ປະຫັວດຄວາມເປັນມາຂອງແຂວງຫຼວງນ້ຳທາໂດຍຫຍໍູ້

ຕາມຕຳນານກ່າວຂານກັນມາວ່າຫຼວງນ້ຳທາແມ່ນດິນທີ່ຕັ້ງຢູ່ທິດຕາເວັນຕົກສຽງເໜືອຂອງປະເທດລາວໄດ້ມີອະລິຍະທຳທີ່ເກົ່າແກ່ ແລະ ຍາວນານທີ່ສຸດເຊິ່ງມີຫຼັກຖານທາງປະຫັວດສາດ ແລະ ວັດຖຸ ບູຮານຢືນຢັນເປັນຕົ້ນແມ່ນຮູບຄົນກົບມີໄກ່ຜູ້ໂຕ ໜຶ່ງຈັບຢູ່ແຂນເບື້ອງຊ້າຍ ແກະສະລັກໃສ່ໜ້າຜາຫີນ (ຜາ ແຕ້ມ) ມີອາຍຸປະມານ 15.000ປີ, ເສົາຫີນຕັ້ງສອງແຫ່ງມີເນື້ອ ທີເກືອບ 10ເຮັກຕາ. ມີ ເສົາ ຫີນກ່ວາ 1000 ຕົ້ນມີອາຍຸ 1000 ກ່ວາປີຢູ່ເມືອງນາແລ ແລະ ອານາຈັກຊຽງແຂງ ສັດຕະວັດທີ XIV.


– ຕາມຕຳນານກ່າວມາວ່າ: ມາເຖິງປີ ຄສ 1709 ໄດ້ມີເຫດຮ້າຍເກີດຂຶ້ນ: ຄືເມືອງຫຼວງຫົວທາໄດ້ເກີດອຸທົກກະໄພຢ່າງໜັກໜ່ວງອັນເປັນສາເຫດໃຫ້ເຈົ້ານາງທັງສອງຄິດເປັນຫ່ວງເປັນໄຍນຳປະຊາຊົນລາຊະດອນທີ່ໄດ້ຮັບຄວາມເດືອດຮ້ອນ.ດັ່ງນັ້ນເຈົ້ານາງທັງສອງຈຶ່ງຮຽກເອົາຂຸນເສນາບ່າວໄພໄທເມືອງເຂົ້າເຝົ້າຮັບຄຳສັ່ງຈາກນາງວ່າ: ພະອົງເຮົາທັງສອງຈະຂີ່ເຮືອອອກໄປກວດກາໝູ່ບ້ານ ທັງຫຼາຍທີໄດ້ຮັບຄວາມເດືອດຮ້ອນເສຍຫາຍຊັບສິນສົມບັດ ຈາກນ້ຳຖ້ວມຄັ້ງນີ້ ເຈົ້ານາງທັງສອງໄດ້ມີກະແສດຳລັດໄວ້ດັ່ງ ນີ້:ຖ້າມີເຫດຮ້າຍເກີດຂຶ້ນແກ່ຊີວິດໃຫ້ຂຸນເສນາ ແລະ ໄພ່ເມືອງ ປະຕິບັດດັ່ງນີ້:ແຕ່ລະປີເມື່ອເຖິງເດືອນ 8 ຂຶ້ນ ໃຫ້ເອົາຄວາຍ ເຖິກດຳປອດບໍ່ເສຍ ອົງຄະ 1ໂຕ ໄປທານໃຫ້ພະຍາຫຼວງເຈົ້າ ຊ້າງເຜືອກ ແລະ ບັນດາ ພະເຊດຖາ.ແຕ່ລະປີເມືອເຖິງເດືອນ 8ຂຶ້ນ ໃຫ້ແມ່ນວັນ ເສັນ.

ໃຫ້ເອົາງົວແມ່ລູກອ່ອນ1ໂຕ ບໍ່ເສຍ ອົງຄະໄປທານໃຫ້ເຈົ້ານາງທັງສອງ. ແຕ່ການປຸ່ງແຕ່ງອາຫານ ແມ່ນເຮັດຄືຕອນຍັງມີຊີວິດຢູ່.ພາຍຫຼັງເຈັ້ານາງສີ້ນ ພະຊົນ ເມືອງຫຼວງຫົວທາຂາດເຈົ້າປົກຄອງເປັນເວລາ 3ປີ. ຄສ 1703 ຂຸ່ນເສນາ ແລະພ່ເມືອງຈຶ່ງໄດ້ເຊີນເອົາເຈົ້າ ໜ່ອມຫຼວງ ຈາກ ອານາຈັກສິບສອງພັນນາມາປົກຄອງ, ຄສ1736 ໄດ້ອົບ ພະ ຍົບໄປຢູ່ເມືອງວຽງນ່ານ. 3ປີຕໍ່ມາໄດ້ສ້າງ ເມືອງກຸດ ສາວະດີ (ເມືອງເງິນແຂວງໄຊຍະບູລີໃນປັດຈຸບັນ) ເຈົ້າໝ່ອມ ຫຼວງໄດ້ ເຖິງແກ່ມໍລະນະກຳໃນປີ ຄສ1751 ຈາກນັ້ນເມືອງຫຼວງ ຫົວ ໄດ້ກາຍເປັນເມືອງຮ້າງ 155ປີ.ເຈົ້ານາງເຂັມມາ ມານດາ ຂອງ ເຈົ້າຟ້າເມືອງສິງໃນຍຸກທີ1ໄດ້ກໍສ້າງພະທາດຫຼວງຊຽງຕຶງຢູ່ ຈອມພູທິດຕາເວັນອອກຂອງເມືອງສິງໃນ ຄສ1787.


– ມາເຖິງ ຄສ 1890 ເຈົ້າຫຼວງສິດທິສານໄດ້ຂຶ້ນປົກຄອງ ເມືອງ ກຸດສາວະດີ ປີຕໍ່ມາກໍ່ໄດພາໄພ່ເມືອງຂຶ້ນມາສ້າງ ເມືອງ ຫຼວງ ຫົວທາອິນທະລັງກາລາຊາທານີຄືນໃໝ່. ຄສ1892 ກໍ່ໄດ້ສ້າງ ວັດຫຼວງຂອນລັດຕະນາລາມຂຶ້ນ.
– ມາເຖິງ ຄສ1894 ໄດ້ມີກອງປະຊຸມສາມຝ່າຍຄື: ຝຣັ່ງເສດ, ອັງກິດ ແລະ ສະຫຍາມ: ໄດ້ຕົກລົງແບ່ງເຂດເມືອງຫຼວງຫົວ ທາຂຶ້ນ ກັບການ ປົກຄອງຂອງຝຣັ່ງເສດ.
– ເດືອນ 3 ຂຶ້ນ13ຄໍ່າ ຄສ 1895 ເຜົ່າໄຕ່ດຳໄດ້ອົບພະຍົບ ມາຈາກ ເຂດສິບສອງຈຸໄຕ່ ນຳໂດຍເພຍສຸວັນນະບົວຄຳ, ແສນກອ້ງ, ເພຍຄຳມີ ແລະ ຕ້າວບົວ. ໄດ້ເຂົ້າຕັ້ງຖິ່ນຖານ ຢູ່ເມືອງຫຼວງຫົວທາ.


– ວັນທີ 8 ກໍລະກົດ ຄສ 1947 ຝຣັ່ງເສດໄດ້ຕັ້ງຊື່ເປັນແຂວງ ຫົວຂອງ ປະກອບມີ 3 ເມືອງຄື: ເມືອງຫຼວງນ້ຳທາ, ເມືອງສິງ ແລະ ເມືອງຫ້ວຍຊາຍ ແລະ 4 ກອງຄື: ກອງວຽງພູຄາ, ກອງນາແລ, ກອງທ່າຟ້າ ແລະ ກອງເມືອງລອງ.


– ວັນທີ່ 6 ພຶດສະພາ ປີ1962ເມືອງຫຼວງນ້ຳທາໄດຮັບການປົດ ປ່ອຍ ແລະ ຕັ້ງຊື່ເປັນແຂວງຫຼວງນ້ຳທາ ສ່ວນເຂດຄວບ ຄຸມ ຊົ່ວຄາວ ຂອງຝ່າຍວຽງຈັນທີມີຊື່ວ່າການແຂວງ ຢູ່ຫ້ວຍຊາຍ ຍັງໃສຊື່ ແຂວງ ຫົວຂອງ. ພາຍຫຼັງໄດ້ສະຖາປະນາ ສາທາລະນະ ລັດ ປະຊາທິປະໄຕ ປະຊາຊົນລາວ. ໄດ້ໂຮມສອງເຂດເຂົ້າ ເປັນ ແຂວງດຽວ. ມາເຖິງວັນທີ 15 ມິຖຸນາ ປີ1983 ໄດ້ແບ່ງອອກ ເປັນ 2 ແຂວງຄື: ແຂວງຫຼວງນ້ຳທາ ແລະ ແຂວງ ບໍ່ແກ້ວ ໃນປັດຈຸບັນ.

Be the first to comment

Leave a Reply

Your email address will not be published.


*