“ຕົ້ນຢີ່ໂຖເຫຼືອງ”ເປືອກໃຊ້ປົວໄຂ້ມາເລເຣຍ, ເປັນຢາຖ່າຍ, ເພີ່ມຄວາມດັນເລືອດ ແລະ ເປັນຢາບຳລຸງຫົວໃຈ

ບັນຍາຍລັກສະນະພືດສາດ
ພືດ: ລຳໄມ້ຍາວນານ, ຂະໜາດນ້ອຍ, ສູງ 4–5 ແມັດ, ລຳຕົ້ນໜຽວ ແລະ ຕັ້ງ, ເມື່ອລຳຕົ້ນແກ່ຈະມີສີເຂື້ອງ, ຍອດອ່ອນອອກສີຂຽວອ່ອນ.
ໃບ: ແມ່ນໃບປະເພດດ່ຽວຈັບແບບສະຫຼັບຊັບຊ້ອນກັນຢູ່ຢ່າງດົກໜາ, ໃບມີຮູບຍາວ ແລະ ແຄບ, ຍາວ 5–13 ຊັງຕີແມັດ, ກວ້າງ 0,5–1 ຊັງຕີແມັດ, ມີກ່າງໃຫຍ່ຟູ, ສ່ວນກ່າງນ້ອຍກໍ່ມີຫຼາຍແຕ່ບໍ່ເຫັນເດັ່ນຊັດ, ເນື້ອໃບໜາອອກສີຂຽວອ່ອນ ຫຼື ຂຽວເຫຼືອງ, ຜີວໃບເບື້ອງເທີງເຫຼື້ອມ.

ດອກ: ອອກເປັນພົ້ວແບບສຸດເປັນ, ຈັບຢູ່ປາຍ ຫຼື ຢູ່ຂ້າງງ່າ, ດອກມີສີເຫຼືອງ, ມີກີບຊ້ອນໄຂ່ວກັນ ແລະ ມີລັກສະນະເປັນທໍ່, ແມ່ນດອກປະເພດ 5 ແລະ ມີເພດຮ່ວມ. ໝາກ: ເວລາຍັງດິບມີສີຂຽວ, ແມ່ນປະເພດໝາກເນື້ອ ແລະ ມີແກ່ນ 2 ອັນ, ຊື່ງມີຮູບ 3 ຫຼ່ຽມ, ແກ່ນບັນຈຸນ້ຳມັນ 55–60%.

ບັນຍາຍການນຳໃຊ້
ເປືອກໃຊ້ປົວໄຂ້ມາເລເຣຍ, ເປັນຢາຖ່າຍ, ເພີ່ມຄວາມດັນເລືອດ ແລະ ເປັນຢາບຳລຸງຫົວໃຈ ຕົ້ມດື່ມ ກິນຫຼາຍອາດເຖີງຕາຍໄດ້. ໃບ ແລະ ແກ່ນຕົ້ມດື່ມເປັນຢາກະຕຸ້ນ ກິນຫຼາຍເກີນໄປອາດເຖີງຕາຍໄດ້. ຮາກເປັນຢາຖ່າຍທ້ອງ ແລະ ອາດລຸລູກໄດ້. ນອກນັ້ນພືດນີ້ຍັງໃຊ້ເປັນຢາແກ້ໄຂ້, ລົດຄວາມຮ້ອນ ແລະ ເປັນຢາເບື່ອ.

ຂອບໃຈຂໍ້ມູນຈາກ: ພາເຂົ້າລາວ

Be the first to comment

Leave a Reply

Your email address will not be published.


*