ນໍ້າຂອງ ແຫ້ງຜີດປົກກະຕີໃນຮອບຫຼາຍປີ

ປີນີ້ນໍ້າຂອງບົກແຫ້ງລົງຫຼາຍໃນຮອບ 10 ກວ່າປີ ຜ່ານມາເຊິ່ງເຮັດໃຫ້ມີຫຼາຍຄົນຕັ້ງຄຳຖາມວ່າມັນຈະແກ່ຍາວໄປຮອດໃສແລະຈະບໍ່ມີຜົນກະທົບ ຕໍ່ການໃຊ້ນໍ້າມາໃສ່ການຜະລິດເຂົ້າ, ພືດຜັກ ແລະ ຕໍ່ກາສະບຽງອາຫານຂອງພໍ່ແມ່ປະຊາ ຊົນຜູ້ທີ່ອາໃສຢູ່ລຽບຕາມລໍາແມ່ນໍ້າຂອງ.

ຈາກສະພາບການດັ່ງກ່າວ ທ່ານ ບຸນຮຽງ ສຸວັນນະຫານ ຮອງຫົວໜ້າພະແນກ ອຸທົກກະ ສາດ ກົມອຸຕຸນີຍົມແລະອຸທົກກະສາດ ກະຊວງ ຊັບພະຍາກອນ ແລະ ສິ່ງແວດລ້ອມ ໄດ້ລາຍ ງານວ່າ: ສະພາບນໍ້າໃນແມ່ນໍ້າຂອງ ໄດ້ບົກແຫ້ງ ລົງຫຼາຍໃນປີນີ້ ເຊິ່ງອາດຈະເກີດ ມາຈາກຫຼາຍ ສາເຫດ ເປັນຕົ້ນ ໃນລະດູຜົນ ປີນີ້ຍັງບໍ່ທັນມີລົມມໍລະສຸມພັດຜ່ານມາ ຫຼາຍຄັ້ງຖ້າທຽບໃສ່ປີຜ່ານມາ ຈື່ງເຮັດໃຫ້ ເຂື່ອນ ຫຼາຍແຫ່ງຢູ່ຕອນເໜືອຂອງແມ່ນໍ້າຂອງ ອາດຈະມີການເກັບກັກນໍ້າໄວ້ເພື່ອຜະລີດກະແສໄຟຟ້າແລະເພື່ອໃຊ້ເຂົ້າໃນການຜະລີດກະສີກໍາ.

ທ່ານ ບຸນຮຽງ ສຸວັນນະຫານ ຍັງໄດ້ກ່າວຕື່ມ ອີກວ່າ: ປັດຈຸບັນ ລະດັບນໍ້າທີ່ສະຖານີວັດ ແທກນໍ້າຢູ່ນະຄອນຫຼວງວຽງຈັນ ແມ່ນຢູ່ໃນ ລະດັບ 0,96 ແມັດ ຖ້າທຽບໃສ່ເດືອນ 7-8 ຂອງປີຜ່ານມາ ລະດັບນໍ້າໃນແມ່ນໍ້າຂອງຈະຢູ່ທີ່ 7 ຫາ 8 ແມັດ.

ສະພາບການດັ່ງກ່າວນີ້ອາດຈະແກ່ຍາວໄປຮອດ ທ້າຍເດືອນ ສິງຫາ ແລະ ລະດັບນໍ້າໃນແມ່ນໍ້າ ຂອງຈຶ່ງຈະຄ່ອຍໆສູງຂຶ້ນໄປຕາມປົກກະຕິ ໃນແຕ່ລະປີ.
ພາບ-ຂ່າວ – ຄຳພັນ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *