ໄພແລ້ງ ສົ່ງຜົນກະທົບ ໃຫ້ການປັກດໍານາປີ 2019 ບໍ່ໄດ້ຕາມຄາດໝາຍ

ເນື່ອງຈາກສະພາບອາກາດ ໃນປະຈຸບັນຂອງແຂວງສະຫວັນ ນະເຂດ ກໍ່ຄືແຂວງອື່ນໆແມ່ນມີ ຄວາມແຫ້ງແລ້ງ, ຝົນຕົກບໍ່ຖືກ ຕ້ອງຕາມລະດູການເຮັດໃຫ້ເກີດ ປະສົບບັນຫາໄພແລ້ງສົ່ງຜົນເຮັດ ໃຫ້ການປັກດໍານາປີຫຼ້າຊ້າ.

ທ່ານ ລັດຕະນະ ໄຊສົມບັດ ຫົວໜ້າຂະ ແໜງປູກຝັງ ພະແນກກະສິກໍາ ແລະປ່າໄມ້ແຂວງ ໄດ້ໃຫ້ສໍາພາດຕໍ່ ນັກຂ່າວໜັງສືພິມສະຫວັນພັດທະ ນາຂອງພວກເຮົາກ່ຽວກັບສະ ພາບການຈັດຕັ້ງປະຕິບັດການປັກດໍາເຂົ້ານາປີ 2019 ເຊິ່ງໃຫ້ຮູ້ວ່າ: ມາໃນປະຈຸບັນນີ້ທົ່ວແຂວງສະ ຫວັນນະເຂດສາມາດປັກດໍາເຂົ້າ ນາປີໄດ້ພຽງ 55% ເທົ່ານັ້ນ, ຈາກເນື້ອທີ່ທັງໝົດຂອງແຜນ ການ 209.500 ເຮັກຕາ, ໃຊ້ ແນວພັນທັງໝົດ 12.570 ໂຕນ, ແຕ່ສາມາດປະຕິບັດໄດ້ພຽງ 114.554 ເຮັກຕາ. ຖ້າສົມທຽບ ໃສ່ ປີ 2018 ທີ່ຜ່ານ ແມ່ນຫຼຸດ ຄາດໝາຍຫຼາຍສົມຄວນເພາະໄລ ຍະດຽວກັນນີ້ສາມາດປະຕິບັດ ໄດ້ເຖິງ 82%.

ສໍາລັບລະດູການ ປັກດໍາເຂົ້ານາປີ 2019 ນີ້ ແມ່ນ ພົບຂໍ້ຫຍຸງຍາກຫຼາຍຢ່າງເປັນຕົ້ນ ແມ່ນໄພແຫ້ງແລ້ງ, ບົ້ງຝູງທີ່ລົງ ກັດກິນກ້າ ແລະເຂົ້າປູກຂອງປະ ຊາຊົນ ເຊິ່ງເມືອງທີ່ໄດ້ຮັບຜົນກະ ທົບຈາກບົ້ງຝູງຫຼາຍທີ່ສຸດມີ 6 ເມືອງຄື: ເມືອງເຊໂປນ, ວິລະບູລີ, ພີນ, ອາດສະພອນ, ສອງຄອນ ແລະເມືອງຊົນນະບູລີ. ສໍາເຂດທີ່ຢູ່ ໃກ້ຊົນລະປະທານແມ່ນບໍ່ໄດ້ຮັບ ຜົນກະທົບຈາກໄພແລ້ງ, ແຕ່ເມືອງ ທີ່ຫ່າງໄກຈາກເຂດຊົນລະປະ ທານແມ່ນຕ້ອງໄດ້ເອົາໃຈໃສ່ ຢ່າງຈິງຈັງດັ່ງນັ້ນ, ຂະແໜງປູກ ຝັງກໍ່ຄືພະແນກກະສິກໍາ ແລະປ່າ ໄມ້ແຂວງ ກໍ່ບໍ່ໄດ້ຖືເບົາ, ສຸມໃສ່ທຸກ ເຫື່ອແຮງພະນັກງານວິຊາການລົງຈັດຕັ້ງປະຕິບັດໃນເຂດທີ່ໄດ້ຮັບຜົນກະທົບ ໂດຍການສົ່ງເສີມໃຫ້ປະຊາ ຊົນຫັນມາປູກພືດຊະນິດອື່ນແທນ ເປັນຕົ້ນແມ່ນ: ສາລີ, ຖົ່ວດິນ, ກ້ວຍ, ມັນຕົ້ນ, ໝາກໄມ້ກິນໝາກອື່ນໆ ເຊິ່ງສາມາດປະຕິບັດໄດ້18.301 ເຮັກຕາ, ເທົ່າ 59% ຈາກເນື້ອ ທີ່ທັງໝົດຂອງແຜນການ 31,130 ເຮັກຕາ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *