ນັກຮຽນ ມສ ຜາລະແວກ ຝຶກອົບຮົມວິິຊາການທະຫານ

ວັນທີ 13 ພຶດສະພາ 2019 ນີ້ ຢູ່ໂຮງຮຽນ ມສ ຜາລະແວກ ເມືອງຮົ່ມ ແຂວງໄຊສົມບູນ ໄດ້ຈັດ ຊຸດຝຶກອົບຮົມ ວິຊາການ ສຶກສາ ປ້ອງກັນຊາດ ໃຫ້ນັກຮຽນ ຊັ້ນມັດທະຍົມປາຍ ທັງນີ້ ກໍເພື່ອໃຫ້ ມີຄວາມຮູ້ ທາງດ້ານ ວິຊາປ້ອງກັນຊາດ ແລະ ປ້ອງກັນ ຄວາມສະຫງົບ ເປັນພື້ນຖານ. ໂດຍການ ເປັນປະທານ ຂອງທ່ານ ພຕ ໄກຊົ່ງ ຕົ່ງກູ້ ຫົວໜ້າ ກອງບັນຊາການ ປກສ ເມືອງຮົ່ມ, ມີ ທ່ານ ໄທລໍ່ ຕົ່ງປາວ ອຳນວຍການ ໂຮງຮຽນ ມສ ຜາລະແວກ ແລະ ພາກສ່ວນກ່ຽວຂ້ອງ ເຂົ້າຮ່ວມ ໂດຍຈະໃຊ້ເວລາ ໃນຫານຝຶກແອບ 10 ວັນ ຈຶ່ງຈະສຳເລັດ.

ໂອກາດນີ້, ທ່ານ ພຕ ໄກຊົ່ງ ຕົ່ງກູ້ ໄດ້ໃຫ້ຮູ້ວ່າ: ວິຊາການ ປ້ອງກັນຊາດ ເປັນວິຊາໜຶ່ງ ທີມີຄວາມໝາຍ ສຳຄັນທີ່ສຸດ ຕໍ່ການປົກປັກ ຮັກສາ ປະເທດຊາດ, ສະນັ້ນ ຈຶ່ງຮຽກຮ້ອງ ໃຫ້ນ້ອງນັກຮຽນ ທີ່ໄດ້ເຂົ້າ ຝຶກອົບຮົມ ໃນຄັ້ງນີ້ ຈົ່ງເອົາໃຈໃສ່, ຈົດຈຳ ແລະ ປະຕິບັດ ຕາມຫລັກການ ສອນໃຫ້ດີ ເພື່ອເປັນ ຄວາມຮູ້ ພື້ນຖານ ໃນການປົກປັກ ຮັກສາ ບ້ານເມືອງ ກໍຄື ປະເທດຊາດ, ສິ່ງສຳຄັນແມ່ນຢາກຮຽກຮ້ອງ ໃຫ້ຄູອາຈານ ທີ່ສັງກັດ ຢູ່ໂຮງຮຽນ ມສ ຊ່ວຍຕິດຕາມ ນັກຮຽນ ບໍ່ໃຫ້ຂາດການຝຶກແອບ ເພື່ອໃຫ້ການຝຶກອົບຮົມ ໃນຄັ້ງນີ້ ໄດ້ຮັບຜົນດີ ຕາມລະດັບ ຄາດໝາຍ.


ການຝຶກອົບຮົມ ວິຊາການ ສຶກສາ ປ້ອງກັນຊາດ ໃນຄັ້ງນີ້ ມີນັກຮຽນ ເຂົ້າຝຶກທັງໝົດ 344 ຄົນ, ຍິງ 103 ຄົນ ໂດຍໄດ້ຝຶກແອບ 2 ວິຊາຄື: ວິຊາປ້ອງກັນຊາດ ຂອງວຽກງານ ປກຊ ປະກອບມີ 2 ພາກ, ມີ 4 ບົດ, ໃນນັ້ນ ພາກການເມືອງມີ 1 ບົດ ແລະ ພາກການທະຫານມີ 3 ບົດ ໂດຍຈະໃຊ້ເວລາຮຽນທັງໝົດ 8 ວັນ. ວິຊາການປ້ອງກັນ ຄວາມສະຫງົບ ຂອງວຽກງານ ປກສ ມີ 1 ບົດ ຄື: ວິຊາອັກຄີໄພ ເຊິ່ງປະກອບມີ ຊ່ວຍດັບເພິງ ແລະ ຊ່ວຍເຫລືອ ຄົນເຈັບ ຂັ້ນພື້ນຖານ ໃຊ້ເວລາ 6 ຊົ່ວໂມງ

 

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *