ທ່ານ​ສີ​ຈິ້ນ​ຜິງ​ພົບ​ປະ​ກັບ​ປະ​ທາ​ນາ​ທິ​ບໍ​ດີ​ກາ​ຊັກ​ສະ​ຖານ

ທ່ານ​ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ໄດ້​ພົບ​ປະ​ກັບ​ທ່ານ​ຄາ​ສຊິມໂຈ​ມັດ ໂຕ​ຄາ​ເຢັ​ຟ ປະ​ທາ​ນາ​ທິ​ບໍ​ດີ​ກາ​ຊັກ​ສະ​ຖານ​ຢູ່​ນະ​ຄອນຫຼວງ​ບິ​ສ​ເຄັກ​ໃນ​ວັນ​ທີ13 ມິ​ຖຸ​ນາ​ນີ້.

ທ່ານ​ສີ​ຈິ້ນ​ຜິງ​ກ່າວ​ເນັ້ນ​ວ່າ: ການ​ພົ​ວ​ພັນ​ຈີນ-ກາ​ຊັກ​ສະ​ຖານ​ໄດ້​ຂະ​ຫຍາຍ​ຕົວ​ຢ່າງ​ໝັ້ນ​ທ່ຽງ​ແລະ​ກ້າວ​ໄປ​ໜ້ານັບ​ມື້​ນັບ​ແໜ້ນ​ແຟ້ນ​ຍິ່ງ​ຂຶ້ນ.ນັບ​ຕັ້ງ​ແຕ່​ສອງ​ປະ​ເທດ​ສ້າງ​ຕັ້ງ​ສາຍ​ພົວ​ພັນ​ທາງ​ການ​ທູດ 27 ປີ​ມາ​ນີ້, ການ​ພົວ​ພັນ​ຈີນ-ກາ​ຊັກ​ສະ​ຖານ​ໄດ້​ບັນ​ລຸ​ການ​ພັດ​ທະ​ນາ​ແບບ​ກ້າວ​ກະ​ໂດດ​​ຂຶ້ນຢ່າງ​ບໍ່​ຢຸ​ດ​ຢັ້ງເຊິ່​ງ​ເປັນ​ຜົນ​ງານ​ຈາກ​ຜູ້​ນຳຫຼາຍ​ລຸ້ນ​ຂອງ​ສອງ​ປະ​ເທດ​ທີ່​ໄດ້​ເອົາ​ໃຈ​ໃສ່ຮັກ​ສາ​ແລະ​ຊຸກ​ຍູ້​ຢ່າງ​ເດັດ​ດ່ຽວ​ໜຽວ​ແໜ້ນ,ພວກ​ເຮົາ​ຕ້ອງ​ທະ​ໜຸ​ຖະ​ໜອມ​ສາຍ​ພົວ​ພັນ​ນີ້​ໃຫ້ຫຼາຍກວ່າ​ເກົ່າ.

ຈີນ-ກາ​ຊັກ​ສະ​ຖານ​ຮ່ວມ​ກັນ​ສ້າງ“ໜຶ່ງ​ແລວ​ໜຶ່ງ​ເສັ້ນ​ທາງ”​​ແມ່ນ​ພື້ນ​ຖານ​ອັນ​​ແໜ້ນ​ແກ່ນ, ​ແມ່ນທິດ​ທາງ​ອັນ​ຈະ​ແຈ້ງ​ແລະ​​ແມ່ນບາດ​ກ້າວ​​​ທີ່ໜັກແໜ້ນ.ສອງ​ຝ່າຍ​ຄວນ​ກຳ​ແໜ້ນ​ທິດ​ທາງ​ລວມ​ແຫ່ງ​ການ​ຮ່ວມ​ມື, ລົງ​ເລິກ​ການ​ເຮັດ​ໃຫ້​ແລວ​ເສດ​ຖະ​ກິດ​ເສັ້ນ​ທາງ​ສາຍ​ໄໝ​ເຊື່ອມ​ຕໍ່​ກັບ​ນະ​ໂຍ​ບາຍ​ເສດ​ຖະ​ກິດໃໝ່“ເສັ້ນ​ທາງ​ສະ​ຫວ່າງ​ສະ​ໄຫວ”, ເຮັດ​ໃຫ້​ການ​ຮ່ວມ​ມືລະ​ຫວ່າງ​ຈີນ-ກາ​ຊັກ​ສະ​ຖານ​ສ້າງ​ຜົນ​ປະ​ໂຫຍດ​​ຕົວ​ຈິງໃຫ້​ປະ​ຊາ​ຊົນ​ສອງ​ປະ​ເທດ​ກໍ​ຄື​ໃນ​ພາກ​ພື້ນ​ຢ່າງກວ້າງ​ຂວາງ.


ພວກ​ເຮົາ​ຍິນ​ດີ​ຮ່ວມ​ກັບ​ກາ​ຊັກ​ສະ​ຖານ​ເພີ່ມ​ທະ​ວີ​ການ​ຮ່ວມ​ມື​ໃນ​ຂອບ​ອົງ​ການ​ຮ່ວມ​ມື​ຊຽງ​ໄຮ້​ແລະ​ກອງ​ປະ​ຊຸມ​ກ່ຽວ​ກັບ​​ມາດ​ຕະ​ການ​ໃນ​ການປະ​ສານ​ງານແລະ​ການ​ສ້າງ​ຄວາມ​ໄວ້​ເນື້ອ​ເຊື່ອ​ໃຈ​ກັນ​ໃນ​ອາ​ຊີເພື່ອ​ປະ​ກອບ​ສ່ວນຫຼາຍກວ່າ​ເກົ່າ​ເຂົ້າ​ໃນ​ການ​ຊຸກ​ຍູ້​ຄວາມ​ໝັ້ນ​ຄົງ​ແລະ​ການ​ພັດ​ທະ​ນາ​ຂອງ​ພາກ​ພື້ນ.

ທ່ານ​ໂຕ​ຄາ​ເຢັ​ຟ​ກ່າວ​ວ່າ: ການ​ພັດ​ທະ​ນາ​ການ​ພົວ​ພັນ​ກັບ​ຈີນ​ເປັນ​ທິດ​ທາງ​ບູ​ລິ​ມະ​ສິດ​​ໃນນະ​ໂຍ​ບາຍ​ການ​ຕ່າງ​ປະ​ເທດ​ຂອງ​ກາ​ຊັກ​ສະ​ຖານ​ທັງສອດ​ຄ່ອງ​ກັບ​ຜົນ​ປະ​ໂຫຍດ​​ຂອງປະ​ຊາ​ຊົນ​ສອງ​ຊາດ.ກາ​ຊັກ​ສະ​ຖານ​ຈະ​ສຸມ​ໃສ່​ການ​ລົງ​ເລິກ​ສາຍ​ພົວ​ພັນ​ຄູ່​ຮ່ວມ​ຍຸດ​ທະ​ສາດ​ຮອບ​ດ້ານ​ກາ​ຊັກ​ສະ​ຖານ-ຈີນ,ຍິນ​ດີ​ຮ່ວມ​ກັບ​ຝ່າຍ​ຈີນ​ຮັກ​ສາ​ການ​ໄປ​ມາ​ຫາ​ສູ່​ກັນ​ລະ​ຫວ່າງ​ການ​ນຳ​ຂັ້ນ​ສູງ, ເພີ່ມ​ທະ​ວີ​ການ​ຮ່ວມ​ມື​ໃນ​ຂົງ​ເຂດ​ການ​ຄ້າ,ຄົມ​ມະ​ນາ​ຄົມ, ການ​ຈໍ​ລະ​ຈອນສິນ​ຄ້າ, ເສດ​ຖະ​ກິດ​ດີ​ຈີ​ຕອນ​ແລະ​ອື່ນໆ ທັງ​ຮັດ​ແໜ້ນ​ການ​ປະ​ສານ​ງານ​ລະ​ຫວ່າງຫຼາຍ​ຝ່າຍ​ອີກ​ດ້ວຍ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *