ທະຫານຊີເຣຍ ຍິງປະທະກຸ່ມກະບົດດຸເດືອດຂ້າມຄືນ ເສຍຊີວິດລວມກັນກວ່າ 71 ລາຍ

ສຳນັກຂ່າວເອເອຟພີລາຍງານຈາກນະຄອນເບຣຸຕປະເທດເລບານອນ ເມື່ອວັນທີ່ 11 ກໍລະກົດ 2019 ວ່າ ເຮືອບິນຮົບກອງທັບຣັດເຊຍ ແລະກອງທັບຊີເຣຍ ໂຫມໂຈມຕີທາງອາກາດຕໍ່ເປົ້າຫມາຍໃນແຂວງອິດລິບ ຊື່ງມະປະຊາກອນປະມານ 3 ລ້ານຄົນ ແລະຖືກຄວບຄຸມໂດຍກຸ່ມອາຍັຕ ທາຫຣີ ອັລ-ຊາມ ຫຼື ເອຊທີເອສ ແນວຮ່ວມຂອງກຸ່ມອັລ-ກໍອິດະຫ ນັບຕັ້ງແຕ່ທ້າຍເດືອນເມສາແມ່ນວ່າຂໍ້ຕົກລົງຢຸດຍິງລະຫວ່າງປະເທດຈະຍັງມີຜົນບັງຄັບ


ທ່ານຣາມີ ອັບເດລ ເຣາະຫມານຜູ້ອຳນວຍການສູນສັງເກດການສິດທິມະນຸດຊະຍະຊົນຊີເຣຍ (ເອສໂອເອຊອາຣ) ແຫ່ງອັງກິດ ຊື່ງມີຖານປະຕິບັດການພາກສະຫນາມຢູ່ນະຄອນເບຣຸຕ ເປີດເຜີຍເມື່ອເຊົ້າວັນພະຫັດວ່າຕະຫຼອດຄືນວັນພຸດເກີດການຍິງປະທະລະຫວ່າງທະຫານຊີເຣຍກັບນັກຮົບເອຊທີເອສ ແລະກຸ່ມແນວຮ່ວມເຮັດໃຫ້ທະຫານເສຍຊີວິດຢ່າງຫນ້ອຍ 41 ຄົນ ສ່ວນຝ່າຍເອຊທີເອສເສຍຊີວິດຢ່າງຫນ້ອຍ 30 ຄົນ ການສູ້ຮົບພາກພື້ນດິນຍັງດຳເນີນຢູ່ໃນຕອນເຊົ້າວັນພະຫັດຂະນະທີ່ເຮືອບິນຮົບຣັດເຊຍ ແລະຂອງກອງທັບອາກາດຊີເຣຍຍັງຄົງໂຈມຕີທາງອາກາດສະຫນັບສະຫນູນ


ທ່ານອາບູ ຄາຫລິດ ອັລ-ຊາຫມີ ໂຄສົກເອຊທີເອສ ກ່າວວ່າທະຫານຊີເຣຍບຸກໂຈມຕີນັກຮົບເອຊທີເອສ ຊ່ວງຫລັງຕາເວັນຕົກດິນ ຫລັງຈາກເອຊທີເອສບຸກຍຶດຫມູ່ບ້ານຣາມາເມຍັຕ ແລະເປີ້ນພູຍຸດທະສາດທີ່ຢູ່ໃກ້ຄຽງ ຂໍ້ຕົກລົງຢຸດຍິງເມື່ອເດືອນກັນຍາປີຜ່ານມາ ລະຫວ່າງຣັດເຊຍກັບຕຸຣະກີ ຜູ້ຫນຸນຫລັງຝ່າຍກະບົດມີເປົ້າຫມາຍເພື່ອຫລີກລ້ຽງການບຸກກວາດລ້າງຄັ້ງໃຫ່ຍຂອງກອງທັບຊີເຣຍ ໃນແຂວງອິດລິບ ແຕ່ຂໍ້ຕົກລົງບໍ່ເຄີຍໄດ້ຮັບການປະຕິບັດຕາມຢ່າງສົມບູນ ແລະກະບົດເອຊທີເອສຄວບຄຸມພື້ນທີ່ທົ່ວແຂວງອິດລິບຕັ້ງແຕ່ເດືອນມີນາປີນີ້


ຈາກຂໍ້ມູນຂອງເອສໂອເອຊເອົາຣ ການສູ້ຮົບຕໍ່ເນື່ອງໃນແຂວງດິດລິບ ຕັ້ງແຕ່ທ້າຍເດືອນເມສາຈົນເຖິງຂະນະນີ້ ການໂຈມຕີທາງອາກາດຂອງເຮືອບິນຮົບຣັດເຊຍ ແລະຊີເຣຍເຮັດໃຫ້ພົນລະເຮືອນເສຍຊີວິດກວ່າ 560 ຄົນ ແລະພົນລະເຮືອນຍັງເສຍຊີວິດຈາກສີມືຂອງກຸ່ມກະບົດອີກກວ່າ 40 ຄົນ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *