ນັກທຸລະ ກິດຍິງຂອງ ສປປ ລາວ ໄດ້ຮັບລາງວັນແມ່ຍິງອາຊຽນດີເດັ່ນປະຈຳປີ 2019

ກາຍເປັນອີກໜຶ່ງຜົນງານ ທີ່ສ້າງຊື່ສຽງໃຫ້ແກ່ແມ່ຍິງລາວ ບັນດາເຜົ່າຂອງແຂວງສະຫວັນ ນະເຂດ ທີ່ທ່ານ ນາງ ສົງບັນດິດ ຍົດໝັ້ນຄົງ ເປັນ 1 ໃນ 10 ນັກທຸລະ ກິດຍິງຂອງ ສປປ ລາວ ໄດ້ຮັບລາງ ວັນແມ່ຍິງອາຊຽນດີເດັ່ນປະຈຳປີ 2019 ທີ່ຈັດຂຶ້ນໃນວັນທີ 21 ມິຖຸນາຜ່ານມານີ້, ທີ່ບາງກອກປະ ເທດໄທ. ເຊິ່ງນັບວ່າເປັນຜົນງານ ທີ່ໜ້າຍົກຍ້ອງ ແລະເອົາ ເປັນແບບ ຢ່າງແກ່ນັກທຸລະກິດຍິງຜູ້ອື່ນໆ ພາຍໃນແຂວງສະຫວັນນະເຂດ ພວກເຮົາ.


ທ່ານ ນາງ ສົງບັນດິດ ຍົດ ໝັ້ນຄົງ ຜູ້ອຳນວຍການບໍລິສັດທົ່ງ ລະຫາສິນ ທັງເປັນປະທານສະມາ ຄົມນັກທຸລະກິດຍິງແຂວງສະ ຫວັນນະເຂດ ໄດ້ໃຫ້ສຳພາດຕໍ່ ນັກຂ່າວພວກເຮົາວ່າ: ໃນຕະ ຫຼອດໄລຍະເວລາເກືອບ 25 ປີໃນ ການດຳເນີນທຸລະກິດ ບໍລິສັດພວກເຮົາໄດ້ມີການເຕີບໃຫຍ່ຂຶ້ນຢ່າງບໍ່ ຢຸດ ແລະໄດ້ສືບຕໍ່ມີຜົນງານພົ້ນເດັ່ນ ທັງຢູ່ພາຍໃນກໍ່ຄືໃນອາຊຽນ ໂດຍ ສະເພາະແມ່ນການເຮັດໂຮງງານ ຕັດຫຍິບສົ່ງອອກຂາຍຕ່າງປະ ເທດ ທີ່ເປັນໂຮງງານຂອງຄົນລາວ 100% ແລະແມ່ນຜູ້ຍິງເປັນຜູ້ບໍລິ ຫານທັງໝົດ ແລະພາຍຫຼັງທີ່ໄດ້ຫັນ ປ່ຽນມາສູ່ການເຮັດຜະລິດຕະພັນ ທີ່ເປັນມິດກັບສິ່ງແວດລ້ອມທັງ ເປັນຜະລິດຕະພັນທີ່ເປັນເອກະ ລັກຂອງລາວ ເວົ້າສະເພາະກໍ່ແມ່ນ ຂອງແຂວງສະຫວັນນະເຂດ ນັ້ນກໍ່ ຄືຜະພັນລິດຕະປະເພດແຜ່ນແພ, ຜ້າ ພື້ນເມືອງ ທີ່ຍ້ອມສີທໍາມະຊາດ, ຝ້າຍເຂັນມື ໂດຍຜະລິດຕະພັນທັງໝົດແມ່ນເປັນທຳມະຊາດ 100% ຊຶ່ງເຫັນວ່າໄດ້ຮັບການຕອບຮັບ ແລະສາມາດຕີຕະຫຼາດໄດ້ດີມາ ຮອດປະຈຸບັນ ພວກເຮົາໄດ້ເຮັດທຸລະກິດຮ່ວມກັບປະເທດຍີ່ປຸ່ນ ມາໄດ້ພໍດີ 10 ປີ ຊຶ່ງນີ້້ກໍ່ນັບວ່າເປັນ ອີກໜຶ່ງຜົນສຳເລັດສຳຄັນຂອງ ການດຳເນີນທຸລະກິດຂອງພວກ ເຮົາ ເນື່ອງຈາກວ່າຍີ່ປຸ່ນເປັນປະ ເທດ ທີ່ມີມາດຕະຖານການສົ່ງອອກ ສູງທີ່ສຸດໃນໂລກ ເຮັດໃຫ້ເຮົາຕ້ອງ ໄດ້ມີການບໍລິຫານທີ່ເປັນລະບົບ, ເຮັດວຽກຢ່າງມີແບບແຜນລະອຽດ ແລະຕ້ອງໄດ້ມີການພັດທະນາໂຕເອງຂຶ້ນໄປເລື້ອຍໆ ສຳລັບຜະລິດ ຕະພັນທີ່ສົ່ງອອກໄປຕ່າງປະເທດ ປະກອບມີ: ຜ້າຝ້າຍ, ຖົງ, ຊົບ ໝອນ, ຜ້າປູໂຕະ ແລະອື່ນໆ ໂດຍ ໄດ້ສົ່ງຂາຍໃນ 150 ປະເທດ, ມີ 1.500 ກວ່າຮ້ານໃນໂລກທີ່ຂາຍ ສິນຄ້າຂອງບໍລິສັດທົ່ງລະຫາສິນ ຄຽງຄູ່ກັນນີ້, ກຳມະກອນພາຍ ໃນໂຮງງານກໍ່ໄດ້ຮັບເງິນເດືອນ ເປັນປົກກະຕິ, ມີສະຫວັດດີການ ແລະມີຊີວິດການເປັນຢູ່ທີ່ດີຂຶ້ນ ເລື້ອຍໆໃນຕະຫຼອດໄລຍະເວລາ 20 ກວ່າປີຜ່ານມາຈາກນີ້, ທາງບໍ ລິສັດພວກເຮົາ ກໍ່ຍັງໄດ້ມີການ ຊຸກຍູ້ສົ່ງເສີມສິນຄ້າຫັດຖະກຳຂອງ ແມ່ຍິງບ້ານລະຫານ້ຳ, ລະຫາໂຄກ ແລະບ້ານທ່າຂາມລຽນ ເມືອງສອງ ຄອນ ເພື່ອກະຈາຍລາຍຮັບໃຫ້ແກ່ ຊຸມຊົນ ທັງນຳເອົາຜະລິດຕະພັນພື້ນ ບ້ານຂອງຄົນລາວສົ່ງຂາຍອອກ ສູ່ຕະຫຼາດໂລກ ໂດຍທຸກຜະລິດຕະ ພັນຂອງທົ່ງລະຫາສິນພວກເຮົາ ໄດ້ໃສ່ຄຳວ່າ “ Made in Laos”. ສຳລັບແຜນການໃນຕໍ່ໜ້ານີ້, ທາງບໍລິສັດກໍ່ມີແຜນຂະຫຍາຍ ໂຮງງານໃໝ່ທີ່ເປັນລະບົບທັນ ສະໄໝຄາດວ່າຈະລົງມືໃນຈັດຕັ້ງປະຕິບັດໃນທ້າຍປີ 2019 ນີ້.


ນອກຈາກລາງວັນແມ່ຍິງອາ ຊຽນດີເດັ່ນປະຈຳປີ 2019 ແລ້ວ, ທ່ານ ນາງ ສົງບັນດິດ ຍົດໝັ້ນຄົງ ຍັງເຄີຍໄດ້ຮັບລາງວັນນັກພັດ ທະນາດີເດັ່ນແຫ່ງຊາດທີ່ລັດຖະ ບານລາວມອບໃຫ້, ລາງວັນການ ອອກແບບດີເດັ່ນຂອງຜະລິດຕະ ພັນທີ່ປະເທດຍີ່ປຸ່ນ, ລາງວັນຜະ ລິດຕະພັນຜ້າຝ້າຍຍ້ອມຄາມຈາກ ປະເທດເອີຣົບ ແລະລາງວັນອື່ນໆ ອີກຢ່າງຫຼວງຫຼາຍ. ພາບ-ຂ່າວ: ນສພ ສະຫວັນພັດທະນາ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *