ລັດ ຕັ້ງເປົ້າສ້າງລາຍຮັບກວ່າ 700 ລ້ານ ໂດລາ ຈາກການທ່ອງທ່ຽວ

ທ່ານລັດຖະມົນຕີກະຊວງຖະແຫລງຂ່າວວັດທະນະທໍາແລະ ທ່ອງທ່ຽວ ໃຫ້ຮູ້ວ່າ: ລັດຖະບານໄດ້ມີນະໂຍບາຍສົ່ງເສີມ ແລະ ຊຸກຍູ້ການທ່ອງທ່ຽວຢ່າງແຂງແຮງ ແລະ ຖືເປັນບູລິມະສິດຫນຶ່ງໃນແຜນພັດທະນາເສດຖະກິດຂອງຊາດຍ້ອນວ່າການທ່ອງທ່ຽວໄດ້ສ້າງລາຍຮັບເປັນອັນດັບສອງຂອງຊາດຖັດຈາກຂະແຫນງການບໍ່ແຮ່,

ໂດຍມີນັກທ່ອງທ່ຽວເຂົ້າມາປະເທດເພີ່ມຂຶ້ນໃນແຕ່ລະປີສະ ເລ່ຍປະມານ4ລ້ານກວ່າເທື່ອຄົນ,ອັນໄດ້ປະກອບສ່ວນພັດທະນາເສດຖະກິດຂອງຊາດໃຫ້ເຂັ້ມແຂງ,ກະຈາຍລາຍໄດ້ສູ່ທ້ອງຖິ່ນ ແລະ ຫລຸດຜ່ອນການຮົ່ວໄຫລຂອງເງິນຕາອອກນອກປະເທດ ແລະ ໃນປີ 2019 ນີ້ ໄດ້ຕັ້ງເປົ້າດຶງ ດູດນັກທ່ອງທ່ຽວໃຫ້ເຂົ້າມາລາວຫລາຍກວ່າ 4,5 ລ້ານເທື່ອຄົນ ແລະສ້າງລາຍ ຮັບໃຫ້ໄດ້ຫລາຍກວ່າ 700 ລ້ານໂດລາສະຫະລັດ.

ເພື່ອບັນລຸຄາດຫມາຍ ດັ່ງກ່າວຈະໄດ້ສຸມໃສ່ວຽກງານສໍາຄັນຄື: ສືບຕໍ່ສ້າງ ແລະ ປັບປຸງແຫລ່ງ ທ່ອງທ່ຽວຢ່າງມີຈຸດສຸມແຂວງລະ 5 ແຫ່ງ, ເຜີຍແຜ່ໂຄສະນາວຽກງານທ່ອງທ່ຽວໃຫ້ເລິກເຊິ່ງ ແລະ ກ້ວາງຂວາງ, ສຶບຕໍ່ລະດົມແຫລ່ງທຶນຈາກພາກທຸລະ ກິດພາຍໃນ ແລະ ຕ່າງປະເທດເພື່ອປັບປຸງ ແລະ ພັດທະນາພື້ນຖານໂຄ່ງລ່າງ,

ໂດຍສະເພາະເສັ້ນທາງເຂົ້າສູ່ແຫລ່ງທ່ອງທ່ຽວ, ກໍ່ສ້າງສິ່ງອໍານວຍຄວາມສະດວກພາຍໃນແຫລ່ງທ່ອງທ່ຽວໃຫ້ດີຂຶ້ນ, ຕັ້ງຫນ້າໂຄສະນາການທ່ອງທ່ຽວລາວໃນຫລາຍຮູບແບບຕໍ່ພາຍໃນ ແລະ ຕ່າງປະເທດໃຫ້ຫລາຍຂຶ້ນ ແລະສືບຕໍ່ຈັດ ກິດຈະກໍາທາງດ້ານວັດທະນະທໍາປະເພນີ ແຕ່ລະທ້ອງຖິ່ນ ເພື່ອດຶງດູດນັກທ່ອງທ່ຽວເຂົ້າມາທ່ຽວປະເທດເຮົາໃຫ້ນັບມື້ຫລາຍຂຶ້ນ.

ຂໍ້ມູນ: ນສພ ລາວພັດທະນາ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *