ໝາກຂຽບຝຣັ່ງນອກຈາກຈະແຊບແລ້ວຍັງມີສັບພະຄຸນຕ້ານມະເຮັງໄດ້ດີອີກດ້ວຍ…!

ຫມາກຂຽບຝລັ່ງ ຫມາກຄັນທະລົດ ຫລື ຫມາກທົ່ວລຽນເທດ ນອກຈາກຈະຕ້ານເຊລມະເຮັງໃດ້ດີແລ້ວ ຍັງອອກລິດຕ້ານເຊື້ອ ຫລື ຫລຸດຜ່ອນອາການໂຣກກະເພາະລໍາໄສ້ອັກເສບໃດ້ດີອີກດ້ວຍ.

ສໍາຫລັບໃຜທີ່ເຄີຍກິນ ຫລື ໃຊ້ໃບຫມາກຂຽບຝລັ່ງມາກ່ອນຈະຮູ້ດີຢູ່ແລ້ວເຖິງສັບພະຄຸນໃນການຕ້ານເຊລມະເຮັງ ແລະ ການຕ້ານການອັກເສບທົ່ວໄປຂອງພືດສະນິດນີ້ ແຕ່ສໍາຫລັບໃຜທີ່ຍັງບໍ່ຮູ້ມື້ນີ້ແອດມິນຈະມາເວົ້າເຖິງສັບພະຄຸນທາງຢາ ແລະ ຄວາມສາມາດໃນການຮັກສາອາການໂຣກກະເພາະລໍາໄສ້ອັກເສບຊໍາເຮື້ອ ຫລື ຄົນທີ່ເປັນໂຣກນີ້ມາແລ້ວຫລາຍປີບໍ່ຫາຍຈັກເທື່ອ ກ່ອນອື່ນຫມົດຖ້າໃຜທີ່ຕິດຕາມຂ່າວສານຈາກແອດມິນມາແລ້ວ

ຫລື ເຄີຍກິນນໍ້າຕົ້ມໃບຫມາກຂຽບຝລັ່ງຈະຮູ້ວ່າພືດສະນິດນີ້ອອກລິດໃນການຕ້ານເຊື້ອ ແລະ ຫລຸດຜ່ອນອາການອັກເສບພາຍໃນໃດ້ດີ ລວມທັງໃດ້ມີການນໍາໃຊກັບຜູ້ປ່ວຍໂຣກມະເຮັງລໍາໄສ້ໃນແບບແພດແຜນບູຮານ ຫລື ສະຫມຸນໄພຢ່າງກ້ວງຂວາງນໍາອີກ ແຕ່ເນື່ອງຈາກທີ່ມັນເປັນພືດຕະກູນ (ແອນໂນນາຊຽດສ annonaceous) ສານແອນໂນນາຊຽດສ ເປັນທີ່ຮູ້ກັນດີໃນວົງການແພດການຢາເຖິງຄວາມສາມາດໃນຕ້ານການອັກເສບ ຕ້ານເຊື້ອ ແລະ ຍັບຍັ້ງເຊລມະເຮັງໃດ້ຢ່າງສະງັກ.

(ສານແອນໂນນາຊຽດສ annonaceous ອາດມີຜົນຕໍ່ລະບົບປະສາດ ຖ້າໃດ້ຮັບໃນປະລິມານທີ່ເຂັ້ມຂົ້ນສູງເກີນໄປ ຖ້າຈະໃຊ້ດື່ມເປັນປະຈໍາແນະນໍາວ່າບໍ່ຄວນຕົ້ມດື່ມຈາກໃບສົດ ຄວນໃຊ້ເປັນໃບແຫ້ງດີທີ່ສຸດ ເນື່ອງຈາກຄວາມເຂັ້ມຂົ້ນສູງເກີນໄປຂອງໃບສົດນັ້ນເອງ)

ນອກຈາກຄວາມສາມາດທີ່ຕ້ານເຊລມະເຮັງໃດ້ດີແລ້ວ ແນ່ນອນວ່າການຕ້ານການອັກເສບທົ່ວໄປໃນລະບົບທາງເດີນອາຫານນັ້ນກໍເປັນເລື່ອງງ່າຍ ເພາະໂຕສະຫມຸນໄພເອງຈະລົງໄປໃນລະບົບທາງເດີນອາຫານ ຫລື ກະເພາະລໍາໄສ້ໂດຍຕົງເຮັດໃຫ້ຫລາຍຄົນທີ່ປ່ວຍໂຣກນີ້ຢູ່ ຫລື ຄົນທີ່ເປັນມະເຮັງໃນລໍາໄສ້ຮູ້ສຶກໃດ້ທັນທີຫລັງຈາກດື່ມ ແຕກຕ່າງຈາກໂຣກອື່ນໆ ຫລື ມະເຮັງສະນິດອື່ນທີ່ຕ້ອງອາໄສເວລາຢູ່ພໍສົມຄວນໃຫ້ຢາກະຈາຍໄປໃນແຕ່ລະສ່ວນຂອງຮ່າງກາຍ

ກ່ອນອື່ນຫມົດທີ່ຈະຮັກສາໂຣກນີ້ໄດ້ເຮົາຕ້ອງຫຍຸດກິນອາຫານທີ່ໄປກະຕຸ້ນການອັກເສບ ຫລື ອາຫານທີ່ເປັນສາເຫດຂອງໂຣກກະເພາະດັ່ງກ່າວເຊັ່ນ: ອາຫານທີ່ເປັນເນື້ອສັດມີໄຂມັນຫລາຍໆ ອາຫານປິ້ງຢ້າງທຸກສະນິດ ອາຫານຫມັກດອງ ອາຫານທີ່ມີລົດເຜັດຫລາຍໆ ອາຫານທີ່ປົນເປື້ອນສານພິດ ເຊັ່ນ

ສີປະສົມອາຫານ ສານກັນບູດກັນເສຍທຸກສະນິດ ເຄື່ອງດື່ມທີ່ມີທາດເຫລົ້າ ຫລື ສຸລາທຸກສະນິດ ອາຫານເຫລົ່ານີ້ແອດມິນຄິດວ່າຄົນທີ່ປ່ວຍໂຣກກະເພາະລໍາໄສ້ຢູ່ແລ້ວຫນ້າຈະຮູ້ດີວ່າກິນບໍ່ໃດ້ ເພາະຫລາຍຄົນຄົງຈະຮູ້ກັນດີວ່າຖ້າກິນອາຫານຈໍາພວກນີ້ລົງໄປອາການທີ່ອອກມາຈະຊັດເຈນເຊັ່ນ ເຈັບທ້ອງຖ່າຍໃນທັນທີ ຫລື ອາດມີອາການເຈັບຕຶງໆ ຄືໄສ້ຈະຂາດ (ໃນຄົນທີ່ເປັນຫນັກ)

ຖ່າຍເປັນກ້ອນໆ ຖ່າຍລໍາບາກ ຖ່າຍມີມູກ ຫລື ເມືອກ ຖ່າຍມີເລືອດອອກ ຫລື ອາດຮຸນແຮງເຖິງຂັ້ນເປັນມະເຮັງລໍາໄສ້ໃດ້ ຖ້າບໍ່ປ່ຽນພຶດຕິກຳການກິນ ສ່ວນອາຫານທີ່ຜູ້ປ່ວຍລໍາໄສ້ອັກເສບ ຫລື ມະເຮັງລໍາໄສ້ ຄວນກິນໃນຊ່ວງທີ່ກຳລັງປິ່ນປົວກໍຄື ອາຫານສົດສະອາດທີ່ຫາໃດ້ຈາກທໍາມະຊາດປາສະຈາກສານເຄມີ ເຊັ່ນ ພືດຜັກຫມາກໄມ້ທຸກສະນິດ ຖົ່ວເຫລືອງ ຫລື ເຕົາຮູ້ສາມາດໃຫ້ພະລັງງານແທນເນື້ອສັດໄດ້ສໍາຫລັບຄົນທີ່ຄິດຈະເຊົາກິນຊີ້ນໃນຊ່ວງນີ້

ຫລື ກິນເຈເພື່ອສຸກຂະພາບ ເນື້ອປາ ແອດມິນແນະນໍາໃຫ້ກິນປາ ຫລື ເຕົາຮູ້ແທນການກິນຊີ້ນດີທີ່ສຸດເນື່ອງຈາກເນື້ອປາບໍ່ມີກົດໄຂມັນທີ່ເປັນພິດຕໍ່ການອັກເສບ ແລະ ຍ່ອຍງ່າຍກວ່າຊີ້ນຫລາຍເທົ່າ ລວມທັງຍັງໃຫ້ພະລັງງານໃດ້ພໍໆກັບຊີ້ນ ແຕ່ແນະນໍາວ່າໃຫ້ກິນເປັນປາທໍາມະຊາດ ຫລື ປານາ ປາແມ່ນໍ້າແທນປາທີ່ລ້ຽງດ້ວຍຫົວອາຫານເທົ່ານັ້ນ.

ສຳຫລັບສັບພະຄຸນໃບຫມາກຂຽບຝລັ່ງມີດັ່ງນີ້:
– ປ້ອງກັນ ແລະ ຂ້າເຊລມະເຮັງ
– ຊ່ວຍຮັກສາໂຣກກະເພາະລໍາໄສ້ອັກເສບໃດ້ດີ
– ຊ່ວຍຮັກສາອາການໂຣກນອນບໍ່ຫລັບ


– ລົດຄວາມດັນ ລົດນໍ້າຕານໃນເລືອດ (ໂຣກເບົາຫວານ)
– ໃຊ້ເປັນຢາຂ້າພະຍາດໃນລະບົບທາງເດີນອາຫານ
– ຕ້ານເຊື້ອ ແລະ ຫລຸດຜ່ອນອາການອັກເສບໃດ້ດີ
– ກິນເຂົ້າແຊບ ຊ່ວຍໃຫ້ຈະເລີນອາຫານ

– ເສີມສ້າງພູມຄຸ້ມກັນໃຫ້ຮ່າງກາຍ
– ຊ່ວຍຮັກສາອາການຫອບຫືດ

Be the first to comment

Leave a Reply

Your email address will not be published.


*