ຊາວເມືອງບົວລະພາ 500 ກ່ວາຄົນ ສາມັກຄີສ້ອມແປງເສັ້ນທາງ

ວັນທີ່ 13 ກໍລະກົດ 2019 ທີ່ຜ່ານມາ ທ່ານ ປອ ແກ້ວອຸດອນ ບຸດສິງຂອນ ເຈົ້າເມືອງບົວລະພາ ພ້ອມດ້ວຍ ຄະນະນໍາພາຍໃນເມືອງ, ໄດ້ເຄື່ອນໄຫວຕິດຕາມ ຂະບວນການສ້ອມແປງ ເສັ້ນທາງ ຢູ່ບ້ານ ປາກພະນັງ ແລະ ບ້ານ ແສນພັນ, ເຊີ່ງເສັ້ນ ທາງດັ່ງກ່າວ ແມ່ນໄດ້ເລີ່ມ ສ້ອມແປງແຕ່ ວັນທິ່ 10 ກໍລະກົດ 2019 ຂະບວນການສ້ອມແປງເສັ້ນທາງ ຄັ້ງນີ້ປະກອບມີ ປູຫີນທາງລົງທ່າ ບັກ ບ້ານ ປາກພະນັງ ເມືອງບົວລະພາ ແຂວງຄຳມ່ວນ ມີໄລຍະທາງ ທັງໜົດ 40 ແມັດ ມາຮອດປະຈຸບັນ ວັນທີ່ 13 ກໍລະກົດ 2019 ແມ່ນ ສໍາເລັດ 100% ແລະ ທາງຂື້ນຫົວຂົວນໍ້າງໍ ບ້ານແສນພັນ ປະຈຸບັນແມ່ນ ສໍາເລັດ 70%

ເຊິງຂະບວນໃນການອອກແຮງສ້ອມແປງເສັ້ນທາງໃນຄັ້ງນີ້ ແມ່ນໄດ້ລະດົມ ກຳລັງຈາກປະຊາຊົນໃນ 7 ບ້ານ ຄື: ບ້ານ ນາປາງ, ບ້ານ ປາກພະນັງ, ບ້ານ ຫຍ້າຫວາຍ, ບ້ານ ສະອາງ, ບ້ານ ແກ້ງວັກ, ບ້ານ ແສນພັນ, ພ້ອມດ້ວຍບັນດາອົງການຈັດຕັ້ງຊາວໜຸ່ມ- ແມ່ຍິງ ແລະ ກໍາມະບານ ຈາກຂະແໜງການອ້ອມຂ້າງເມືອງມີຜູ້ເຂົ້າຮ່ວມຂະການໃນຄັ້ງນີ້ 568 ຄົນ , ຍີງ 122 ຄົນ ,ຈຸດປະສົງຂອງການສ້າງຂະບວນການໃນຄັ້ງນີ້ ເພື່ອເຮັດໃຫ້ການສັນຈອນໄປ-ມາລະຫວ່າງບ້ານ ຫາ ບ້ານ ແລະ ບ້ານຫາເມືອງ ສາມາດທຽວໄດ້ໃນລະດູແລ້ງ ແລະ ລະດູຝົນທີ່ຈະມາຮອດນີ້ ພ້ອມນັ້ນກໍ່ເພື່ອສ້າງຄວາມສາມັກຄີອັນຮັດແໜ້ນໃນທຸກພາກສ່ວນ ໃນທົ່ວສັງຄົມໃຫ້ສູງຂື້ນ ແລະ ພ້ອມກັນຜ່ານອຸປະສັກ ແລະ ຂໍ່ຫຍຸ້ງຍາກນາໆປະການໄດ້ພ້ອມກັນສ້າງສາໃຫ້ເມືອງບົວລະພາ ມີຄວາມສະດວກຂື້ນຕື່ມໃນການສັນຈອນໄປ-ມາ.

ພາບ-ຂ່າວ: ແຂວງຄຳມ່ວນ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *