ຜັກກູດ ເປັນຢາເຢັນ ແລະ ເປັນຢາບໍາລຸງຜິວໝັງ

ບັນຍາຍລັກສະນະພືດສາດ
ຜັກກູດ ຊະນິດນີ້ມີຄວາມສູງ ປະມານ 2.5 ມ; ມີຮາກ ແລະ ເຫງົ້າສູງ ແຕ່ 1-1.5 ມ ແລະ ມີໜ້າຕັດ 2 ຊມ. ມັນມັກເກີດເປັນກຸ່ມ ແລະ ມີເກັດສີນໍ້າຕານດຳ ຂະໜາດ 10 x 1.2 ມມ. ກ້ານໃບຍາວປະມານ 70 ຊມ; ໃບປະສົມຂອງມັນ

ມີຄວາມຍາວຮອດ 1.7 ມ ປະກອບດ້ວຍ 12-16 ໃບຍ່ອຍ ທີ່ມີປາຍໃບສ້ວຍ ແຕ່ລະໃບມີຂະໜາດຄວາມຍາວ 40 ຊມ ແລະ ກວ້າງ 25 ຊມ. ຢູ່ຕາມຄວາມຍາວທັງໝົດຂອງເສັ້ນໃບ ຈະມີສະປໍຕິດຢູ່.

ບັນຍາຍການນຳໃຊ້
ຜັກກູດກໍ່ເປັນຜັກຊະນິດໝື່ງທີ່ມີປະໂຫຍດບໍ່ນ້ອຍໄປກວ່າຜັກປ່າຊະນິດອື່ນໃດໆ, ຜັກກູດມີປະໂຫຍດທັງທາງກົງ ແລະ ທາງອ້ອມ. ປະໂຫຍດທາງອ້ອມມີຄື: ຜັກກູດເກີດແຄມນໍ້າຕ່າງໆ ຈື່ງເປັນສ່ວນໝື່ງ ໃນການລຸດຜ່ອນ ການເຈາະຟັງຂອງຕາຝັ່ງ ໄດ້ໃນສ່ວນໃດສ່ວນໝື່ງ ສໍາລັບປະໂຫຍດທາງກົງກໍ່ຄື: ຜັກກູດໃນປ່າ ມັນໄດ້ແພ່ພັນໄດ້ເອງຕາມທໍາມະຊາດ ຊາວຊົນນະບົດອອກໄປປ່າ ຫາຢູ່ຫາກິນຕາມທໍາມະຊາດ

ກໍ່ມັກຈະເກັບມາບໍລິໂພກ ຫຼື ເມື່ອໄປເຮັດໄຮ່ເຮັດນາເຂົາກໍ່ມັກຈະເກັບຍອດອ່ອນ ເອົາໄປກິນກັບແຈ່ວ, ກັບລາບ, ແກງກັບຊີ້ນປະເພດຕ່າງໆ ຫຼື ລວກແລ້ວເອົາມາຊູບປົນກັບຜັກຊະນິດອື່ນໆກໍ່ການເປັນອາຫານທີ່ແຊບພໍສົມຄວນ ມີບາງຕໍາລາຫັຍງກ່າວໄວ້ວ່າ ຮາກຜັກກູດ ນໍາມາປະສົມກັຍສະໝຸນໄພຊະນິດອື່ນ ກາຍເປັນຢາເຢັນ ແລະ ເປັນຢາບໍາລຸງຜິວໝັງ.

ຂອບໃຈຂໍ້ມູນຈາກ: ພາເຂົ້າລາວ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *