ສະຖານທູດຕວັກກີ ມອບລົດຕູ້ 15 ບ່ອນນັ່ງ ໃຫ້ສະພາແຫ່ງຊາດ

ຂປລ. ໃນວັນທີ 12 ກໍລະກົດ 2019, ສະຖານທູດ ສ.ຕວັກກີ ປະຈຳ ສປປ ລາວ ໄດ້ນຳເອົາລົດຕູ້ 15 ບ່ອນນັ່ງ ຍີ່ຫໍ້ຟອດ ຈຳນວນ 1 ຄັນ ມາມອບໃຫ້ສະພາແຫ່ງຊາດ, ເຊິ່ງເປັນລົດລຸ້ນໃໝ່ຫລ້າສຸດປີ 2019, ຜະລິດຢູ່ ສ.ຕວັກກີ, ຕາງໜ້າມອບໂດຍ, ທ່ານ ອາເມັດ ອາເດັມ ອາຄາຍ ເອກອັກຄະລັດຖະທູດ ແຫ່ງ ສາທາລະນະລັດ ຕວັກກີ ປະຈໍາ ສປປ ລາວ ແລະ ຮັບໂດຍ, ທ່ານ ນາງ ສວນສະຫວັນ ວິຍະເກດ ເລຂາທິການສະພາແຫ່ງຊາດລາວ, ພ້ອມດ້ວຍພາກສ່ວນກ່ຽວຂ້ອງທັງສອງຝ່າຍ ເຂົ້າຮ່ວມເປັນສັກຂີພິຍານ.

ໂອກາດດັ່ງກ່າວ, ທ່ານ ນາງ ສວນສະຫວັນ ວິຍະເກດ ໄດ້ສະແດງຄວາມຂອບໃຈຕໍ່ສະຖານ ທູດ ສ.ຕວັກກີ ທີ່ເຫັນໄດ້ຄວາມສໍາຄັນ ນຳເອົາລົດມາມອບໃຫ້ໃນຄັ້ງນີ້, ເຊິ່ງເປັນການປະກອບສ່ວນອັນສໍາຄັນ ເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມລະ ຫວ່າງ ສປປ ລາວ ແລະ ສ.ຕວັກກີ ເວົ້າລວມ, ເວົ້າສະເພາະ ລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດ ແຫ່ງ ສ.ຕວັກກີ ໃຫ້ໄດ້ຮັບການພັດທະນາຍິ່ງໆຂຶ້ນ.

ພ້ອມດຽວກັນນີ້, ທ່ານ ນາງ ສວນສະຫວັນ ວິຍະເກດ ໄດ້ຢືນຢັນວ່າ ຈະຮັກສາ ແລະ ນໍາໃຊ້ລົດຄັນດັ່ງກ່າວ ເຂົ້າໃນການເຄື່ອນໄຫວວຽກງານ ຂອງສະພາແຫ່ງຊາດ ໃຫ້ເກີດຜົນປະໂຫຍດສູງສຸດ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *