7 ວິທີຊ່ວຍຫຼຸດກິ່ນປາກຈາກການກິນກະທຽມ

ກະທຽມ ມີຄຸນປະໂຫຍດຫຼາຍຢ່າງຕໍ່ສຸຂະພາບ ໂດຍສະເພາະການກິນກະທຽມສົດ ແຕ່ມີຫຼາຍໆຄົນເມື່ອເຫັນກະທຽມສົດຈະມັກເຂ່ຍຖິ້ມ ເພາະເຜັດ ແລະ ບໍ່ມັກກິ່ນຂອງມັນ, ເຊິ່ງຄວາມເຜັດນັ້ນ ບຶດດຽວກໍເຊົາ ແຕ່ກິ່ນທີ່ຕິດປາກນັ້ນຕິດດົນ ແລະ ຫຼາຍໆຄົນກໍບໍ່ກ້າທີ່ຈະກິນ ເພາະບໍ່ໝັ້ນໃຈ. ມື້ນີ້ເຮົາມີວິທີດັບກິ່ນຈາກຫອມ ແລະ ກະທຽມມາບອກກັນ.
1.ໃບສີດາ:
ການກິນຫອມ, ກະທຽມ ສາມາດເອົາໃບສີດາມາດັບກິ່ນໄດ້ ໂດຍການເອົາໃບສີດາມາລ້າງໃຫ້ສະອາດ 2-3 ໃບ ເອົາມາຫຍໍ້າ ແລ້ວຄາຍອອກ ແລະ ກົ້ວປາກດ້ວຍນໍ້າເກືອ.

2. ແອັບເປິ້ນ:
ເພາະໃນແອັບເປິ່ນປະກອບດ້ວຍເອນໄຊອອກຊິເດດ ທີ່ປ່ອຍປະຕິກິລິຍາທາງເຄມີອອກມາດັບກິ່ນເໝັນຂອງສານກຳມະຖັນ ດັ່ງນັ້ນ ຢ່າລືມຊອກແອັບເປິ່ນມາກິນ ຫຼັງຈາກກິນກະທຽມແລ້ວ.

3. ກາເຟດຳ:
ຫຼັງຈາກກິນກະທຽມແລ້ວ ໃຫ້ກິນກາເຟດຳ 1 ແກ້ວ ກິ່ນຂອງກາເຟ ຈະຊ່ວຍດັບກິ່ນບໍ່ປະສົງ ທີ່ເກີດຈາກອາຫານຈຳພວກກະທຽມໄດ້.
4. ຊາ:
ໂດຍການກິນຊາຂຽວ ເພາະຊາຂຽວມີສານໂພລີຟິນນອລ ທີ່ຊ່ວຍດັບກິ່ນໄດ້.

5. ໝາກນາວ:
ເອົາໝາກນາວມາປາດເປັນປ່ຽງ ໂດຍບໍ່ປອກເປືອກ ແລ້ວເອົາມາຫຍໍ້າ ເພື່ອໃຫ້ກົດໃນໝາກນາວຊ່ວຍດັບກິ່ນ.
6. ກິນນົມສົດ:
ວິທີທີ່ດີຄືກິນພ້ອມກັບອາຫານ ເພື່ອໃຫ້ໄຂມັນຈາກນົມ ຊ່ວຍໃຫ້ສານປະກອບກຳມະຖັນເປັນກາງໄດ້ ໂດຍສະເພາະນົມທີ່ມີໄຂມັນແມ່ນດີທີ່ສຸດ.

7. ນໍ້າຢາຫຼຸດກິ່ນປາກສູດຂີງ ແລະ ໝາກນາວ:
ໂດຍການເອົາໝາກນາວ 1 ບ່ວງ, ນໍ້າຂີງສົດ 1 ບ່ວງ ແລະ ນໍ້າອຸ່ນ 1 ແກ້ວ ເອົາມາປະສົມໃຫ້ເຂົ້າກັນ ແລ້ວໃຊ້ກົ້ວປາກຫຼັງຈາກກິນອາຫານ.

ກະທຽມເປັນສະໝຸນໄພປະເພດໜຶ່ງທີ່ມີປະໂຫຍດກັບຮ່າງກາຍຫຼາຍ ດັ່ງນັ້ນ ຢ່າຟ້າວວ່າບໍ່ກິນກະທຽມ ເພາະກິ່ນມັນແຮງ ລອງເອົາວິທີທີ່ເວົ້າມານີ້ໄປເຮັດເບິ່ງຈະເຫັນຜົນໄດ້ແນ່ນອນ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *