ຄະນະກຳມະການຂັ້ນເມືອງລົງກວດກາ ຜົນສຳເລັດການກໍ່ສ້າງໂຄງຫຼັງຄາມຸງສິມເກົ່າວັດສີມຸງຄຸນ.

ໃນຕອນເຊົ້າຂອງວັນທີ 5 ສິງຫາ 2019 ນີ້, ຄະນະກຳມະການຄຸ້ມຄອງຕິດຕາມການກໍ່ສ້າງໂຄງຫຼັງຄາມຸງສິມເກົ່າວັດສີມຸງຄຸນ ໄດ້ລົງກວດກາໂຄງການດັ່ງກ່າວ, ໂດຍມີ ທ່ານ ນາງຈັນທີ ຄຳພູວົງ ຫົວໜ້າຫ້ອງການພາຍໃນເມືອງ, ມີທ່ານ ສົມຍົດ ອານຸວົງ ປະທານແນວລາວສ້າງຊາດເມືອງ, ມີທ່ານ ສີພູວົງ ວິໄລແກ້ວ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງ, ມີຄະນະກຳມະການຂັ້ນເມືອງ, ອຳນາດການປົກຄອງບ້ານສີມຸງຄຸນ, ເຈົ້າອາທິການວັດ ແລະ ບໍລິສັດຮັບເໝົາເຂົ້າຮ່ວມ.


ໂຄງການກໍ່ສ້າງໂຄງຫຼັງຄາມຸງສິມເກົ່າວັດສີມຸງຄຸນນີ້ກໍ່ແມ່ນໂຄງການໜຶ່ງທີ່ປຸກສ້າງຂຶ້ນເພື່ອເປັນການອານຸລັກປົກປັກຮັກສາສິມເກົ່າແກ່ຂອງເມືອງຫົງສາໃຫ້ມີຄວາມໝັ້ນຄົງ, ໂດຍຮັກສາຮູບແບບເອກະລັກວັດທະນະທຳຂອງລາວ, ໂຄງການດັ່ງກ່າວນີ້ມີຂະໜາດລວງກວ້າງ 10,5 m, ລວງຍາວ 13,10 m, ໂຄງສ້າງແມ່ນເບຕົງເສີມເຫຼັກ, ໂຄງຫຼັງຄາເຫຼັກ ມຸງດ້ວຍຊີແພັກ, ມູນຄ່າການກໍ່ສ້າງຕາມສັນຍາແມ່ນມີທັງໝົດ 345 ລ້ານກ່ວາກີບ, ໂດຍແມ່ນທຶນຂອງປະຊາຊົນບ້ານສີມຸງຄຸນ ແລະ ເຈົ້າສັດທາຈຳນວນໜຶ່ງ ໂດຍໄດ້ເລີ່ມລົງມືກໍ່ສ້າງມາແຕ່ຕົ້ນເດືອນມັງກອນ ເປັນຕົ້ນມາ ມາຮອດເດືອນພຶດສະພາ 2019 ໃຊ້ເວລາໃນການກໍ່ສ້າງ 5 ເດືອນ, ຮັບເໝົາກໍ່ສ້າງໂດຍບໍລິສັດ HCC ກໍ່ສ້າງຈຳກັດ, ປະຈຸບັນໜ້າວຽກທັງໝົດແມ່ນສຳເລັດ 100%, ຜ່ານການກວດກາຂອງຄະນະກຳມະການແມ່ນໄດ້ຈັດຕັ້ງປະຕິບັດຕາມເນື້ອໃນສັນຍາ, ພ້ອມນີ້ທາງບໍລິສັດຮັບເໝົາກໍ່ໄດ້ມອບໂຄງການດັ່ງກ່າວນີ້ໃຫ້ບ້ານເພື່ອເປັນຜູ້ສືບຕໍ່ຄຸ້ມຄອງນຳໃຊ້ ແລະ ອານຸລັກຮັກສາຕໍ່ໄປ.

ຂ່າວ: ໄກເພັດ ຄຳມູງແກ້ວ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *