ເມືອງວຽງທອງຈັດພິທີທໍາລາຍຊິ້ນສ່ວນສັດປ່າທີ່ຕາຍ

ໃນວັນທີ 17 ພຶດສະພາ 2019 ຢູ່ທີ່ເດີນຫ້ອງການກະສິກໍາ-ປ່າໄມ້ເມືອງວຽງທອງ ແຂວງບໍລິຄໍາໄຊ ໄດ້ຈັດພິທີ ທໍາລາຍຊິ້ນສ່ວນສັດປ່າທີ່ຕາຍ ໂດຍເປັນກຽດເຂົ້າຮ່ວມຂອງ ທ່ານ ພັທ ຄໍາແດງ ແສງມີທອງ ຮອງຫົວໜ້າກອງບັນຊາການ ປກສ ເມືອງພ້ອມດ້ວຍເຈົ້າໜ້າທີປ່າໄມ້ເມືອງເຂົ້າຮ່ວມ.


ພິທີດັ່ງກ່າວໄດ້ຮັບຟັງບົດລາຍງານຂອງເຈົ້າໜ້າທີປ່າໄມ້ເມືອງ ໃນໄລຍະຜ່ານມາໜ່ວຍງານຂອງຕົນໄດ້ສົມທົບກັບເຈົ້າໜ້າທີ ປກສ ເມືອງວຽງທອງໄດ້ຕິດຕາມກວດກາເຄື່ອນໄຫວເປັນປົກກະຕິ.

ຕົກມາຮອດໃນວັນທີ 5 ພຶດສະພາ 2019 ຜ່ານມານີ້ ເຈົ້າໜ້າຈຸດກວດກາບ້ານນາດີໄດ້ກວດພົບລົດເມທີ່ໄດ້ລັກລອບເຄື່ອນຍ້າຍຊິ້ນສ່ວນສັດປ່າທີ່ຫວງຫ້າມ ອອກຈາກເມືອງວຽງທອງໄປຫາເມືອງຄໍາເກີດໄດ້ຈໍານວນ 41 ກິໂລ, ໃນນັ້ນໝູປ່າ 21 ກິໂລ, ລິງ 2 ໂຕ ເປັນ 20 ກິໂລ. ພິທີດັ່ງກ່າວໄດ້ຂຸດຂຸມຝັງທໍາລາຍຖິ້ມ ສ່ວນຜູ້ກະທໍາຜິດແມ່ນໄດ້ດໍາເນີນຕາມຄະດີ.

ຂ່າວ: ເນັ້ງວ່າງ 28515030

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *