ຜັກກຸ່ມ ເປັນຢາສະໝຸນໄພ ຢາລະບາຍ ຢາບໍາລຸງ ແກ້ໄຂ້ ແກ້ປວດເສັ້ນເປັນອໍາມະພາດ ໂລກໄຂຂໍອັບເສບ

ບັນຍາຍລັກສະນະພືດສາດ
ຜັກກຸ່ມເປັນໄມ້ຢືນຕົ້ນມີຄວາມສູງ 7-15 ມ. ລໍາຕົ້ນລຽບເປືອກສີເທົາ. ໃບປະກອບແບບນິ້ວມືແຜ່ນໃບຄ່ອນຂ້າງຫນາສີຂຽວເປັນມັນ ດ້ານລຸ້ມໃບມີສີອ່ອນກ່ວາດ້ານເທີງມີໃບຍ່ອຍ 3 ໃບ ກ້ານໃບປະກອບມີຄວາມຍາວປະມານ 4-14 ຊມ.

ຫູໃບນ້ອຍລ່ວງໄດ້ງ່າຍລັກສະນະຂອງໃບຍ່ອຍ ເປັນຮູບໃບຫອກ ຫຼື ຂອບຂະຫນານມີຄວາມກ້ວາງປະມານ 15-6 ຊມ. ຍາວປະມານ 45-18 ຊມ. ປາຍຄ່ອຍໆລຽວແຫຼມມີຄວາມຍາວປະມານ 25 ຊມ. ໂຄນສອບໃບຍ່ອຍທີ່ຢູ່ດ້ານຂ້າງໂຄນໃບຈະບ້ຽວເລັກໝ້ອຍ ໃບຍ່ອຍບໍ່ມີກ້ານ ຫຼື ຖ້າມີກໍ່ບໍ່ຍາວ.

ດອກອອກເປັນຊໍ່ແບບກະຈະຈ່າງອອກຕາມຍອດ ມີຈໍານວນຫຼາຍດອກ ກ້ານດອກຍາວປະມານ 4-7 ຊມ. ກາບດອກເປັນລັກສະນະຮູບໄຂ່ປາຍແຫຼມກ້ວາງປະມານ 2 ມມ. ແລະ ຍາວປະມານ 2-4 ມມ. ກີບດອກກ້ອນນໍ້າມີສີຂາວແລ້ວຄ່ອຍໆປ່ຽນເປັນສີເຫຼືອງໃບມີລັກສະນະຄ່ອມຂ້າງກົມ.
ໝາກກົມເປືອກຫນາສີເຫຼືອງອົມເທົາເມື່ອສຸກຈະເປັນສີເທົາໝາກແກ່ຜິວຈະລຽບ ໝາກກ້ວາງປະມານ 15-45 ຊມ. ຍາວປະມານ 5-8 ຊມ. ກ້ານໝາກຍາວປະມານ 8-13 ຊມ. ກ້ານຫນາປະມານ 3-5 ມມ.

ບັນຍາຍການນຳໃຊ້
ຍອດອ່ອນໃຊ້ປຸງເປັນອາຫານ ຍອດອ່ອນມີລົດຊາດສົ້ມເຝືອນ ນໍາມາເຮັດອ່ອມໃສ່ຊີ້ນ ແລະ ໝັກເຮັດສົ້ມຜັກກຸ່ມ ທີ່ມີຂາຍໃນທ້ອງຕະຫຼາດ ແລະ ໃຊ້ເປັນຢາສະໝຸນໄພ ຢາລະບາຍ, ຢາບໍາລຸງ, ແກ້ໄຂ້, ແກ້ປວດເສັ້ນເປັນອໍາມະພາດ, ໂລກໄຂຂໍອັບເສບ.

ຂອບໃຈຂໍ້ມູນຈາກ: ພາເຂົ້າລາວ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *