ຜັກສະເມັກ ເປືອກໃຊ້ເພື່ອທຳຄວາມສະອາດບາດແຜ

ບັນຍາຍລັກສະນະພືດສາດ
ຜັກສະເມັກ ເປັນຕົ້ນໄມ້ບໍ່ຫຼົ່ນໃບ ມີຄວາມສູງ ສູງສຸດ 20 ມ ແລະ ມີໜ້າຕ້າງ ປະມານ 18 ຊມ, ເປືອກຂອງມັນກ້ຽງມີສີແດງຫາສີຕັບໝູໃບຂອງມັນມີລັກສະນະຮູບໄຂຍາວ ຂະໜາດ 5-11 x 1.5-4.9 ຊມ ແລະ ບັນຈຸນ້ຳມັນຫອມ.


ໃບອ່ອນເປັນສີຂາວເຫຼືອງ ຫຼື ແດງ. ຊໍ່ດອກ ຍາວ 5 -20 ຊມ ມີດອກນ້ອຍຫຼາຍໆດອກເກີດເປັນຈຸ້ມ ສີຂາວ ແລະ ມີກິ່ນຫອມ. ໝາກຂອງມັນ ເປັນຮູບໄຂ່ ຍາວ 3-8 ມມ ແລະ ກວ້າງ 2-8 ມມ ຕອນຍັງອ່ອນໆ ເປັນສີດຳ ແລະ ຈະປ່ຽນເປັນສີຂາວເວລາສຸກເຕັມທີ່ຜັກສະເມັກມີສອງພັນແຕກຕ່າງກັນ ຄື: var. gratum ແລະ var. confertum, ໃນນີ້ ພັນທີສອງ ຈະມີຊໍ່ດອກສັ້ນກວ່າ ແລະ ມີຈຸດດ່າງຢູ່ຜິວໃບ.

ຢູ່ໃນລາວ ພວກເຮົາຮຽກກັນຕາມສີຂອງໃບອ່ອນ ຊຶ່ງມີສະເມັກແດງ ແລະ ສະເມັກຂາວ ທີ່ມີໃບເປັນສີແດງອ່ອນ ແລະ ສີຂາວອ່ອນ ຕາມລຳດັບ. ໃບສະເມັກຂາວ ແມ່ນໄດ້ຮັບຄວາມນິຍົມຊົມຊອບກັນຫຼາຍ ແລະ ມີລາຄາແພງກວ່າ ສະເມັກແດງ.

ບັນຍາຍການນຳໃຊ້
ຍອດ ແລະ ໃບອ່ອນຂອງຕົ້ນໄມ້ຊະນິດນີ້ ມີລົດຝາດ ສົ້ມ ສາມາດກິນເປັນຜັກກັບລາບໄດ້. ຜັກສະເມັກເປັນຜັກປ່າ ທີ່ໄດ້ຮັບຄວາມຍິຍົມທີ່ສຸດຢູ່ໃນລາວ ແລະ ພາກຕາເວັນອອກສ່ຽງເໜືອ ຂອງປະເທດໄທ.

ເປືອກຂອງມັນນັ້ນ ເພິ່ນມັກນຳໃຊ້ເຂົ້າໃນການປຸງລົດຊາດຂອງປາ ໃຫ້ໄດ້ລົດ ຊາດຝາດ ແລະ ໃຊ້ເພື່ອທຳຄວາມສະອາດບາດແຜ. ນອກນັ້ນ ເປືອກສະເມັກ ກໍຄ້າຍຄືເປືອກ ກະໂດນ (Barringtonia), ຊຶ່ງເມື່ອນຳມາເຮັດສີຍ້ອມຜ້າ ຈະໄດ້ສີຊົມພູອົມເຫຼືອງ ແລະ ສຸດ ທ້າຍ ຈະກາຍເປັນສີດຳ.
ຂອບໃຈຂໍ້ມູນຈາກ: ພາເຂົ້າລາວ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *