ຄໍາສົມມາ ອວຍພອນພໍ່ແມ່ ໃນປີໃໝ່ລາວ

ເນື່ອງໃນໂອກາດປີໃຫ່ມລາວນີ້ ເຊື່ອວ່າລູກໆຫລານໆ ທັງຫລາຍກໍ່ຄິດທີ່ຈະສົມມາ ຂໍໂທດຂໍອະໂຫສິກຳນຳບຸບຜະກາລີຂອງຕົນ ແຕ່ຫລາຍຄົນກໍ່ບໍ່ຮູ້ຈະກ່າວແນວໃດ ມື້ນີ້ເຮົາຈຶ່ງນຳເອົາ ຄໍາສົມມາ ອວຍພອນພໍ່ແມ່ ໃນປີໃໝ່ລາວ.

“ກໍາຊົ່ວອັນໃດ ຄວາມຜິດພາດບໍ່ເໝາະສົມອັນໃດ ທີ່ລູກໄດ້ສະແດງກະທໍາອັນໃດຕໍ່ພໍ່ແມ່ ບໍ່ວ່າເປັນທາງກາຍ ທາງວາຈາ ທາງແນວຄິດຈິດໃຈ ຈະດ້ວຍເຈດຕະນາ ບໍ່ເຈດຕະນາກໍ່ຕາມ ທາງຕໍ່ໜ້າກໍ່ດີ ທາງຫຼັງກໍ່ດີ ກໍ່ຂໍໃຫ້ພໍ່ແມ່ ຍົກໂທດ ໃຫ້ອະໄພແລະອະໂຫສິກໍາແກ່ລູກຫຼານ ເພື່ອບໍ່ໃຫ້ເປັນບາບເປັນກໍາຕໍ່ພໍ່ແມ່ ນະບາດນີ້ດ້ວຍເຖີດ

ພວກລູກເອງຈະຂໍຕັ້ງສະຕິຈິດໃຈປະຕິບັດປະພຶດແຕ່ຄຸນງາມຄວາມດີ ຈະໃຊ້ຄວາມພະຍາຍາມທຸກຢ່າງບໍ່ໃຫ້ຫຼົ້ງພັ້ງພາດເຮັດຜິດ ກະທໍາສິ່ງທີ່ບໍ່ເໝາະບໍ່ຄວນ ຕໍ່ພໍ່ແມ່ອີກ ຂໍໃຫ້ພໍ່ແມ່ສະບາຍໃຈ ພວກລູກຫຼານຈະຊ່ວຍເຫຼືອຮັກເເພງເຊີງກັນແລະກັນ ເຮັດໃຫ້ພໍ່ແມ່ມີຄວາມສຸກ ແລະພາບພູມໃຈ ຂໍຄວາມເປັນສິຣິມຸງຄຸນຈົ່ງເກີດແກ່ລູກຫຼານດ້ວຍເຖີດ.

ຂໍໃຫ້ສິ່ງສັກສິດທັງຫຼາຍ ຈົ່ງບັນດານໃຫ້ພໍ່ແມ່ມີສຸຂະພາບແຂງແຮງ ມີຄວາມສຸກສົມຫວັງ ມີອາຍຸໝັ່ນຂວັນຍືນ ເປັນຮົ່ມໂພຮົ່ມໄຊ ເປັນທີ່ເຄົາລົບຮັກຂອງລູກຫຼານຕະຫຼອດໄປ ສາທຸ ສາທຸ”

ຂອບໃຈຂໍ້ມູນຈາກ: ຜະຫຍາລາວ

Be the first to comment

Leave a Reply

Your email address will not be published.


*