“ຣັດເຊຍ-ເກົາຫລີເໜືອ” ຫາລືຮັດແຫນ້ນສຳພັນ ທີ່ເມືອງວາລາດີວອສຕອຄ

ສຳນັກຂ່າວຕ່າງປະເທດລາຍງານຈາກເມືອງວາລາດີວອສຕອຄປະເທດຣັດເຊຍເມື່ອວັນທີ່ 25 ເມສາ 2019 ວ່າ ປະທານາທິບໍດີວາລາດີເມຍ ປູຕິນ ຜູ້ນຳຣັດເຊຍ ໃຫ້ການຕ້ອນຮັບທ່ານຄິມ ຈອງ-ອຶນ ຜູ້ນຳສູງສຸດຂອງເກົາຫຼີເຫນືອ ທີ່ສູນການປະຊຸມຂອງມະຫາວິທະຍາໄລຟາຣ ອີສເທິຣນ ໃນເມືອງວາລາດີວອສຕອຄທາງຕະເວັນອອກຂອງປະເທດ ເມື່ອວັນພະຫັດຊື່ງເປັນການພົບຫາລືກັນຢ່າງເປັນທາງການຄັ້ງທຳອິດຂອງຜູ້ນຳທັງສອງ ຂະນະດຽວກັນຍັງຖືເປັນການຢ້ຽມຢາມຣັດເຊຍເປັນຄັ້ງທຳອິດຂອງທ່ານຄິມ ຈອງ-ອຶນ ແລະຕາມຮອຍບິດາຜູ້ລ່ວງລັບຄືທ່ານຄິມ ຈອງ-ອິລ ອາດີດຜູ້ນຳສູງສຸດ ຊື່ງເດີນທາງດ້ວຍຂະບວນລົດໄຟຂ້າມຊາຍແດນມາຍັງເມືອງວາລາດີວອສຕອຄເພື່ອພົບຫາລືກັບ ທ່ານປູຕິນ 2 ຄັ້ງ ເມື່ອປີ 2002 ແລະ 2011


ທັງນີ້ ຜູ້ນຳຣັດເຊຍກ່າວເຖິງການຢ້ຽມຢາມເມືອງວາລາດີວອສຕອຄຂອງທ່ານຄິມໃນຄັ້ງນີ້ ວ່າຫນ້າຈະຊ່ວຍໃຫ້ “ທຸກຝ່າຍທີ່ກ່ຽວຂ້ອງກັບສະຖານະການເທີງຄາບສະຫມຸດເກົາຫຼີ” ສາມາດເຂົ້າໃຈທິດທາງ ແລະຄວາມເປັນໄປທາງພູມມີລັດຖະສາດ ແລະພູມມີສາດການເມືອງໃນບໍລິເວນນີ້ໄດ້ດີຍິ່ງຂື້ນ ແລະລັດຖະບານມອສໂກມີຄວາມພ້ອມໃຫ້ຄວາມສະຫນັບສະຫນູນຕໍ່ຂະບວນການພັດທະນາຢ່າງສ້າງສັນ ເພື່ອການເກີດສັນຕິພາບເທີງຄາບສະຫມຸດເກົາຫຼີ ຂະນະດຽວກັນ ຣັດເຊຍມີຄວາມຍິນດີຕໍ່ຄວາມສຳພັນລະຫວ່າງສອງເກົາຫຼີທີ່ມີພັດທະນາການໃນທາງບວກຢ່າງຕໍ່ເນື່ອງ ແລະການທີ່ຜູ້ນຳສູງສຸດຂອງເກົາຫຼີເຫນືອພົບຫາລືກັບຜູ້ນຳອາເມຣິກາຄົນປະຈຸບັນຄືປະທານາທິບໍດີໂດນັລ ທຣັມ ແລ້ວຢ່າງນ້ອຍ 2 ຄັ້ງ


ຂະນະທີ່ ຜູ້ນຳຂອງເກົາຫຼີເຫນືອ ຊື່ງເດີນທາງມາເຖິງຣັດເຊຍເມື່ອວັນພຸດ ກ່າວສະແດງຄວາມຍິນດີຢ່າງເປັນທາງການໃນນາມຂອງລັດຖະບານປຽງຢາງ ຕໍ່ການທີ່ ທ່ານປູຕິນ ໄດ້ຮັບໄຊຊະນະໃນການເລືອກຕັ້ງປະທານາທິບໍດີເມື່ອປີຜ່ານມາ ແລະຈະຢູ່ໃນວາລະອີກ 6 ປີ ແລະສະແດງຄວາມເຊື່ອຫມັ້ນວ່າການຢ້ຽມຢາມເມືອງວາລາດີວອສຕອຄຂອງຕົນຈະເປັນການພົບຫາລືຢ່າງສ້າງສັນກັບຜູ້ນຳຣັດເຊຍ ແລະບັນດາເຈົ້າຫນ້າທີ່ລະດັບສູງຂອງລັດຖະບານມອສໂກ ອີກທັງຈະເປັນການປະຊຸມທີ່ “ປະສົບຄວາມສຳເລັດ ແລະເປັນປະໂຫຍດ” ແຕ່ບໍ່ໄດ້ກ່າວລົງເລິກໃນລາຍລະອຽດ

ເຈົ້າຫນ້າທີ່ຣັດເຊຍ ຖືກະເປົ໋າຄວບຄຸມນິວເຄຣຍ 2 ຫ່ນວຍ ພ້ອມໃຫ້ປະທານາທິບໍດີໃຊ້ໃນຍາມສຸກເສີນ

 

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *