ຫົວໜ້າກົມສູ້ຮົບກອງທັບປະຊາຊົນຫວຽດນາມ ຢ້ຽມຢາມກອງພັນໃຫຍ່ 11.

ວັນທີ 9 ພຶດສະພາ 2019 ນີ້, ຄະນະພັກ-ຄະນະບັນຊາກອງ ພັນໃຫຍ່ທີ 11 ເຊິ່ງນຳໂດຍ ສະ ຫາຍ ພັນເອກ ບຸນສົງ ພິມມະວົງ ຫົວໜ້າການເມືອງກອງພັນໃຫຍ່ ທີ 11 ພ້ອມຄະນະໄດ້ໃຫ້ກຽດ ຕ້ອນຮັບການມາຢ້ຽມຢາມຂອງ ສະຫາຍ ພົນຈັດຕະວາ ທ໋າຍດ໋າຍ ງ໋ອກ ຫົວໜ້າກົມສູ້ຮົບກົມໃຫຍ່ ເສນາທິການກອງທັບປະຊາຊົນ ຫວຽດນາມ ພ້ອມດ້ວຍຄະນະ. ໂອກາດນີ້ ສະຫາຍ ພັນເອກ ບຸນສົງ ພິມມະວົງ ກໍໄດ້ກ່າວສະ ແດງຄວາມຕ້ອນຮັບຕໍ່ການມາ ຢ້ຽມຢາມຂອງຄະນະໃນຄັ້ງນີ້ ພ້ອມທັງລາຍງານກ່ຽວກັບມູນ ເຊື້ອຜົນງານ ແລະ ການຈັດຕັ້ງ ປະຕິບັດໜ້າທີ່ຂອງກົມກອງ ໂດຍຫຍໍ້ໃຫ້ຄະນະໄດ້ຮັບຊາບ.

 

ສະຫາຍ ພົນຈັດຕະວາ ທ໋າຍ ດ໋າຍງ໋ອກ ກໍໄດ້ສະແດງຄວາມ ຂອບໃຈມາຍັງຄະນະພັກ-ຄະນະ ບັນຊາກອງພັນໃຫຍ່ທີ 11 ທີ່ໄດ້ ໃຫ້ການຕ້ອນຮັບຢ່າງອົບອຸ່ນ ແລະ ສະແດງຄວາມດີອົກ ດີໃຈທີ່ໄດ້ມີໂອກາດມາຢ້ຽມກົມກອງ ໃນຄັ້ງນີ້ ເຊິ່ງຈະເປັນການປະ ກອບສ່ວນເຮັດໃຫ້ສາຍພົວພັນ ມິດຕະພາບຄວາມສາມັກຄີພິ ເສດ ແລະ ການຮ່ວມມືຮອບດ້ານ ລະຫວ່າງສອງຊາດ, ສອງກອງ ທັບ ຫວຽດນາມ-ລາວ ທີ່ມີມູນເຊື້ອ ມາແຕ່ດົນນາແລ້ວນັ້ນໄດ້ຮັບ ການ ເສີມຂະຫຍາຍໃຫ້ນັບມື້ແໜ້ນ ແຟ້ນ ແລະ ຈະເລີນງອກງາມ.

ໂອກາດນີ້ ຄະນະຍັງໄດ້ລົງ ຢ້ຽມຊົມຂອບເຂດເຮືອນນອນ, ເຂດປູກຝັງ-ລ້ຽງສັດຂອງກອງ ພັນນ້ອຍ 705 ແລະ ຢ້ຽມຊົມ ເຂດເຕັກນິກຂອງກົມກອງຕື່ມອີກ.

ໂດຍ : ສຸກັນ ວົງສະຫວັດ (ນສພ ກອງທັບ)

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *