ຫວຽດນາມ ກຽມທຸ່ມງົບ 26 ພັນລ້ານດອນລາ ສ້າງລົດໄຟຄວາມໄວສູງເຊື່ອມ ຮ່າໂນຍ-ໂຮຈິມິນ

ສື່ທ້ອງຖິ່ນຂອງຫວຽດນາມລາຍງານເມື່ອວັນພຸດທີ່ຜ່ານມາ 10 ກໍລະກົດ 2019 ວ່າໂຄງການກໍ່ສ້າງເສັ້ນທາງລົດໄຟຄວາມໄວສູງເຊື່ອມລະຫວ່າງພາກເຫນືອກັບພາກໃຕ້ຂອງປະເທດຫວຽດນາມຈະໃຊ້ງົບປະມານ 26 ພັນລ້ານດອລລາ ຊື່ງຈະເຮັດໃຫ້ປະຊາຊົນເດີນທາງຈາກນະຄອນຮ່າໂນຍໄປຍັງນະຄອນໂຮ່ຈິມິນຊິດຕີໄດ້ພາຍໃນ 8 ຊົ່ວໂມງ


ສຳນັກຂ່າວຫວຽດນາມນິວສລາຍງານວ່າກະຊວງແຜນການແລະການລົງທືນຂອງຫວຽດນາມກ່າວອ້າງອີງການວິເຄາະຕົ້ນທືນ ປະສິດທິຜົນໂດຍຜູ້ຊ່ຽວຊານຈາກເຢຍລະມັນ ແລະເນເທີແລນ ຊື່ງລະບຸວ່າດ້ວຍໄລຍະທາງຍາວໄກຫລາຍພັນກິໂລ ເສັ້ນທາງລົດໄຟດັ່ງກ່າວຈະຕ້ອງແລ່ນດ້ວຍຄວາມໄວສູງສຸດ 200 ກິໂລແມັດຕໍ່ຊົ່ວໂມງຈື່ງຈະຄຸ້ມທືນ ແລະມີປະສິດທິຜົນ


ກ່ອນຫນ້ານີ້ກະຊວງຄົມມະນາຄົມຂອງຫວຽດນາມສະເຫນີແຜນການກໍ່ສ້າງເສັ້ນທາງລົດໄຟຄວາມໄວສູງສາຍໃຫ່ມຊື່ງຈະກຳນົດໃຫ້ລົດໄຟໃຊ້ຄວາມໄວໄດ້ສູງສຸດ 320 ກິໂລແມັດຕໍ່ຊົ່ວໂມງ ແລະຄາດວ່າຕ້ອງໃຊ້ເງີນລົງທືນປະມານ 58.700 ລ້ານດອລລາ ໃນໄລຍະເວລາ 30 ປີ ລະຫວ່າງປີ 2020-2050
ໂດຍລະບຸວ່າໂຄງການເສັ້ນທາງລົດໄຟດັ່ງກ່າວຈະດຳເນີນການພາຍໃຕ້ຮູບແບບສະຖານະຫຸ້ນສ່ວນລະຫວ່າງລັດ ແລະເອກະຊົນ ໂດຍ 80 ສ່ວນຮ້ອຍຂອງເງີນລົງທືນຈະໄດ້ຮັບການຈັດສັນມາຈາກງົບປະມານຂອງລັດ ແລະສ່ວນທີ່ເຫລືອຈະມາຈາກພາກເອກະຊົນ

ຢ່າງໃດກໍ່ດີ ອະດີດລັດຖະມົນຕີຊ່ວຍວ່າການກະຊວງຄົມມະນາຄົມຂອງຫວຽດນາມລະບຸວ່າ ງົບປະມານເບື້ອງຕົ້ນ 58.700 ລ້ານດອລລາ ນັ້ນຈະເປັນພາລະຫນັກຫນ່ວງຕໍ່ເສດຖະກິດຫວຽດນາມ ເນື່ອງຈາກເປັນມູນຄ່າສູງກວ່າງົບປະມານລາຍປີທີ່ລັດຈັດສັນໃຫ້ກັບການພັດທະນາໂຄງສ້າງພື້ນຖານດ້ານຄົມມະນາຄົມເຖິງ 5 ເທົ່າໂຕ


ທັງນີ້ຫາກນາຍົກລັດຖະມົນຕີຫວຽດນາມອະນຸມັດໂຄງການລົດໄຟຄວາມໄວສູງ ເຫນືອ-ໃຕ້ ຈະນຳໄປສູ່ຂັ້ນຕອນຕໍ່ໄປໂດຍໃຫ້ສະພາແຫ່ງຊາດຂອງຫວຽດນາມລົງມະຕິວ່າຈະໃຫ້ເດີນຫນ້າຕໍ່ຫລືບໍ່
ອີກຢ່າງ ຂໍ້ມູນຈາກສຳນັກງານສະຖິຕິທົ່ວໄປ (General Statistics Ofiice) ຂອງຫວຽດນາມລະບຸວ່າໃນຊ່ວງເຄີ່ງແລກຂອງປີ 2019 ພາກການລົດໄຟຂອງຫວຽດນາມຮອງຮັບຜູ້ໂດຍສານ 4,2 ລ້ານຄົນ ແລະສິນຄ້າ 2,6 ລ້ານໂຕນ ຫລຸດລົງ 6,8 ສ້ວນຮ້ອຍ ແລະ 10.4 ສ່ວນຮ້ອຍຕາມລຳດັບເມື່ອທຽບປີຕໍ່ປີ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *