ຜູ້ເສຍຊີວິດຈາກໄຂ້ຍຸງລາຍ ເພີ່ມຂື້ນຕໍ່ເນື່ອງ ຫລ້າສຸດຢູ່ທີ່ 43 ຄົນ

ໄຂ້ຍຸງ​ລາຍ​ກຳລັງເກີດຂື້ນເປັນວົງກ້ວາງໃນທົ່ວປະເທດ ເຊິ່ງມາຮອດວັນທີ່ 31 ເດືອນ ກໍລະກົດ ເສຍຊີວິດ ແລ້ວ 43 ຄົນ ນັບແຕ່ທ້າຍເດືອນ ທັນວາ 2018 ຫາ 31/7 ມີ 19, 367 ກໍລະນີ ອີງຕາມການລາຍງານຂອງກະຊວງສາທາໃນບໍ່ຊ້ານີ້.

ນະຄອນຫຼວງວຽງຈັນ ເປັນອັນດັບໜຶ່ງທີ່ມີຜູ້ຕິດເຊື້ອພະຍາດໄຂ້ຍຸງລາຍ 4,315 ກໍລະນີ ເສຍຊີວິດ 11 ຄົນ, ສະຫວັນນະເຂດ 3,305 ກໍລະນີ ເສຍຊີວິດ 14 ຄົນ, ຈຳປາສັກ 2,879 ກໍລະນີ ເສຍຊີວິດ 5 ຄົນ ແລະ ອື່ນໆ ເຊິ່ງແຂວງທີ່ຍັງບໍ່ມີການລາຍງານຄົນເປັນໄຂ້ຍຸງ ລາຍ ແມ່ນແຂວງຫົວພັນ.

ການທຳລາຍ​ແຫ​ຼ່ງ ​ເພາະ​ພັນ ​ໜອນ​ນ້ຳ​ຍຸງ​ລາຍ ບໍ່​ພຽງ​ແຕ່ ​ແມ່ນ​ໜ້າ​ທີ່​ ຂອງ​ສຳນັກງານ, ອົງ ການໃດ​ໜຶ່ງ​ເທົ່າ​ນັ້ນ, ​ແຕ່​ຍັງ​ເປັນ​ໜ້າ​ທີ່​ ຂອງ​ໝົດ​ທຸກ​ຄົນ​ໃນ​ທົ່ວ​ສັງຄົມ ທີ່​ຈະ​ຕ້ອງ​ໄດ້​ພ້ອມ​ກັນ​ເອົາ​ໃຈ​ໃສ່ ກຳຈັດ​ ​ແລະ ທຳລາຍໃຫ້​ໝົດ​ໄປ ​ໂດຍການ​ອະນາ​ໄມ​ສິ່ງ​ແວດ​ລ້ອມ​ອ້ອມ​ເຮືອນ ບໍ່​ໃຫ້​ມີ​ນ້ຳຂັງ​ຢູ່​ຕາມ​ກະ​ໂປະ, ກະ​ປອງ, ຢາງ​ຕີ​ນລົດ ​ແລະ ອື່ນໆ ກໍ​ຄື ​ເພີ່ມ​ທະວີການຈັດ​ຕັ້ງ​ປະຕິບັດ​ຫລັກການ 5 ປ ຂອງ​ກະ ຊວງ​ສາທາລະນະ​ສຸກ ​ວາງ​ອອກຢ່າງ​ເຄັ່ງ​ຄັດ ຄື: ປ ປິດ (ປົກ​ປິດ​ພາ​ສະ​ນະ​ທີ່​ກັກ​ເກັບ​ນ້ຳ​ທັງ​ໃນ ​ແລະ ນອກ​ເຮື​ອນບໍ່​ໃຫ້​ຍຸງ​ລາຍ​ມາ​ໄຂ່​ໃສ່), ປ ປ່ຽນ (ປ່ຽນ​ນ້ຳໃນ​ພາ​ສະ​ນະ​ທີ່​ກັກ​ເກັບ​ນ້ຳ ​ເຊັ່ນ​ເຕົ້າ​ດອກ​ໄມ້, ນ້ຳ​ຮອງ​ຕີ​ນຕູ້ ​ແລະ ອື່ນໆ), ປ ປ່ອຍ (ປ່​ອຍປາ​ຫາງ​ນົກຍຸງ​ກິນ​ໜອນ​ນ້ຳ), ປ ປັບປຸງ(ປັບປຸງ​ສິ່ງ​ແວດ​ລ້ອມ​ອ້ອມ ​ເຮືອນໃຫ້​ສະອາດ​ເປັນ​ປະຈຳ​ທຸກ​ອາທິດ) ​ແລະ ປ ປະຕິບັດ ​ໃຫ້ເປັນນິໃສທຸກອາທິດ.

ຂ່າວ: ບົວຜັນ (ໜັງສືພິມວຽງຈັນທາຍ)

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *