ລັດຖະບານກຳປູເຈຍ ສັ່ງຍົກເລີກ ຄຸກວີໄອພີແລ້ວ

ສຳນັກຂ່າວເອເອພີລາຍງານຈາກນະຄອນພະນົມເປັນປະເທດກຳປູເຈຍ ເມື່ອວັນທີ່ 11 ກໍລະກົດ 2019 ວ່າ ບໍລິສັດຜູ້ຮັບເຫມົາເລີ່ມລົງມືກໍ່ສ້າງຄ້າຍຄຸມຂັງພິເສດງົບປະມານ 4 ລ້ານດອລລາ ໃນເຮືອນຈຳເປີຍຊາຣ ໃນນະຄອນພະນົມເປັນ ເມື່ອປີ 2017 ແລະວຽກໃກ້ຈະສຳເລັດເມື່ອອາທິດຜ່ານມາ ແຕ່ລັດຖະບານກຳປູເຈຍຕັດສິນໃຈ ປະກາດຍົກເລີກໂຄງການເມື່ອວັນພະຫັດ ໂດຍອ້າງວ່າຂາດປະສົບການໃນການບໍລິຫານຈັດການລະບົບ


ທ່ານຂຽວ ໂສພຽກ ໂຄສົກກະຊວງປ້ອງກັນຄວາມສະຫງົບກຳປູເຈຍເຜີຍຕໍ່ສຳນັກຂ່າວເອເອຟພີວ່າ ລັດຖະບານມີແຜນເປີດຄ້າຍຄຸມຂັງພິເສດແທ້ ແຕ່ຕອນນີ້ຕັດສິນໃຈຍົກເລີກໂຄງການແລ້ວ ຄ້າຍຄຸມຂັງຫລາຍແຫ່ງໃນກຳປູເຈຍຂື້ນຊື່ທາງດ້ານຄວາມແອອັດ ແລະນັກໂທດຕ້ອງຈ່າຍເງີນເພື່ອຊື້ສິ່ງອຳນວຍຄວາມສະດວກພື້ນຖານ ຄ້າຍຄຸມຂັງພິເສດທີ່ຖືກຮຽກຢ່າງບໍ່ເປັນທາງການວ່າ ໂຮງແຮມ ຖືກອອກແບບໃຫ້ຮັບຮອງນັກໂທດບໍ່ເຖິງ 400 ຄົນ ໃນສະພາບຫຼູຢູ່ສະບາຍຫລາຍກວ່າຄ້າຍຄຸມຂັງອື່ນໆ ໃນຄ້າຍຄຸມຂັງເປີຍຊາຣ


ແຕ່ແຜນການຖືກໂຈມຕີຢ່າງຫນັກຈາກກຸ່ມສິດທິມະນຸດຊະຍະຊົນຊື່ງລະບຸວ່າຈະສ້າງຄວາມເຫຼື່ອມລ້ຳລະຫວ່າງນັກໂທດຖານະລ້ຳລວວຍຫຼືມີອິດທິພົນກັບນັກໂທດຍາກຈົນ ໃນປະເທດທີ່ກຸ່ມຄົນລວຍມັກບໍ່ຖືກລົງໂທດຕາມກົດຫມາຍ ທ່ານອ່ຳ ສາມ ອິດ ໂຕແທນກຸ່ມສິດທິມະນຸດຊະຍະຊົນໃນກຳປູເຈຍ “ລິຄາໂທ” ກ່າວວ່ານັກໂທດທີ່ຖືກຈຳຄຸກໃນຄະດີຄວາມຜິດດຽວກັນ ແຕ່ນັກໂທດທີ່ມີເງີນສາມາດເຂົ້າພັກໃນຄ້າຍຄຸມຂັງວີໄອພີສ່ວນນັກໂທດທີ່ຍາກຈົນຕ້ອງໄປຢູ່ໃນຫ້ອງຂັງແອອັດ


ທ່ານອ່ຳກ່າວວ່າ ລະບົບນີ້ຈະເຮັດໃຫ້ຄົນມີເງີນບໍ່ຢ້ານການກະທຳຜິດ ແລະຕິດຄຸກທາງດ້ານໂຄສົກກະຊວງປ້ອງກັນຄວາມສະຫງົບເຜີຍອີກວ່າ ຄ້າຍຄຸມຂັງວີໄອພີທີ່ສ້າງໃຫ່ມຈະຖືກໃຊ້ເປັນທີ່ຄຸມຂັງຜູ້ຕ້ອງສົງໄສທີ່ຖ້າການສົ່ງໂຕຂື້ນສານແທນການຈັບຂັງລວມກັບນັກໂທດໃນຫ້ອງທີ່ແອອັດ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *