ປະທານວຸດທິສະພາ ຮັບຕຳແຫນ່ງປະທານາທິບໍດີແຫ່ງຄາຊັກສະຖານ

ສຳນັກຂ່າວຮອຍເຕີລາຍງານຈາກນະຄອນອັສຕານາປະເທດຄາຊັກສະຖານເມື່ອວັນທີ່ 20 ມີນາ 2019 ວ່າຫລັງຈາກທີ່ປະທານາທິບໍດີນູຣສຸລຕ່ານ ນາຊາຣເບເຢຟ ອາຍຸ 78 ປີ ປະກາດລາອອກຈາກຕຳແຫນ່ງ ຫລັງຄອງອຳນາດມາດົນນານ 30 ປີເມື່ອວັນອັງຄານທີ່ຜ່ານມາ ນັບເປັນກ້າວທຳອິດຂອງການຖ່າຍໂອນອຳນາດໃນທາງການເມືອງ ແຕ່ກໍ່ເບີ່ງກັນວ່າ ທ່ານຍັງສາມາດຄຸມອຳນາດໃນການເບິ່ງແຍງ ແລະບໍລິຫານປະເທດໃນພູມມີພາກເອເຊຍກາງຊື່ງມີປະຊາກອນ 18 ລ້ານຄົນໂດຍທ່ານຄັສຊິມ-ໂຈນາຣຕ ໂທຄາເຢຟ ອາຍຸ 65 ປີ ປະທານວຸດທິສະພາຊື່ງເຄີຍເປັນນັກການທູດຜູ້ຊ່ຽວຊານທັງພາສາຣັດເຊຍ ອັງກິດ ແລະຈີີນ ໄດ້ສາບານຕົນເຂົ້າຮັບຕຳແຫນ່ງປະທານາທິບໍດີຄົນໃຫ່ມຂອງຄາຊັກສະຖານຕາມວາລະທີ່ເຫລືອຢູ່ຂອງປະທານາທິບໍດີນາຊາຣບາເຢຟ ກ່ອນທີ່ຈະເຖິງການເລືອກຕັ້ງຊິງຕຳແຫນ່ງປະທານາທິບໍດີຄາຊັກສະຖານໃນເດືອນເມສາປີຫນ້າ

ຊື່ງທັງຫມົດນີ້ເປັນໄປຕາມບົດບັນຍັດໃນລັດຖະທຳມະນູນ ຊື່ງປະທານາທິບໍດີຄົນໃຫ່ມຂອງຄາຊັກສະຖານໄດ້ໃຫ້ຄຳຫມັ້ນວ່າຈະສືບຕໍ່ນະໂຍບາຍຂອງອາດີດປະທານາທິບໍດີນາຊາຣບາເຢຟຕໍ່ໄປ ພ້ອມກັນນັ້ນກໍ່ຍັງໄດ້ສະເຫນີທີ່ຈະປ່ຽນຊື່ເມືອງຫລວງນະຄອນອັສຕານາ ເປັນນູຣສຸລຕ່ານ ຕາມຊື່ ຂອງ ອາດີດປະທານາທິບໍດີ ນູຣສຸລຕ່ານ ນາຊາຣບາເຢຟ ອີກດ້ວຍ


ຢ່າງໃດກໍ່ຕາມ ຍັງບໍ່ເປັນທີ່ຊັດເຈນວ່າ ທ່ານໂທຄາເຢຟອາດີດນາຍົກລັດຖະມົນຕີອີກຕຳແຫນ່ງຊື່ງເຄີຍໄປຮຽນຢູ່ທີ່ນະຄອນມອສໂກຂອງຣັດເຊຍດ້ວຍ ຈະລົງສະຫນັກເພື່ອຊິງຕຳແຫນ່ງປະທານາທິບໍດີຄົບເຕັມວາລະໃນປີຫນ້າຫຼືບໍ່ແຕ່ປະທານາທິບໍດີນາຊາຣບາເຢຟໄດ້ກ່າວຍົກຍ້ອງວ່າ ເປັນບຸກຄົນທີ່ສາມາດໄວ້ໃຈໄດ້ໃນການເປັນຜູ້ນຳຄາຊັກສະຖານ ສຳລັບລູກສາວຂອງທ່ານຄືນາງດາຣິກາ ນາຊາຣບາເຢຟນັ້ນກໍ່ໄດ້ຮັບການແຕ່ງຕັ້ງເປັນປະທານວຸດທິສະພາຄົນໃຫ່ມ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *