ບຸກຈັບຄາເຮືອນ ພົບຢາບ້າ 361 ເມັດ ຢູ່ບ່ອນນອນ

ໜ່ວຍງານຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ເມືອງສິງ ແຂວງຫຼວງນໍ້າທາ ໄດ້ສົມທົບກັບອໍານາດການປົກຄອງບ້ານ ເຂົ້າຈັບຕົວເປົ້າໝາຍຄ້າຂາຍຢາເສບຕິດປະເພດຢາບ້າ ຊື່ ທ້າວ ຄໍາຜາຍ ອາຍຸ 45 ປີ ຢູ່ບ້ານຈຽງມູນ ເມືອງສິງ ແຂວງຫຼວງນໍ້າທາ ພ້ອມກວດຄົ້ນເຮືອນ ພົບເຫັນຢາບ້າ ຈໍານວນ 361 ເມັດ ຢູ່ຫ້ອງນອນຂອງຜູ້ກ່ຽວ.

ເຈົ້າໜ້າທີ່ ປກສ ເມືອງສິງ ໃຫ້ຮູ້ວ່າ: ໃນວັນທີ 9 ພຶດສະພາ 2019ເຈົ້າໜ້າທີ່ ປກສ ເມືອງສິງ ໄດ້ເຂົ້າຈັບຕົວ ທ້າວ ຄໍາຜາຍ ເຊິ່ງເປັນເປົ້າໝາຍຕິດຕາມຕົວຂອງເຈົ້າໜ້າທີ່ ເນື່ອງຈາກໄດ້ມີການພົວພັນຊື້-ຂາຍຢາບ້າພາຍໃນບ້ານ ໂດຍບໍ່ເກງກົວລະບຽບກົດໝາຍ.

ຜ່ານການສອບສວນ ທ້າວ ຄໍາຜາຍ ຮັບສາລະພາບວ່າ: ຢາບ້າ ຈໍານວນ 361 ເມັດ ເປັນ ຂອງຜູ້ກ່ຽວແທ້, ຊື້ນໍາຄູ່ຮ່ວມຂະບວນການນໍາກັນ ເພື່ອເອົາໄວ້.ຄະດີດັ່ງກ່າວ ເຈົ້າໜ້າທີ່ກໍາລັງສະຫຼຸບສໍານວນຄະດີ ສົ່ງໃຫ້ໄອຍະການ ສັ່ງຟ້ອງສານຕັດສິນຕາມກົດໝາຍ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *