ຕັກກະແຕນລະບາດໜັກຢູ່ບ້ານນາເມືອງ ເມືອງວຽງໄຊ

ຕາມການລາຍງານຂອງທ່ານ ສິງວົງໄຊ ສຸລິວົງພັນ ຫົວໜ້າຫ້ອງການກະສິກຳ ແລະ ປ່າໄມ້ເມືອງວຽງໄຊໃຫ້ຮູ້ວ່າ: ປະຈຸບັນເມືອງວຽງໄຊໄດ້ມີຕັກກະແຕນຂີລະບາດທົ່ວໄປຢູ່ຫຼາຍບ້ານ ໃນນັ້ນໜັກກວ່າໝູ່ແມ່ນຂອບເຂດບ້ານນາເມືອງ ຂຶ້ນກັບກຸ່ມບ້ານຊຽງລວງ ເມືອງວຽງໄຊ. ໂດຍໄດ້ຮັບຄຳຮ້ອງຂໍຄວາມຊ່ວຍເຫຼືອຈາກອຳນາດການປົກຄອງບ້ານ, ສະນັ້ນ, ວັນທີ 16 ພຶດສະພາ 2019 ຜ່ານມານີ້ຫ້ອງການກະສິກຳ ແລະ ປ່າໄມ້ເມືອງວຽງໄຊໄດ້ສົມທົບກັບພາກສ່ວນທີ່ກ່ຽວຂ້ອງຂັ້ນເມືອງລົງສຳຫຼວດພ້ອມອຸປະກອນປຳບສັດຕູພືດຄືເຄືອງສີດພົ່ນຊະນິດກາງຈຳນວນ 2 ເຄື່ອງລົງພື່ນທີ່ເພື່ອຊ່ວຍເຫຼືອແກ້ໄຂເບື້ອງຕົ້ນ. ແຕ່ເນື່ອງຈາກວ່າການລະບາດຂອງຕັກກະແຕນຄັ້ງນີ້ແມ່ນໜັກໜ່ວງ, ເປັນວົງກວ້າງ, ຕາມຂໍ້ມູນເບື້ອງຕົ້ນແມ່ນແຜ່ລາມໃນເນື້ອທີ່ 3 ເຮັກຕາກວ່າ.

ມາຮອດວັນທີ 17 ພຶດສະພາ 2019 ນີ້, ຫ້ອງການກະສິກຳ ແລະ ປ່າໄມ້ເມືອງໄດ້ນຳສະເໜີຕໍ່ການນຳເມືອງວຽງໄຊ ແລະ ພະແນກກະສິກຳ ແລະ ປ່າໄມ້ແຂວງ ພ້ອມທັງເພີ່ມອຸປະກອນສີດພົ່ນລົງພື້ນທີ່ສືບຕໍ່ກຳຈັດຕັກກະແຕນ. ຄາດວ່າການກຳຈັດຊຸດທຳອິດນີ້ແມ່ນຈະໃຊ້ເວລາ 3 ວັນ ຈາກນັ້ນແມ່ນຈະຕິດຕາມຢ່າງໃກ້ຊິດ ເພື່ອລໍຖ້າທິດຊີ້ນຳຈາກຂັ້ນເທິງໃນການແກ້ໄຂໄລຍະຍາວໃຫ້ໄວທີ່ສຸດເພື່ອປົກປ້ອງພືດພັນ ແລະ ຜົນຜະລິດຂອງປະຊາຊົນໃຫ້ໄດ້ຫຼາຍທີ່ສຸດ.

ທ່ານ ບຸນກອງ ດວງປັນຍາ ນາຍບ້ານນາເມືອງເລົ່າວ່າ: ສະພາບການແຜ່ລະບາດຂອງຕັກກະແຕນຢູ່ຂອບເຂດບ້ານນາເມືອງແມ່ນມີມາໄລຍະຫນຶ່ງແລ້ວ ແຕ່ບໍ່ໜັກ ເພາະມັນບໍ່ລົງມາທຳລາຍເຄື່ອງປູກຂອງຝັງປະຊາຊົນ, ສະເພາະປີນີ້, ແມ່ນໜັກກວ່າໝູ່ເທົ່າທີ່ມີມາ, ປັດຈຸບັນຕັກກະແຕນໄດ້ທຳລາຍຕົ້ນກ້າຂອງປະຊາຊົນທີ່ຫາກໍ່ຫວ່ານຫຼາຍແຫ່ງ ແລະ ຂັ້ນເທິງກໍ່ໄດ້ລົງມາຊ່ວຍກຳຈັດເບື້ອງຕົ້ນແລ້ວ.

ຂ່າວ: ໄອແກ້ວ (ຂ່າວສານແຂວງຫົວພັນນ)

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *