ນາຍົກ ເນັ້ນໜັກໃຫ້ປະຊາຊົນເມືອງຫາດຊາຍຟອງ ເພີ່ມການຜະລິດກະສິກຳປອດສານພິດໃຫ້ເປັນສິນຄ້າ

ທ່ານທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ ເຄື່ອນໄຫວ ເຮັດວຽກ ຢູ່ເມືອງຫາດຊາຍຟອງ ນະຄອນຫລວງວຽງຈັນ ໃນຕອນບ່າຍ ວັນທີ 5 ສິງຫາ 2019, ພິທີຕ້ອນຮັບໄດ້ຈັດຂື້ນ ຢູ່ວັດປ່າເປົ້າ ບ້ານບໍ່ໂອ ໂດຍມີ ທ່ານ ວົງເດືອນ ບຸນຍະແສງ ເຈົ້າເມືອງ ເມືອງຫາດຊາຍຟອງ,ພ້ອມດ້ວຍປະຊົນ ເມືອງຫາດຊາຍຟອງ ນະຄອນຫລວງວຽງຈັນເຂົ້າຮ່ວມ.


ໃນພິທີທ່ານວົງເດືອນ ບຸນຍະແສງ ເຈົ້າເມືອງໆຫາດຊາຍຟອງ ໄດ້ລາຍງານກ່ຽວກັບສະພາບຈຸດພິເສດ,ທີ່ຕັ້ງ,ການພັດທະນາວຽກງານວັດທະນະທໍາ-ສັງຄົມ,ວຽກງານສາທາລະນະສຸກໂດຍສະເພາະສະພາບການລະບາດຂອງພະຍາດໄຂ້ຍຸງລາຍ,ວຽກງານການຜະລິດກະສິກໍາ,ການພັດທະນາເສດຖະກີດ-ສັງຄົມ ພ້ອມທັງວຽກງານປີ່ນອ້ອມຈໍານວນຫນື່ງ ພາຍໃນເມືອງ ໃນໄລຍະຜ່ານມາ ເຫັນວ່າມີຫລາຍອັນຈັດຕັ້ງປະຕິບັດສໍາເລັດຕາມລະດັບຄາດຫມາຍທີ່ວາງໄວ້ ພາຍຫລັງໄດ້ຮັບຟັງການລາຍງານໂດຍຫຍໍ້ກ່ຽວກັບການຈັດຕັ້ງປະຕິບັດວຽກງານຕ່າງໆໂດຍຫຍໍ້ຈາກທ່ານ ບຸນຍະແສງ ເຈົ້າເມືອງໆຫາດຊາຍຟອງເເລ້ວ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງ ຕໍ່ການຈັດຕັ້ງປະຕິບັດວຽກງານຕ່າງໆ ຂອງເມືອງຫາດຊາຍຟອງໃນໄລຍະຜ່ານມາ ພ້ອມທັງໃຫ້ທິດຊີ້ນໍາ ຕໍ່ອົງການປົກຄອງເມືອງ ກໍ່ ຄືປະຊາຊົນ ພາຍໃນ ເມືອງ ຫາດຊາຍຟອງ ເອົາໃຈໃສ່ຈັດຕັ້ງປະຕິບັດທຸກຂົງເຂດວຽກງານທີ່ຕົນເອງຮັບໃຫ້ສໍາເລັດຜົນ ໂດຍສະເພາະການຜະລິດກະສິກໍາເປັນສີນຄ້າ,ການປ້ອງກັນແລະສະກັດກັ້ນ ການລະບາດຂອງພະຍາດໄຂ້ຍຸງລາຍ,ພະຍາດອາຫິວາຫມູອາຟຣິກກາ ພ້ອມທັງກະກຽມຄວາມພ້ອມດ້ານຕ່າງໆໃຫ້ແກ່ກອງປະຊຸມໃຫຍ່ສາມຂັ້ນຂອງເມືອງ ໃຫ້ປະສົມຜົນສໍາເລັດ.


ໂອກາດດຽວກັນນີ້ ທ່ານທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ ຍັງໄດ້ໄປເບິ່ງການປູກຜັກເປັນສິນຄ້າ ຂອງກຸ່ມປູກຜັກສະອາດ ຂອງປະຊາຊົນ ບ້ານຫາດກັນຊາ ເມືອງຫາດຊາຍຟອງ ຕື່ມອີກ, ໂອກາດນີ້ ທ່ານ ທອງລຸນ ສີສຸລິດ ໄດ້ຮັບຟັງການລາຍງານຫຍໍ້ ປະຫວັດຄວາມເປັນມາຂອງກຸ່ມປູກຜັກສະອາດ, ຮັບຟັງການສະເໜີ ຂໍໃຫ້ລັດຖະບານຊ່ວຍເຫລືອ ຊອກຫາຕະຫຼາດ, ການສ້ອມແປງທາງ, ການປັບປຸງ ຕາຂ່າຍໄຟຟ້າ ແລະອື່ນຯ, ຈາກນັ້ນທ່ານ ທອງລຸນ ສີສຸລິດ ໃຫ້ກຽດໂອລົມ ແລະແນະນຳໃຫ້ ປະຊາຊົນຫັນມາປູກຜັກປອດສານພິດໃຫ້ຫຼາຍຂຶ້ນເພາະຕະຫຼາດຍັງມີຄວາມຕ້ອງການຫຼາຍ.
ໂອກາດໄປຢ້ຽມຢາມເບິ່ງການປູກຜັກຂອງກຸມປູກພັກສະອາດ ບ້ານຫາດກັນຊາ ທ່ານ ທອງລຸນ ສີສຸລິດ ນາຍົກລັດຖະມົນຕີພ້ອມດ້ວຍຄະນະ ຍັງໄດ້ມອບເງິນ ຈຳນວນ 50.000.000 ກີບ ເພື່ອສົມທົບ ທຶນໃຫ້ກຸ່ມປະຊາຊົນ ປູກຜັກສະອາດເປັນທືນປູກຜັກສະອາດໃຫ້ຫຼາຍຂຶ້ນກວ່າເກົ່າ.

ຂ່າວ: ເດດ ອາລຸນ ແກ້ວວິໄລວົງ

cr: Laos nation Radio

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *