນ້ຳກ້ອນລະລາຍລົງສູ່ທະເລໃນປະລິມານ 11.000 ລ້ານໂຕນ ຖືເປັນການລະລາຍຄັ້ງໃຫຍ່ທີ່ສຸດຂອງກຣີນແລນ ຊຶ່ງທຽບເທົ່າກັບການປ່ອຍນ້ຳຈາກສະລອຍນ້ຳຂະໜາດ 4,4 ລ້ານສະລວມກັນ ທັງນີ້ ປະລິມານນ້ຳກ້ອນທີ່ລະລາຍຫຼາຍຂະໜາດນີ້ມີການປະເມີນວ່າຈະສົ່ງຜົນໃຫ້ລະດັບນ້ຳທະເລທົ່ວໂລກສູງຂຶ້ນປມານ 0,5 ມິລິແມັດ.


ຂະນະທີ່ນັກວິທະຍາສາດດ້ານພູມີອາກາດຈາກສະຖາບັນອຸຕຸນິຍົມວິທະຍາໃນດານມາກກ່າວ ວ່າ ໂດຍປົກກະຕິແລ້ວກຣີນແລນຈະມີຊ່ວງທີ່ເປັນລະດູຮ້ອນຊຶ່ງນ້ຳກ້ອນຂອງກຣີນແລນຈະມີການລະລາຍຕາມລະດູການໃນຊ່ວງທ້າຍເດືອນພຶດສະພາເຖິງສິງຫາ ແຕ່ສຳ ລັບປີນີ້ມີການລະລາຍຫຼາຍກວ່າປົກກະຕິ ໂດຍສະເພາະຊ່ວງ 4 ເດືອນທີ່ຜ່ານມາພົບວ່າ ອຸນຫະພູມຂອງກຣີນແລນທຳລາຍສະຖິຕິ ສະເພາະເດືອນກໍະລກົດພຽງເດືອນດຽວພົບວ່າ ແຜ່ນນ້ຳກ້ອນທົ່ວໂລກລະລາຍໄປແລ້ວເຖິງ 197 ພັນລ້ານໂຕນ ຊຶ່ງທຽບເທົ່າກັບການປ່ອຍນ້ຳຈາກສະລອຍນ້ຳໂອລິມປິກ 80 ລ້ານສະລວມກັນ ທັງນີ້ ຍັງມີການຄາດຄະເນອີກວ່າ ຕະຫຼອດປີນີ້ກຣີນແລນຊຶ່ງເປັນແຫຼ່ງຂອງແຜ່ນນ້ຳກ້ອນໃຫຍ່ທີ່ສຸດເປັນອັນດັບ 2 ຂອງໂລກຈະສູນເສຍນ້ຳກ້ອນປະມານ 60-70 ພັນລ້ານໂຕນ.


ຢ່າງໃດກໍຕາມ ໃນຊ່ວງເດືອນທີ່ຜ່ານມາຫຼາຍປະເທດໃນເອີຣົບຜະເຊີນກັບສະພາບອາກາດຮ້ອນຮຸນແຮງທຳລາຍສະຖິຕິ ຊຶ່ງນັກວິທະຍາສາດກ່າວວ່າ ຄື້ນຄວາມຮ້ອນເຫຼົ່ານັ້ນໄດ້ແຜ່ລາມໄປເຖິງເຂດອາກຕິກ ແລະ ມັນໄດ້ກະຕຸ້ນການລະລາຍຂອງນ້ຳກ້ອນຄັ້ງໃຫຍ່ນັບແຕ່ປີ 1950 ຊຶ່ງເປັນປີທີ່ມີການເລີ່ມບັນທຶກກ່ຽວກັບນ້ຳກ້ອນ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *