ນາ​ຍົກ​ກຳ​ປູ​ເຈຍ​ຮຽກ​ຮ້ອງ​ໃຫ້​ປ້ອງ​ກັນ​ການ​ເຜີຍ​ແຜ່​ຂ່າວ​ປອມ​ແລະ​ຂໍ້​ມູນ​ຂ່າວ​ສານ​ທີ່​ຜິດ​ກົດ​ໝາຍ

ກອງ​ປະ​ຊຸມ​ສຸດຍອດ​ສື່ມວນ​ຊົນ​ອາ​ຊີ​ຄັ້ງ​ທີ 16 ໄດ້​ຈັດ​ຂຶ້ນ​ຢູ່​ນະ​ຄອນ​ສຽມ​ລຽບ ປະ​ເທດ​ກຳ​ປູ​ເຈຍ​ໃນ​ວັນ​ທີ 12 ມິ​ຖຸ​ນາ​ນີ້, ຜູ້​ຕາງ​ໜ້າ​ຈາກ​ອົງ​ການ​ລັດ​ຖະ​ບານ, ສື່ມວນ​ຊົນ​ແລະ​ນັກ​ຂ່າວ​​ຈາກ 40 ກວ່າ​ປະ​ເທດ​ທັງ​ໝົດ 500 ກວ່າ​ຄົນ​ໄດ້​ເຂົ້າ​ຮ່ວມ​ພິ​ທີ​ເປີດກອງ​ປະ​ຊຸມ​ດັ່ງ​ກ່າວທີ່​ຈັດ​ຂຶ້ນ​ພາຍ​ໃຕ້​ຫົວ​ຂໍ້ “ສື່​ດິ​ຈີ​ຕອນ–ການ​ພັດ​ທະ​ນາ​ຕະຫຼາດ” ເຊິ່ງ​ມີ​ຈຸດ​ປະ​ສົງ​ເພື່ອ​ປຶກ​ສາ​ຫາ​ລື​ຜົນກະ​ທົບຂອງ​ເຕັກ​ນິກ​ໃໝ່​ແລະ​ສື່​ສັງ​ຄົມ​ອ໋ອນ​ລາຍ​ທີ່​ມີ​ຕໍ່​ການລາຍ​ງານຂ່າວ.

ໃນ​ພິ​ທີ​ເປີດກອງ​ປະ​ຊຸມ, ທ່ານ​ຮຸນ​ແຊນ ນາ​ຍົກ​ລັດ​ຖະ​ມົນ​ຕີ​ກຳ​ປູ​ເຈຍ​ໄດ້​ຮຽ​ກ​ຮ້ອງ​ໃຫ້​ສື່ມວນ​ຊົນ​ມີການ​ພົວ​ພັນ​ຮ່ວມ​ມື​ກັນ​ຢ່າງ​ແໜ້ນ​ແຟ້ນ,
ລາຍ​​ງານ​ຂ່າວ​ຕາມ​ຄວາມ​ເປັນ​ຈິງ​ເພື່ອ​ປ້ອງ​ກັນ​ບໍ່​ໃຫ້​ມີ​ຂ່າວ​ປອມ​ແລະ​ຂໍ້​ມູນ​ຂ່າວ​ສານ​ທີ່​ຜິດ​ກົດ​ໝາຍ.

ກອງ​ປະ​ຊຸມ​ສຸ​ດຍອດ​ສື່ມວນ​ຊົນ​ອາ​ຊີ​ຄັ້​ງ​ທຳ​ອິດ​ຈັດ​ຂຶ້ນ​ຢູ່​ນະ​ຄອນຫຼວງ​ກົວ​ລາ​ລຳ​ເປີ ປະ​ເທດ​ມາ​ເລ​ເຊຍ​ໃນ​ເດືອນ​ພຶດ​ສະ​ພາ​ປີ 2004, ຈາກ​ນັ້ນ​ມາ​ໄດ້​ຈັດ​ຂຶ້ນ​ປີ​ລະ​ຄັ້ງ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *