ທົ່ວປະເທດ ມີ​ຜູ້​ຕິດ​ເຊື້ອ​ໄຂ້​ຍຸງ​ລາຍ ຫລາຍກວ່າ 5 ພັນກໍລະນີ ແລະ ​ເສຍ​ຊີວິດແລ້ວ 16 ຄົນ

ກະຊວງ ສາທາລະນະສຸກ ລາຍງານໃຫ້ຮູ້ໃນມໍ່ໆນີ້ວ່ານັບແຕ່ເດືອນມັງກອນຕົ້ນປີ ຫາວັນທີ10 ມິຖຸນາ 2019, ທົ່ວປະເທດມີຜູ້ຕິດເຊື້ອໄຂ້ຍຸງລາຍ ຫຼາຍກວ່າ 5,600 ກໍລະນີ ແລະ ເສຍຊີວິດແລ້ວ 16 ຄົນ. ໃນນີ້ເສຍຊີວິດຫລາຍກວ່າໝູ່ແມ່ນຢູ່ນະຄອນຫຼວງວຽງຈັນ ມີ 5ຄົນ, ຖັດລົງມາແມ່ນ ຢູ່ແຂວງຈຳປາສັກ ມີຢູ່ເສຍຊີວິດ 4 ຄົນ, ສະຫວັນນະເຂດ ເສຍຊີວິດ 4 ຄົນ, ສາລະວັນ ເສຍຊີວິດ 2 ຄົນ ແລະ ບໍລິຄຳໄຊ ເສຍຊີວິດ 1 ຄົນ.


ກະຊວງຍັງໄດ້ໃຫ້ຮູ້ອີກຕຶມວ່າ, ຂະແໜງສາທາລະນະສຸກ ແລະ ອຳນາດການປົກຄອງ ໄດ້ສຸມໃສ່ການປ້ອງກັນ ແລະ ສະກັດກັ້ນພະຍາດດັ່ງກ່າວຢ່າງຈິງຈັງ ດ້ວຍການເອົາໃຈໃສ່ໂຄສະນາໃຫ້ປະຊາຊົນຮູ້ປ້ອງກັນຕົນເອງ ແລະ ທຳລາຍແຫລ່ງເພາະພັນຂອງຍຸງລາຍຢູ່ຕາມເຮືອນຊານ ແລະ ເຂດທີ່ມີຄວາມສ່ຽງຕ່າງໆ

ເພື່ອກຳຈັດ​ແຫ​ລ່ງ​ເພາະ​ພັນ​ໜອນ​ນ້ຳ​ຍຸງ​ລາຍທີ່ເປັນພາຫະນະນຳເຊື້ອ, ໂດຍ​ສະ​ເພາະ​ປະຕິບັດຫລັກການ 5 ປ ຂອງ​ກະຊວງ​ສາທາລະນະ​ສຸກ​ວາງ​ອອກ ຄື: ປ ປິດ (ປົກ​ປິດ​ພາ​ສະ​ນະ​ທີ່​ກັກ​ເກັບ​ນ້ຳ​ທັງ​ໃນ ​ແລະ ນອກ​ເຮື​ອນ ບໍ່​ໃຫ້​ຍຸງ​ລາຍ​ມາ​ໄຂ່​ໃສ່), ປ ປ່ຽນ (ປ່ຽນ​ນ້ຳ ​ໃນ​ພາ​ສະ​ນະ​ທີ່​ກັກ​ເກັບ​ນ້ຳ ​ເຊັ່ນ: ​ເຕົ້າ​ດອກ​ໄມ້, ນ້ຳ​ຮອງ​ຕີ​ນຕູ້ ​ແລະ ອື່ນໆ), ປ ປ່ອຍ (ປ່​ອຍປາ​ຫາງ​ຍົກ​ຍຸງ ​ເພື່ອ​ກິນ​ໜອນ​ນ້ຳ),

ປ ປັບປຸງ (ປັບປຸງ​ສິ່ງ​ແວດ​ລ້ອມ​ອ້ອມ​ເຮືອນ ໃຫ້​ສະອາດ​ເປັນ​ປະຈຳ​ທຸກ​ອາທິດ) ​ແລະ ປ ປະຕິບັດ ​ໃຫ້ເປັນນິໃສ ທຸກໆອາທິດ. ແນ​ໃສ່​ເຮັດ​ໃຫ້ການ​ລະບາດ​ຂອງ​ພະຍາດ​ໄຂ້ຍຸງ​ລາຍຫລຸດລົງ​ເທື່ອ​ລະ​ກ່າວ ​​ເຮັດ​ໃຫ້ຊີວິດ​ການ​ເປັນ​ຢູ່​ຂອງ​ປະຊາຊົນປາສະ​ຈາກພະຍາດ, ​ໂລກ​ໄພ​ໄຂ້​ເຈັບ ແລະ ສຸຂະພາບ​​ແຂງ​ແຮງ.

ຂ່າວ: ບົວຜັນ
ພາບ: ອົງການອານາໄມໂລກ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *