ນັດຊີງບັນລັງແຫ່ງລະດູການ Pepsi Lao Premier League

Pepsi Lao Prier League ໄດ້ຈັດການດຳເນີນການແຂ່ງຂັນບານເຕະມາຕັ້ງແຕ່ເດືອນມີນາ 2019 ເປັນຕົ້ນມາ ແລະ ໄດ້ມີທີມເຂົ້າຮ່ວມຈຳນວນ 6 ທີມ ເຊິ່ງໃນນັ້ນກໍໄດ້ເປັນຈຸດເປີດກະແສບານເຕະລາວໃຫ້ກ້າວໜ້າໄປສູ່ລະດັບສາກົນ ແລະ ໃນວັນທີ 22/06/2019 ນີ້ກໍຈະມີການແຂ່ງຂັນນັດສຳຄັນອີກນັດໜຶ່ງທີ່ສາມາດເວົ້າໄດ້ວ່າເປັນນັດຊີງບັນລັງແຫ່ງລະດູການ ເຊິ່ງຈະລົງແຂ່ງຂັນໂດຍທີມ ຊ້າງນ້ອຍ FC ແລະ Lao Toyota FC ເຊິ່ງທັງສອງທີມນີ້ໄດ້ລົງແຂ່ງມາ ແລະ ເກັບຄະແນນໄດ້ດີກວ່າທີມອື່ນໆ.


ເຮົາມາເບິ່ງຜົນງານ ແລະ ຈຸດເດັ່ນຂອງທັງສອງທີມນີ້ນຳກັນເລີຍ
ຊ້າງນ້ອຍ FC ຖືໄດ້ວ່າເປັນທີມ 1 ໃນ 3 ທີມທັງໝົດທີ່ໃຊ້ນັກເຕະທີ່ເປັນຄົນລາວທັງໝົດ ແລະ ໄດ້ເກັບຄະແນນໃນລະດັບດີພໍສົມຄວນ ແລະ ຍັງບໍ່ເຄີຍເສຍໃຫ້ທີມໃດ. ຈາກການລົງສະໜາມ 6 ຄັ້ງ ຊະນະ 3 ນັດ ແລະ ສະເໝີ 3 ນັດ.

ຫຼັງຈາກທີ່ຝຶກຝົນ ແລະ ເກັບໂຕຝຶກຊ້ອມມາເປັນຢ່າງດີ ໂດຍການເກັບປະສົບການຈາກຫຼາຍປີຜ່ານມາ ຊ້າງນ້ອຍ FC ໄດ້ພັດທະນາຂຶ້ນມາເລື້ອຍໆ ຈົນສາມາດສ້າງຊື່ສຽງໃຫ້ວົງການບານເຕະລາວ ແລະ ສັ່ນສະໜາມບານເຕະໄດ້ດີພໍສົມຄວນ.

ຜ່ານການຄຸມທີມຂອງ ກັນລະຍາ ສີສົມຫວັງ ຍັ້ງຍື່ນວ່ານັດນີ້ເປັນນັດທີ່ໜັກພໍສົມຄວນ ແຕ່ທັງທີມກໍຈະເຮັດໃຫ້ດີ ແລະ ສຸດຄວາມສາມາດ
ດ້ານຝ່າຍ ລາວໂຕໂຢຕາ ແຊັມເກົ່າ ເປັນອີກທີມໜຶ່ງທີ່ມີຜົນງານດີເດັ່ນຕະຫຼອດມາ ຍັ້ງຢືນໄດ້ຈາກການເປັນທີມຕົວແທນຂອງລາວເຂົ້າໄປແຂງລາຍການ AFC Cup ແລະ ຍັງເປັນທີມນໍາໃນລາຍການນີ້ອີກດ້ວຍ ດ້ວຍຜົນການລົງສະໜາມ ແລະ ຍັງບໍ່ໄດ້ເສຍໃຫ້ທີມໃດເລີຍ.

ຖືໄດ້ວ່າເປັນທີມທີ່ມີຜົນງານດີພໍສົມຄວນ ແລະ ເປັນທີມທີ່ມີຄວາມແຂງແກ່ນ. ສະນັ້ນນັດນີ້ກໍເປັນອີກນັດທີ່ມີຄວາມສຳຄັນຂອງທີມ ລາວໂຕໂຢຕາເຊັ່ນກັນ
ສະນັ້ນສຳຫຼັບທ່ານໃດທີ່ມັກຮັກໃນດ້ານກິລາບານເຕະກໍ່ສາມາດໄປຮ່ວມເຊຍ ແລະ ໃຫ້ກຳລັງໃຈທີມ ແລະ ນັກເຕະທີ່ທ່ານມັກໄດ້ ເຊິ່ງຈະໄດ້ມີການແຂງຂັນໃນວັນເສົາ 22/06/2019 ນີ້ ທີ່ເດີ່ນກິລາ ຫຼັກ 16.ເລີ່ມແຕ່ເວລາ 18.00 ເປັນຕົ້ນໄປ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *