ປະມວນພາບບັນຍາກາດເທດສະການຜ້າແຜໄໝມ້ອນແຂວງຫົວພັນ ປີ 2019

ເທດສະການຜ້າໄໝມ້ອນແຂວງຫົວພັນຈັດຂື້ນທີ່ສວນແກ້ວຫຼັກເມືອງ ເມືອງຊຳເໜືອ ແຂວງຫົວພັນ, ໃນວັນທີ 16 ພຶດສະພາ 2019 ນີ້, ພາຍໃຕ້ການເປັນປະທານຂອງທ່ານ ພູໂຊນ ທຳມະວິໄຊ ຮອງເຈົ້າແຂວງໆຫົວພັນ, ຜູ້ຊີ້ນຳຂົງເຂດວັດທະນະທຳ-ສັງຄົມຂັ້ນແຂວງ, ເປັນກຽດເຂົ້າຮ່ວມມີທ່ານ ນ ແພງ ກັນຍາພິມ ຮອງເລຂາພັກແຂວງ, ຮອງເຈົ້າແຂວງໆຫົວພັນ, ມີບັນດາທ່ານໃນການນຳແຂວງ, ການນຳບັນດາເມືອງທົ່ວແຂວງ, ພະແນກການອ້ອມຂ້າງແຂວງ, ບັນດາບໍລິສັດຫ່າງຮ້ານ, ຕະຫຼອດຮອດພໍ່ແມ່ປະຊາຊົນອ້ອມຂ້າງເທສະບານແຂວງເຂົ້າຮ່ວມຢ່າງພ້ອມພຽງ.

ການປະກວດນາງສາວຜ້າແພໄໝມ້ອນຄຳ່ຄືນທີ່ຜ່ານມາຖືເປັນຈຸດເດັ່ນຂອງງານທີ່ພໍ່ແມ່ປະຊາຊົນໄດ້ໃຫ້ຄວາມສົນໃຈ ເພາະເປັນປີທຳອິດທີ່ມີການປະກວດນາງສາວຜ້າແພໄໝມ້ອນ, ເຊິ່ງມີຫົວໜ່ວຍທຸລະກິດຜ້າແພໄໝມ້ອນໄດ້ສົ່ງນາງສາວເຂົ້າປະກວດຈຳນວນ 15 ນາງສາວ. ບັນຍາກາດຈະເປັນແນວໃດນັ້ນເຊີນບັນດາທ່ານຜູ້ຕິດຕາມຂ່າວຫົວພັນພ້ອມກັນເຂົ້າເບິ່ງຕາມຮູບຂ້າງລຸ່ມນີ້ເລີຍ:

ມວນຊົນຊາວເມືອງຊຳເໜືອເຂົ້າຊົມການແຂ່ງຂັນນາງສາວຜ້າໄໝມ້ອນ ແລະ ນັກຮ້ອງສຽງດີຢ່າງໜາແໜ້ນ

ລາຍການສະແດງສີລະປະວັນນະຄະດີໃນຄຳ່ຄືນວັນທີ 16 ພຶດສະພາ 2019

ທ່ານ ພູໂຊນ ທະມະວີໄຊ, ຮອງເຈົ້າແຂວງຫົວ ແລະ ທ່ານ ນ ໝັ້ນເພັງຂັດຕິຍະ ປະທານສະຫະພັນແມ່ຍິງແຂວງຫົວພັນ ເປັນປະທານງານເທດສະການຜ້າແພໄໝມ້ອນແຂວງຫົວພັນ 2019

ຄະນະກຳມະການໃຫ້ຄະແນນນາງສາສວຜ້າໄໝມ້ອນ ແລະ ນັກຮ້ອງສຽງດີ

ບັນດາແຂກຖືກເຊີນເຂົ້າຮ່ວມງານເທດສະການຜ້າໄໝມ້ອນ 16/5/2019

ໝາຍເລກ 01 ນ ສຸນິຕາ ພູມະນີວົງ ອາຍຸ 15 ປີ, ບ້ານທາດເມືອງ. ສິ້ນລາຍຊ້າງ, ຜ້າບ່ຽງລາຍເງືອກຫາງຂອດ. ສະໜັບສະໜູນໂດຍ: ຮ້ານ ນ ວັນລີສາ ຜ້າໄໝມ້ອນ

ໝາຍເລກ 02 ນ ໄມສອນ ແພງຊຸມມາ ອາຍຸ 17 ປີ, ບ້ານທາດເມືອງ. ສິ້ນລາຍຊ້າງ-ນາກ, ຜ້າບ່ຽງລາຍດອກໂຄມ

 

 

 

 

ໝາຍເລກ 03 ນ ວັນແສງ ມະນີວັນ ອາຍຸ 16 ປີ, ບ້ານໂພໄຊ. ສິ້ນລາຍເງືອກຫາງຂອດ, ຜ້າບ່ຽງລາຍຂັ້ນປ້ອງ-ເງືອກຫາງຂອດສະໜັບສະໜູນໂດຍ: ຫົດຖະກຳຜ້າໄໝມ້ອນຊຳເໜືອ ພົມມີ ທຸມມະທອງ

ໝາຍເລກ 04 ນ ມະລີລັກ ເທບພະວົງ, ອາຍຸ 17 ປີ, ບ້ານທາດເມືອງ. ສິ້ນລາຍໂຄມດອກໄມ້, ຜ້າບ່ຽງລາຍໂຄມ-ເງືອກຫາງຂອດສະໜັບສະໜູນໂດຍ: ຮ້ານຂາຍຄຳ ນ ລາເພັດ

ໝາຍເລກ 05 ນ ຊຸນມີ ບາຣາມີ ອາຍຸ 16 ປີ, ບ້ານທາດເມືອງ. ສິ້ນລາຍດອກໂຄມໃຫຍ່ປະສົມລາຍນົກ ແລະ ນາກນ້ອຍ, ຜ້າບ່ຽງລາຍດອກໂຄມປະສົມລາຍນົກ ແລະ ນາກ. ສະໜັບສະໜູນໂດຍ: ຮ້ານຫັດຖະກຳຜ້າໄໝ ນ ນຸດ

ໝາຍເລກ 06 ນ ຈົວ ຢົງໄຊ, ອາຍຸ 16 ປີ, ບ້ານນາອ່າງ. ສິ້ນລາຍນາກສອງຫົວ-ດອກໂຄມ-ນົກ-ກະແຈ-ໜອນ-ແກ່ນແຕງ, ຜ້າບ່ຽງລາຍໜອນນ້ອຍ. ສະໜັບສະໜູນໂດຍ: ຮ້ານຮອນດາຫົວພັນ

ໝາຍເລກ 07 ນ ສຸທະດາ ສອນສີໄຊ, ອາຍຸ 17 ປີ, ບ້ານພັນໄຊ. ສິ້ນລາຍນາກສອງຫົວ, ຜ້າບ່ຽງລາຍນາກສອງຫົວ. ສະໜັບສະໜູນໂດຍ:ຮ້ານ ນ ໄມ ແຈ່ວປາບຳ້ຊຳເໜືອ

ໝາຍເລກ 08 ນ ມາລິກາ ສີພົມໄຊ, ອາຍຸ 17 ປີ, ບ້ານພັນໄຊ. ສິ້ນ-ຜ້າບ່ຽງລາຍດອກໂຄມ-ດອກໜອນ. ສະໜັບສະໜູນໂດຍ: ຮ້ານຜ້າໄໝມ້ອນ ນ ຄຳພວງ ອິນທາ

ໝາຍເລກ 09 ນ ນິຊາ ພົມວົງໄຊ, ອາຍຸ 13 ປີ, ບ້ານນາທົ່ງຈອງ. ສິ້ນລາຍນາກຫາງຂອດ-ນາກສອງຫົວ, ຜ້າບ່ຽງດອກໂຄມ. . ສະໜັບສະໜູນໂດຍ: ຮ້ານຜ້າໄໝມ້ອນ ນ ນ້ອຍມະນີ

ໝາຍເລກ 10 ນ ສຸກສັນ ສົມພອນ, ອາຍຸ 16 ປີ, ບ້ານນາອ່າງ. ສິ້ນລາຍເງືອກຫາງຂອດ, ຜ້າບ່ຽງລາຍດອກໂຄມປະສົມດອກໜອນ. ສະໜັບສະໜູນໂດຍ: ຮ້ານຂາຍເຄື່ອງກິລາ ຟ້າໃສສະປອດ

ໝາຍເລກ 11 ນ ອານິດາ ເພັງພະຈັນ, ອາຍຸ 16 ປີ, ບ້ານພັນໄຊ. ສິ້ນລາຍນາກ-ໂຕໜອນ-ໄກ່ນ້ອຍ, ຜ້າບ່ຽງລາຍໜອນ-ດອກໂຄມ-ໄກ່ນ້ອຍ. ສະໜັບສະໜູນໂດຍ: ຮ້ານຜ້າໄໝມ້ອນ ນ ຄຳພວງ ອິນທາ

ໝາຍເລກ 12 ນ ນິກນາລີ ສີນາວົງ, ອາຍຸ 16 ປີ, ບ້ານທາດເມືອງ. ສິ້ນລາຍເງືອກຫາງຂອດ-ດອກໂຄມ, ຜ້າບ່ຽງລາຍນາກສອງຫົວ. ສະໜັບສະໜູນໂດຍ: ເຮືອນພັກ ພາສຸກ

ໝາຍເລກ 13 ນ ສີດາ ສຸວັນຄໍາ, ອາຍຸ 18 ປີ, ບ້ານຊຽງລວງ, ເມືອງວຽງໄຊ. ສິ້ນລາຍດອກໂຄມ, ຜ້າບ່ຽງລາຍດອກໂຄມ. ສະໜັບສະໜູນໂດຍ: ຄຄ ທ່ານ ຈັນໄຊ ສຸວັນທາ

ໝາຍເລກ 14 ນ ພວງແສງ ອິນທະວັນ, ອາຍຸ 16 ປີ, ບ້ານຊຽງລວງ, ເມືອງວຽງໄຊ. ສິ້ນລາຍດອກໂຄມກູດ, ຜ້າບ່ຽງລາຍດອກໂຄມ-ນາກຫາງຂອດ. ສະໜັບສະໜູນໂດຍ: ຄຄ ທ່ານ ສີທອງ

ໝາຍເລກ 12 ນ ມິດຕາ ວິໄລເມັ່ງ, ອາຍຸ 26 ປີ, ບ້ານທາດເມືອງ. ສິ້ນລາຍເງືອກຫາງຂອດໃຫຍ່-ນາກຫ້າຫົວ, ຜ້າບ່ຽງລາຍດອກໂຄມ-ນົກນ້ອຍ. ສະໜັບສະໜູນໂດຍ: ຮ້ານຜ້າໄໝມ້ອນ ນ ນ້ອຍມະນີ

ປະທານຈັດງານຮັບການອຸປະຖຳຈາກບໍລິສັດ ສີພອນ ມາເກັດຕີ້ງ ຈຳກັດ ຜູ້ອຸປະຖຳຫຼັກເທດສະການຜ້າແພໄໝມ້ອນແຂວງຫົວພັນ

ປະທານຈັດງານມອບໃບກຽດຕິຄຸນໃຫ້ແກ່ບໍລິສັດ ສີພອນ ມາເກັດຕີ້ງ ຈຳກັດ ຜູ້ອຸປະຖຳຫຼັກເທດສະການຜ້າແພໄໝມ້ອນແຂວງຫົວພັນ

ລາຍການສະແດງຄຳ່ຄືນ 16/5/2019

ບັນດານາງສາວທີ່ຜ່ານເຂົ້າຮອບສອງໃນກອງປະກວດນາງສາວຜ້າໄໝມ້ອນແຂວງຫົວພັນ 2019ບັນດານາງສາວທີ່ບໍ່ຜ່ານເຂົ້າຮອບສອງໃນກອງປະກວດນາງສາວຜ້າໄໝມ້ອນແຂວງຫົວພັນ 2019

ປະທານຈັດງານມອບຂອງຂວັນໃຫ້ແກ່ບັນດານາງສາວທີ່ບໍ່ຜ່ານເຂົ້າຮອບສອງໃນກອງປະກວດນາງສາວຜ້າໄໝມ້ອນແຂວງຫົວພັນ 2019


ແລະໃນຄຳ່ຄືນມື້ນີ້, ຈະສືບຕໍ່ກິດຈະກຳປະກວດນາງສາວຜ້າໄໝມ້ອນ, ປະກາດຜົນລາງວັນການແຂ່ງຂັນສາວໄໝ, ຜ່ຽນຫຼອດ, ຄົ້ນຫູກ, ຜ້າແພໄໝມ້ອນງາມ, ນັກຮ້ອງສຽງດີ ແລະ ນາງສາວຜ້າໄໝມ້ອນ ເຊິ່ງຈະເລີ່ມແຕ່ເວລາ 16:30 ນາທີ ເປັນຕົ້ນໄປ, ສະຖານທີ່ສວນແກ້ວຫຼັກເມືອງ ເມືອງຊຳເໜືອ ແຂວງຫົວພັນ. ເຊີນຊວນບັນດາທ່ານໄປຮ່ວມຊົມເຊຍນຳກັນເນີ
ພາບ: ໄອແກ້ວ

 

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *