ໂຮງງານໄມ້ອັດຄູນຄໍາ ກາຊ້າງຄູ່ ສາມາດສົ່ງອອກໄມ້ອັດສໍາເລັດຮູບ ໄດ້ 1 ລ້ານກວ່າໂດລາສະຫະລັດ

ເນື່ອງຈາກສະພາບເສດ ຖະກິດຂອງແຂວງສະຫວັນ ນະເຂດໃນຊ່ວງໄລຍະ 6 ເດືອນ ຕົ້ນປີ 2019 ທີ່ຜ່ານມານີ້, ມີການຂະຫຍາຍຕົວເພີ່ມຂຶ້ນ ເປັນຕົ້ນແມ່ນການສົ່ງອອກ ເຄື່ອງອຸດສາຫະກໍາເອເລັກໂຕຼ ນິກ ແລະອື່ນໆ ໂດຍສະເພາະ ແມ່ນໃນຂົງເຂດເສດຖະກິດພິ ເສດສະຫວັນ-ເຊໂນ ເຮັດໃຫ້ ແຂວງສະຫວັນນະເຂດສາມາດ ສ້າງລາຍຮັບເພີ່ມຂຶ້ນໄດ້ຫຼາຍ ສົມຄວນ.

ທ່ານ ຫອມ ສີຫາຈັກ ຜູ້ອໍານວຍການໂຮງງານໄມ້ ອັດຄູນຄໍາກາຊ້າງຄູ່ ຊຶ່ງ​ໂ​ຮງ ງານກໍ່ແມ່ນໂຮງງານໜຶ່ງທີ່ ນອນໃນຂົງເຂດເສດຖະກິດ ພິເສດສະຫວັນ-ເຊໂນຈຸດ ບີ(B) ກິໂລ ແມັດທີ 28 ໄດ້ໃຫ້ສໍາພາດຕໍ່ນັກຂ່າວໜັງ ສືພິມສະຫວັນພັດທະນາຂອງ ພວກເຮົາ ເຊິ່ງໃຫ້ຮູ້ວ່າ: ເຂດ ເສດຖະກິດພິເສດສະຫວັນ-ເຊໂນແມ່ນຈຸດສຸມຂອງການ ພັດທະນາລະບົບອຸດສາຫະ ກໍາຂອງແຂວງສະຫວັນນະ ເຂດກໍ່ຄືປະເທດເຮົາ. ປະຈຸບັນ ນີ້, ຄວາມຕ້ອງການອຸດສາຫະ ກໍາຂອງຕ່າງປະເທດສູງຂຶ້ນ ກວ່າເມື່ອກ່ອນຫຼາຍ ດັ່ງນັ້ນ, ຈຶ່ງເຮັດໃຫ້ມີນັກລົງທຶນເຂົ້າ ມາ ລົງທຶນພາຍໃນແຂວງສະຫວັນ ນະເຂດຫຼາຍຂຶ້ນ ເຊິ່ງໂຮງງານ ໄມ້ອັດຄູນຄໍາກາຊ້າງຄູ່ແຫ່ງນີ້ ກໍ່ແມ່ນການລົງທຶນອີກຂັ້ນໜຶ່ງ ທີ່ນອນໃນຄວາມຕ້ອງການ ຂອງຕ່າງປະເທດເປັນຕົ້ນແມ່ນ ປະເທດໃນເຂດທະວີບເອີຣົບ ແລະສະຫະລັດອາເມລິກາ.

ນອກຈາກເປັນການສ້າງລາຍ ຮັບໃຫ້ປະເທດແລ້ວຍັງເປັນ ການສ້າງວຽກເຮັດງານທໍາ ໃຫ້ແກ່ປະຊາຊົນໃນຂົງເຂດ ໃກ້ຄຽງອີກດ້ວຍ ເຊິ່ງຄ່າແຮງ ງານເລີ່ມຕົ້ນແມ່ນ 1.500.000 ກີບ ໂດຍໂຮງງານມີພະນັກງານ ທັງໝົດເກືອບ 300 ຄົນ, ສໍາລັບວັດຖຸດິບທີ່ນໍາມາໃຊ້ຜະ ລິດນີ້ບາງສ່ວນແມ່ນນໍາເຂົ້າ ມາຈາກປະເທດໃກ້ຄຽງແຕ່ ສ່ວນໃຫຍ່ແມ່ນໄດ້ມາຈາກສົ່ງ ເສີມໃຫ້ປະຊາຊົນປູກໄມ້ເສດ ຖະກິດເປັນຕົ້ນແມ່ນໄມ້ວິກ, ໄມ້ກະຖິນນາລົງ, ໄມ້ກະຖິນ ເທພາ ແລ້ວຮັບຊື້ຈາກປະຊາຊົນ ໃນລາຄາທີ່ເໝາະສົມ. ໂດຍ ໂຮງງານແຫ່ງນີ້ສ້າງຕັ້ງສໍາເລັດໃນເດືອນ 11 ປີ 2018 ທີ່ຜ່ານມານີ້, ເຊິ່ງໄດ້ເລີ່ມທໍາ ການທົດລອງການຜະລິດໄດ້ 5-6 ເດືອນ ແລະສາມາດສົ່ງ ອອກສິນຄ້າທີ່ເປັນໄມ້ອັດ ສໍາເລັດຮູບໄດ້ 1 ລ້ານກວ່າ ໂດລາສະຫະລັດ.

 

ໃນຕົ້ນປີ 2020 ທີ່ຈະມາເຖິງນີ້, ແມ່ນ ມີແຜນຈະຂະຫຍາຍໂຮງງານ ອອກໃຫ້ໄດ້ 50% ຂອງໂຮງ ງານປະຈຸບັນ ເຊິ່ງຈະມີຄວາມ ຕ້ອງການແຮງງານເພີ່ມຂຶ້ນ ອີກປະມານ 300 ຄົນ. ດັ່ງນັ້ນ, ຈຶ່ງຮຽກຮ້ອງມາຍັງພາກລັດ ຈົ່ງຊ່ວຍໃຫ້ການສະໜັບສະໜູນ ໃຫ້ປະຊາຊົນຫັນມາປູກໄມ້ ເສດຖະກິດເພື່ອເປັນສິນຄ້າ ທັງນີ້ເພື່ອຫຼຸດການນໍາເຂົ້າວັດຖຸດິບຈາກຕ່າງປະເທດ ແລະທັງເປັນການເພີ່ມລາຍຮັບໃຫ້ປະຊາຊົນພາຍໃນປະເທດອີກດ້ວຍ. ພາບ-ຂ່າວ: ໜັງສືພິມ ສະຫວັນພັດທະນາ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *