ຕົ້ນໝາກແຕກ ໃບດູດໜອງໃຊ້ພອກແຜ ຊ່ວຍສະໝານບາດແຜ ແຜມີຝ້າ ມີໜອງ ປົວໂຣກກະເພາະອາຫານ

ບັນຍາຍລັກສະນະພືດສາດ
ຕົ້ນໝາກແຕກເປັນພືດລຳຫຍ້າ, ລົ້ມສູງ, ສູງປະມານ 20 – 40 ຊັງຕີແມັດ, ແຕກກິ່ງງ່າຫຼາຍ ແລະ ມີລັກສະນະເປັນຟຸ່ມ, ມີຮາກພົ້ວ, ມີລຳ 4 ຫຼ່ຽມ ເປັນຂໍ້ອອກສີຂຽວ. ຕີນຂໍ້ກົມ ແລະ ເປັນເປົ້າ, ມີຂົນຫຸ້ມຢ່າງແໜ້ນໜາ.

ໃບ: ແມ່ນໃບປະເພດດ່ຽວ, ຈັບພາບກັນເປັນຄູ່, ໃບມີຮູບຍາວ, ມີຂະໜາດ ( 10-11 ) x ( 2-4 ) ຊັງຕີແມັດ, ກ້ານໃບຍາວ 1 – 1,5 ຊັງຕີແມັດ, ເປ ແລະ ເປັນຮ່ອງຢູ່ກາງ. ເນື້ອໃບເບື້ອງເທີງ ອອກສີຂຽວຊ້ຳກວ່າເບື້ອງລຸ່ມ. ກ່າງໃບໂຄ້ງ ແລະ ຕໍ່ກັນຢູ່ແຄມຂອງເນື້ອໃບ, ມີ 8 – 10 ຄູ່.


ດອກ: ອອກເປັນຊໍ່, ແບບສຸດເປັນ, ຈັບຢູ່ຫຼືບໃບ, ແມ່ນດອກປະເພດ 5 ແລະ ມີເພດຮ່ວມ. ກີບດອກຕິດກັນເປັນທໍ່ເວລາບານຈະອອກສີອິດຍູ່ຍີ່, ປາຍທໍ່ແຍກເປັນ 5 ກີບ. ໝາກ: ເປັນຮູບທໍ່ກົມ, ຍາວ 3 – 4 ຊັງຕີແມັດ, ເວລາດິບມີສີຂຽວ, ເມື່ອແກ່ແລ້ວໝາກມີສີເຂືອງຊ້ຳ. ເມື່ອຖືກນ້ຳໝາກຈະແຕກເປັນສອງງີມ. ແກ່ນມີຂະໜາດນ້ອຍ, ມີຮູບແປ ແລະ ມີຂົນຈັບຢູ່ຕາມແຄມ.

ບັນຍາຍການນຳໃຊ້
ເມັດໃຊ້ປົວບາດແຜອັກເສບ, ຮາກມີຜົນກະຕຸ້ນໃຫ້ມີອາການປວດຮາກ, ໃບ້ດູດໜອງໃຊ້ພອກແຜ, ຊ່ວຍສະໝານບາດແຜ, ແຜມີຝ້າ, ມີໜອງ ໃບໃຊ້ປົວໂຣກກະເພາະອາຫານ, ຮາກນຳມາເປັນສ່ວນປະສົມຂອງຢາໃຊ້ດັບພິດປັດສະວະພິການ ແລະ ແກ້ພິດຕ່າງໆ.


ຂອບໃຈຂໍ້ມູນຈາກ: ພາເຂົ້າລາວ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *