ລົດຈັກຕໍາລົດຈັກ ເສຍຊີວິດຄາທີ່ 1 ທີ່ທາງເມືອງປາກອູ ຫລວງພະບາງ

ໜ່ວຍກູ້ຊີບອົງການກາແດງລາວ ສາຂາຫຼວງພະບາງ ລາຍງານໃຫ້ຮູ້ວ່າ ໃນວັນທີ 16 ມີນາ 2019 ເວລາປະມານ 22:57 ໂມງ ໄດ້ຮັບແຈ້ງຈາກປະຊາຊົນເຂົ້າເບີ 0711625 ວ່າມີອຸບັດຕິເຫດລົດຈັກຕຳກັບລົດຈັກ ຢູ່ເສັ້ນທາງໄປເມືອງແຊງ ບ້ານສີວິໄລ ເມືອງປາກອູ, ແຂວງຫຼວງພະບາງ.

ເມື່ອທາງໜ່ວຍກູ້ຊີບອົງການກາແດງລາວ ຫຼວງພະບາງ ໄດ້ອອກກວດສອບເຫດເຫັນຄົນເຈັບ 2 ຄົນ ເປັນເພດຊາຍທັງສອງ.

ອາການບາດເຈັບເບື້ອງຕົ້ນມີດັ່ງນີ້
ຜູ້ທີ່1: ມີບາດແຜຈີກໃຫຍ່ຢູ່ບໍລິເວນຫນ້າຜາກ,ເຈັບໜ້າເອີກແລະເຈັບຂາເບື້ອງຊ້າຍ.

ຜູ້ທີ່2: ແມ່ນເສຍຊີວິດກ່ອນທີໜ່ວຍກູ້ໄພຈະໄປຮອດ
ດັ່ງນັ້ນ ທາງທີມງານຫນ່ວຍກູ້ຊີບ ອົງການກາ ແດງລາວຫລວງພະບາງ ຈຶ່ງໄດ້ໃຫ້ການປະຖົມພະຍາບານເບື້ອງຕົ້ນແລະມ້ຽນຜູ້ເສຍຊີວິດ ແລ້ວນຳສົ່ງໂຮງໝໍ ແຂວງຫລວງພະບາງ ແລະໂຮງເຢັນ.

#ພົບເຫັນອຸບັດຕິເຫດ&ເຈັບປ່ວຍສຸກເສີນໂທແຈ້ງ 1625; 0711625; 030 2251625; 030 9211625 ບໍລິການຟຣີຕະຫລອດ24ຊົ່ວໂມງ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *